المساعد الشخصي الرقمي

مشاهدة النسخة كاملة : عمي حبنبي لا أصيــــــــر ارهابي



احسان القريشي
08-24-2006, 11:58 AM
اني احبك وانتــــــــه اغله احبابي

وصــــــــار حبك يلعب ابأعصابي

لعب بأعصابي لعب

تيهـــه اعليه الدرب

وصــــــــار دربي يا حبيبي اترابي




تدري من حبك صفه ابعقلي الجنون

وابد مـــــــا تغمي الي ابليله الجفون

بأسمك ايدك النبض

ماكو مثلك بل أرض

يلي حسنك للخلك وك ســـــــــــابي




انه قيس ابن الملــــــــــوح بل عشك

اومن كثر حبــــــك ثيابي كمت اشك

سمح بالحب الشرع

وحبك ابكلبي انزرع

عمي حبنبي لا أصيــــــــر ارهابي



الشاعر

احسان القريشي

عاشقة الحسين(ع)
08-24-2006, 12:11 PM
يل للابداع يا للروعة
قصائدك جميلة دائما

منسيه بين الاوطان
08-24-2006, 12:54 PM
يسلموووووووووووووووو خيو ع الكلمات الصادقه الجميله الله يعطيك العافيه والصحه عالقصيده الملموسه بروائع الطيب

احسان القريشي
08-24-2006, 01:34 PM
يل للابداع يا للروعة
قصائدك جميلة دائما





اخي العزيز عاشق الحسين (ع) تسلم على مرورك الكريم وردك الجميل

تحياتي الك واشكرك


احسان القريشي

عاشقة الحسين(ع)
08-24-2006, 02:32 PM
اخي احسان ان فتاة ولست شاب

مع تحياتي

احسان القريشي
08-24-2006, 06:16 PM
اخي احسان ان فتاة ولست شاب

مع تحياتي



اسف وعتذر والله العظيم مو قصدي بس اني كل ضني الأسم عاشق الحسين (ع) مو عاشقه

وهذا عتبج حيل أثر بيه وخلاني الوم ابنفسي وهاي قصيدة الج اهديهه وان شاء الله ترضين عليه



لا تعاتب

لا تعاتب يا بعد ناسي وهلي

انته تسوه الناس واولهم أنه

من رحت فدوه ألك يا مهجتي

يلي كلماتـك شعــر كلهه غنه

انته وسط الروح يا اغله بشر

وكلبي لسمك صار أرضه وموطنه

وحصتك امن الكلب ثلثين وثلث

وسنه من عمري الك من كل سنه

وبســـاتينــي ولك انتــه الــورد

والحصادي انته الثمر والميجنه

وانته ريل الماوكف لحظه أبد

يا قطار العمر بيك انته المنه

وانته لوحة موناليزا يا ترف

بالرسم اجمل الوان املونه

وانته اشجار وعصافير الصبح

من تزقزق زقزقتهه املحنه

أنته كبنجي وغنائه المايموت

وانته أه الساهر ام السلطنه

ولو يشوفك طالب ايبطل الحن

وبعد ما يكتب شعر عرياننه

وبعد ما يعزف ابن شمه نصير

ينسه عوده وينسه شنهو الدوزنه

لا تعاتب وانسه كلمات العتب

تدري عتباتك رماح امسننه

وتزرف اكليبي يغالي ابعتبتك

مثل ما يزرف اكليب امه الظنه



الشاعر

احسان القريشي

عاشقة الحسين(ع)
08-25-2006, 08:03 AM
اسف وعتذر والله العظيم مو قصدي بس اني كل ضني الأسم عاشق الحسين (ع) مو عاشقه

وهذا عتبج حيل أثر بيه وخلاني الوم ابنفسي وهاي قصيدة الج اهديهه وان شاء الله ترضين عليه



لا تعاتب

لا تعاتب يا بعد ناسي وهلي

انته تسوه الناس واولهم أنه

من رحت فدوه ألك يا مهجتي

يلي كلماتـك شعــر كلهه غنه

انته وسط الروح يا اغله بشر

وكلبي لسمك صار أرضه وموطنه

وحصتك امن الكلب ثلثين وثلث

وسنه من عمري الك من كل سنه

وبســـاتينــي ولك انتــه الــورد

والحصادي انته الثمر والميجنه

وانته ريل الماوكف لحظه أبد

يا قطار العمر بيك انته المنه

وانته لوحة موناليزا يا ترف

بالرسم اجمل الوان املونه

وانته اشجار وعصافير الصبح

من تزقزق زقزقتهه املحنه

أنته كبنجي وغنائه المايموت

وانته أه الساهر ام السلطنه

ولو يشوفك طالب ايبطل الحن

وبعد ما يكتب شعر عرياننه

وبعد ما يعزف ابن شمه نصير

ينسه عوده وينسه شنهو الدوزنه

لا تعاتب وانسه كلمات العتب

تدري عتباتك رماح امسننه

وتزرف اكليبي يغالي ابعتبتك

مثل ما يزرف اكليب امه الظنه



الشاعر

احسان القريشي

الاخ احسان والله اسفة مو قصدي ازعجك لكن انت كنت تكلمني بصيغة شاب والله اني اسفة
يا اخي قصائدك ليس لها مثيل والله اخجلتني بهذة القصيدة الروعة يعتي انا شكد قارية قصائد لكن مثل كلمات قصائدك صدقني ماكو
مشكور اخي احسان القصيدة روعة من روائعك

احسان القريشي
08-25-2006, 08:44 AM
الاخ احسان والله اسفة مو قصدي ازعجك لكن انت كنت تكلمني بصيغة شاب والله اني اسفة
يا اخي قصائدك ليس لها مثيل والله اخجلتني بهذة القصيدة الروعة يعتي انا شكد قارية قصائد لكن مثل كلمات قصائدك صدقني ماكو
مشكور اخي احسان القصيدة روعة من روائعك



عاشقة يعني هسه حبايب واخوه وأصدقاء وما زعلانه وقبلتي اعتذاري

واشكرج على الرد الجميل تحياتي الج اخوج

احسان القريشي

عاشقة الحسين(ع)
08-25-2006, 08:50 AM
عاشقة يعني هسه حبايب واخوه وأصدقاء وما زعلانه وقبلتي اعتذاري

واشكرج على الرد الجميل تحياتي الج اخوج

احسان القريشي

اخي احسان وانا ليش لزعل انت ما سويت شي غلط

والله اخي انت المشكور على القصيدة الروعة

عاشقة الحسين(ع)
08-25-2006, 08:50 AM
عاشقة يعني هسه حبايب واخوه وأصدقاء وما زعلانه وقبلتي اعتذاري

واشكرج على الرد الجميل تحياتي الج اخوج

احسان القريشي

اخي احسان وانا ليش لزعل انت ما سويت شي غلط واحنا اخوان اكيد واصدقاء

والله اخي انت المشكور على القصيدة الروعة

احسان القريشي
08-25-2006, 09:01 AM
اخي احسان وانا ليش لزعل انت ما سويت شي غلط واحنا اخوان اكيد واصدقاء

والله اخي انت المشكور على القصيدة الروعة



رحم الله والديج انتي اتعرفين اني شاعر والشاعر ايصير كلش حساس ف كلت خاف اني

سويت شي غلط وما ادري وزعلتج عليه لئن اني اموت ولا ازعل واحد هذا طبعي

على العموم اني اشكرك وتسلمي والحمد لله عرفتي نيتي مو ازعلج تحياتي الج

وانتي شكرتين على القصيدة لا عمي انتي تستحقين اكثر من هاي القصيدة


احسان القريشي

عاشقة الحسين(ع)
08-25-2006, 09:05 AM
رحم الله والديج انتي اتعرفين اني شاعر والشاعر ايصير كلش حساس ف كلت خاف اني

سويت شي غلط وما ادري وزعلتج عليه لئن اني اموت ولا ازعل واحد هذا طبعي

على العموم اني اشكرك وتسلمي والحمد لله عرفتي نيتي مو ازعلج تحياتي الج

وانتي شكرتين على القصيدة لا عمي انتي تستحقين اكثر من هاي القصيدة


احسان القريشي

يا اخي والله جاي تحرجني بكلامك الرائع
يعني شكول ما اكدر اوصل لكلامك الرائع واللي كله احاسيس وصدق

احسان القريشي
08-25-2006, 09:12 AM
يا اخي والله جاي تحرجني بكلامك الرائع
يعني شكول ما اكدر اوصل لكلامك الرائع واللي كله احاسيس وصدق



عمي أنا لله وأنا اليه راجعوت

والله راح اتبجين ابردودج كلماتج جاي تحرجني

عمي انتي واحد دافعج عليه كايلج هذا بس تحجين ويا ابرقه ايكوم يبجي

اني الحزن ساكمني وادور انتي اتردين عليه ابكلمات اتخليني احس اني غلطان وما أدري اشلون تاليهه

هههههههههههههههههههههههههههههههههههه

اشاقه وياج واني اشكرج على كلماتج الخلوه تحياتي

احسان القريشي

عاشقة الحسين(ع)
08-25-2006, 09:59 AM
عمي أنا لله وأنا اليه راجعوت

والله راح اتبجين ابردودج كلماتج جاي تحرجني

عمي انتي واحد دافعج عليه كايلج هذا بس تحجين ويا ابرقه ايكوم يبجي

اني الحزن ساكمني وادور انتي اتردين عليه ابكلمات اتخليني احس اني غلطان وما أدري اشلون تاليهه

هههههههههههههههههههههههههههههههههههه

اشاقه وياج واني اشكرج على كلماتج الخلوه تحياتي

احسان القريشي

والله خوفتني عبالي صدق مزعلتك

كلامك لا مثيل له اخوي والله محد دازني عليك ههههههههههة بس انا اللي بقلبي اكتبة والله مو مجاملة

احسان القريشي
08-25-2006, 10:03 AM
والله خوفتني عبالي صدق مزعلتك

كلامك لا مثيل له اخوي والله محد دازني عليك ههههههههههة بس انا اللي بقلبي اكتبة والله مو مجاملة




اي الله ايخلي اخوتج همزين كتيلي محد دازني عليك كلت خاف واحد

من الأعداء دازج عليه ويريدج اتشوطيني حته اتصير بيه سكته قلبيه واموت انتي اتعرفين منو الاعداء

اكيد متعرفيهم لئن اني هم ما اعرفهم ههههههههههههههههههههههههههه

تحياتي الج

احسان القريشي

عاشقة الحسين(ع)
08-25-2006, 10:08 AM
اي الله ايخلي اخوتج همزين كتيلي محد دازني عليك كلت خاف واحد

من الأعداء دازج عليه ويريدج اتشوطيني حته اتصير بيه سكته قلبيه واموت انتي اتعرفين منو الاعداء

اكيد متعرفيهم لئن اني هم ما اعرفهم ههههههههههههههههههههههههههه

تحياتي الج

احسان القريشي

شاعر ودمك خفيف يا عيني تسلم اخي ردودك مثل العسل

احسان القريشي
08-25-2006, 10:14 AM
شاعر ودمك خفيف يا عيني تسلم اخي ردودك مثل العسل



عاشقة هاي شنو اني دمي مو خفيف دمي ابن عشاير ومربه ومن يطلع يلبس

عبايه وفوطه وجواريب لا دمي مو خفيف اصلن دمي من يطلع لسوك ميشيل عينه على اي بشر

واليوم شنو الفلم صار ساعة نتناكر مو النكره مو زينه لو افراك لو كطعان ارزق

ههههههههههههههههههههههههههههههههههههههههههههههه

اشكرج تحياتي الج

احسان القريشي

عاشقة الحسين(ع)
08-25-2006, 10:17 AM
[واليوم شنو الفلم صار ساعة نتناكر مو النكره مو زينه لو افراك لو كطعان ارزق

شنو قصدك نتناكر

اخي احسان اقصد بدمك خفيف يعني انت فكاهي واكيد شاعر رائع

احسان القريشي
08-25-2006, 10:47 AM
[واليوم شنو الفلم صار ساعة نتناكر مو النكره مو زينه لو افراك لو كطعان ارزق

شنو قصدك نتناكر

اخي احسان اقصد بدمك خفيف يعني انت فكاهي واكيد شاعر رائع


اي ادري اتقصدين فكاهي وهاي النكره من الفكاهيه ههههههههههههههههههههه

نتناكر يعني نتناقش ابحده أو واحد ايرد على الثاني ابساع وراح اسولفلج

نكته خاف ظوجتج

اكو كردي طكت عليه المولده واحترك ودو للمستشفى رأسن دخلو الصالت الكسور مو للحروق

تدرين ليش لئن اهله امطفي بالكراكه ؟


ملاحظه

ــــــــــــــ

اتعرفين شنو الكراكه هاي اليحفرون بيهه الكاع

عاشقة الحسين(ع)
08-25-2006, 10:50 AM
اي ادري اتقصدين فكاهي وهاي النكره من الفكاهيه ههههههههههههههههههههه

نتناكر يعني نتناقش ابحده أو واحد ايرد على الثاني ابساع وراح اسولفلج

نكته خاف ظوجتج

اكو كردي طكت عليه المولده واحترك ودو للمستشفى رأسن دخلو الصالت الكسور مو للحروق

تدرين ليش لئن اهله امطفي بالكراكه ؟


ملاحظه

ــــــــــــــ

اتعرفين شنو الكراكه هاي اليحفرون بيهه الكاع

هههههههههه
انت منو يضوج منك ليش تكول هيجي اصلا حجيك مثل العسل

احسان القريشي
08-25-2006, 10:58 AM
هههههههههه
انت منو يضوج منك ليش تكول هيجي اصلا حجيك مثل العسل



