المساعد الشخصي الرقمي

مشاهدة النسخة كاملة : شكد طلعت معدل بالسادس علمي:D



رافت البدران
05-09-2010, 12:31 PM
هلوووووووووو

احبابي

شلونكم

زوينين الامتحانات شلونها

الدراسة شلونهة

يلا من العنوان بما ان القسم للطلبة

هسة انريد نعرف اختصاصاتكم ومعدلاتكم شكد بالسادس علمي:p:rolleyes:

شكد طلعت معدل بالسادس /دور اول لو ثاني وكم سنة ربصت يعني بركت بالسادس:D


وطبعا بس العراقيين لان الدول الاخرى غير نظام:D عذرونا:o

وشنو كان قبولك:72:

يلا انشوف حتى نعرف الثقافات العراقية هنا:o

المهندس اليكهرب (رأفت)

رحـيق
05-09-2010, 01:57 PM
شلون موضوع الصراحة حللوو .. بالله منين جاي اتجيب هاي المواضيع ؟؟

اني طلعت 86.5 علمي :( .. والله جان ودي اطلع اكثر من هيج بس السنة اللي درست بيها جانت سودة والدرجات متخربطة اتخيل الرياضايات جان من 300 والفيزياء من 200 واسئلة صعبة والدفعة الورانة غيروا سوو كل الدرجات من 100 :( ..

نوره الموسوي
05-09-2010, 05:46 PM
موضوع روعه تسلم رأفت
اني طلعت 89.7دور اول ولا سنه راسبه
كنت اتمنى اطلع كليه طب اسنان بس الحظ محالفني
كنت وحدي بالبيت وماما مسافره فوكَع البيت كله براسي يعني مو وكَع عليه :D
لالا اقصد بابا واخواني مسؤليتهم وكَعت على عاتقي
حجيت قصه
عود سويها روايه:D
تحيااااااااااتي

لور
05-10-2010, 12:24 AM
السنة الأولى 82 جيد
بس وقعت على اعادة وعدت السنة وطلعت ممتاز 92 والحمدلله

وانت رأفت ؟ :tongue_sm

قلبٌ تحت الإنقاض
05-10-2010, 01:01 PM
رأفت مو خوش موضوع شبي سادس ادبي كارصك:mad:
ولو آني ممشمول بالموضوع بس راح اكول على عناد العلميين:***l:
آني طلعت معدل 69:Dوهم بالكوه ذبيت جهد مو طبيعي

خُرافة
05-10-2010, 01:06 PM
98.7 و درجتين فرنسي و درجتين عدم رسوب

live
05-10-2010, 04:51 PM
وصلت سادس علمي طلعت من العراق
انقهرت بوقتها
تركت كل شي
امنيتي جانت اخلص السادس وانجح ادخل جامعه بعدين مصارت والحمد لله الله عوضني شهاده حلوه
اتمنيت اعيش اجواء الجامعات بالعراق الحمد لله ربي عوض بشهاده احلة
يسلموووووووووووو

خُرافة
05-10-2010, 04:53 PM
و الله احسن شيء سويته خرب بالعراق و جامعاته

رافت البدران
05-12-2010, 07:19 AM
السنة الأولى 82 جيد
بس وقعت على اعادة وعدت السنة وطلعت ممتاز 92 والحمدلله

وانت رأفت ؟ :tongue_sm


ال 82 جيد جدا مو جيد:D

سباعية والله وشنو انقبلتي؟؟


انا سنة وحدة بس عدت الانكلش دور ثاني حتى للامان اذا ماطلعت معدل زين اعيد السنة

والحمد لله من جبت درجة زينة وعدت الانكليزي جبت بالانكلش 99 :D بس ملاعين أخذوا 5 درجات لان عدت دور ثاني

فصار معدلي 92 وانقبلت هندسة كهرباء

الحمد لله


شلون موضوع الصراحة حللوو .. بالله منين جاي اتجيب هاي المواضيع ؟؟

اني طلعت 86.5 علمي :( .. والله جان ودي اطلع اكثر من هيج بس السنة اللي درست بيها جانت سودة والدرجات متخربطة اتخيل الرياضايات جان من 300 والفيزياء من 200 واسئلة صعبة والدفعة الورانة غيروا سوو كل الدرجات من 100 :( ..


ههههههههههههه الحلو مشاركتج الرائعة رحووق
كل هالمواضيع ايطلعن من المخ هههههههههه


اول ما شاركت بالمنتدى كان مخي واسع ومن فرغت المعلومات والمواضيع هسة فارغ دأدور ع مواضيع ما لاكي الا القليل ههههههههه

تعاي تعاي شنو انتي بالعراق!!؟؟
لان اول مرة اسمع الدرجات من 300 ومن 200 !!

