المساعد الشخصي الرقمي

مشاهدة النسخة كاملة : الى حسن و كوثر و اميره



دموع العراق
08-19-2005, 07:49 AM
كنت اريد ان ارسل لك هذا الكلام على رساله خاصه لكن غيرت رأيي و قلت اترجاك امام الكل
و هذه هي رسالتي لك


حسن ان كلامك هذا كالرصاصه في قلبي
و الله يا اخي حسن اذا انسحبت من المنتدى ما ابقى ولا دقيقه
و ما اشارك في اي منتدى اخر
لا تصدق يا حسن اذا قلت لك نزلت الدمعه من عيني
لقد احببتكم فأصبحتم موضوع في كل حديث اتحدثه في الخارج
حسن هنا احنه اخوه و اكثر من اخوه و صرنه عائله و من اتكلم في موضوع لا اهتم الى اي شيء لأني احس كل واحد منكم هو ضمير الي
ارجوك حسن لخاطر هوايه ناس هنا و لخاطر المنتدى الي بنيناه بضحك و بعصبيه و بمشاركه الفرح و الحزن لأننا عائله
لا تنسحب من المنتدى
ولك اي شي يصير بيتنا اركض و انزله بالمنتدى
ارجوكم يا حسن و يا اميره و يا كوثر ارجوكم
انت بكيفك
و اريد الردود من الاشخاص المعنييين

haidar
08-19-2005, 07:59 AM
والله اني هم مثلک يا دموع
فقط اتسال لماذا کل هذا الاستعجال
لماذا نحل مشاکلنا بهذه الطريقه و هي الانسحاب
حسن فقط تناسي هذه المساله اللي والله ماتستاهل کل هايه الشغلات و ارجع مثل الاول حبيبي
حسن شويه اصبر و لا تستعجل في امور کهذه
والله اني هم جان عندي مشاکل مثل هذه المشکله قبل و کنت احلها باستعجال و عصبيه . و صدق کنت اتندم علي ذلک الاستعجال بعد کم يوم.
ارجوا منک رجاء اخوي ان فقط تتناسي ما حدث

حسن
08-19-2005, 08:23 AM
اخوتي واخواتي الله وحده الذي يعلم كم كنت سعيدا بينكم لانكم اهلي بل ونسيتوني حتى ان اتصل باهلي في اخر الاسابيع لانني خصصت كل وقت فراغي لكم.

وبالنهاية رايت بان كرامتي تهان ولا القول غير ان الحمد لله رب العالمين.

Looza
08-19-2005, 08:35 AM
Dear all,

I am afraid to inform you that I have decided to leave this forum in solidarity with my brother who has been insulted.

As I am away on vacation, I had to write this message in English.

It has been my pleasure being with you brothers and sisters.

Good luck to you all.

أياد الربــــــيعي
08-19-2005, 08:48 AM
Dear all

I regret to inform you of my decision to leave too.

I shall not standby and see me brother get insulated by anybody.

Some of you shall remain in my heart for as long as I live.

Please accept my apologies for any messages that may have been offensive to some of you.

Good luck to you all.

دموع العراق
08-19-2005, 08:55 AM
ها اها نزلت الدمعه الثالثه
لعد الي سماني دموع العراق ما جذب
ولكم ليش
يا رب يطلع هذا حلم
بالامس كانت عاشقه اهل البيت و اليوم ال ابو ضحكه
و غدا الله اعلم

المحبه للعراق
08-19-2005, 08:58 AM
اذا ما رجعو راح ايكون غدا انا لان بعد خلص اللمه الحلوه راحت او هنه عليهم ويردون يرحون ويعوفونه

دموع العراق
08-19-2005, 08:59 AM
لا
صرنه بين نارين
نار الاعضاء و نار ال ابو ضحكه
و ما ندري شنسوي

haidar
08-19-2005, 10:07 AM
hasan who didnt respect u ? tell us what we must to do that u back to us? our what must the moderators here do to make u back to us? and if u r mad for deleting messages again i asked moderatos for that and they said they deletd them just to make all forget this problem but u understand them wrong again.