عمي اني راح اخصملجياهه ابهاي القصيدة

واهديهه الج





أوكف يا حبيبي وخــــــل اوصفك زين

يل احتـــــــار الوصف بوصافك الترفه

جمال وملح حــــــــــــاوي انته الاثنين

والمثلك بشر ينوجـــــــــــــد بل صدفه

على عد الأصــــــــابع مثلك ابهل كون

قليل المثلك ومـــــــــــــا عبرو العشره

أذاأ وصفك بل كمر حيــــل اني غلطان

لئن نور الكمر أمــــــــــــرار هم يطفه

واذا أوصفك بل شمس هم اني غلطان

لئن نور الشمس مـــــن نورك ايخطفه

واذا أوصفك بل ورد معناهه مو ذواق

وذوقي رديء ومـــــــــــا عرف وصفه

واذا وصفك بل زلال امقصـــــــر اوياك

أنته انقه امن الزلال وبعـــــــــــد اصفه

واذ اوصفك بل عسل سبيتك اليـــــــــوم

لئن وسط النهر يختلف عــــــــــن جرفه

واذا اوصفك بل نخل جــــــاملتك اهواي

لئن انته الجـــــــــذع والجمار والسعفه

أدري اجـــــــــــاوزت بل وصف وتعديت

وعلــــــــــه وصفــــك ملت ميلت الكفه

معــــروفه تميل الكفـــــــــــه بل ميزان

أذا صار اختلاف الوزن هـاذي منعرفه

وميزان الحسن طارت كفته امن الكاع

لئن حسنك ثكيل وحسنه بـــــــــــي خفه

اسئلك يا حبيبي اتحبني لــــــــــــــــو لا

جـــــــــــــــاوبني ابحنان وطيبه وبرقه

أرحمني دخيلك لا غم الــــــــــــــروح

وكلي اني احبــــــــــك لا أفجر العبوه




الشاعر

احسان القريشي

عاشقة الحسين(ع)
08-25-2006, 11:10 AM
هههههههههههههه تعبت مني مو مشكلة بعد ما ارد
بس اقول ان القصيدة كلش حلوة

احسان القريشي
08-25-2006, 11:17 AM
هههههههههههههه تعبت مني مو مشكلة بعد ما ارد
بس اقول ان القصيدة كلش حلوة




لا والله بالعكس تعبج راحه واذا متردين بعد مصيرج نهايت هاي القصيدة

شوفي اخير بيت من هاي القصيدة شكول وبكيفج اذا ترديني حبل المشنقه يلتف على ركبتي

من وراج هسه انتي اكيد لحد الأن ما فاهمه شي بس من تقرين القصيدة راح تفتهمين وتضحكين


هههههههههههههههههههههههه


يبــــــــــــــو كلب القاســــــي ارحم حالتي

وحنــــــن اكليبك عليــــــــــــــــــــــه اليله

والــــــــــي اضحك حته يـــــــرتاح الكلب

يلي شعرك حلو يا بــــــــــــــو اكـــــــذيله

تـــــــدري انته ابضحكتك راحـــه وسرور

تــــــريح كلبي وحـــــــــــزني مني اتشيله

اضحك ابــــــــوجهي حبيبي ولا تخــــاف

أبـــــــد مـــــــــــــا أحسب ضحكتك عيله

ولـــــــــــــــو تحاجيني أظن انـــــي اطير

وكلــــــــــــــي أذن الحجيــــــك وأصغيله

وانته مــــــن تحجي احــــس نبض الكلب

يـــــــدك ربـــــابه اوحجيــــــــــك ايغنيله

ومــــــــن اشــــــوفك يا بعــد كــل العمر

شعــــــــر راســــي يـــــوكف ابكل حيله

وعيني حـــــــوله اتصير متشخص بعــد

لا ده كــــــــدامــــــــي واشــــوف اتريله

وافتــــح ابـــــــــاب الجـــــــوارين وأدك

يمــــه ابنـــــج ركضـــــي شـــــو فتحيله

ولمــــــي اصيحن بــــويه انته اشرجعك

انتـــــــه ميت شنــــــو مـــــوتك حيلـــه

وامــــي ليــــه اتكــــول يمـــه اتسودنت

انـــــي امــــــك يـــا أبــــــو التحجيلـــه

هـــــذا مــــــن حسنك علي هــــذا جره

وعلي انتـــــــه امســــــوي هــل تبديله

انته تــــرضـــــــاهه ولك انـــــي انثول

وراســــــي بيه اتصـــــير هـــاي الميله

كافـــــــي حنن كلبـــــك اليلــــــــه علي

لا اجـــــــي ابـــــــــراسك احطلي جيله

عاشقة الحسين(ع)
08-25-2006, 11:28 AM
تسلم اخي احسان القصيدة روعة لكن الضاهر اني ضوجتك وتعبتك اشوية بردودي صح اكيد

لالا لالالا كلشي ولا حبل المشنقة يلتف على رقبتك عمي بعد من انجيب شاعر مثالك

مع الف الف سلامة

احسان القريشي
08-25-2006, 11:34 AM
تسلم اخي احسان القصيدة روعة لكن الضاهر اني ضوجتك وتعبتك اشوية بردودي صح اكيد

لالا لالالا كلشي ولا حبل المشنقة يلتف على رقبتك عمي بعد من انجيب شاعر مثالك

مع الف الف سلامة




او ل شي ما ضوجتيني

وثاني شي شنو بعد سلامه احنه نلعب ختيلان لو حيه ودرج بعد سلامه شنو

يعني ابكيفج ترحين بسيطه اني راح اسويلج سحر واخلي اتركضين ورايه واني اكلج بعد سلامه

وانتي اتكليلي لا عفيه ابقه لا تروح بس ايسي ما ابقه لو تموتين لئن انتي عفتيني وكلتي بعد سلامه مو

اني مو لو مومو هههههههههههههههههه

يلا هاي هم الج




شنهــو برجك خل اسويلك سحر

وانه احبك يا حبيبي امن الزغر

وانته تـدري بيه اني

رايدك ما عندي ثاني

وانه احبــــــك لا تقدم كل عذر




شنهو برجك يل صرت وسط الكلب

ودخلت بالروح مــــــن اقرب درب

عذبتني وشـــاب راسي

حن علي يا اغله ناسي

من كثر فركــــــاك مليت الصبر




شنهو برجك يا حبيب الروح كول

لا تخاف امن السحر فتره ويزول

بالسحر ما اريد أذيتك

لئن كلبي صـــار بيتك

حن عليه وريحني طــول العمر





الشاعر ابو السحوره

احسان القريشي

عاشقة الحسين(ع)
08-26-2006, 06:11 AM
ههههههههههههههههههههه والله دمك خفيف
روعة قصائدك روعةةةةةةةةةة
اكول ما تعلمني السحر اللي تسوي هههههههههههه

احسان القريشي
08-26-2006, 08:33 AM
ههههههههههههههههههههه والله دمك خفيف
روعة قصائدك روعةةةةةةةةةة
اكول ما تعلمني السحر اللي تسوي هههههههههههه





عمي اول شي سلمي اسألي عليه كولي هذا مريض اشبي ما بي

ليش عمي هيج اتسوين بيه وبعدين تردين تتعلمين السحر اني بل خدمه راح اعلمج

السحر واخليج اطيرين بل مكناسه مثل افلام كارتون دزيلي اسمج واسم امج واسم بت ابن عمج

واسم سبعه من جوارينكم حته اسويلج سحر اخليج تمشين امسيطره ومحد ايكلج على عينج حاجب

واخلي أمج بعد متسخرج يعني لا تكنسين ولا تمسحين ولا طبخين هههههههههههههههههههههههه

بس ادور سلمي قبل لا تحجين وهاي القصيدة الج يلا اقريههههههههههههههههه



عمــــي يبن الناس سلم مـن تمر

عمـــي يبن النـــاس حــن اعلينه

والله مــــاردنه تطـــــول بل سلام

هــــيـــه بـــس كلمت هلو تكفينه

تدري انته اهواي مرمرت الكلب

او مـــن جمالك صــار سكر بينه

انته مـــا تـدري ابجمالك يا ترف

مـــن نشـــوفـــك نعثر ابرجلينه

انته غصن الياس والماي العذب

ولــو كطعنه الماي مــــن يروينه

انته ذرات الهوى ونور الشمــس

ولــو تغيب الشمس وك تــــــاذينه

انته ورد الرازقي وعطره اليفح

اوريح عطرك يا ترف سابينـــه

انته تمر البرحي واحله امن العسل

والعســـل منــــك أخـــذ كــل زينه

وانته نورك عكس نور الكهــربا

تطفه هيه ونـــورك امضـــوينــه

وانته تي في وستلايت والصحن

ولو يــروحن ذني شي ظل ليــنه

وانته اثاث البيت يا اجمل بشــر

وانته ســاس البيت وحياطيـــنه

للحسن انته صـــرت اكبر مثـل

والحسن انتـــه هــــذاك ابعينه

انته عنه اهــواي كلش تختلف

واحنه ندري اوياك مو من طينه

ظلت ابكيفك يعمــي اشما تكول

ردنــه احنـــه ادز سلامك وينه

ونصبح ابكلبك يغالي اويه النبض

مـــن يـــدك كلبك يـــدك طارينه





الشاعر

احسان القريشي

عاشقة الحسين(ع)
08-26-2006, 03:40 PM
عمي اول شي سلمي اسألي عليه كولي هذا مريض اشبي ما بي

ليش عمي هيج اتسوين بيه وبعدين تردين تتعلمين السحر اني بل خدمه راح اعلمج

السحر واخليج اطيرين بل مكناسه مثل افلام كارتون دزيلي اسمج واسم امج واسم بت ابن عمج

واسم سبعه من جوارينكم حته اسويلج سحر اخليج تمشين امسيطره ومحد ايكلج على عينج حاجب

واخلي أمج بعد متسخرج يعني لا تكنسين ولا تمسحين ولا طبخين هههههههههههههههههههههههه

بس ادور سلمي قبل لا تحجين وهاي القصيدة الج يلا اقريههههههههههههههههه



عمــــي يبن الناس سلم مـن تمر

عمـــي يبن النـــاس حــن اعلينه

والله مــــاردنه تطـــــول بل سلام

هــــيـــه بـــس كلمت هلو تكفينه

تدري انته اهواي مرمرت الكلب

او مـــن جمالك صــار سكر بينه

انته مـــا تـدري ابجمالك يا ترف

مـــن نشـــوفـــك نعثر ابرجلينه

انته غصن الياس والماي العذب

ولــو كطعنه الماي مــــن يروينه

انته ذرات الهوى ونور الشمــس

ولــو تغيب الشمس وك تــــــاذينه

انته ورد الرازقي وعطره اليفح

اوريح عطرك يا ترف سابينـــه

انته تمر البرحي واحله امن العسل

والعســـل منــــك أخـــذ كــل زينه

وانته نورك عكس نور الكهــربا

تطفه هيه ونـــورك امضـــوينــه

وانته تي في وستلايت والصحن

ولو يــروحن ذني شي ظل ليــنه

وانته اثاث البيت يا اجمل بشــر

وانته ســاس البيت وحياطيـــنه

للحسن انته صـــرت اكبر مثـل

والحسن انتـــه هــــذاك ابعينه

انته عنه اهــواي كلش تختلف

واحنه ندري اوياك مو من طينه

ظلت ابكيفك يعمــي اشما تكول

ردنــه احنـــه ادز سلامك وينه

ونصبح ابكلبك يغالي اويه النبض

مـــن يـــدك كلبك يـــدك طارينه





الشاعر

احسان القريشي

مرحبا شلونك احسان انشاء الله بخير ما مريض
يا عمي والله اسفين ما سالنة والله اسفين
اهم شيء باسحر انك تخليني لا اكنس ولا امسح ولا اطبخ يا الله والله تعبنا

يا الله شماراح اكول ما اكدر اجازيك على كلامك العسل والله انت مبدع بمعنى الكلمة

زهرة الحياة
08-26-2006, 04:18 PM
ما شاء الله عليك اخي

كلمات جميلة

يسلموا اخي

تحياتي

احسان القريشي
08-26-2006, 04:34 PM
مرحبا شلونك احسان انشاء الله بخير ما مريض
يا عمي والله اسفين ما سالنة والله اسفين
اهم شيء باسحر انك تخليني لا اكنس ولا امسح ولا اطبخ يا الله والله تعبنا

يا الله شماراح اكول ما اكدر اجازيك على كلامك العسل والله انت مبدع بمعنى الكلمة




هله وهاي الهله من وره خشمي تدرين ليش اني اكلش ليش لئن انتي اكيد كتيلي ليش مو لو مومو

شنو احنه نلعب توكي لو محلقو موعيب صا ر يومين انسولف على المنتدى ها مو انفضحنه

وخاف تدخل وحده من ذني امهات السحوره وتقره النقاش مالتنه وتصفكنه ابسحر اتخلينه اني وانتي

نكنس حته الشوارع وطبخ للجوارين واحنه شغل البيت ما متحملي مو صحيح هههههههههههههههههههههههههههههههههههههههههه

هسه اقري هاي القصيدة وفضيهه الخاطر مكه طبعا اهم شي تقرين اول بيت وأخير بيت خمس مرات




انطيني رقمك يا حلو يا بو الحجاب

انطيني رقمك يلي عطرك يا سمين

يلي طولك حلــــــــــو ومحلي البس

يا بو اعيون اكبار والكلب الحنين

يلي شفتينك ورد وامــــــــــــــورده

ابقـــــــــدرت الباري ألاه العالمين

يلي خدينك ضـــــــون مثل الشمس

يلي جسمك حلـــو ناعم مو سمين

يلي شعرك سرح مـــــا مثله شعر

اظلم ابعز الظهر أســــــــود هجين

يل ضحكتك ردت الكلبي الفــــــرح

وشالت اهموم الكلب ذاك الحزين

يلي من حسنك أخذ حسنه الحسن

و أصبح اسم الحسن الحسنك مدين

واضح امــــن الطين مخلوقه البشر

وانته ثلثينك عســـــــل والثلث طين

دزلــــــي رقمك بل رساله ولا تخاف

والله مــــــــا احجي ابد لا والحسين





الشاعر

احسان القريشي


ملا حظه
ـــــــــــــــ

أدري أذا قره هاي القصيدة اخوج اني الله يرحمني

ههههههههههههههههههههه

عاشقة الحسين(ع)
08-26-2006, 05:37 PM
هله وهاي الهله من وره خشمي تدرين ليش اني اكلش ليش لئن انتي اكيد كتيلي ليش مو لو مومو