بيا سنة هاي؟؟
وشنو صار قبولج :)؟؟؟






موضوع روعه تسلم رأفت
اني طلعت 89.7دور اول ولا سنه راسبه
كنت اتمنى اطلع كليه طب اسنان بس الحظ محالفني
كنت وحدي بالبيت وماما مسافره فوكَع البيت كله براسي يعني مو وكَع عليه :D
لالا اقصد بابا واخواني مسؤليتهم وكَعت على عاتقي
حجيت قصه
عود سويها روايه:D
تحيااااااااااتي


تسلمي علوية انورتي
معدل حلو ههههههههههههههه الله يعينج خطية
اي انسويها ليش لا

اكيد هسة انقبلتي صيدلانية مو؟؟؟

لان انا بوقتي الصيدلة كانت 95 و96
والاسنان 97
والطب من 97 فصاعدا:(:mad:

رافت البدران
05-12-2010, 07:30 AM
وصلت سادس علمي طلعت من العراق
انقهرت بوقتها
تركت كل شي
امنيتي جانت اخلص السادس وانجح ادخل جامعه بعدين مصارت والحمد لله الله عوضني شهاده حلوه
اتمنيت اعيش اجواء الجامعات بالعراق الحمد لله ربي عوض بشهاده احلة
يسلموووووووووووو

الحمد لله والشكر
يسلم مرورك الورد
شو صار قبولج هسة؟؟




98.7 و درجتين فرنسي و درجتين عدم رسوب

أشو ما أمبين عليك يمكن انت ابن وزير:D لو كنت بعثي مثلا:D لو ابن ضابط:)
كول حباب شكد انطوك درجات زيادة عشرة و15 مو ؟؟
سباعي تستاهل الطب




رأفت مو خوش موضوع شبي سادس ادبي كارصك:mad:
ولو آني ممشمول بالموضوع بس راح اكول على عناد العلميين:***l:
آني طلعت معدل 69:Dوهم بالكوه ذبيت جهد مو طبيعي


ههههههههههههههههه اسف والله جدا جدا
ما ادري ليش كتبت العلمي وبس



لا طبعا انتم ايضا مشمولين:)

الظاهر تاريخ العراق المعاصر هجي سوة بيك:D

وهسة شنو انقبلت؟؟

لور
05-12-2010, 11:49 AM
لا احنا يمنا الجيد جدا من 85 فما فوق
و طبعا يمنا الجيد جدا يقدر يدخل طب
انقبلت طب بس توجهت للهندسة وحاليا ادرس هندسة معمارية :)

رافت البدران
05-12-2010, 12:17 PM
لا احنا يمنا الجيد جدا من 85 فما فوق
و طبعا يمنا الجيد جدا يقدر يدخل طب
انقبلت طب بس توجهت للهندسة وحاليا ادرس هندسة معمارية :)

انتو وين يعني:(؟؟

هههههههههههههه
جيد جدا المعماري اختصاص حلو بس 5 سنوات:(

وبالعراق الاختيار ايصير حسب التنافس والمعدل ونسبة معينة وما يعتمدوا على جيد جدا او امتياز

أحنا بسنتا المعماري لازم معدل 95 او 94

موفقة يارب بالدراسة انشالله انشوفج متخرجة كمهندسة معمارية:)

طلعتي أصغر مني:)

رحـيق
05-12-2010, 02:45 PM
ههههههههههههه الحلو مشاركتج الرائعة رحووق
كل هالمواضيع ايطلعن من المخ هههههههههه


اول ما شاركت بالمنتدى كان مخي واسع ومن فرغت المعلومات والمواضيع هسة فارغ دأدور ع مواضيع ما لاكي الا القليل ههههههههه


تعاي تعاي شنو انتي بالعراق!!؟؟
لان اول مرة اسمع الدرجات من 300 ومن 200 !!


بيا سنة هاي؟؟
وشنو صار قبولج :)؟؟؟







تدلل حجي مواضيعك الحلوة اتخلي الواحد غصب يشارك بيهن ..

ههههههههههه اني من شاركت لهسة مخي نفسة ما اتغير ما عندي مواضيع حلوة :( ..

لا لا مو بالعراق هاي بالامارات \ اي والله على حظي غيروا المناهج وجابولنا مناهج الاستاذة ميعرفون يدرسوها ولا نعرف الاسئلة شلون راح تجي جنت ادرس وما عندي اوراق احلها مثلا اشتريها من المكتبة ماكو , جان مرات يجي الموجة يوزع علينا اسئلة متفرقة وهاي هي :( ..اما بخصوص توزيع الدرجات جانوا ضالمينا بي الرياضيات 300 اتخيل وعدد صفحات الاسئلة تجي تقريبا 12 صفحة وكل سؤال اشطوله و الوقت 3 ساعات فقط .. :( .. والفيزياء والعربي من 200 ونفس الشئ طويل ويخربط .. يعني سؤال الاختيارات المتعددة اذا غلطت بأختيار واحد تروح 5 درجات :( ...

بس بعدين بالشهادة موزعين الدرجات غلط ولاعبين بينا طوبا وبعدين ابوي راح للوزارة وقال للهم عن الغلط ف السنة الورانا غيروا لهم النظام وسوو كل الدرجات من 100 .. :( .

واني بعدني ما اعرف قبولي شنو ما مقدمة \ اني خريجة 2008

ها شنو رايك بقصة حياتي الحزينة :( ..

live
05-12-2010, 07:29 PM
طب...............

بنوته العراق
05-12-2010, 07:38 PM
http://www.iraqup.com/up/20100512/oBwNv-Y162_111524905.gif
على الموضوع
بس مو سادس رابع اريده

soft baghdad
05-12-2010, 09:29 PM
هلووووووووووو روفي
ليش هيجي ذكرتني بايام السادس كانت ايام عصيبه جداجدا عليه
معدلي 77 انقبلت علوم بايو بس محبيت فحولت تربيه انكليزي
والحمدلله برغبتي وبنجاح متميز ابدعت بهذا القسم والشكر لله

رافت البدران
05-13-2010, 06:13 AM
طب...............

