المساعد الشخصي الرقمي

مشاهدة النسخة كاملة : مع السلامة يا احلى اعضاء ....تودعوني لو لا .....اتمنى الكل يودعني ؟



زهرة الامل
10-19-2007, 09:43 PM
السلام عليكم ..........
الى احلى واغلى اعضاء اني راح اروح بس هذا اليومين وياكم ....
لان اني هسة صف سادس علمي وتعرفون السادس شكد يرادلة قراية اهوايــــــــــــــــة
وبعد ما ادر اكعد على النت ..........
والله اني قضيت وياكم احلى اوقات في هذا المنتدى الحلو والمميز ومع احلى اعضاء والمواضيع الروعة
احب اسلم على كل من حبيباتي وصديقاتي وخواتي كل من مراوي وغرام وبنت الهدى وفيحاء ورناوي وغربة الروح وملاك الروح وسما وبنوتة الحنان وسوسو البغدادية وفاطمة الساعدي وام علي وعاشقة تراب كربلاء وشوقا لكي ياكربلاء والبحرانية والبحرانية شيعية والبنات الباقيات خلي يعذروني والله اني كلكم احبكم وما انساكم ومن الاخوان كل من (عماد البحري والبرنسيس ومصطفى دوت كوم و مشمش كربلا و مصطفى العراقي ورحيم الشبح و عيسى العلي ومنتظر الفرج والى الاخ حمودي الي امتعنة بمواضيعة الحلوة وارشدو مغرد الصغير مغرد الحب وكل الاعضاء ولايزعلون الي ما ذكرت اسمائهم لان نسيت اسمائهم بس اني اكيد اسلم عليهم واحد واحد )

مو تنسوني الله عليكم اني ابداًماراح انساكم واني انشا الله راجعة بس بعد ما اكمل السنة
واتمنى منكم ان تدعولي انجح واطلع معدل يارب
اختكم زهرة الامل

عماد البحري
10-19-2007, 10:09 PM
الاُخت العزيزه

"زهرة الاَمل"

نسئل الله ان يوفقك في حياتك العامه

والدراسه خاصه..وان كنا راح نفتقد اخت عزيزه على قلوبنا

الا ان الدراسه وتكوين المستقبل هو الاهم

نتمنى نسمع اخبارك الطيبه

Clear Sky
10-19-2007, 10:38 PM
الله ومحمد وعلي وياج

شدي حيلج يارب تتوفقين

واي شي صعب أني بالخدمه

موجوده وياريت كل الطلاب مثلج يكونون

تحياتي
ست سما

ملك الاساطير
10-19-2007, 11:23 PM
هلو زهرة الامل انشاءلله التفوق والنجاح واطلعين معدل الي يرضيج انشاءلله ومواضيعج كلهن حلوات { كمت اكذب هو اني اليوم والبارحه اجيت وهسه شفت اسمج ليش اكذب اني } وانشاءلله ترجعين للمنتدى وجايبه المعدل الحلو وننتظر اخبارج وانشاءلله نشوفج بحيل الله


تحياتي اخوج قاسم { دلوع المنتدى } ههههههههههه :D:D:D

سلسبيل
10-19-2007, 11:23 PM
مع الففففففففففففف سلامه وان شاء الله اتطلعين اعلى معدل والله ايوفقج
تحياتي اللج

البرنسيس
10-19-2007, 11:30 PM
مع الف سلامه ويارب تطلعين معدل زين

تركي كلش ي لان كلشي ممكن يتعوض الا المستقبل

ننتظر ترجعيلنه ومعدل عالي

ولتنسين ذكر الله على طول

وحده الي يكدر يعينج على تعب هالسنه

واعتمدي على نفسج

اي شي تحتاجين كولي هسه مخلصه سادس اتذكر ههههه

واخر شي اكوله اني بنيه مو ولد

حنشتاقلج

بااااااااااي

احلى ذكرى
10-19-2007, 11:40 PM
ربنا يوفقك يارب وتجيبي معدل كويس وشكرا

مروه بنت النجف
10-20-2007, 08:24 AM
حبيبتي الغاليه زهرة الامل ربي يوفقج ويبارك فيج
وان شاء الله ترحين وتجين بالسلامه وانتي في القلب وانا مثل ماوعدتج من اروح ازور
سيدي ومولاي الامام علي اندعيلج وانتي شدي حيلج واتكلي على الله وعلى اهل البيت
عليهم السلام وربي يوفقج ويخليج تحياتي لك اختك مــــــــــــــروه.