شنو احنه نلعب توكي لو محلقو موعيب صا ر يومين انسولف على المنتدى ها مو انفضحنه

وخاف تدخل وحده من ذني امهات السحوره وتقره النقاش مالتنه وتصفكنه ابسحر اتخلينه اني وانتي

نكنس حته الشوارع وطبخ للجوارين واحنه شغل البيت ما متحملي مو صحيح هههههههههههههههههههههههههههههههههههههههههه

هسه اقري هاي القصيدة وفضيهه الخاطر مكه طبعا اهم شي تقرين اول بيت وأخير بيت خمس مرات




انطيني رقمك يا حلو يا بو الحجاب

انطيني رقمك يلي عطرك يا سمين

يلي طولك حلــــــــــو ومحلي البس

يا بو اعيون اكبار والكلب الحنين

يلي شفتينك ورد وامــــــــــــــورده

ابقـــــــــدرت الباري ألاه العالمين

يلي خدينك ضـــــــون مثل الشمس

يلي جسمك حلـــو ناعم مو سمين

يلي شعرك سرح مـــــا مثله شعر

اظلم ابعز الظهر أســــــــود هجين

يل ضحكتك ردت الكلبي الفــــــرح

وشالت اهموم الكلب ذاك الحزين

يلي من حسنك أخذ حسنه الحسن

و أصبح اسم الحسن الحسنك مدين

واضح امــــن الطين مخلوقه البشر

وانته ثلثينك عســـــــل والثلث طين

دزلــــــي رقمك بل رساله ولا تخاف

والله مــــــــا احجي ابد لا والحسين





الشاعر

احسان القريشي


ملا حظه
ـــــــــــــــ

أدري أذا قره هاي القصيدة اخوج اني الله يرحمني

ههههههههههههههههههههه

يا يابة شلون زعلان
والله صدق هسة تدخل وحدة من ام السحورة تخلينا نكنس الشارع هههههههههه

تعرف والله اخوي جان يمي من قريت القصيدة والله العضيم بس شنو هو اصغر مني





اكول قريت السطر الاول والاخير مو خمسة مرات عشرة

احسان القريشي
08-26-2006, 06:07 PM
يا يابة شلون زعلان
والله صدق هسة تدخل وحدة من ام السحورة تخلينا نكنس الشارع هههههههههه

تعرف والله اخوي جان يمي من قريت القصيدة والله العضيم بس شنو هو اصغر مني





اكول قريت السطر الاول والاخير مو خمسة مرات عشرة






شوفي كلبي كلب والده عرفت اخوج يقره القصيدة اتعرفين ليش حسيت هذا الأحساس

لئن جلدي ايحكني وادور على واحد ايصكطني لئن روحي طالعه من الدنيه وبعدين أذا قريتي

البيت الأول والأخير عشر مرات جاوين شو كلشي ماكو ليش اتخلين انحرف واطلع خارج خط

العرض 32ويصير تعيني على الأمم المتحده ليش وبعدين اقري هذا النص الغنائي

وانتي احكمي هههههههههههههههههههههههههههههههه عمي والله انتي سبيتيني اسبايه

وخليتني افكر زايد مو زايد ال نهيان لا زايد يعني اهواي

هههههههههههههههههههههههههههههههههههه




حبيبي ويــاك مــا زلـيـت أنـي

شجاك اشبيك يا ناكر حناني



نكــــرت الطيب فــد مره

ولا جني النـــذر عمــره

ألكلب منك خلص صبره

ويعاني



شينك جبتــــه بس ليه

واضح مــــــــيه بالميه

أنته الــــــــي خنت بيه

وزماني




بعد مـــا شوف بعيوني

خلص دمعي ويلوموني

غــــدرك خيب اضنوني

وعماني




بيــــــه اشلون يا ربي

بيه الذنب مـــــــو ذنبي

نسه طيبي ونكـــر حبي

ونساني




حضــي امعاند اويايه

حبيبـــي مختلف رايه

ثبتلــي هواي وهوايه

أناني



ردت بس الرقم منه

أليه ايـــــــدزه اتمنه

علي بــــدل ولا جنه

سباني



حبيبي ويــاك مــا زلـيـت أنـي

شجاك اشبيك يا ناكـــر حناني






الشاعر

احسان القريشي

عاشقة الحسين(ع)
08-26-2006, 06:17 PM
شوفي كلبي كلب والده عرفت اخوج يقره القصيدة اتعرفين ليش حسيت هذا الأحساس

لئن جلدي ايحكني وادور على واحد ايصكطني لئن روحي طالعه من الدنيه وبعدين أذا قريتي

البيت الأول والأخير عشر مرات جاوين شو كلشي ماكو ليش اتخلين انحرف واطلع خارج خط

العرض 32ويصير تعيني على الأمم المتحده ليش وبعدين اقري هذا النص الغنائي

وانتي احكمي هههههههههههههههههههههههههههههههه عمي والله انتي سبيتيني اسبايه

وخليتني افكر زايد مو زايد ال نهيان لا زايد يعني اهواي

هههههههههههههههههههههههههههههههههههه




حبيبي ويــاك مــا زلـيـت أنـي

شجاك اشبيك يا ناكر حناني



نكــــرت الطيب فــد مره

ولا جني النـــذر عمــره

ألكلب منك خلص صبره

ويعاني



شينك جبتــــه بس ليه

واضح مــــــــيه بالميه

أنته الــــــــي خنت بيه

وزماني




بعد مـــا شوف بعيوني

خلص دمعي ويلوموني

غــــدرك خيب اضنوني

وعماني




بيــــــه اشلون يا ربي

بيه الذنب مـــــــو ذنبي

نسه طيبي ونكـــر حبي

ونساني




حضــي امعاند اويايه

حبيبـــي مختلف رايه

ثبتلــي هواي وهوايه

أناني



ردت بس الرقم منه

أليه ايـــــــدزه اتمنه

علي بــــدل ولا جنه

سباني



حبيبي ويــاك مــا زلـيـت أنـي

شجاك اشبيك يا ناكـــر حناني






الشاعر

احسان القريشي
هههههههههههههههههههههه

والله يا اخي خلينا اخوان احسن
روعة قصايدك كلش حلوة وبيه اعتاب اكول علية هل العتاب والغلط اني انانية وغيرها وغيرها
ههههههههههههههههههههههههههههه

احسان القريشي
08-26-2006, 06:28 PM
هههههههههههههههههههههه

والله يا اخي خلينا اخوان احسن
روعة قصايدك كلش حلوة وبيه اعتاب اكول علية هل العتاب والغلط اني انانية وغيرها وغيرها
ههههههههههههههههههههههههههههه



أدري كلنه اخوان بل أسلام وبعدين اشكلولج وديت امي وخالاتي وعماتي لمج حته ايخطبوج

ها احنه اخواني اي وبدون خوف هاي الكلمات كلهه الج وأذا مترضين ازينج صفر مو فافون

وانقلج المنتدى جهنم وبعدين اشردت اني هو بس الرقم عمي واني هم اجي وياج

الموبايل 11 رقم عمي دزيلي 7 ارقام والباقي اني اروح ادور عليهن عايل طالع من الطريق

فهميني هذا شليلي وبهذا ردج خليتي ادموعي تجري ليش يا ظالمه ههههههههههههههههههههه





يا عين كافي البجي ياعين لا تبجين

يـردون العنج مشـو لو غـابو اسنين

خلي شما يبعدون

همه ابنص العيون

ياعين ضمي الدمع مو جرح الخدين




ياعـين اشـويـه صبـر يا عيـن اصبـري

وخلي الدمع محبوس مو خلص عمري

ردت منج صبر يوم

حته اتروح الهموم

واشـوف الـنـوم لحضـه وأنـتي تغـفين




يا عين صعب الهجر ويسـل الفـراك

يزود ابكلبي الحــزن والـفـرح ينباك

عليج انكتبت احـزان

يا عيني والوكت خان

بـعـد عـنـج احـبـابـج وانتـي تعمين


الله كريم اني يتيم واشور وبكيفج بعد





الشاعر

احسان القريشي

عاشقة الحسين(ع)
08-26-2006, 06:37 PM
أدري كلنه اخوان بل أسلام وبعدين اشكلولج وديت امي وخالاتي وعماتي لمج حته ايخطبوج

ها احنه اخواني اي وبدون خوف هاي الكلمات كلهه الج وأذا مترضين ازينج صفر مو فافون

وانقلج المنتدى جهنم وبعدين اشردت اني هو بس الرقم عمي واني هم اجي وياج

الموبايل 11 رقم عمي دزيلي 7 ارقام والباقي اني اروح ادور عليهن عايل طالع من الطريق

فهميني هذا شليلي وبهذا ردج خليتي ادموعي تجري ليش يا ظالمه ههههههههههههههههههههه





يا عين كافي البجي ياعين لا تبجين

يـردون العنج مشـو لو غـابو اسنين

خلي شما يبعدون

همه ابنص العيون

ياعين ضمي الدمع مو جرح الخدين




ياعـين اشـويـه صبـر يا عيـن اصبـري

وخلي الدمع محبوس مو خلص عمري

ردت منج صبر يوم

حته اتروح الهموم

واشـوف الـنـوم لحضـه وأنـتي تغـفين




يا عين صعب الهجر ويسـل الفـراك

يزود ابكلبي الحــزن والـفـرح ينباك

عليج انكتبت احـزان

يا عيني والوكت خان

بـعـد عـنـج احـبـابـج وانتـي تعمين


الله كريم اني يتيم واشور وبكيفج بعد





الشاعر

احسان القريشي

اني ضالمة الله يسامك والله راح تبجيني
مو كلنا خلنا اخوان وماكو ارقام هههههههههههه
اكول عفية انطيني شوية من موهبتك الشعرية يعني انت شاعر مبدع

احسان القريشي
08-26-2006, 06:46 PM
اني ضالمة الله يسامك والله راح تبجيني
مو كلنا خلنا اخوان وماكو ارقام هههههههههههه
اكول عفية انطيني شوية من موهبتك الشعرية يعني انت شاعر مبدع



اي انتي ظالمه واتوقع مجرمه واني قافل أله اخذ الرقم واذا ما عاجبج اريد

رقم الموبايل ورقم بيتكم والزقاق رجاء وشارعكم والفرع واسم المختار

حته اجي الحيكم واباب بيتكم واصيح تدرين شصيح اقري النص وشوفي شصيح


هههههههههههههههههههههههههههههههههه




يا حبيبي الروح افديهه ألك

ولو يصبوني ذهب ما بدلك

ماأبدلك لــــــــــــــو أموت

وابقه اصيح بأعله صوت

انه احبك يا بعد أهلي وهلك



يا حبيبي الروح ما عزهه عليك

أنته أأمر تـــدري أني ابين اديك

أأمر اعليه التريده

كلبي حبك مو بأيده

لئن من حسنك أخذ حسنه الملك



حن علي يل اشلعت باب الكلب

ودخلت بالكلب مــن أقرب درب

نبض كلبي صـــــرت أنته

وصرت بجيه وصرت ونته

وعن ونين الكلب كمت اني اسألك


ح س ي

بدل بدل بدل يبو عبد الفتاح طاح الحلو طاح بدل بدل بدل


ههههههههههههههههههههههههههههه




الشاعر

احسان القريشي

عاشقة الحسين(ع)
08-26-2006, 06:50 PM
يا اخي ما اكدر انطيك الرقم والشريحة محتركة
والله قصيدة احلى من الثانية

عاشقة الحسين(ع)
08-26-2006, 06:51 PM
اكول قريت الموضوع اللي هديتة اللك هاي حتى ما تزعل

احسان القريشي
08-27-2006, 08:29 AM
يا اخي ما اكدر انطيك الرقم والشريحة محتركة
والله قصيدة احلى من الثانية




شنو الشريحه محتركه واني شنو بل شريحه اشتري غيرهه ودزيلي الرقم شنو قابل مطلب منج

وداعت امي اشنق روحي وابليج دزيلي الرقم لا اسبي الدنيه وبعدين شنو اليثبتلي المهجومه الشريحه

محتركه مومشكله حضري روحج اني راح اجي واخذج للأمام الرضا عليه السلام احلفج

اريد اشوف الشريحه صدك محتركه لو هاي دوالغ يلا هاي قصيدة الج ولشريحه هههههههههههههههههههههههههههههههههههههههههههههههه



أذا محروكه الشريحه اشلون تتصلين

الدوالغ هــــــــاي بالله اعليج تركيهه

واذا حجيج صدك مــا عندي كل اشكال

ارسلج شـــــــــــريحه ونتخابر اعليهه

واذا انتي جميلــــــــــــه اعليه تتفيكين

اجي ازينج صفــــــر واعيونج اطفيهه

مـــــــــــــــــا حب التفيك والله والعباس

لئن نيتي نضيفه ودغش مـــــــــا بيهه

قفل عقلي اعله رقمج وانتي تـــــدرين

مشكلتي جبيره اشلــــــــــــــون تاليهه

انطبكت باب كلبي وفـــــــــاضت العين

يـــــــا بنت الناس بالله اعليج نشفيهه

دزيلي الرقم لا أشنق الــــــــــــــروح

وأكتب بل وصيـــــــه انتي الشنقتيهه


مبروك اني راح انشنق وانتي تنعدمين هههههههههههههههههههههههههههههههههههههههههههههههههه هههههههههههههههههه

تحياتي

احسان القريشي

عاشقة الحسين(ع)
08-27-2006, 04:54 PM
شنو الشريحه محتركه واني شنو بل شريحه اشتري غيرهه ودزيلي الرقم شنو قابل مطلب منج

وداعت امي اشنق روحي وابليج دزيلي الرقم لا اسبي الدنيه وبعدين شنو اليثبتلي المهجومه الشريحه

محتركه مومشكله حضري روحج اني راح اجي واخذج للأمام الرضا عليه السلام احلفج

اريد اشوف الشريحه صدك محتركه لو هاي دوالغ يلا هاي قصيدة الج ولشريحه هههههههههههههههههههههههههههههههههههههههههههههههه