حلو والله

بعد ما اسميج غير بس دكتورة:)




تدلل حجي مواضيعك الحلوة اتخلي الواحد غصب يشارك بيهن ..

ههههههههههه اني من شاركت لهسة مخي نفسة ما اتغير ما عندي مواضيع حلوة :( ..

لا لا مو بالعراق هاي بالامارات \ اي والله على حظي غيروا المناهج وجابولنا مناهج الاستاذة ميعرفون يدرسوها ولا نعرف الاسئلة شلون راح تجي جنت ادرس وما عندي اوراق احلها مثلا اشتريها من المكتبة ماكو , جان مرات يجي الموجة يوزع علينا اسئلة متفرقة وهاي هي :( ..اما بخصوص توزيع الدرجات جانوا ضالمينا بي الرياضيات 300 اتخيل وعدد صفحات الاسئلة تجي تقريبا 12 صفحة وكل سؤال اشطوله و الوقت 3 ساعات فقط .. :( .. والفيزياء والعربي من 200 ونفس الشئ طويل ويخربط .. يعني سؤال الاختيارات المتعددة اذا غلطت بأختيار واحد تروح 5 درجات :( ...

بس بعدين بالشهادة موزعين الدرجات غلط ولاعبين بينا طوبا وبعدين ابوي راح للوزارة وقال للهم عن الغلط ف السنة الورانا غيروا لهم النظام وسوو كل الدرجات من 100 .. :( .

واني بعدني ما اعرف قبولي شنو ما مقدمة \ اني خريجة 2008

ها شنو رايك بقصة حياتي الحزينة :( ..

والله اتعور القلب قصتج

شنو هذا انتقام!! معقولة 12 صفحة ههههههههههه

الله يعينج والله بس يجوز الاسئلة دار دور:D

وهسة شو الحل من صارلج معدل؟؟؟؟؟؟؟؟؟؟؟؟؟؟

يعني ميسمحولج بالتقديم
؟؟

والله ظلم توقعت الدول افضل من عدنا طلعنا احنا افضل لان يختارون على التنافس السنوي

احنا اجا قرار السنة الفاتت مدري القبلها اللي معدلة 50 الى 60 يكعد بالبيت ما ألة تقديم
فأكثرهم راحوا معاهد وكليات مسائية على حسابهم
وصارت هوسة
لعد انتم كيف!!

الله يعينكم يارب وتحصليلج شهادة زينة بس تابعيها لتتركيها






http://www.iraqup.com/up/20100512/oBwNv-Y162_111524905.gif
على الموضوع
بس مو سادس رابع اريده

هههههههههههههههه
الرابع منيلة قبول!!

الله كريم انتي شاطرة انشالله ومن توصلي للسادس وتطلعي معدل ردي على موضوعي:D

انورتي كتكوتة هلا بيج


هلووووووووووو روفي
ليش هيجي ذكرتني بايام السادس كانت ايام عصيبه جداجدا عليه
معدلي 77 انقبلت علوم بايو بس محبيت فحولت تربيه انكليزي
والحمدلله برغبتي وبنجاح متميز ابدعت بهذا القسم والشكر لله

احم احم

اي صح شاطرة ربي يخليكي

كلنا هجي مرينا بايام صعبة
انا صادفت ظروفي بزمن الحصار حتى بنيتلي كوخ وعندي صورة الة ههههههههه الشباك من شبكة ثلاجة والسقف جينكو والباب ستارة والخ:D

بس الحمد لله كل هالظروف وطلعت معدل زين
الحمد لله

تحياتي انورتي

عراقية بنكهة ليبية
05-13-2010, 07:45 AM
وطبعا بس العراقيين لان الدول الاخرى غير نظام عذرونا؟؟

بس العراقيين لو العراقيين وهم مقيمين بالعراق ...لان شفت ردود لعراقيين بغير دول..يعني نظام العراق يا سيد رأفت لا ينطبق عليهم

لهذا السبب اني راح ارد حتى لو ما جنت عراقية وماساكنة بالعراق هههههههههه( اني ست حشّورة احب احشر انفي في اللي يخصني والمايخصني )

اني معدلي بالبكالوريا بالسوري (بالرابع ثانوي عندنا )او بالسادس علمي ع قولتكم جانت95,36وانقبلت طب بشري..والحمد لله ماشية فيه كويس ...
كنت ناوية اكثر بس الحمد لله سنتنا كانت عصيبة جدا ...درست وخلصت المناهج لوحدنا لان صارت ظروف بالمدرسة ..
الاستاذ اللي درسنا بمادة الباثولوجي (علم الامراض)مات بجلطة دماغية ..ومعلمة( الفيزياء الطبية )جانت تتوحم و الوحم متعبها يوم نجي وعشرة بالبيت وبعدها انقطعت عن المدرسة الى ان ولدت بس الحمد لله ما ماتت..
واجانا مدرس بديل بالفيزياء وهذا الاخر وكع من درج العمارة وانكسرت رجله وانقطع هو الاخر بس حرامات(كان فلتة زمانه),,اضطريت اخلص المنهج لوحدي
مدرس الكميونتي هلث (صحة المجتمع) ابنه توفي بعيد عنكم بسرطان دم واضطر يرجع لبلده..