**البحرانية**
10-20-2007, 10:22 AM
السلام عليكم
انشاء الله خيتي راح ادعي ليش بالنجاح و معدل تتفوقين فيه و انشاء يا غاليتي ترجعين الينا فرحانة و لا تتأخرين و اتمنى تزورينا في يوم من الأيام
تحياتي

MUSTAFA@.com
10-20-2007, 10:43 AM
مع الف سلامه يا اختي العزيزة زهرة الامل راح نشتاقلج ونشتاق المواضيعج واردودك الحلوة
وانشالله النجاح والموفقيه وانشالله اعلى المعدلات .....مع السلامه ....ولا تنسينا وزورينا مو تكطعين
بينه ....اخوكي مصطفى الربيعي

نور العاشقين
10-20-2007, 10:52 AM
الله يوفقج خيتي وووفقنا همين
تحياتي نور العاشقين

عيسى العلي
10-20-2007, 10:56 AM
اختنا الغالية زهرة الأمل
كنتي زهرة بين زهور منتديات العراق
تفوح علينا باجمل رحيق المواضيع الهادفة والمميزة
وامل مثلما يامل جميع اخوتك المخلصون بان تنجحي
في مهمتك الجديدة " السادس العلمي " وتجتازيه
بمعدلات جيدة ... سننتظر عودتك ... دعائي
لك بالتوفيق والسداد
/
أخيكـِ

زهرة الامل
10-20-2007, 01:49 PM
اشكركم يا احلى اعضاء على التوديع الحلو والدعوات الاحلى ....
واشكرك يا عماد ويا مراوي حبيبتي وحبيبتي البرنسيس واني اسفة عبالي ولد
اعذريني و البحرانية وسما وسلسبيل ومصطفى واحلى ذكرى
وملك الموت وعيسى العلي ونور العشقين وانشا الله ما اخيب املكم يا احلى واعز اعضاء راااااااااح اشتاقلكم كووووووووووووووووومة كومة كومة وانتو مو تنسون :cry_smile:cry_smile:cry_smileادعولي لان اني احتاج دعاكم .....
طبعا اختي تضحك عليا اتكول شنو رايحة جبهة وعندج معركة اتكول هي مدرسةهههههههههههههههههههههههههههه

رنا النجفية
10-20-2007, 06:55 PM
حياتي زهرة الامل
انشاء الله ترجعين بسلامة
واتمنى لك توفيق والنجاح الدائم
اختك رنا النجفية

رحيم الشبح
10-20-2007, 07:37 PM
السلام عليكم

اختي زهرة

نسأل الله وال بيته الاطهار بالتوفيق لكم يارب

نتمنى ان الفترة التي اقضيتها معنا هي فترة رائعة

ونرجو منكم ان تعرونا اذا كنا قد اسمعناكم كلام ...

اختي زهرة الامل المنتدى يتشرف بوجود شخصيات كشخصيتكم
ونحن ايضا تشرفنا بمعرفتكم

تقبلو تحيتي العطرة

حميد سالم
10-21-2007, 01:11 AM
مع الف سلامة وانشا الله بالتوفيق يارب

للنجاح والتفوق الباهر في جميع المجالات

وانشا الله تعودين بخير وسلامة

زهرة الامل
10-21-2007, 04:32 AM
اشكرج حبيبتي رناوي على مشاركتك الحلوة والدعاء الحلو وراح اشتاقلج اهواي
اشكرك رحيم على وداعك الي ودعائك الحلو
واني كلش استمت بهذا المنتدى وياكم يااحلى اعضاء
اشكرك واني الي تشرفت بمعرفتكم وبصداقتكم
يلة:):) بااااااااااااااااااااااي سلامي للجميع من سيشارك
اختكم التي لن تنساكم زهــــــــــــــــــــــــرة الامل

Clear Sky
10-21-2007, 08:25 AM
مراح ننساج وانتي هم شوي بيني اوكي
امنيتي لكي بالتوفيق

غرام
10-21-2007, 09:09 AM
صباح الخير
الله يوفقج حبي
وان شاء الله اتجيبين المعدل الي تحلمين بيه
وديري بالج من الدراسه زين
تحياتي لكي وامنياتي بالتوفيق والنجاح
وعود مري مو تگطعين