أذا محروكه الشريحه اشلون تتصلين

الدوالغ هــــــــاي بالله اعليج تركيهه

واذا حجيج صدك مــا عندي كل اشكال

ارسلج شـــــــــــريحه ونتخابر اعليهه

واذا انتي جميلــــــــــــه اعليه تتفيكين

اجي ازينج صفــــــر واعيونج اطفيهه

مـــــــــــــــــا حب التفيك والله والعباس

لئن نيتي نضيفه ودغش مـــــــــا بيهه

قفل عقلي اعله رقمج وانتي تـــــدرين

مشكلتي جبيره اشلــــــــــــــون تاليهه

انطبكت باب كلبي وفـــــــــاضت العين

يـــــــا بنت الناس بالله اعليج نشفيهه

دزيلي الرقم لا أشنق الــــــــــــــروح

وأكتب بل وصيـــــــه انتي الشنقتيهه


مبروك اني راح انشنق وانتي تنعدمين هههههههههههههههههههههههههههههههههههههههههههههههههه هههههههههههههههههه

تحياتي

احسان القريشي

اذا احنا الاثنين نموت مو مشكلة هههههههههههههههههههههههه
يا اخي مو كلنا ماكو ارقام خلنا اخوان احسن من الارقام بعدين ممكن سؤال اذا انطيتك الرقم شراح اتسوي بية ؟؟؟
ملاحضة/ الرقم ما انطية لان الشريحة محتركة

احسان القريشي
08-27-2006, 05:09 PM
اذا احنا الاثنين نموت مو مشكلة هههههههههههههههههههههههه
يا اخي مو كلنا ماكو ارقام خلنا اخوان احسن من الارقام بعدين ممكن سؤال اذا انطيتك الرقم شراح اتسوي بية ؟؟؟
ملاحضة/ الرقم ما انطية لان الشريحة محتركة




اكلج ديري بالج مني تره اني بطل العالم بل أتاري ومستعد اتعارك ويه اكبر عصفور واصكطه

اني قبل سنتين كتلت اربع عصافير وابد ما هتميت واجت البلابل كلهه عليه وما هتميت وصوبت بلبلين

وجراده اني متأكد كلشي ما فتهمتي من القريتي لئن اني كلشي ما فاهم منه يمعوده اتكليلي اذا ادزلك

الرقم شتسوي بي هذا سؤال ابشرفج هذا السؤال ميرضون بي حته هنود الحمر يعني شسوي بي

تتصورين انطي لمي يا عمي يا بعد جبدي اني والله العظيم كلشي ما اسوي بل رقم حته ما أتصل بيج

بس هيج سوله اريد اخذ رقج ما ادري الله سلطني عليج واريد اخذ رقمج مو ايكولون الينزل من السمه

تتلكا الكاع واقري هاي المقوله المابيهه ربط بل مو ضوع(لا تسرع يا بابا نحنو في انتضارك) واقري

هاي وهسه الله يهديج هههههههههههههههههههههههههههههههههههههههههههههههههه هههههههههههههههههههههههه

هههههههههههه اعذرين راح اضطر اصفكج سحر ههههههههههههههههههههههههههههههه





كافي يبن الناس مرمرت الكلب

أنته مـــــا عندك كلب بيه يحس

وانته تعرف حبك بروحــي سكن

يصعد وينزل يغالــــي ويه النفس

واني طير وعشي حضنك يا ترف

ولو غبت عني هموم اني انترس

وانه من بعدك اطيحن لــــو جبل

والجبل يوكـــع حبيبي ابلا أسس

أنـــــه وردة وتعطش الماي النده

وأنته مـــــــاي النده ياطيب نفس

وانه نجمه وتضوي وي نور الكمر

لا كن أصل النور منك يا شمس

وانه تمر البرحي كالــــولي حلو

والحلو ضايــع ابطعمك يا دبس

وانه قطعة ذهب معروضه ابمحل

وانته فص ألماز ممنـــوع المس

وانه تفـــــــــــاحة انيوتن والعلم

وانته واضح دار دور اول درس

وانه تغريـــــد ت بلا بل بل صبح

وانته فيروز التغنــي بكل همس

وانه دمعة عين موجـــوده بطفل

وانته بسمة طفل والعاب و نس

أرحمل ابحالــي حبيبي لا أموت

أنه بيدي مفصل اثيــاب العرس

والله مـــــــا تلكي مثل كلبي أبــد

بي طيبه تعـــادل الجن والأ نس

يلا حس ابحبي يـا أغلـــــه بشر

وخلي مــره الفـرح لكليبي يمس


مع تحيات اليتيم المهضوم المركوع بوري الشاعر

احسان القريشي

عاشقة الحسين(ع)
08-27-2006, 05:20 PM
اكلج ديري بالج مني تره اني بطل العالم بل أتاري ومستعد اتعارك ويه اكبر عصفور واصكطه

اني قبل سنتين كتلت اربع عصافير وابد ما هتميت واجت البلابل كلهه عليه وما هتميت وصوبت بلبلين

وجراده اني متأكد كلشي ما فتهمتي من القريتي لئن اني كلشي ما فاهم منه يمعوده اتكليلي اذا ادزلك

الرقم شتسوي بي هذا سؤال ابشرفج هذا السؤال ميرضون بي حته هنود الحمر يعني شسوي بي

تتصورين انطي لمي يا عمي يا بعد جبدي اني والله العظيم كلشي ما اسوي بل رقم حته ما أتصل بيج

بس هيج سوله اريد اخذ رقج ما ادري الله سلطني عليج واريد اخذ رقمج مو ايكولون الينزل من السمه

تتلكا الكاع واقري هاي المقوله المابيهه ربط بل مو ضوع(لا تسرع يا بابا نحنو في انتضارك) واقري

هاي وهسه الله يهديج هههههههههههههههههههههههههههههههههههههههههههههههههه هههههههههههههههههههههههه

هههههههههههه اعذرين راح اضطر اصفكج سحر ههههههههههههههههههههههههههههههه





كافي يبن الناس مرمرت الكلب

أنته مـــــا عندك كلب بيه يحس

وانته تعرف حبك بروحــي سكن

يصعد وينزل يغالــــي ويه النفس

واني طير وعشي حضنك يا ترف

ولو غبت عني هموم اني انترس

وانه من بعدك اطيحن لــــو جبل

والجبل يوكـــع حبيبي ابلا أسس

أنـــــه وردة وتعطش الماي النده

وأنته مـــــــاي النده ياطيب نفس

وانه نجمه وتضوي وي نور الكمر

لا كن أصل النور منك يا شمس

وانه تمر البرحي كالــــولي حلو

والحلو ضايــع ابطعمك يا دبس

وانه قطعة ذهب معروضه ابمحل

وانته فص ألماز ممنـــوع المس

وانه تفـــــــــــاحة انيوتن والعلم

وانته واضح دار دور اول درس

وانه تغريـــــد ت بلا بل بل صبح

وانته فيروز التغنــي بكل همس

وانه دمعة عين موجـــوده بطفل

وانته بسمة طفل والعاب و نس

أرحمل ابحالــي حبيبي لا أموت

أنه بيدي مفصل اثيــاب العرس

والله مـــــــا تلكي مثل كلبي أبــد

بي طيبه تعـــادل الجن والأ نس

يلا حس ابحبي يـا أغلـــــه بشر

وخلي مــره الفـرح لكليبي يمس


مع تحيات اليتيم المهضوم المركوع بوري الشاعر

احسان القريشي

انزين ما راح انطيك الرقم خلينا نفض هالمشكلة
انت لا يتيم ولا مهضوم بعدين منو ضربك بوري ترى مو انا :p
تحياتي الك والقصايدك اللي تجنناللي ما ينجن

احسان القريشي
08-27-2006, 05:31 PM
انزين ما راح انطيك الرقم خلينا نفض هالمشكلة
انت لا يتيم ولا مهضوم بعدين منو ضربك بوري ترى مو انا :p
تحياتي الك والقصايدك اللي تجنناللي ما ينجن





اكلج اني مضروب بوري مو منج لا امس اتعاركت بل سوك وصرت نتل اتعاركت ويه واحد

ايأسس ماي وركعني بوري هاي شبيج هههههههههههههههههههههههه وبعدين ليش متنطيني الرقم

اشبيه شو اخبل اعيوني حول بيه كساح وسكر وضغط ومشكوك بيه افلاونزه الطيور واني خوش شاب

يعني ما اضم عليج منغولي وما ملقح ضد الكزاز هههههههههههههههههههههه وعساهه ابحضه

وبخته الي ميخليج ادزيلي الرقم وراح اشد شيلتي عليه هههههههههههههههههههه

واقري هاي القصيدة اني كاتبهه عن نفسي والله بدون شقه عنوانهه(قصة احسان القريشي) وشوفي

اشكد متلوع اني ومظلوم





يا جروحي المنهه صار اسم الجروح

ويــا حــزني المنه صـار اسم الحـزن

انـه المصابـي الفــرح يبجـي وينـوح

والطــيــور الحالــي مــدغــرد تــون

باقـي وياي الحـزن ويـن انـي اروح

صار سجاني وعشت عنـده ابسجن

انه مــا شفت الفـرح لا وحق نـوح

هــذا سيدنه المشت عكسه السفـن

انه من دون الخلك احجي ابوضوح

لئــن دمــي ابطيــب اصلــن منعجـن

انــه شــاعــر طيب امــرتب سموح

انــه حســونــي الكلب أبيـض جبن

كسر اجناحي الزمن وانه الطموح

وشل حركتي وصرت اصلن مندفن

وايــدي كصــرهه وبعد ماظن تلوح

وصرت ما اغفه ولا يغمض جفـن

يــازمن ويــايه مره اصبح نصوح

وجيب ليـه الفـرح مـو رايح اجن

انه عطر الــوفه مـن عندي يفوح

والــشــرف بيــه يــعــالــم يـنــوزن

وعنــدي غيــره ما تفاركني وتروح

تــبقــه ويـــايــه لــحــد مــا أندفن



مع تحيات المهضوم المظلوم الما شاف راحه ابد



الشاعر

احسان القريشي

عاشقة الحسين(ع)
08-27-2006, 05:42 PM
اكلج اني مضروب بوري مو منج لا امس اتعاركت بل سوك وصرت نتل اتعاركت ويه واحد

ايأسس ماي وركعني بوري هاي شبيج هههههههههههههههههههههههه وبعدين ليش متنطيني الرقم

اشبيه شو اخبل اعيوني حول بيه كساح وسكر وضغط ومشكوك بيه افلاونزه الطيور واني خوش شاب

يعني ما اضم عليج منغولي وما ملقح ضد الكزاز هههههههههههههههههههههه وعساهه ابحضه

وبخته الي ميخليج ادزيلي الرقم وراح اشد شيلتي عليه هههههههههههههههههههه

واقري هاي القصيدة اني كاتبهه عن نفسي والله بدون شقه عنوانهه(قصة احسان القريشي) وشوفي

اشكد متلوع اني ومظلوم





يا جروحي المنهه صار اسم الجروح

ويــا حــزني المنه صـار اسم الحـزن

انـه المصابـي الفــرح يبجـي وينـوح

والطــيــور الحالــي مــدغــرد تــون

باقـي وياي الحـزن ويـن انـي اروح

صار سجاني وعشت عنـده ابسجن

انه مــا شفت الفـرح لا وحق نـوح

هــذا سيدنه المشت عكسه السفـن

انه من دون الخلك احجي ابوضوح

لئــن دمــي ابطيــب اصلــن منعجـن

انــه شــاعــر طيب امــرتب سموح

انــه حســونــي الكلب أبيـض جبن

كسر اجناحي الزمن وانه الطموح

وشل حركتي وصرت اصلن مندفن

وايــدي كصــرهه وبعد ماظن تلوح

وصرت ما اغفه ولا يغمض جفـن

يــازمن ويــايه مره اصبح نصوح

وجيب ليـه الفـرح مـو رايح اجن

انه عطر الــوفه مـن عندي يفوح

والــشــرف بيــه يــعــالــم يـنــوزن

وعنــدي غيــره ما تفاركني وتروح

تــبقــه ويـــايــه لــحــد مــا أندفن



مع تحيات المهضوم المظلوم الما شاف راحه ابد



الشاعر

احسان القريشي
همزين مو مني البوري اكو اتاذيت من البوري هههههههههههههههه
هاي شنو ما مخلي مرض ما صاير بيك هههههههههههه
والله قصايدك روعة
وهاي القصيدة مني اللك
http://www.almubarak.net/images_asp/poem-img/abu_firas-8.gif

احسان القريشي
08-27-2006, 05:52 PM
همزين مو مني البوري اكو اتاذيت من البوري هههههههههههههههه
هاي شنو ما مخلي مرض ما صاير بيك هههههههههههه
والله قصايدك روعة
وهاي القصيدة مني اللك
http://www.almubarak.net/images_asp/poem-img/abu_firas-8.gif





هاي شنو اني ما كلتلج الأمراض البيه كلهه لئن خاف اتبطلين عليه

قابل اني زوج اكلج بيهن كلهن هذني الأمراض الخفايف كتلج بيهن بعد عندي مرض

ما صاير ابأنسان ولا يصير وراح اكلج بي بس مو تفضحيني بيه مرض اسه (فز الحلو نص الليل)

هذا المرض الله ايجفيج الشر عباره عن اني نايم وافز نص الليل اغني (علي علي بطل افليد هيا طر يا

كلندايزر عدوك فحذر سلح نفسك وبعدين اكلب قناة وبنفس الوقت اغني كوم انثر الهيل واطلع شكو هيل

عدنه بل مطبخ وانثره بل بيت وامي اتكوم ادك وتلطم) خو بسيط هذا المرض ادري بيج موافقه وفرحانه