الخ..........وغيرها من القصص اللي حصلت بس اكتفيت بهذا القدر لان خفت اكون مملة
سلامات يا حلوين دعواتكم باقيلي يومين ع الامتحانات النهائية

شكرا للانصات وحسن الاستماع ..العفو اقصد للمتابغة مع قصصي المملة بس صارلي فتر ةما داخلة للمنتدى وكلت خلي افش خلقي بالموضوع

تقبلوا تحياتي:ريومة الليبية ((عراقية بنكهة ليبية))

رافت البدران
05-13-2010, 10:06 AM
وطبعا بس العراقيين لان الدول الاخرى غير نظام عذرونا؟؟

بس العراقيين لو العراقيين وهم مقيمين بالعراق ...لان شفت ردود لعراقيين بغير دول..يعني نظام العراق يا سيد رأفت لا ينطبق عليهم

لهذا السبب اني راح ارد حتى لو ما جنت عراقية وماساكنة بالعراق هههههههههه( اني ست حشّورة احب احشر انفي في اللي يخصني والمايخصني )

اني معدلي بالبكالوريا بالسوري (بالرابع ثانوي عندنا )او بالسادس علمي ع قولتكم جانت95,36وانقبلت طب بشري..والحمد لله ماشية فيه كويس ...
كنت ناوية اكثر بس الحمد لله سنتنا كانت عصيبة جدا ...درست وخلصت المناهج لوحدنا لان صارت ظروف بالمدرسة ..
الاستاذ اللي درسنا بمادة الباثولوجي (علم الامراض)مات بجلطة دماغية ..ومعلمة( الفيزياء الطبية )جانت تتوحم و الوحم متعبها يوم نجي وعشرة بالبيت وبعدها انقطعت عن المدرسة الى ان ولدت بس الحمد لله ما ماتت..
واجانا مدرس بديل بالفيزياء وهذا الاخر وكع من درج العمارة وانكسرت رجله وانقطع هو الاخر بس حرامات(كان فلتة زمانه),,اضطريت اخلص المنهج لوحدي
مدرس الكميونتي هلث (صحة المجتمع) ابنه توفي بعيد عنكم بسرطان دم واضطر يرجع لبلده..


الخ..........وغيرها من القصص اللي حصلت بس اكتفيت بهذا القدر لان خفت اكون مملة
سلامات يا حلوين دعواتكم باقيلي يومين ع الامتحانات النهائية

شكرا للانصات وحسن الاستماع ..العفو اقصد للمتابغة مع قصصي المملة بس صارلي فتر ةما داخلة للمنتدى وكلت خلي افش خلقي بالموضوع

تقبلوا تحياتي:ريومة الليبية ((عراقية بنكهة ليبية))

ههههههههههههههههههههه

اي صح انا قصدت بالعراق تختلف القوانين بس مافهموها ربعنا:)

المهم هلا بيهم زادنا مشاركاتهم معلومات عن بلاد اخرى منعرف بيها

اي سباعية دكتورة

بس شنو امسوين دعوة ع الاساتذة موتوهم كلهم ههههههههههههههه

كل الهلا بيج انورتي

موفقة بالامتحانات يوم التخرج انشالله

live
05-13-2010, 02:50 PM
يسلمووووو

خُرافة
05-13-2010, 02:55 PM
وينكم

الشهد
05-13-2010, 08:07 PM
رأفت مو خوش موضوع شبي سادس ادبي كارصك:mad:
ولو آني ممشمول بالموضوع بس راح اكول على عناد العلميين:***l:
آني طلعت معدل 69:Dوهم بالكوه ذبيت جهد مو طبيعي




ههههههههه اني هم احتج شبيه الادبي
مااعرف احس اللي يدخل ادبي يكون محبوب اكثر من العلمي ( واني اولهم ) :rolleyes:

اني ممجربه الدور الثاني ابد ولااعرف احساسه ولو صديقتي تكول حلو الدور الثاني
اني طلعت معدل 90 مع العلم اني انقبل قانون بس اني محبيت ادخل هاي الجامعه
لان كل تفكيري كان منصب على الانكليزي ودخلت كليه لغات قسم انكليزي

شكرا رافت ياجماعه العلمي :)

خُرافة
05-13-2010, 08:37 PM
ههههههههه اني هم احتج شبيه الادبي
مااعرف احس اللي يدخل ادبي يكون محبوب اكثر من العلمي ( واني اولهم ) :rolleyes:

اني ممجربه الدور الثاني ابد ولااعرف احساسه ولو صديقتي تكول حلو الدور الثاني
اني طلعت معدل 90 مع العلم اني انقبل قانون بس اني محبيت ادخل هاي الجامعه
لان كل تفكيري كان منصب على الانكليزي ودخلت كليه لغات قسم انكليزي

شكرا رافت ياجماعه العلمي :)

اصلا الادبي كلاكيع و مينبلعون هع

الشهد
05-13-2010, 08:56 PM
اصلا الادبي كلاكيع و مينبلعون هع


كلاكيع يعني ايه :confused:
خلي نشوف منو بينا ادبي ومنو علمي نسوي قائمه بالاسماء وبعدين نحكم اوووكي

خُرافة
05-13-2010, 09:33 PM
عوكي موافغ

أم غديـــــر
05-14-2010, 03:17 PM
اني اول سنة بالسادس العلمي رسبت :( عدت السنة بـــ2003 يعني بالحرب ونجحت من اول دور وطلعت معدل على كد حالي 65 وانقبلت معهد تقني كربلاء بس داومت كلية تربية بنات جامعة بغداد (مسائي ) وتخرجت وكعدت بالبيت ونسيت الشهادة:D:D

بنوته العراق
05-14-2010, 05:19 PM
هههههههههههههههه
الرابع منيلة قبول!!