NOW TELL ME
WHAT WE MUST DO TO MAKE U BACK
AND REMEBER PLEASE YOUR BIGGER THAN THESE THINGS
YES MAYBE KIDS DO THESE THINGS LIKE THAT PREVIOUS MEMBER BUT NOT YOU OR ME
PLEASE WAIT ALITTLE AND THINK

I AM NOW AS A GUEAT IN MY FAMILY HOUSE AND I CANT WRITE IN ARABIC THERE

حيدرالسماوي
08-19-2005, 10:25 AM
يمعود ابو فلاح وين تنسحب
جا هية بكيفك
انتة بطران شنو الانضباطية يجيبوك

اكلك ابو فلاح دخول الحمام مش مثل خروجة زين

اذا تريد تنسحب فانه معناها انت ما تقدرنة ولا تحبنة ولا تحترمنة

لان احنا هنا صرنا اكثر من اعضاء في منتدى بل اخوة



انتة شجاي تحجي شني كلمن له

معظماوي
08-19-2005, 01:46 PM
بسم الله الرحمن الرحيم

أني أعصابي رايحة
ودمي فاير
والحر ذابحني وما بية حيل وجع راس

وكلتهة قبل وراح اكولهة مرة ثانية
هذا الكلام تافه
ليش كلمن ينصدم بحادث زغير يجبن وينسحب ؟؟؟
ما كو رياجيل بيهم خير ويكدرون يوكفون ويدافعون عن حقهم بدل اسلوب الانساحب الجبان هذا ؟؟؟
والمصيبة الاكبر الكل يريدون ينسحبون وية حسن
يعني داء الجبن كلكم مصابين بيه

عذروني ... بس أني ما احب أجامل فهيجي أشياء

أني لسة مفتهمت شنو الشغلة بالضبط وليش هذا القرار المفاجئ

بس أكولهة للمرة المليون ..... أذا أكو أي أنسان يكول احنة المجموعة
معظماوي ، حسن ، ميمو ، زينة
كلنة أو نشرنة شي خطأ خلي يجي يواجهني بأتهاماتة وأني أرد عليه بكل ود وأحترام حتى نعرف شنو الخطأ


راح أنتظر من حسن ومن باقي الاعضاء الاعتذار عن كتابة هذا الموضوع وأنتظر منهم كتابة طلب الى المشرفين لكي يحذف من المنتدى أصلاً

وكافي تصرفات مال جهال وعقلوا ترة ضوجتوني ......


أخوكم في الله معظماوي

haidar
08-19-2005, 01:58 PM
walla ya m3athamawi enta kalamak hatha 3ala el ras
sheno haya el ta9arofat mal el jahal
elza3al bas lel jahal moo elak yaba hasan
ee etha wa7da methel "3asheghat ahl elbait"tez3al hatha ta9arof 3adi menha len heyya 16 sana 3omrha bas hatha mayseer mennak 3aini

Sad Bird
08-19-2005, 03:05 PM
السلام عـليكم ورحمة الله وبركـاتة

الأخـوة حسن و ايـــاد والأخـت لــوزة

هـذا المنتدى وبأذن الله سيتابع المسيرة معـكم او بـدونكم
نتـمنى ان تكونوا معـنا ... بعد ان سلمتكم مناصب اشراف لثقتي بكم ولأعـتقادي بانكم تحبون هـذا المنتدى .... ولكــني كنت مخطئ في حكمي السريع .... واسف لــذلك

ففي أول مشكلة تواجـة واحـد منكم ... فضلتم تركنا والأنسحاب لآنكم اسرة

يا لــلأسف ... فـقد تعلمت منـكـم درس جديد اليــوم ... وتعلمت ان لا أدع ثقتي بأشخاص بسرعـة .
وان الثقة تـُكتسب ولا تـُعطىَ ... وانا ارسلت لك رسالة خاصة اخي حسن
ولكن يبدوا ان لا كرامة لي عـندك ... وكل ما قلتة عـني سابقاً كان كلام عـلى حبر ..