مبين لئن انتي هسه وراح اتكولين عليمن اموافقه اني اكلج اموافقه ادزيلي رقمج

هههههههههههههههههههههههههههههههههههههههههههههههههه هههههههههه


هاج هاي القصيده اهديهه الج



لا تنسه

عشكنه وكعدت الشاطي وهذيج ايامنه السلسه

وليالينه المشت بينه وكعـــــدنه ابقارب الونسه

وضحكنه وصوتنه العالي؟وجواباتك على اسألي

من اسألك عني يا غالي؟وجوابك ضحكه الي وهمسه

لا تنسه

الطيور الوكرت يمنه؟وسألت عن سوالفنه

اشلون اشلون اعشكنه؟عشكنه الكون وازهاره

عشكنه اجباله وبحاره؟عشكنه الليل ونهاره

عشكنه الكمر ونجومه؟عشكنه المطر وغيومه

عشكنه الصحوه والنومه؟عشكنه الشمس وضواهه

وياهو ابنوره سا واهه؟رب الكـــــون سواهه

سواهه تنور الكون؟صعبه اتباوعلهه اعيون

مثل حبنه الشمس بل لون؟ابيض لونهه ولونه

حبنه المايشوفونه؟عنه النا س سألـــــــونه

وانته اتريد من هسه؟عشكنه انبيعه ونفلسه

دخلينه فرد مرسه؟

لا تنسه

نرد نسامر الليله؟وترد ايدي اعله الكذيله

ووكف دمعي من سيله؟وعلى صدري ترد اتنام

ونحلم اجمل الأحلام؟ونشيل امن الفكر الوهام

وترد الشفه عل شفه؟وزعلنه الليله خن كفه

لئن أنته الي الوصفه؟وطبيبي الما عرف غيرك

نبضي ايشوفه ويجسه؟

لا تنسه



مع تحيات اليتيم المقهور اليشور

الشاعر

احسان القريشي

عاشقة الحسين(ع)
08-27-2006, 06:46 PM
لا عاد هذا المرض بسيط بس الا اغنية كلندايزر ماكو غيره ههههههههههه

لا لا والف لا ما انطيك الرقم
القصيدة كلش حلوة مثلك

احسان القريشي
08-27-2006, 07:07 PM
لا عاد هذا المرض بسيط بس الا اغنية كلندايزر ماكو غيره ههههههههههه

لا لا والف لا ما انطيك الرقم
القصيدة كلش حلوة مثلك



يعني ولا عنهه متنطيني الرقم ابد عمي قابل كلش تنطيني بس اخذيني وياج لا تعوفيني

هسه راح اتكليلي وين اخذك وياي اني اكلج انتي وحده منهن لو تنطيني الرقم لو تاخذيني وياج

من ترحين للمدرسه اشيلج الكتب هسه هاي خلصنه منهه عمي حته لو ادزيلي بس خمي ارقام والباقي

اني اكديهن كديه اروح الشبكة أثير لو العراقنا لو الأسيا سيل من انهجمن اتلاثتهن

والله لا يرزق راعيهن لئن الكرت بس اتكول الو خلص عمي هاي القصايد لو كاتبهه الملكة

بريطانيه جان ودتلي الرقم واسم امهه واسم حته الجوارين متكليلي هذا رقمج شنو

لحد الأن خاسر 1212121212 قصايد وما حصلتع شنو هذا رقمج بي حلا وه بي عساله


ههههههههههههههههههههههههههههههههههههه



هاج هاي المهجومه اتعرفين شنو المهجومه اني اكلج المهجومه يعني القصيدة

ههههههههههههههههههههههههههههههه

وداعت امي اني ضايج وهمزين الله دزج الي صار يومين اضحك من كل كلبي

لئن انتي صدك اريحيه وتستاهلين واحد يكتبلج هاي القصايد





أخذني اوياك يمعـــــود أخذني وياك تانيني

ما عفتك أبـــــد وحدك وحدي ليش ترميني

ابنص الظيم والحسره وانه الأهات تكفيني

ما ظنك أبـــد ترضه عمري ايضيع وسنيني

عمري ايضيع من بعدك اتيه اومـن يدليني

والتايه ذليل ايصير صعبه الـــــــذله تلفيني

وانه الماحنيت الراس تـــريد اليوم تحنيني

تخليني ابسواد الليل حـــــــــاير شو تخليني

وانه المانسيتك يــوم اشلون اتريد تنسيني

رهاك الزمان ابساع يعمي اويــــــاك رهيني

هظيمه اوسفه ما غزر سهري وبجي وونيني

اساهر والسهر مو زين لجلك وادري يا ذيني

تضل عيني ترابي الباب رادت شــوفتك عيني

تريد اتروح تتركني ثلج محـــــــــــــد يـــدفيني

تريد اتروح تتركني هرش مشلوع من طيني

تريد اتروح تتركني عاطش مـــــــن يــرويني

تريد اتروح تتركني نار اومــــــــــن يطفيني

تريد اتروح تتركني تخلي الــــزمن يلويني

تريد اتروح تتركني امــــوت ابنفس سجيني

تريد اتروح تتركني ميت منهـــــــــو يحيني

تريد اتروح تتركني الكلب واحد بينك وبيني

الك ثلثين من حصتي اشلون الباقي يكفيني

اخذني وياك يمعود مـــــــن بعدك أنه ويني

اخــــــذني اوياك يمعود قابل كلشي تنطيني





الشاعر

احسان القريشي

عاشقة الحسين(ع)
08-27-2006, 07:53 PM
يعني ولا عنهه متنطيني الرقم ابد عمي قابل كلش تنطيني بس اخذيني وياج لا تعوفيني

هسه راح اتكليلي وين اخذك وياي اني اكلج انتي وحده منهن لو تنطيني الرقم لو تاخذيني وياج

من ترحين للمدرسه اشيلج الكتب هسه هاي خلصنه منهه عمي حته لو ادزيلي بس خمي ارقام والباقي

اني اكديهن كديه اروح الشبكة أثير لو العراقنا لو الأسيا سيل من انهجمن اتلاثتهن

والله لا يرزق راعيهن لئن الكرت بس اتكول الو خلص عمي هاي القصايد لو كاتبهه الملكة

بريطانيه جان ودتلي الرقم واسم امهه واسم حته الجوارين متكليلي هذا رقمج شنو

لحد الأن خاسر 1212121212 قصايد وما حصلتع شنو هذا رقمج بي حلا وه بي عساله


ههههههههههههههههههههههههههههههههههههه



هاج هاي المهجومه اتعرفين شنو المهجومه اني اكلج المهجومه يعني القصيدة

ههههههههههههههههههههههههههههههه

وداعت امي اني ضايج وهمزين الله دزج الي صار يومين اضحك من كل كلبي

لئن انتي صدك اريحيه وتستاهلين واحد يكتبلج هاي القصايد





أخذني اوياك يمعـــــود أخذني وياك تانيني

ما عفتك أبـــــد وحدك وحدي ليش ترميني

ابنص الظيم والحسره وانه الأهات تكفيني

ما ظنك أبـــد ترضه عمري ايضيع وسنيني

عمري ايضيع من بعدك اتيه اومـن يدليني

والتايه ذليل ايصير صعبه الـــــــذله تلفيني

وانه الماحنيت الراس تـــريد اليوم تحنيني

تخليني ابسواد الليل حـــــــــاير شو تخليني

وانه المانسيتك يــوم اشلون اتريد تنسيني

رهاك الزمان ابساع يعمي اويــــــاك رهيني

هظيمه اوسفه ما غزر سهري وبجي وونيني

اساهر والسهر مو زين لجلك وادري يا ذيني

تضل عيني ترابي الباب رادت شــوفتك عيني

تريد اتروح تتركني ثلج محـــــــــــــد يـــدفيني

تريد اتروح تتركني هرش مشلوع من طيني

تريد اتروح تتركني عاطش مـــــــن يــرويني

تريد اتروح تتركني نار اومــــــــــن يطفيني

تريد اتروح تتركني تخلي الــــزمن يلويني

تريد اتروح تتركني امــــوت ابنفس سجيني

تريد اتروح تتركني ميت منهـــــــــو يحيني

تريد اتروح تتركني الكلب واحد بينك وبيني

الك ثلثين من حصتي اشلون الباقي يكفيني

اخذني وياك يمعود مـــــــن بعدك أنه ويني

اخــــــذني اوياك يمعود قابل كلشي تنطيني





الشاعر

احسان القريشي
والله اني هم جنت ضايجة بس هاليومين كلش فرحانة لان جاي احجي وياك وندردش تدري ابيتنة ضوجة ماكو احد ادرش وياة وماكو احد دمة حلو وفكاهي مثلك
لا رقم ولا اخذك وياي بس لا تخاف ما راح اعوفك ابد ليش انت تنعاف انت ماكو مثلك

وقصايدك دوم حلوة ومحليها كاتبها

احسان القريشي
08-27-2006, 08:37 PM
والله اني هم جنت ضايجة بس هاليومين كلش فرحانة لان جاي احجي وياك وندردش تدري ابيتنة ضوجة ماكو احد ادرش وياة وماكو احد دمة حلو وفكاهي مثلك
لا رقم ولا اخذك وياي بس لا تخاف ما راح اعوفك ابد ليش انت تنعاف انت ماكو مثلك

وقصايدك دوم حلوة ومحليها كاتبها



اكلج هاي الدوالغ شنو انتي لوتيه لو تبعين ثلج بل شته ها شنو ماكو رقم ولا تاخذيني وياج

ومتعوفيني وداعت امي اشتكي عليج واكلهم هاي بت الزرقاوي وتمون عمليات التفجير

وهيه مشترك ابتفجير القطارات ابأسبانيا وتفجير الطائرات بأمريكا واخليج اطبين لبو غريب وتصير

مواجهتج كل احد واخليج اتشلربين جكاير من القهر



نصيحه
ــــــــــــ

عزيزتي الأم الرضاعه الطبيعيه احسن من الممه وداعت امي

يعني اذا اترضعين ابنج رضاعه طبيعيه شدي بي عبوه ناسفه وفجريهه

واذا صار بي شي ابهاي الركبه مع تحيات وزارة الأوقاف والشؤن الدينيه هههههههههههههههههههههههههههه


اقري


امس واليوم يا عيني

امس واليوم يا غالي

ذكــرت البينك وبيني

ورسمك صاير اكبالي

امس واليوم

هجرني النوم

انمليت اهموم

من ذكرك أجه ابالي




حبيبي الشوفك اتحسر

الي يومين يا عمري

اصبر الروح ما أكدر

على افراكك خلص صبري

حبيب الروح

تره مجروح

الكلب وينوح

من هجرك بجه الحالي




بعـــــــد عيناك يا طيب

نهاني الظيم من دونك

انـــه المشتاك يحبيب

واريدن شوفت اعيونك

يمته اتعود

ويرد اردود

كلبي ايهود

ومن حزنك يظل خالي




امس واليوم يا عيني

امس واليوم يا غالي

ذكــرت البينك وبيني

ورسمك صاير اكبالي

امس واليوم

هجرني النوم

انمليت اهموم

من ذكرك أجه ابالي






الشاعر

احسان القريشي

عاشقة الحسين(ع)
08-27-2006, 08:44 PM
لا اخي احسان انا مو لوتية
ههههههههههههههههههههه اكول شنو يعني الدوالغ
انا ما ابيع ثلج بالشتة ابيع حطب ههههههههههههه
يا الله على قصايدك اتجنن

احسان القريشي
08-27-2006, 09:03 PM
لا اخي احسان انا مو لوتية
ههههههههههههههههههههه اكول شنو يعني الدوالغ
انا ما ابيع ثلج بالشتة ابيع حطب ههههههههههههه
يا الله على قصايدك اتجنن




اعتذر ومسحت المشاركه واسف وكلشي ولا تزعلين

وهاي بس القصيدة على المهجومه الكهرباء والضاهر سونه سحر ويردون ايخاربونه

اسف اسف اسف اسف اسف اسف

واترجاج انسي البدر مني مو مقصود والله



اريد اسم الزعلج خــلاج مدخلين

لبيـــوتنـــه وكمتي انتي مدخليهه

طالت زعلتج يحبيبه صار اسنين

وكثر زعلج علينه اشلون تاليهه

افرشي انجيب مشايه لو تردين

وانفصلج عشاير والله ونسويهه

كعدت شيـــوخ ودلـــــه وفناجين

ونكل لهلج يعمي اشلون نرضيهه

من عدهه الذنب والـنزل الــدين

ما سأنه الأسمهه وجبنه طاريهه

جــانت من تجي لومـره لو مرتين

نتلكاهه ابهلاهل كلنه نفرح بيهه

تسير ساعة لو اكثر امن اثنين

وندعي الله يا رب لصبح خليهه

هــــاذي الغاليه وتسوه لملاين

واحنه انحبهه مــا نكدر نأذيهه

اغله من الكلب والروح والعين

ما نكدر نفاركهه ابكلشي نشريهه

لـــو دارت وجهه انام كلي وين

ياعمهه وكرايبهه وكل اهاليهه

ننام اعله السطح يلفينه بس الشين

بك وحرمس وكا رص يحاميهه

جانت من تجي تنــــور الحياطين

يــــا تيل الجبيـــر الأنته واليهه

ترضاهه تعوف الناس محترين

بيهه الصوج لتكول انته شعليهه

هاذي الكهربا مــو بت دواوين

لتقدم عـــــــذر اسكت وخليهه

عرفنه السالفه وكالوهه مسؤلين

مــا تكدر تجينه ا محنيه رجليهه





الشاعر

احسان القريشي[/SIZE[/COLOR]][/CENTER]