الله كريم انتي شاطرة انشالله ومن توصلي للسادس وتطلعي معدل ردي على موضوعي

انورتي كتكوتة هلا بيج المشاركه الاصليه كتبت بواسطة رافت <<<


ما ما ما اني بس اخذ درجاتي مال اخير السنه
اجي اكلكم على درجاتي اوكي^

قلبٌ تحت الإنقاض
05-14-2010, 10:54 PM
ولك خُرافة...شبي الأدبي...اشو يخرج ناس تربويين وقانونين ...الا انتم اهل العلمي مبارك بايو...طب..ولعبان نفس...تعال واشبع ضحك على ابحاث التخرج مالتكم.....اهل البايو يدورن صراصير وابو بريص...يسون علي بحث تخرج..وووووووو هواي شغلات مقرفه مقرفه مقرفه.....والهندسه ولا تبليط بي حظ بالعراق ...كلها بيها روطان خو البنايات حدث ولا حرج كليه الهندسه نفسها جنها حي سكني :p

صدمة انسان
05-15-2010, 04:00 AM
:(:(:(:(
والله انتو محظوظين
تستعدون في سنه واحده للقبول بالجامعه
واحنا بالسعوديه سنتين
والله تعب
والدرجه تحسب ب7 درجات ونص
وبعدين ينتظرنا اختبار القدرات والتحصيلي
اللي يكون 70%
والسنتين اللي درسناها من 30%
يعني ماله داعي نسبة الدراسة بالمدرسه عندنا كله يعتمد
على القدرات
تجيب تنقبل ما تجيب انقلع:cry_smile

:rolleyes: ادعولي انجح بأختبار القدرات والتحصيلي
بعد 20 يوم
واجيب في التسعينيات

خُرافة
05-15-2010, 04:36 AM
ولك خُرافة...شبي الأدبي...اشو يخرج ناس تربويين وقانونين ...الا انتم اهل العلمي مبارك بايو...طب..ولعبان نفس...تعال واشبع ضحك على ابحاث التخرج مالتكم.....اهل البايو يدورن صراصير وابو بريص...يسون علي بحث تخرج..وووووووو هواي شغلات مقرفه مقرفه مقرفه.....والهندسه ولا تبليط بي حظ بالعراق ...كلها بيها روطان خو البنايات حدث ولا حرج كليه الهندسه نفسها جنها حي سكني :p
هع اقلها ننقز البشرية انتو شسوون حدايق


ثم عيني لؤي شنو هي المغرفة

يمه يلبيتكم بشارع الشانزلزيه

رحـيق
05-15-2010, 07:56 PM
[QUOTE=رافت البدران;1492304]




والله اتعور القلب قصتج

شنو هذا انتقام!! معقولة 12 صفحة ههههههههههه

الله يعينج والله بس يجوز الاسئلة دار دور:D

وهسة شو الحل من صارلج معدل؟؟؟؟؟؟؟؟؟؟؟؟؟؟

يعني ميسمحولج بالتقديم
؟؟

والله ظلم توقعت الدول افضل من عدنا طلعنا احنا افضل لان يختارون على التنافس السنوي

احنا اجا قرار السنة الفاتت مدري القبلها اللي معدلة 50 الى 60 يكعد بالبيت ما ألة تقديم
فأكثرهم راحوا معاهد وكليات مسائية على حسابهم
وصارت هوسة
لعد انتم كيف!!

الله يعينكم يارب وتحصليلج شهادة زينة بس تابعيها لتتركيها

شفت شلون هئ هئ راح ابجي :( ..

اي والله اسئلة طويلة وكلها مسائل هههههههههه هي شوية بيها دار دور اختيارات مثلا بس البقية مسائل وجيب الحاسبة و ودي القانون :( ..

شوف هنا النظام ما يهتم هواي بالمعدل يعني اتجيب 70 او 80 تدخل طب اسنان لانه الجامعات بفلوس ادفع تدرس وهنا المشكلة فلوس حيل غالية وما اقدر ادرس ف قاعدة بالبيت هئ هئ هئ

رافت البدران
05-16-2010, 08:58 AM
:(:(:(:(
والله انتو محظوظين
تستعدون في سنه واحده للقبول بالجامعه
واحنا بالسعوديه سنتين
والله تعب
والدرجه تحسب ب7 درجات ونص
وبعدين ينتظرنا اختبار القدرات والتحصيلي
اللي يكون 70%
والسنتين اللي درسناها من 30%
يعني ماله داعي نسبة الدراسة بالمدرسه عندنا كله يعتمد
على القدرات
تجيب تنقبل ما تجيب انقلع:cry_smile

:rolleyes: ادعولي انجح بأختبار القدرات والتحصيلي
بعد 20 يوم
واجيب في التسعينيات

يبوووووووووووووووي

موفقة يارب انشالله تنجحي بالاختبار

احنا نظامنا بالعراق هو

أبتدائية 6 سنوات

بعدها متوسطة واعدادية 6

بصف الخامس الاعدادي يبدي انشطار الرابع الى ادبي وعلمي

بعدها بالسادس علمي وادبي ندخل امتحان وزاري موحد بس الادبي تختلف اسألتهم

انطلع معدل ونقدم على الجامعات
تقديمنا ايكون كالتالي نختار مثلا طب بالاول بعدها الهندسة وننزل فيبدون ايجربون معدلنا اذا يقبل او لا الى ان يوصلوا الى شي مناسب للمعدل ايقبلوه عليه وخلاص





ولك خُرافة...شبي الأدبي...اشو يخرج ناس تربويين وقانونين ...الا انتم اهل العلمي مبارك بايو...طب..ولعبان نفس...تعال واشبع ضحك على ابحاث التخرج مالتكم.....اهل البايو يدورن صراصير وابو بريص...يسون علي بحث تخرج..وووووووو هواي شغلات مقرفه مقرفه مقرفه.....والهندسه ولا تبليط بي حظ بالعراق ...كلها بيها روطان خو البنايات حدث ولا حرج كليه الهندسه نفسها جنها حي سكني :p



هههههههههههههههه
الرابع منيلة قبول!!