يمـكن الذنب ذنبي انا لم اكن صديقكم ... ولم اكن اخ كبير ولا استحق احترامكم
ويمكن كان ذنبي انني جعلتكم مشرفين ..... وهــذا ايضا غـلط مني .

الحياة تستمر ... وان ذهب ثلاثة اليوم سيأتي 10 غـداً بأذن الله
فهـذا المنتدى موهـوب لله ... وبأذنــة سوف يصبح قائد المنتديات في القريب العاجل
واشهدوا عـلى كلامي
والأتـكال عـلى الله وليس عـلى العـبد ... ولا

اخـوكم الحـزين والمتأثــر والزعـلان جدا جدا

ساد بـيـرد

memo
08-19-2005, 03:17 PM
يا ناس يا عالم بس فهموني بالاول عاشقة اهل البيت وبعدين حسن وهسة ام محمد وابو محمد ترة هاي مو خوش سالفة بس ترييييييييييد اتفهوني سبب الانسحاب الله يخليكم واني هسة ملاحظة بس سامي هو الي كاعد فاذا سمحت سامي فهمني الموضوع واني الممنونة با ي

Sad Bird
08-19-2005, 03:31 PM
اختي منار ... الموضوع تافة جدا
حصل احتكاك بالرسائل بين حسن وكـوثر

والأميرة مسحت ردود كوثر وردود حسن حتى لا يصير مشاكل
فـحسن زعـل وهـو يطالب بالأنسحاب ولوزة وايــاد يساندونة لانهم عـائلة واحـدة

وهـذة هي كل القصة ... قصة تــافة لا تستاهل وكبروهــا اكبر من حجمها

وباعـوا المنتدى وجميع الأعـضاء ... بلحظة غـضب ؟؟؟؟؟؟؟؟؟

تحياتي اختي منـار

memo
08-19-2005, 03:35 PM
thanx same 3ala altode7

معظماوي
08-19-2005, 07:28 PM
زين شنو علاقة زينة بالموضوع اخي سامي ؟؟؟
وشنومعنى الكلام الي ذكر .. فسق وفجور وكفر ؟؟؟
وشنو الغلط اذا المشرف مسح اي موضوع ما بيه فائدة لاحد
تعاركوا بينهم وخلصت الشغلة
شنو يريدون تنشر العركة بتفاصيلهة بجريدة الوقائع العراقية ؟؟؟


لا حول ولا قوة الا بالله ........

أتمنى من كل قلبي ان يراجعون انفسهم

أخوكم في الله معظماوي

كوثر
08-19-2005, 09:11 PM
مثل ما كلت لو اني لو همه هنا

memo
08-20-2005, 12:04 AM
سوري سامي اني ما جنت قاريته ال ردك الصراحة ما الك حق من اتكول ايروحون 3 يجون عشرة ترة لوزة وحسن واياد مو اي تلاثة بعدين يا كوثر شنو هالحجي لو انتي لو همة ما يصير هيجي الصراحة صارت مهزلة والله العظيم

memo
08-20-2005, 12:07 AM
كوثر والله هاي العبارة اهانة للكل الاعضاء يعني سويتيها مقارنة بينج وبين اياد ولوزة وحسن يعني انتي الج مكان بينا وهمة هم عدهم مكان يعني ما يصير هيجي