عاشقة الحسين(ع)
08-27-2006, 09:09 PM
لا عاد اني زعلت وبعد ما ارد شنو هذا الحجي

احسان القريشي
08-27-2006, 09:20 PM
لا عاد اني زعلت وبعد ما ارد شنو هذا الحجي




الظاهر صدك انغثيتي والله اسف وراح امسح الي كتبته بس والقرأن مو قصدي

واذا متردين ازعل عليج والله ما قاصد واسف اسف اسف اسف اسف اسف




لا تـــــزعل علي لا لا

اولتحمل الكلب بس أه

شفت ويــــلات بغيابك

والشـــــاهد عليه الله




علي لا تبعــــــد اوتنسه

انه الشلتك على امتوني

مــــــا اصدك علي تقسه

وانته اتخيب اظــــــنوني



لا تـــــزعل علي لا لا

اولتحمل الكلب بس أه

شفت ويلات بغيــــابك

والشاهـــــد عليه الله



حبك يا بعــــد عمري

ساري ابنص شرايني

رسمتك والحبر دمي

صوره انته ابوسط عيني




لا تـــــزعل علي لا لا

اولتحمل الكلب بس أه

شفت ويلات بغــــيابك

والشاهــــد عليه الله



كلامك للكلب جارح

جبير الكلب هاكبره

ابيض والله ويسامح

مــا شال الحقد مره



لا تــــزعل علي لا لا

اولتحمل الكلب بس أه

شفت ويلات بغيــابك

والشاهــد عليه الله


أسف والله وراح امسح ذيج المشاركه واخي بس القصيدة على الكهرباء

واذا تردين متردين بعد ف اترجاج اتكونين ما زعلانه عليه لئن والله اني اكتلني ولا واحد عزيز يزعل

عليه وانتي الله شاهد عزيزه عليه ومثل اختي بس للفكاهه اكلج انطيني الرقم واشاقه وياج اسف

واكرر أسفس وارجو الرد


الشاعر

احسان القريشي

عاشقة الحسين(ع)
08-27-2006, 09:30 PM
الظاهر صدك انغثيتي والله اسف وراح امسح الي كتبته بس والقرأن مو قصدي

واذا متردين ازعل عليج والله ما قاصد واسف اسف اسف اسف اسف اسف




لا تـــــزعل علي لا لا

اولتحمل الكلب بس أه

شفت ويــــلات بغيابك

والشـــــاهد عليه الله




علي لا تبعــــــد اوتنسه

انه الشلتك على امتوني

مــــــا اصدك علي تقسه

وانته اتخيب اظــــــنوني



لا تـــــزعل علي لا لا

اولتحمل الكلب بس أه

شفت ويلات بغيــــابك

والشاهـــــد عليه الله



حبك يا بعــــد عمري

ساري ابنص شرايني

رسمتك والحبر دمي

صوره انته ابوسط عيني




لا تـــــزعل علي لا لا

اولتحمل الكلب بس أه

شفت ويلات بغــــيابك

والشاهــــد عليه الله



كلامك للكلب جارح

جبير الكلب هاكبره

ابيض والله ويسامح

مــا شال الحقد مره



لا تــــزعل علي لا لا

اولتحمل الكلب بس أه

شفت ويلات بغيــابك

والشاهــد عليه الله


أسف والله وراح امسح ذيج المشاركه واخي بس القصيدة على الكهرباء

واذا تردين متردين بعد ف اترجاج اتكونين ما زعلانه عليه لئن والله اني اكتلني ولا واحد عزيز يزعل

عليه وانتي الله شاهد عزيزه عليه ومثل اختي بس للفكاهه اكلج انطيني الرقم واشاقه وياج اسف

واكرر أسفس وارجو الرد


الشاعر

احسان القريشي

ي الله شكد دمك فكاهي وحلو وابن عشاير اكيد هههههههه
يا اخي والله ما يهون علية اضوجك او ازعلك مو مشكلة اعتذارك مقبوب مقبول مقبول

القصيدة كلش حلوة مثلك

احسان القريشي
08-27-2006, 09:43 PM
ي الله شكد دمك فكاهي وحلو وابن عشاير اكيد هههههههه
يا اخي والله ما يهون علية اضوجك او ازعلك مو مشكلة اعتذارك مقبوب مقبول مقبول

القصيدة كلش حلوة مثلك



اي همزين هسه من رخصتج اروح اجيب النذر واجي لئن اني نذرت

اذا تقبلين اعتذاري اذبح 100 عجل و100 طلي وانتي والحمد لله الله هداج

وقبلتي الأعتذار بس هسه اشلون بيه منين اجيب افلوس النذر يلا راح اذبح

خمس عصافير ابمكان النذر ايسدن مو ولو الخمس عصافير اكثر من النذر بس يلا

مو خساره هههههههههههههههههههههههههههههههههههههههه

يا عشاير يعني انتي كيفتي من كتلج ما اريد الرقم لا عمي اريد واذا مدزيليا اكوم ابجي



وهاي هديه الج




هــــاك بوسه يل حبيب

ادري مــن عدهه تطيب

خذهه مني لا تخـــــــاف

خذهه يا عمري ابشرف

هيه عل وصفـــه تضاف

بوسه من عـــندي سلف

هـــــاي بوسه مني دين

هـــــــاي بوسه يل حنين

وادري هيه اجمل طبيب

هــــــاك بوسه يل حبيب

ادري منعدهــــــه تطيب



أن بست خــــدي تره

مــــا تطيبك من وكت

ظغطك ابعيني انقـــره

فول صاعد من شفت

بوسه وحده بس تنزله

من الشفايف والله تحله

ولــو خذتهه هسه أنته

يرد كلبك نفس دكتــــه

وتطلع ويــــاي وتروح

خالي انته امن الجروح

يلله خــــــذهه شو تعال

هيه حل الكل ســــــؤال

والله مــن شفتي تصيب

هــــــاك بوسه يل حبيب

ادري من عدهه تطيب



الشاعر

احسان القريشي

عاشقة الحسين(ع)
08-27-2006, 09:52 PM
ههههههههههههه يا احسان
100 عجل 100 طلي هاي شنو النذر يروحلك فدوة
لا تذبح العصافير يلا اعتبر نذرك اتوفة

قصايدك روعة

احسان القريشي
08-28-2006, 08:40 AM
ههههههههههههه يا احسان
100 عجل 100 طلي هاي شنو النذر يروحلك فدوة
لا تذبح العصافير يلا اعتبر نذرك اتوفة

قصايدك روعة



هاي منو ايروحلي فدوه العجول والطليان لو العصافير وبعد ين شنو نذري اتوف مات النذر

الله ايرحمه عمي ابروح ابيج اذا ميت وبداعته اذا عدل وبروح امج اذا ميته وبداعتهه اذا عدله

دزيلي الرقم عمي اي رقم دزيليا حته لو رقم سيارتكم حته لو رقم الزقاق حته لو رقم بيتكم

بس اريد رقم مو اني مدمن مال ارقام هههههههههههههههههههههههههههههههههههههههه


هاي قصيدة غزل الج




رايد ابــــــــدي ويا ادغزل

ومنين ابدي الغزل اشلون

دايـــــخ والله و رب الكعبه

خايف احجي ومـا ترضون

رايح ابدي ابشعـره الناعم

المايحتاج الكل صــــــالون

ولا يحتاج الصبغــة واحــد

ملونه الباري ابأجمل لون

لونه ابلون اعيونه الحلوه

وهنه عيونه اشلون عيون

يسحرن من نا يم ومغمض

ومن يفتحهن مـــــا تدرون

يدوخن يا ناس ابنضرتهن

وبيهن شــايل سحر الكون

واشفافه امورده من الباري

ولشفتينه العسل ايهــــون

ميهن يشفي الما متعـــافي

وبوستهن تسوه المليون(دولار مو دينار ههههه)

والرصعه الشــايلهه بخده

يـــــــــا ناس تعقل الجنون

والشامه البطراف خدوده

بيهه يـــــــدوخ هل ملعون

وصدره الما بي أبدن لوله

كا تلني ابصدره المزيون

ويا محله الرجلين الحلوه

ويا محله الخصر المفتون

مخلوقه امن اتراب الوادم

وعنه الـــــــوادم يختلفون

لو هوه ارهابي او محكوم

يطلعه القاضي وهو ممنون

ولو سألـــــــــو ليش اتبري

ياقاضي وليش انته اتخون

كال القاضي ابعالي الصوت

اشبيكم انتم متعرفــــــــون

سلمته الكرسي مــن ايام

وداعيكم صـــار المسجون




الشاعر

احسان القريشي


ها شوفي القاضي طلعه برائه ودخل ابمكانه لسجن يعني اشكد حلو هذا الحبيب ههههههههههههههههه

تحياتي مراسلكم من جزيرة هنود الحمر

عاشقة الحسين(ع)
08-28-2006, 10:30 AM
لا رقم سيارة ولا هاتف ولا اي شيء مو كلنا خلينل اخوان

اي النذر مات بعد لا تجيب اي اي تذر هههههههههههههههههههههههه

شنو هالقصايد

احسان القريشي
08-28-2006, 11:03 AM
لا رقم سيارة ولا هاتف ولا اي شيء مو كلنا خلينل اخوان

اي النذر مات بعد لا تجيب اي اي تذر هههههههههههههههههههههههه

شنو هالقصايد



عمي اي رقم حته لو رقم البطاقه التموينيه ميخالف واذا متكدرين دزيلي

اسم الوكيل مال الطحين مالتكم واسم امه واذا متكدرين دزيلي اسم جوارينكم كلهم

والله سويتيهه مصيبه وشلعتي باب كلبي وضل كلبي بلا باب يعني هسه اي واحد

يدخل بي سياحه وسفر اشتعل ابو سفيان العين ابن العين ههههههههههههههههههههههههههههه


هاي الج



حن علي يــبــن الـناس

أبغيبـتك شـاب الـراس

وحمل العلي ما ينقاس

مـن الـجـبـل هـم اكثر




أنـتـه الـسند يالـمحبوب

ولو رحت اصبح مصيوب

ابسهم الطلع من شيبوب

لهاذا السهـم مـا أكـدر





رد يا بعد ماي العين

ولاتخبط الزين ابشين

غطيتك ابهل رمشين

وكليبي بيك اتمرمر





حبك وحق رب الكـون

سواني شبه المجنون

والعمر يرخص ويهون

بس لـــــو ترد يل أسمر



هسه خاف اطلعين مو سمره وتلاص بس امني

اني احب كل الألوان اسمر ابيض حنطاوي اسود حته لو مثل كوفي عنان هههههههههههههههه

تحياتي الج





الشاعر

احسان القريشي

عاشقة الحسين(ع)
08-28-2006, 11:08 AM
ههههههههههههههههههههه

لا رقم لا رقم واذا تريد اي رقم هذا رقم علماشي 5343
القصيدة كلش حلوة

احسان القريشي
08-28-2006, 11:23 AM
ههههههههههههههههههههه

لا رقم لا رقم واذا تريد اي رقم هذا رقم علماشي 5343
القصيدة كلش حلوة



هذا الرقم اعرفه هذا رقم بدلة جهنم تردين اتورطيني وتخليني اخابر

ويطلعلي ابو جهل واني ما احجي ويا من معركة احد تدرين ليش لئن بل

معركه كتله خويه ابو جهل اريد سيارتك متواعد ويه هند بل مدينه المنوره

كلي خويه السياره بيت نار ما اكدر انطيكياهه واني ما جذبت خبر رحت للمعارض مال البياع

وشتريت بي ام دبليو موديل 2006 هاي اشوكت ابمعركة احد ليش مدزيلي اي رقم

ليش اخوف اشبه الواوي ليش الله قبيلج وعساهه ابحضه وبخته الميخليج ادزيلي الرقم

ههههههههههههههههههههههههههههههههههه


هاي الج بس اذا كلبج حنين تبجين على النص



مــجـروح مـنـك يـا زمـن

حـزنـان وعـيـوني عـمن

ودمـوع الـبعينـي صـفـن

ابـجـي وانـوح اعـليـهـم




تـدرون فـركـاهـم صعب

والـهـجـر مـاظـنـه لـعـب

تـيه عـلـي حــتـه الـدرب

والــدرب تــايــه بـيـهــم




افـراكـهـم شـل حـالتي

حـيرنـي والله ابـدنـيتي

ومن عيني نزل دمعـتي

وبدموعي اني اشريهم




يـازمـن رجـعـهــم الـي

احبابي ذوله وكل هلي

والـكـلب بـيـهـم مـبتلـي

كل ساعة ينبض بيهم



الشاعر

احسان القريشي

عاشقة الحسين(ع)
08-28-2006, 11:29 AM
ليش هو الزمن خلة شي كلشي حلو خذا منعدنا

ماكو رقم شلون يعني جاي اكول ماكو اي رقم ماكووووووووووووووووووووو رقم

احسان القريشي
08-28-2006, 11:41 AM
ليش هو الزمن خلة شي كلشي حلو خذا منعدنا

ماكو رقم شلون يعني جاي اكول ماكو اي رقم ماكووووووووووووووووووووو رقم



حترك ابو الرقم اشتعلت ام الرقم اشتعلو كرايب الرقم عمي ما اريد اي رقم

بطلت يا حجايه ردي المكانج اشتعلةو اهلي على هل طلب ما اريـــــــــــــــــــــــــــــــــــده

ما أريـــــــــــــــــــــــــــــــــــــــــده وبطلت ما اريد كل رقم بس الحجي ابينه اذا بيهه مجال