الله كريم انتي شاطرة انشالله ومن توصلي للسادس وتطلعي معدل ردي على موضوعي

انورتي كتكوتة هلا بيج المشاركه الاصليه كتبت بواسطة رافت <<<


ما ما ما اني بس اخذ درجاتي مال اخير السنه
اجي اكلكم على درجاتي اوكي^


اني اول سنة بالسادس العلمي رسبت :( عدت السنة بـــ2003 يعني بالحرب ونجحت من اول دور وطلعت معدل على كد حالي 65 وانقبلت معهد تقني كربلاء بس داومت كلية تربية بنات جامعة بغداد (مسائي ) وتخرجت وكعدت بالبيت ونسيت الشهادة:D:D


عوكي موافغ



كلاكيع يعني ايه :confused:
خلي نشوف منو بينا ادبي ومنو علمي نسوي قائمه بالاسماء وبعدين نحكم اوووكي



اصلا الادبي كلاكيع و مينبلعون هع



ههههههههه اني هم احتج شبيه الادبي
مااعرف احس اللي يدخل ادبي يكون محبوب اكثر من العلمي ( واني اولهم ) :rolleyes:

اني ممجربه الدور الثاني ابد ولااعرف احساسه ولو صديقتي تكول حلو الدور الثاني
اني طلعت معدل 90 مع العلم اني انقبل قانون بس اني محبيت ادخل هاي الجامعه
لان كل تفكيري كان منصب على الانكليزي ودخلت كليه لغات قسم انكليزي

شكرا رافت ياجماعه العلمي :)



وينكم

رافت البدران
05-16-2010, 09:20 AM
:(:(:(:(
والله انتو محظوظين
تستعدون في سنه واحده للقبول بالجامعه
واحنا بالسعوديه سنتين
والله تعب
والدرجه تحسب ب7 درجات ونص
وبعدين ينتظرنا اختبار القدرات والتحصيلي
اللي يكون 70%
والسنتين اللي درسناها من 30%
يعني ماله داعي نسبة الدراسة بالمدرسه عندنا كله يعتمد
على القدرات
تجيب تنقبل ما تجيب انقلع:cry_smile

:rolleyes: ادعولي انجح بأختبار القدرات والتحصيلي
بعد 20 يوم
واجيب في التسعينيات

يبوووووووووووووووي

موفقة يارب انشالله تنجحي بالاختبار

احنا نظامنا بالعراق هو

أبتدائية 6 سنوات

بعدها متوسطة واعدادية 6

بصف الخامس الاعدادي يبدي انشطار الرابع الى ادبي وعلمي

بعدها بالسادس علمي وادبي ندخل امتحان وزاري موحد بس الادبي تختلف اسألتهم

انطلع معدل ونقدم على الجامعات
تقديمنا ايكون كالتالي نختار مثلا طب بالاول بعدها الهندسة وننزل فيبدون ايجربون معدلنا اذا يقبل او لا الى ان يوصلوا الى شي مناسب للمعدل ايقبلوه عليه وخلاص






هههههههههههههههه
الرابع منيلة قبول!!

الله كريم انتي شاطرة انشالله ومن توصلي للسادس وتطلعي معدل ردي على موضوعي

انورتي كتكوتة هلا بيج المشاركه الاصليه كتبت بواسطة رافت <<<


ما ما ما اني بس اخذ درجاتي مال اخير السنه
اجي اكلكم على درجاتي اوكي^

ههه اوكي باباتي لا تهتمي ههههههههه بس اتطلعي درجة انشالله بالسادس تعاي ردي:D

انورتي بنوتة الورد


اني اول سنة بالسادس العلمي رسبت :( عدت السنة بـــ2003 يعني بالحرب ونجحت من اول دور وطلعت معدل على كد حالي 65 وانقبلت معهد تقني كربلاء بس داومت كلية تربية بنات جامعة بغداد (مسائي ) وتخرجت وكعدت بالبيت ونسيت الشهادة:D:D

أيا كسوليييييييييييييييية :D

هههههههههههههه الله يساعدج يلا حلو عندج شهادة مادام ابو غدير امكفي واموفي فما تحتاجي الوظيفة انشالله

انورتي وردة




كلاكيع يعني ايه :confused:
خلي نشوف منو بينا ادبي ومنو علمي نسوي قائمه بالاسماء وبعدين نحكم اوووكي


اي خوش راد انسوي تصويت :D





ههههههههه اني هم احتج شبيه الادبي
مااعرف احس اللي يدخل ادبي يكون محبوب اكثر من العلمي ( واني اولهم ) :rolleyes:

اني ممجربه الدور الثاني ابد ولااعرف احساسه ولو صديقتي تكول حلو الدور الثاني
اني طلعت معدل 90 مع العلم اني انقبل قانون بس اني محبيت ادخل هاي الجامعه
لان كل تفكيري كان منصب على الانكليزي ودخلت كليه لغات قسم انكليزي

شكرا رافت ياجماعه العلمي :)


هههههههههههههه عمي والله مو قصدي أصلا ما كنت قاصد بس ادبي اوعلمي بس هذا خطأ أصبعي اعتذر هههههههههههههه

أللي اختصاصة أدبي خلي اينورنا ونتشرف بمشاركتة لتصيري فتنة حبابة صيري:D

بس ليش اذا بهالمعدل النشط تنقبلين هندسة

فليش رحتي لشهادة اقل
لان القانون عدنا ينقبل بمعدل 75 فأكثر

يلا موفقة يارب بس ماكلتي اتخرجتي لو لا:D
؟؟

رافت البدران
05-16-2010, 10:26 AM
[QUOTE=رافت البدران;1492304]




والله اتعور القلب قصتج

شنو هذا انتقام!! معقولة 12 صفحة ههههههههههه

الله يعينج والله بس يجوز الاسئلة دار دور:D

وهسة شو الحل من صارلج معدل؟؟؟؟؟؟؟؟؟؟؟؟؟؟

يعني ميسمحولج بالتقديم
؟؟

والله ظلم توقعت الدول افضل من عدنا طلعنا احنا افضل لان يختارون على التنافس السنوي

احنا اجا قرار السنة الفاتت مدري القبلها اللي معدلة 50 الى 60 يكعد بالبيت ما ألة تقديم
فأكثرهم راحوا معاهد وكليات مسائية على حسابهم
وصارت هوسة
لعد انتم كيف!!

الله يعينكم يارب وتحصليلج شهادة زينة بس تابعيها لتتركيها

شفت شلون هئ هئ راح ابجي :( ..

اي والله اسئلة طويلة وكلها مسائل هههههههههه هي شوية بيها دار دور اختيارات مثلا بس البقية مسائل وجيب الحاسبة و ودي القانون :( ..

شوف هنا النظام ما يهتم هواي بالمعدل يعني اتجيب 70 او 80 تدخل طب اسنان لانه الجامعات بفلوس ادفع تدرس وهنا المشكلة فلوس حيل غالية وما اقدر ادرس ف قاعدة بالبيت هئ هئ هئ



هنا الحجي
احنا الدراسة بلوشي بدون فلوس عدا المسائي

يارب اتحصلي شهادة زينة
تحياتي للعزيزة

صدمة انسان
05-16-2010, 10:34 AM
:( احنا الاسئله مو من الوزاره
يعرفون انه بيكرفونا بالقدرات
ياليت يرجع الامتحان الوزاري
قابلين بدون تحذيف ربع المنهج:49:

رحـيق
05-18-2010, 09:42 PM
[QUOTE=رحـيق;1493824]



هنا الحجي

احنا الدراسة بلوشي بدون فلوس عدا المسائي


يارب اتحصلي شهادة زينة
تحياتي للعزيزة






اي خوش والله .... اشكرك وردة ... تحياتي لك عمو .. ^_^

خُرافة
05-19-2010, 06:57 AM
اتصور و لا اتصور افضل

رافت البدران
05-19-2010, 10:18 AM
هلو رحيق تستاهلي كل خير

خنافة شبيك:D

اظن الدخان امأثر عليك:D

خُرافة
05-19-2010, 11:40 AM
لا ضاااااااااااااااااااااايج

رافت البدران
05-20-2010, 07:44 AM
ليش خيرك؟؟

خُرافة
05-20-2010, 07:47 AM
امتحانات خنب

دموع العراق
05-24-2010, 04:29 AM
طلعت 67 و انقبلت معهد تكنلوجيا بغداد بس رحت علوم الحاسبات كلية الرافدين الجامعه و تخرجت بعد احلى ايام و ان شاء الله اعود للمقاعد من جديد

رافت البدران
05-24-2010, 06:34 AM
طلعت 67 و انقبلت معهد تكنلوجيا بغداد بس رحت علوم الحاسبات كلية الرافدين الجامعه و تخرجت بعد احلى ايام و ان شاء الله اعود للمقاعد من جديد

حلو والله علوم حاسبات

بس ترجع للماجستير قصدك؟؟

أبو فدك الكَيم
05-24-2010, 08:26 AM
طلعت معدل(73) وانقبلت قانون وسياسة (قسم السياسة) وكنت راغب القانون وكان القارق بين رغبتي (ثلاث دجات فقط يعني نصف درجة على المعدل وما انقبلت) فعدت راغما لكلية التربية بغداد ) قسم الجغرافية وحاليا ان شاء الله على العليا0 تحياتي =ظافر0 طبعا ادبي0

رافت البدران
05-24-2010, 11:13 AM
طلعت معدل(73) وانقبلت قانون وسياسة (قسم السياسة) وكنت راغب القانون وكان القارق بين رغبتي (ثلاث دجات فقط يعني نصف درجة على المعدل وما انقبلت) فعدت راغما لكلية التربية بغداد ) قسم الجغرافية وحاليا ان شاء الله على العليا0 تحياتي =ظافر0 طبعا ادبي0

حبيبي ظافر موفق يارب انشالله هم تنقبل ماجستير وأي مساعدة تحتاج مصادر انا حاضر من عيوني