كوثر
08-20-2005, 12:16 AM
ميمو ارجوج انه ما تتدخلين اوكي حبيبتي

memo
08-20-2005, 12:27 AM
سوري كوثر بس اني وجهة النظر الي اريد اوصلها انو اذا اليوم سوويتو مقارنة بينج وبين حسن واياد ولوزة علمود منو يظل او منو يرووح باجر راح اتسوون نفس الشي وياية ووية غيري يعني اتحطوني بنفس الموقف فالصراحة هذا الحجي ما يعجبني وماراح يعجبني فانا يمكن انسحب افضلي من ان يصيرلي هيجي موقف سخيق بالمستقبل وعلى فكرة اني الظهر من عرفت بالموضوع باختصار شديد من سامي ما عرفت احجي لا اني الموضوع ما اعرفه بس بعد ما عرفته وبالتفصيل لا هسة اكدر احجي وادافع لان هذا الموضوع مو موضوع خاص موضوع يخصه للمنتدى كله اوكي باي

كوثر
08-20-2005, 01:01 AM
ميمو حبيبتي كلامج و اتهامج هذا راح يخليني انظرلج بغير نظره من اول اتركي الموضوع اللي ما اله اي علاقه بيج احسلج

memo
08-20-2005, 01:08 AM
شوفي كوثر اني ما عندي تجاهج شي شخصي بس اني مثل ما كل الناس ردو وكل واحد بطريقتة واسلوبة اني هم رديت بطريقتي واسلوبي ومو عيب واحد ايكول نظرتة بموضوع يخص المكان الي هو كاعد بيه وهذا المنتدى على ما اعتقد للكل يعني للمشاركين واني من المشاركين اما اسمحيلي نظرتج الي راح تتغير عني ما اعرف شنو جنتي ما خذة فكرة عني بس اني ما اتغيرت بس واحد من يشوف اكباله شي لازم ايكول كلمة الحق وحتى لو اتزعل ناس ايحبونة ويحبهم هذا الي ردت اكوله وشكرا

كوثر
08-20-2005, 01:15 AM
شاركي و اكتبي براحتج

بس لا اتعلقين على كلامي ارجوج

و اني هم حره بالكلام مثل ما انتي حرة عزيزتي

memo
08-20-2005, 01:26 AM
يا كوثر يا حبيبتي اني مدا اعلق على كلامج بس لانو كلام منج انتي يعني بالمختصر المفيد ما عندي شي شخصي تجاهج اوكي بس لان الكلمة مثل ما ايكولون اللبنانيين هزت بدني انو ليش لو انتي لو همة بعدين ترة اذا طلعت لوزة واياد وحسن الصراحة منو راح يبقى اني هاي هية كلت اريد انسحب وزينة انسحبت مع احترامي للباقي بس على ما اعتقد انو همة ال3 اكثر ناس يشاركون بالمنتدبات والله الصراحة راح اتصير خسارة للمنتدى كلة وهذا منتدانا منتدى العراق ويعز عليه اسمع مثل هذا الحجي (سوري )الي مو حلو بيه يعني كلش ما عجبني انو لو اني لو همة بعدين يا كوثر انتي من تنتقدين الغير هل هذا يعني انو انتي اتكرهينا زين ليش اني من انتقدت كلامج ما قبلتي وعلى كولت المصريين اتأمصتي الصراحة ما حجيت شي غلط واذا احد كاعد ويكول انو اني حجي غلط على راسي من فوق بس يبنلي ليش شكرا باي

كوثر
08-20-2005, 01:48 AM
اني ما حجيت على احد و حسن هو اللي اتعده حدوده وكبر موضوع كلش جان اصغير بسبب غيرته يمكن او غير شي الله اعلم و ثانيا المنتدى مراح يخسر شي اوكي عمري اذا الاشخاص الثلاثه اتخلوا عن المنتدى مراح ياثر شي عليه
و الباب يوسع جمل مثل ما يكولون و اما عن كلامي مال لو اني لو همه مثل ما كتلج عزيزتي اني حره بكلامي و اكول شنو ما اريد و اني مدا اجبر احد عالخروج او اي شي بس دا اكول لو اني لو همه و اللي يريد يفهمها غلط على كيفه المهم اني باقيه بالمنتدى لو هسه تنكلب الامه و اللي ميعجبه الله و محمد علي و ياه المنتدى مو ملك احد الا المسويه و اذا حب يطردني مو على كيفه اني اجي و اشارك حتى لو يكون بغير اسم و اكيد اللي يعرفني راح يفهمني و يفهم شنو دا اكول فميمو حبيبتي انتي لا تتصورين انه بكلامج هذا اني راح اترك المنتدى لو اجي اتوسل بحسن و اخته و زوج اخته حتى يبقون ... لا حبيبتي اني باقيه بالمنتدى واللي ميعجبه بالجهنم اصلا هو حسن اللي غلطان و لازم يعتذر