رقم جوالج رحمه على موتاج واذا مدزي يعني اسوي حرب بل منتدى وافجر روحي


هههههههههههههههههههههههههههههههههههههههههههه


هاي الج


مـحـبــــوبـي رد لاتـبتـعد

محبوبي مــــو طال البعد

انتة الأرض وانتة الورد

وانتة اعيــــوني الاثنين



انــتـه الــي وانــي الك

وافدي العمر مـا ابـدلك

لاتــبـتـعــد رد لــي ولـك

الـبـعـد كـلـش مـو زيـن



ضلت اعيوني اعل درب

منتضره جيتـك يل محب

من غيبتك شــاب الكلب

والدمع سـال امن العين



لا شـيـل ايــد ولا رجــل

مـهـمـوم وزداد الـحـمـل

ارجع يبو اعيون الشهل

لو شفتك اني اصبح زين




الشاعر

احسان القريشي

عاشقة الحسين(ع)
08-28-2006, 11:48 AM
همزين هسة ما تريد الرقم فضيناهة

بس كلشي ولا تفجر روحك من نجيب شاعر مثلك
القصيدة كلش حلوة

احسان القريشي
08-28-2006, 12:18 PM
همزين هسة ما تريد الرقم فضيناهة

بس كلشي ولا تفجر روحك من نجيب شاعر مثلك
القصيدة كلش حلوة





هاي منو كلج ما اريد الرقم اقري زين الكاتبه اني كتلج اريد بس رقم

جوالج والأرقام الي ما اريدهن مال البطاقه التمونيه ورقم السيارة بس رقم جوالج

اريد ولو اعرف اموت اله احصله ومع العلم اني ما عندي جوال ابشرج خاف متدرين

واني راح انحرف وطلع خارج خط العرض 32 يعني منوع طياره اطير من يمي

ههههههههههههههههههههههههه

اقري هاي المشكله الي اني واكع بيهه ابهذا النص



مـرن مـن يمي ابنيات

اتـلاثـة وكلهـن حلوات

احتاريت يا هو الاختار

اتلاثتهن عدهن شامات




مـرن من يمي وراحـت

روحي يا نـــاس وتاهت

شتختار الروح احتارت

تلاثتهن نـفس المشيـات




مــرن مــن يـمــي مــرة

بيضة وشكرة وسـمـرة

حيــرن كــلبــي بــــأمرة

وخـتلـفت بـيـه النبضات



الشاعر

احسان القريشي


هسه كليلي يا هو اختارهه

تحياتي الج يا اجمل عاشقة

عاشقة الحسين(ع)
08-28-2006, 01:01 PM
ههههههههههههه
ماكو اي رقم ما انطي
اختار انتة خلينا نشوف اختيارك
والله قصيدة

احسان القريشي
08-29-2006, 04:43 PM
ههههههههههههه
ماكو اي رقم ما انطي
اختار انتة خلينا نشوف اختيارك
والله قصيدة




اول شي جنت مريض امس واليوم وستوني صرت زين وأنتي ما سألتي عليه ليش ما استاهل

بس ميخالف اني كلبي كلب والده كله طيبه وميشيل حقد على بشر وبعدين ليش ماكو رقم

ها عمي ليش فهميني ترديني اسوي مشكله ونحرف ليش اشتعل ابو سفيان

ليش اضرب روحي بل كلنسه واطلع الدم انتحر اجيت من فوك السرير للكاع

واستشهد شلون تاليهه يمعوده الخاطر مكه فضيهه ابداعت روبي والي خاندرو

والدبلجه كلهه دزيلي الرقم حته لو رقم الرحله مالتج البصف هههههههههههههههههههههه


هاي الج وبالخدمه يا زغيرونه يا مجكنمه ههههههههههههه



واللة حبـــك مشكله

زغـيـر وبيـــك البله

اني احبك يـــــا ترف

وحبــــك بكلبي عله




يــا تــرف لا تـبتـعـد

انـــــــه احبك ياورد

أنه مــــا عنـدي صبر

أنته سـاحرني سحر

وهــــذا بطله ما أله



ياحلــــو وين الرقم

دزه لا سكمك سكم

عمي عندك خل علم

اجــي اضربك قنبله


بكيفج بعد اني حذرتج اذا مدزيلي الرقم اضربج قنبله ههههههههههههههههههههههههه

تحياتي الج




الشاعر

احسان القريشي

عاشقة الحسين(ع)
08-29-2006, 05:46 PM
اول شيء الحمد الله على السلامة
اني ما اسال وهاي اني مشغلة المولدة علمودك اكول خلي اشوفة شبية اليوم اشو ما اجة لا حجة المهم الحمد لله على السلامة
ماكووووووووووووووووووووووووووو رقم لو مدي شتسوي
كلش حلوة القصيدة

احسان القريشي
08-29-2006, 06:17 PM
اول شيء الحمد الله على السلامة
اني ما اسال وهاي اني مشغلة المولدة علمودك اكول خلي اشوفة شبية اليوم اشو ما اجة لا حجة المهم الحمد لله على السلامة
ماكووووووووووووووووووووووووووو رقم لو مدي شتسوي
كلش حلوة القصيدة



الله يسلمج وعساج بسبع سعادات واريد الله ايخليلج المولده

حته تشغليهه وتسألين عليه وتحياتي للمهجومه المولده مالتكم

دزيلي الرقم لا ادعي على المولده وهسه راح ادعي عليهه

الله يخلص بانزينكم وتنامون بل حر الله يكطع حبل المولده حته بعد

متكدرون تشغلوهه أذا مدزيلي الرقم والله يعطل مولادات جوارينكم كلهم

امنين يا رب العالمين وهذا دعائي دعاء يتم وما عنده غير ام وحده وابو واحد وميت


قال المفكر الأسبان السيد خوصه ابن سلايه

قال ( يل بنات يل بنات عشرة وكول اكليلات بيت ابوهن زغير ما ياخذ المشايات)


هههههههههههههههههههههههههههههههه


هاي الج عمي لئن حق الجار عل جار وحنه جوارين اني من النجف وانتي من الموصل شوفي شلون

جوارين اصلن حايط عل حايط ههههههههههههههههههه صدك انتي من يا محافظة لو هم مترضين

تكليلي هاي لوحة تسمى مو قصيدة عنوانهه \ما عرفتك






ما عرفتك ؟يل نزل دمعي اعله قصتك ما عرفتك

ولا ذكرتك ؟والسبب واضــــــح ياخاين ما ذكرتك

واذا شفتك؟تشــــــــــــــــوف انته ياغادر بيه علتك

ولو سئلتك؟انته شجــــــــــــاوب ياعمي لو سئلتك

شلون عفتك؟ شلون تقنعني وتكلي اشلون عفتك

من هجرتك؟ادري موبيدي تكلي من هجـــــــرتك

ومن ظلمتك؟انه مـــــــا قاصد أذيتك من ظلمتك

ونهد

من غــدرك تعب حيلي.... ونهد

ودم نزل مــــــن العين ....ونهد

لزمت اني الفرح بيدي ....ونهد

لئن بيـــــــدك ولك كسرت اديه


تحياتي الج

احسان القريشي

عاشقة الحسين(ع)
08-29-2006, 07:16 PM
لا عاد عطلت المولدة بس همزين اجت الوطنية هههههههههههههههه
كلي انته اول من اي محافضة بلا كذب ؟؟؟ وبعدين انا

الله كلش احب الابوذيات بس انته قصائدك كلها حلوة

احسان القريشي
08-29-2006, 07:36 PM
لا عاد عطلت المولدة بس همزين اجت الوطنية هههههههههههههههه
كلي انته اول من اي محافضة بلا كذب ؟؟؟ وبعدين انا

الله كلش احب الابوذيات بس انته قصائدك كلها حلوة






ههههههههههههههههههه حيل ان شاء الله اليوم البك ياكلكم اني والحسين الشهيد وبدون شقه

من النجف الأشرف وجنت عايش خارج العراق وفريت نص العالم بس جنت مقين ابلبنا وقبل الحرب

مال لبنان اب 9 ايام اجيت للعراق وهسه اني بل نجف الأشرف وبمدينة الكوفه

وانتي تحبين الأبو أذيات ومتكليلي بيج خير ودليلي بس دزيلي الرقم حبابه

وهاي الج





رايــــــــــد رقم جوالك

حته اسأل اعله حوالك

انخاني وك بل شـــدات

تلكاني ويه خيــــــــالك



يا طيب وتـــــاج الراس

حبك ابد مــــــــا ينقاس

دزلي الرقم يابن الناس

والرايــــــــــــده يجرالك


دز الـــــــــرقم لا لتخاف

ورحم كليبي الشفـــــاف

والمثلي ابد مــــا ينعاف

طيب كلب بقـــــــــــوالك


دزه برسالــــــــــــــه ليه

لا تبخل انتـــــــــه اعليه

استاهل ميـــــــــه الميه

تخليني انــــــــــي ابالك



صد اليه

حبيبي مــــن اكلمك صد اليه

وصدك من عرفتك صيدة اليه

وصرت لجلك طبيب وصيدلية

أداوي بيك وانــه الجرح بيه


بعد شتردين اركصلج هم اركص ما عندي مانع بس شويه ديري بالج عليه هههههههههه

تحياتي

الشاعر

احسان القريشي

عاشقة الحسين(ع)
08-29-2006, 07:44 PM
اولا اني من البصرة الفيحاء الحبيبة
يا الله شكد احب النجف قبل شهر اني جنت بيه ازور الامام علي (ع)

جنت خارج العراق يعني تونست شوية اكول لبنان حلوة ؟؟

الابوذيات تجنن كلش حلوات مثل كاتبهن

احسان كلنا ماكو رقم بس صدق والله ابدا ما راح انساك

احسان القريشي
08-29-2006, 08:17 PM
اولا اني من البصرة الفيحاء الحبيبة
يا الله شكد احب النجف قبل شهر اني جنت بيه ازور الامام علي (ع)

جنت خارج العراق يعني تونست شوية اكول لبنان حلوة ؟؟

الابوذيات تجنن كلش حلوات مثل كاتبهن

احسان كلنا ماكو رقم بس صدق والله ابدا ما راح انساك




اول شي لبنان جنه وثاني شي اني فريت نص العالم وراح اذكرلج بعض الدوله الي رحتلهه

العربيه عمان سوريا لبنان مصر دبي تونس المغرب والأوربيه تركيا اسبانيا بلغاريا

واني ما جنت اتونس جان عندي عمل لئن اني جنت تاجر عرفتي جنت مو هسه لئن

الدوله الجديده الله لا يسلمهه سرقت فلوسي وهذا الشي صحيح وبدون شقه

واني الأن قايم دعوه على الدوله على مود ترجعلي فلوسي هسه عوفينه من هذا الموضوع

اني ارحب بيج يا بنت البصر واني اتمنه اروح للبصره لئ بصراحه ما رايحلهه

وهذا ترحيب بيج



مية هله لكل غريب وكــــــــل عرف

الــــــــــــف هـــــــلا لا قليــل الألـــف

مليـــــــون يخلص ابسرعه وينصرف

مليار مــــــــا يســــد حــــق الـــولف

****************

هلا بيك ابكد التراب الصاير ابدربك

هلا بيك ابكد مـــــا دك ونبض كلبك

هلا بيك ابكد الكــره شخصك وحبك

هلا بيك ابكد مـا خلق من بشر ربك

***************

هلا بيك يا غالي يابعــــــــــد العمر

هلا بيك يل نــــورك ينور مـن تمر

هلا بيك اشكـــد تتوقع انته اشكثر

هلا بيك ابكد رمـــل العراق ومصر

***************

هلا بيك الحـد مــــا يبس الـــــريج

هــــــلا بيك اخ وحبيب وصـــــديج

هلا بيك يل فـــــــاتح علينه الزيج

هلا بيك ابكد اعراقنه ونخل الخلي

***************

هلا بيك يل صبت الكلب بل حســـــــره

هلا بيك يابعــد احسان وسطور شعـره

هلا بيك يا بعد النخل والسعف والتمره

هلا بيك مـــــن أرض النجف للبصـره

*****************

هلا بيك يــــا طيب اصيل الــــذات

هلا بيك يـــل وجهك شبه مــــرأة

هلا بيك يــــــل حسنك مثل ورداة

هلا بيك ابكد الباقي حـــي ومات

***************


الشاعر

احسان القريشي

ملاحظه هامه
ـــــــــــــــــــــــــــ

دزيلي الرقم ههههههههههههههههههههههه

عاشقة الحسين(ع)
08-29-2006, 08:29 PM
الله زاير كل هذي اللبلدان الله يهنيك ويسعدك دوم انشاء الله والله يرجعلك افلوسك انشاء الله

الله لا يخلينة هالحكومة يالله ما شفنه منه شي بس الم وضلم وسرقة وقتل وماكو شيء حلو لا والله كله مسودة
يا هلا فيك بالبصرة والله تنورنا اذا اجيت بس مو هسة خل تتحسن الاوضاع اخاف بنص الطريق يكتلوك وانا اخاف عليك
ملاحضة/ماكو رقم

احسان القريشي
08-29-2006, 09:13 PM
الله زاير كل هذي اللبلدان الله يهنيك ويسعدك دوم انشاء الله والله يرجعلك افلوسك انشاء الله

الله لا يخلينة هالحكومة يالله ما شفنه منه شي بس الم وضلم وسرقة وقتل وماكو شيء حلو لا والله كله مسودة
يا هلا فيك بالبصرة والله تنورنا اذا اجيت بس مو هسة خل تتحسن الاوضاع اخاف بنص الطريق يكتلوك وانا اخاف عليك
ملاحضة/ماكو رقم



والله حجيج كله حلوه وعجبني بس الملاحظه مالتج كرهتني الدنيه وطلعت روحي ههههههههههههه


وهاي هم الج





رسمــــــــك باقي وسط العين واسمــــــك داير ابالي

اسولف وحدي جن مجنون وراسي امن العقل خالي

اظنك يا بعــــــد هـــــــل روح اظنك كاعــــــد اكبالي

تســـــــأل بيـــه وتكلي اشلــــوني اشلـــون احـوالي

بوجـــودك مشيت ابزود مــا طخ راسي ظل عـــالي

لاكـــن بعــــــد عينك نـــــــزف دم انجـــــــرح دلالي

عشت دنيــــــاي مـــــن بعدك حزين وحــزني بذيالي

بغيابك عــــذبانـــي الشــــوك والكافــر بجه الحالي

بغيــــــابك صــــــــدك ذليت وصرت سـالوفه لجيالي

بغيابك صـــــــرت وحــــــــــــــدي يتيم ابين عــــذالي

بغيابك حجــــي الشمات جــــرحني وشعــــل نـاري

بغيابك اعــــز الناس تــــركوني وكطعـو اوصــالي

بغيابك طيـــــور الكـــــون ناحت لجلــــي يــا غالي

بغيــــا بــــك تاه فكــــري ودخت بيميني وشمــالي

بغيابك فرغت العين يل جنت للعين مـــــــــــــالي

بغيابك صــــدك ظليت وحــــدي ابلايه كـــل والي

يل مخوف الخوف ماظنيت وكتي ايـــدور عبالي

همـــــزين اجيت اليــــــوم تعال ورد الـي امالي

تعـــال وخــــل احضننك تعــــال وشوفلي التالي

دكلي شبيك مـــا تحجي وذكر مــــالك ولا طاري

دكلي شبيك مـــــــــــــــا تحجي اباوع لنك خيالي



الشاعر

احسان القريشي


كمت اسولف ويه خيالي من وره الرقم دزي حبابه هههههههههههههههه

عاشقة الحسين(ع)
08-30-2006, 07:09 AM
لألألألألألألألألألألألألألألألألألألألألألألألألأ لألألألألألألألألألألألألألألألألألألألألألألألألأ لألألألألألألألألألألألأ

ماكو ...؟..........