ولتكول ادبي ماكو فرق انشاللة بس هذا خطأ غير متوقع

تحياتي للغالي

الشهد
05-29-2010, 10:17 PM
هههههههههههههه عمي والله مو قصدي أصلا ما كنت قاصد بس ادبي اوعلمي بس هذا خطأ أصبعي اعتذر هههههههههههههه

أللي اختصاصة أدبي خلي اينورنا ونتشرف بمشاركتة لتصيري فتنة حبابة صيري:D

بس ليش اذا بهالمعدل النشط تنقبلين هندسة

فليش رحتي لشهادة اقل
لان القانون عدنا ينقبل بمعدل 75 فأكثر

يلا موفقة يارب بس ماكلتي اتخرجتي لو لا:D
؟؟


هههههههههههههه شنو هندسه اني ادبي شنو القصه رافت وين كان بالك من رديت عليه :rolleyes:

رافت البدران
05-30-2010, 10:25 AM
هههههههههههههه شنو هندسه اني ادبي شنو القصه رافت وين كان بالك من رديت عليه :rolleyes:


خخخخخخخخخخخخخ كعدي راحي وين يعني:D
ههههههههههههه
بس ماكنت متوقعج ادبي كنت متوقعج قبل علمي

يلا هلا بأختنا الادبية

بس ماكتيلنا خلصتي لو بعدج؟؟

الشهد
05-30-2010, 09:36 PM
خخخخخخخخخخخخخ كعدي راحي وين يعني:D
ههههههههههههه
بس ماكنت متوقعج ادبي كنت متوقعج قبل علمي

يلا هلا بأختنا الادبية

بس ماكتيلنا خلصتي لو بعدج؟؟


كعدت راحه :rolleyes:
هههههههههه مااعرف شنو هاي التفرقه والعنصريه على الادبي
اني ادبيه وافتخر:75:
خلصت خلصت خلصت بس عطال بطال ياربي يوم الوظيفه واعزمكم :cry_smile البجي مو على العزيمه على العطال والبطال

رافت البدران
05-31-2010, 06:47 AM
كعدت راحه :rolleyes:

هههههههههه مااعرف شنو هاي التفرقه والعنصريه على الادبي
اني ادبيه وافتخر:75:
خلصت خلصت خلصت بس عطال بطال ياربي يوم الوظيفه واعزمكم :cry_smile البجي مو على العزيمه على العطال والبطال




هههههههههههههههه عمي والله كلكم حبايب بس خطأ اصبعي اخخخخخخخخخخخخخخ لو ادري هجي ايصير انقلاب جا كليت للمشرف يحذف العلمي :D

هههههههههههههه

اي كلنا على نفس الطريق ننتظر تعيين الا اذبح طلي وبيدي طبعا:D

الشهد
05-31-2010, 09:59 PM
هههههههههههههههه عمي والله كلكم حبايب بس خطأ اصبعي اخخخخخخخخخخخخخخ لو ادري هجي ايصير انقلاب جا كليت للمشرف يحذف العلمي :D

هههههههههههههه

اي كلنا على نفس الطريق ننتظر تعيين الا اذبح طلي وبيدي طبعا:D



ياتعيين رافت
اني مو عينتك وزير للنفط
كل هذا ماغزر بيك
الملح والزاد لاغزر ولافاد
اذبح ودزلي لاربيل عود :)

رافت البدران
06-01-2010, 05:37 AM
ياتعيين رافت
اني مو عينتك وزير للنفط
كل هذا ماغزر بيك
الملح والزاد لاغزر ولافاد
اذبح ودزلي لاربيل عود :)


ههههههههههههه عمي تعيينج حبر ع ورق ماشفنا راتب ههههههه

لا لا شنو ادزلج لاربيل هاي انتي مثل صديقي يجي ويكعدني بالشارع اكلة ادخل انشربك شي تاكل شي داخل ليش برة كال لا خلينا هنا احسن شوي ويكول يابة وين العصاير وين الماي كتلة ماعندي عصاير بالشارع ههههه تجي داخل هلا بيك تستاهل كلشي هسة انتي تجين اذبحلج عجل هههههههه ماتجين حتى الريحة ماتوصلج:D

اشو احنا نحجي على السمج اللي بالشط!! اي خلي انصيدة والله كريم:D

الشهد
06-01-2010, 07:42 PM
ههههههههههههه عمي تعيينج حبر ع ورق ماشفنا راتب ههههههه

لا لا شنو ادزلج لاربيل هاي انتي مثل صديقي يجي ويكعدني بالشارع اكلة ادخل انشربك شي تاكل شي داخل ليش برة كال لا خلينا هنا احسن شوي ويكول يابة وين العصاير وين الماي كتلة ماعندي عصاير بالشارع ههههه تجي داخل هلا بيك تستاهل كلشي هسة انتي تجين اذبحلج عجل هههههههه ماتجين حتى الريحة ماتوصلج:D

اشو احنا نحجي على السمج اللي بالشط!! اي خلي انصيدة والله كريم:D



الله كريم الله كريم
ربك يسهلها عليه وعليك وعلى كل عطال بطال

مااريد تذبح عجل اريد العفو خروف يصير تكه اطيب :)

رافت البدران
06-02-2010, 06:49 AM
الله كريم الله كريم
ربك يسهلها عليه وعليك وعلى كل عطال بطال

مااريد تذبح عجل اريد العفو خروف يصير تكه اطيب :)


اجمعين يارب

تدللي من عيوني:)