و اذكرج مره ثانيه اللي يعجبه يعجبه و الميعجبه بالف جهنم

memo
08-20-2005, 01:55 AM
الصراحة يا كوثر اني الى الان جنت احجي وياج بكل ادب واحترام الصراحة ردج كلش ما عجبني شنو الباب يفوت جمل وشنو بالجهنم بابا احنا مو صغار والصراحة عيب هذا الحجي بعدين يا كوثر ما احد كالج طلعي علمود همة يبقون انتي الي حطيتي نفسج بهيجي موقف ما احد كالج انو انتي طلعي علمود همة يبقون واذا الباب يفوت جمل اني طالعة من هذا الباب ندام يفوت جمل اذا راح يفوتني وزيادة وشكرا على الكرم يا كوثر اني جنت احجي وياج عدل ومحترم بس انتي ما استوعبتي كلامي باي

Lebnany
08-20-2005, 01:56 AM
السلام عـليكم
اخواتي الأحباء كيفــكم وكيــف صحـتـــــكـــم ......

يا منار ويا كـوثـر .... شو القصة انتو رح تتخانقوا كمـان
ما بيكفي المخانقات اللي صايرة بسبب وبـدون سبب ...
اختى منـار نحنا كلنا نأسف لذهابهم ... وانا وحسن كنا رح نصبح من اعـز الأصدقـاء ... ولكن بصراحـة انا رأيت ان الموضوع ما كان في داعـي يكبـر ... وتافة لدرجة انة من التفاهــة ان تنسحب لآجـلة ...

وبعدين هـذا مو منتدى ابونا ... احنا زوار ندخل ونطلع وإذا ما عـجبنا بننسحب ... بس هما المشرفين هما اللي حافظين قيمة المنتدى وباقيين فية وشافوا المرة والحلوة ... وعـارفين كل شاردة وواردة ...

يعني هما يعرفون لماذا يحذفون او لا يحذفون .. فهم عـندهم اطلاع عـلى معلومات وحقائق نحنُ لا نعـرفها .... وبنائـاً عـلية لا نستطيع ان نحكم بالقصة .... لآن هـم يعرفون اشياء نحن نجهلها .... فكيف عـلينا ان نحكم دون معرفة كل الحقائق .

صح اختي منــار ... فـأذن الأفضل ان لا نتدخل ونترك لهم حل المشاكل كما يناسبهم ... وانا اكيد ان قراراتهم ستكون من صالح المنتدى في النهايــة .....

وبصراحـة ان لا احب الناس الضعفاء ... الذين ينسحبون من اول مشكلة تواجههم ... الم يسكنوا في هذة الحياة ... الا يعرفون ان يصمدوا و ان يدافعوا عن حقوقهم بالأقناع والحوار بدل ... اوووو --- اوكي انا انسحب ... هذا مثل لعب اولاد صغار يعني ..... واحنا مو صغار .


المنتدى للجميع وليس لواحد او اثنين او عـشرة ... والرزق عـلى الله كما يقولون ... فلن يسكر المنتدى اذا انسحب واحد اوعـشرة او عـشرين ... فهم لا يدفعون اشتراك ولن يأثـروا عـلى سير المنتدى ... واللي بـيـروح بتــروح عـليــة ...