والله انته حجيك الحلو والقصيدة كلش حلوة

احسان القريشي
08-30-2006, 08:26 AM
لألألألألألألألألألألألألألألألألألألألألألألألألأ لألألألألألألألألألألألألألألألألألألألألألألألألأ لألألألألألألألألألألألأ

ماكو ...؟..........

والله انته حجيك الحلو والقصيدة كلش حلوة



حترك ابو القصيدة اني اريد الرقم وشدعوه مكلفه روحج وهل كد كاتبه

لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لا

شنو مطلوبه نذر هل كد لا لالالالالالالالالا هههههههههههههههههههههههههه


عاجل عاجل عاجل
ــــــــــــــــــــــــــــــ

قرر الأمين العام للأمم المتحده السيد كوفي عنان تأجيل زيارته

الى الصومال بسبب تأخير الرقم مالتج ما دازته ليه يمعوده دزي

حته الرجال يروح يفك أزمت دارفول هههههههههههههههههه




وينك يا فرح شو مـــا تدك بالباب

ولا توصل البابي اسنين نا سيني

معقوله اختلف يا فرح عن الناس

والناس التروحلهم مو نفس طيني

ليش اتغيب عني وتــــرحل ابعيد

وتجيب ايد الحزن وتكلهه تلويني

وانه الما عايز قهر لا عايز احزان

بده مني الحزن يا دنيه تــــدريني

انه الماعرفت ارتاح لحظه ويوم

وتعلعل كضيت العمــــر وسنيني

مثل جنح الحمامه الكسره الصياد

ومثل سمجـــه تكل للفاله صيديني

انـــه سباحــة ورد عطشان للماي

يمرني الماي لاكن مــــــا يرويني

انه الغربني الزمان ابوحشة الليل

وسرق مني الفرح يا دنيه عينيني

رجيجه الروح ما تحمل الصدمات

ورهيف الكلب مــــــا يحمل اونيني

يا دنيه الله اعليج رديلي الأفــــراح

وخل تكف من الدمع لحظات عيني



الشاعر

احسان القريشي

عاشقة الحسين(ع)
08-30-2006, 12:01 PM
هاي شنو وصلت لكوفي عنان ههههههههههههههههههههه

لألألألألألألألألألألألألألألألألألألألألألألألألأ لألألألألألألألألألألأ(طلعت روحي)لألألألألألألألألألألألألألألألألألألأ

ماكو رقم

احسان القريشي
08-30-2006, 05:20 PM
هاي شنو وصلت لكوفي عنان ههههههههههههههههههههه

لألألألألألألألألألألألألألألألألألألألألألألألألأ لألألألألألألألألألألأ(طلعت روحي)لألألألألألألألألألألألألألألألألألألأ

ماكو رقم




مدزين الرقم راح اسوي حرب الله اكبر الله اكبر الله اكبر واليخسء الخاسئون

في الثلاثين من أب الهاب لعام 2006 هجــــــــــــــــــــــــــــــــــــــــــــــــ ــــــــوم


ليش مدزين رقمج مو والله شلعتي صرتي وشعلتي اهل اهل ليش

شبيه مو حلو شو اخبل جني توفيق الدقن هههههههههههههههههه


هاي بيت ابو أذيه الج لئن انتي اتحبين الأبو أذيات



الف دقلــه يا روحـــي كلبي يمه

حبيبي وأضــــن انسيت كلبي يمه

اجاني يا الله ابســاع كلبي يمه

لئن ولفــــــي يا يمه الطب عليه


تحياتي الشاعر المظلوم اليتيم اليشور

احسان القريشي

عاشقة الحسين(ع)
08-31-2006, 05:33 PM
مدزين الرقم راح اسوي حرب الله اكبر الله اكبر الله اكبر واليخسء الخاسئون

في الثلاثين من أب الهاب لعام 2006 هجــــــــــــــــــــــــــــــــــــــــــــــــ ــــــــوم


ليش مدزين رقمج مو والله شلعتي صرتي وشعلتي اهل اهل ليش

شبيه مو حلو شو اخبل جني توفيق الدقن هههههههههههههههههه


هاي بيت ابو أذيه الج لئن انتي اتحبين الأبو أذيات



الف دقلــه يا روحـــي كلبي يمه

حبيبي وأضــــن انسيت كلبي يمه

اجاني يا الله ابســاع كلبي يمه

لئن ولفــــــي يا يمه الطب عليه


تحياتي الشاعر المظلوم اليتيم اليشور

احسان القريشي

سوية حرب سوي اي شيء ماكو رقم هههههههههه
اكول انته سيد حتى اتشور

الابوذية كلش حلوة

احسان القريشي
08-31-2006, 05:48 PM
سوية حرب سوي اي شيء ماكو رقم هههههههههه
اكول انته سيد حتى اتشور

الابوذية كلش حلوة




عمي ما أريد الرقم دزيلي اميلج على المهجوم الياهو بطلت مـــــــــا اريده شلعتي كلبي موتيني

يا حجايه ردي المكانج هههههههههههههههههههههههههه


هاي الج



ما رايــــــــداني الجوال

عل ياهـــــــــو دز ايملك

رايح اسألك ســــــــــؤال

وان سكتت يــــــــا ويلك




ليش الرقم مــــــا دزيت

ليه ابرســـــاله وفضيت

مشكلتي شــــو ما حليت

هــــــــديت حيلي وحيلك




بعد الرقم مــــا ريــــــــدة

ومـا أكتبلك قصيــــــــــدة

بس أميلك أصيــــــــــــدة

بحبك يا غــــالي احجيلك





عل ياهــــــــــو دز الأميل

عندي عطل بل هوت ميل

خن ســـولف ابتالي الليل

ولليلي يصيــــــــر ابلليلك



ما رايــــــــداني الجوال

عل ياهـــــــــو دز ايملك

رايح اسألك ســــــــــؤال

وان سكتت يــــــــا ويلك



الشاعر

احسان القريشي

عاشقة الحسين(ع)
08-31-2006, 06:08 PM
واخيرا خلصنا من مشكلة الجوال

اكو رسائل خاصة بالمنتدى مو شرط الايميل
القصيدة كلش حلوة

احسان القريشي
08-31-2006, 06:27 PM
واخيرا خلصنا من مشكلة الجوال

اكو رسائل خاصة بالمنتدى مو شرط الايميل
القصيدة كلش حلوة





عمي خلص حجي وبعد ما أكدر احجي لئن مريض داوي نار هاي بيت أبو أذيه الج


الجمـــال الورد ياهــــو يساوي

ومن يكــدر أبين الحسن يساوي

ورد زائـــــــــــــد حسن يساوي

حبيبي انتـــه النتيجه الأخـــريه



الشاعر

احسان القريشي

عاشقة الحسين(ع)
08-31-2006, 06:35 PM
الله يشفيك انشاء الله

الابوذية كلش حلوة

احسان القريشي
08-31-2006, 06:46 PM
الله يشفيك انشاء الله

الابوذية كلش حلوة




الله يخليج وهاي هم الج


ألف مــــــرحب حبيبي يـا هله

يتيم الكلب من بعدك يا هو اله

ياحبابـــه ارد اورجكم يـــا هله

عذب اكليبي ابنكم عــــم عليه


تحياتي

احسان القريشي

عاشقة الحسين(ع)
08-31-2006, 06:55 PM
كلش حلوة القصيدة
عندي قصيدة الك يمكن اسمه فر بيج الوكت بغداد عاد هاي القصيدة اول ما يبدي الدوام راح اطلع بيه بالمدرسة باعلى صوتي واقدمه باسمك لا ن حيل بجتني

احسان القريشي
08-31-2006, 07:10 PM
كلش حلوة القصيدة
عندي قصيدة الك يمكن اسمه فر بيج الوكت بغداد عاد هاي القصيدة اول ما يبدي الدوام راح اطلع بيه بالمدرسة باعلى صوتي واقدمه باسمك لا ن حيل بجتني



يا قصيدة مال فر بيج الوكت بغدا اني كاتبهه والله ما ادري لئن قصايدي هواي وما احفضهن

ممكن تنطيني عنوانهه لئن اكو قصايد اني ناشرهه بل غلط بعدهي ما منقحه ممكن ادزيلياهه

حته اذا بعدهي ما منقحه انقحهه وانطيجياهه واني والقصايد كدامج ما عسى تقريهن كلهن


هاي الج



اروح وياك يــابن الناس ودي

وحزني الجحيم الكـــــون ودي

وحك مـــن كتل عمر ابن ودي

افرح مـــــــن احسك أنته ليه


تحياتي

احسان القريشي

مو تنسين دزيلي اسم القصيدة مال بغداد

عاشقة الحسين(ع)
08-31-2006, 07:16 PM
وسفه يا بغداد فر بيج الوكت

يلي من نورج اخذ نوره الكمر

كسرو اجناحج يل أحبيبه غدر

وعلى حالج اصبح اينوح الصخر

جنتي يا بغداد جنه اعله الأرض

وهسه نار وبيج انواع الخطر

دجله بيهه الماي جف امن الظلم

والفرات ايتاني نكطات المطر

يا خلك نهرين يمشن بالوطن

دجله معرف وفرات اجمل نهر

وهسه منهن اكبر الثالث اجه

دم شعبنه النوصف بأكبر بحر

جنه نسكي ابماي بستان الورد

واذكر ابغداد شو يحله السهر

جنه بالشارع نساهر ما ننام

وجان صافي البال خالي امن القهر

ماكو سني وماكو شيعي ولا فرق

احنه واحد أيد وحده اعله الدهر

يا هظيمه اختلف ميزان الزمن

وصرتي يا بغداد شو جوه النظر

شعبج ايصبح على الشارع قتيل

وهاي مو هينه يعم تكسر ظهر

وذبلت اورودج حزينه امن اليصير

وبشهر تموز ذب وركه الشجر

والشمس حزنت ما تطلع بعد

وصار خالي امن النجم وكت السحر

والطيور ابعشهه ما طارت أبد

والجبل ناح ودمعتة امن الحجر

يا هظيمه طحتي يابغداد ليش

جيشج ابيومين شو فر ونكسر

نفس قصتج صارت ابطف كربله

من ابو الأحرار من ناسه انغدر

ندري مات احسين من أجل الشرف

لا كن اسم احسين بالدنيه انتشر







الشاعر

احسان القريشي

هذه هي القصيدة كلش عجبتني

احسان القريشي
08-31-2006, 07:31 PM
وسفه يا بغداد فر بيج الوكت

يلي من نورج اخذ نوره الكمر

كسرو اجناحج يل أحبيبه غدر

وعلى حالج اصبح اينوح الصخر

جنتي يا بغداد جنه اعله الأرض

وهسه نار وبيج انواع الخطر

دجله بيهه الماي جف امن الظلم

والفرات ايتاني نكطات المطر

يا خلك نهرين يمشن بالوطن

دجله معرف وفرات اجمل نهر

وهسه منهن اكبر الثالث اجه

دم شعبنه النوصف بأكبر بحر

جنه نسكي ابماي بستان الورد

واذكر ابغداد شو يحله السهر

جنه بالشارع نساهر ما ننام

وجان صافي البال خالي امن القهر

ماكو سني وماكو شيعي ولا فرق

احنه واحد أيد وحده اعله الدهر

يا هظيمه اختلف ميزان الزمن

وصرتي يا بغداد شو جوه النظر

شعبج ايصبح على الشارع قتيل

وهاي مو هينه يعم تكسر ظهر

وذبلت اورودج حزينه امن اليصير

وبشهر تموز ذب وركه الشجر

والشمس حزنت ما تطلع بعد

وصار خالي امن النجم وكت السحر

والطيور ابعشهه ما طارت أبد

والجبل ناح ودمعتة امن الحجر

يا هظيمه طحتي يابغداد ليش

جيشج ابيومين شو فر ونكسر

نفس قصتج صارت ابطف كربله

من ابو الأحرار من ناسه انغدر

ندري مات احسين من أجل الشرف

لا كن اسم احسين بالدنيه انتشر







الشاعر

احسان القريشي

هذه هي القصيدة كلش عجبتني




صحيح اني كاتبهه بس والله ناسيهه ابشرفي مومشكله اقريهه بس اذكري اسمي امانه عليج

تحياتي الج

احسان القريشي

عاشقة الحسين(ع)
08-31-2006, 07:32 PM
غالي والطلب رخيص

احسان القريشي
08-31-2006, 07:41 PM
غالي والطلب رخيص



الله يخليج انتي الأغله


هاي الج


عظمك لو تحسه يخون كسره

وأبد لتخلي منـــــه أثر كسره

مثل طاغي زمانه وجيش كسره

بأمر ربنه اصبحو تحت الوطيه

تحياتي الج

احسان القريشي

عاشقة الحسين(ع)
08-31-2006, 07:47 PM
تسلم اخي احسان

وهسة انتهى النقاش والله راح اشتاق لحجيك

احسان القريشي
08-31-2006, 07:53 PM
تسلم اخي احسان

وهسة انتهى النقاش والله راح اشتاق لحجيك



يلا بااااااااااي وابريلي الذمه وفرصه سعيدة

تحياتي الج والله عليج اي شي تحتاجين بس أمرين

تحياتي اخوج اليحترمج ويقدرج

احسان القريشي

عاشقة الحسين(ع)
08-31-2006, 07:55 PM
والله ونعم الاخ ومع الف سلامة واحنا بالخدمة اي سؤال اي حاجة بالخدمة

شمس ذي قار
10-09-2007, 01:29 AM
والله قصيده في قمه الروعه مشكور شاعرنه المبدع