همــا الخسرانين مش المنتدى ...
كانوا مشرفين همـا الثلاثــة ومسيطرين ...
و كان بمقدورهم الدفاع عن نفسهم بدل ضم الذيل والأنسحاب ...!!!!


أسف لتطويــل و لكن هـذة اول واخـر مـرة اتكلم في هـذا الموضوع
فاللي بدو يـروح الله معـو ... واللي بدو يبقى صديقنا يا اهـلا وسهلا فية وبنحطوا على راسنا من فوق .


والسلام عـليكم ورحمة الله وبركاتة
اخــوكم محمـد

كوثر
08-20-2005, 02:00 AM
الصراحة يا كوثر اني الى الان جنت احجي وياج بكل ادب واحترام الصراحة ردج كلش ما عجبني شنو الباب يفوت جمل وشنو بالجهنم بابا احنا مو صغار والصراحة عيب هذا الحجي بعدين يا كوثر ما احد كالج طلعي علمود همة يبقون انتي الي حطيتي نفسج بهيجي موقف ما احد كالج انو انتي طلعي علمود همة يبقون واذا الباب يفوت جمل اني طالعة من هذا الباب ندام يفوت جمل اذا راح يفوتني وزيادة وشكرا على الكرم يا كوثر اني جنت احجي وياج عدل ومحترم بس انتي ما استوعبتي كلامي باي


مثل ما كال لبناني مراح ياثر شي لا عليه و لا على المنتدى اللي يروح الله وياه و اللي يبقى اهلا و سهلا
و انتي يا ميمو اللي مخلتيني احجي وياج باحترام

memo
08-20-2005, 02:02 AM
لبناني اني ما اجيت اتعارك وياها الكوثر جنت دا اناقشها ويما انو اني عضو وحالي حالها دا اكوللها يا كوثر يا حبيبتي ترا هذا الحجي ما ايصير انو لو اني لو همة ومن هذا الكلام يعني اني صح زعلانة انو حسن ولزة واياد انسحبو بس اني راح ازعل اكثر لو اشوف اصدقاء او مو اصدقاء بس جانو زمله بالمنتدى يبيعون بعض هيجي بالساهل يعني محلوة واني نهائيا ما جنت اتعارك وياها بس دا اناقشها لان هي مثل اختي واني احبها ال كوثر وياما جنا نتبادل ردود حلوة فمو غلط وتحد يتناقش بأدب وينرد عليه باسلوب محلوة وشكرا باي

Lebnany
08-20-2005, 02:04 AM
عـزيزتي منــار لا تزعـلي من كلام كوثر

تـرى شوفي شلون قـوية كـوثـر وتعرف شنو تبي .. وتقولك ما اطلع لو شو ما يسوون.....

هــذا الأخلاص للمنتدى اختي منــار .....
هـذا هـو الوفــاء وهــذا هـو الموقف البطولي الذي يجب الأنسان ان يــأخــذة
هـل فهمتي لماذا نحبها ونقدرها ونحترمها ...........؟؟؟؟

بارك الله فيكي اختي كوووكوووو ... اصيلة والله اختي الحبيبة

ولكن منــار ما عـليها بالقصة ... عم تحاول تفهم منك المشكلة فارجــوا التحاور بالمنطق
وطبعا مثل ما منار عـندك رأيك ... كوثر عـندها رأيها ... وانتـو حـرين انكم تكتبوهم
وهـذا الحلو بالمنتدى .... حــرية التعبيـــر عـن الرأي بحـريـــة .....

ســــــــــلام

memo
08-20-2005, 02:05 AM
مثل ما كال لبناني مراح ياثر شي لا عليه و لا على المنتدى اللي يروح الله وياه و اللي يبقى اهلا و سهلا
و انتي يا ميمو اللي مخلتيني احجي وياج باحترام



كوثر اني كل حجيي كان باحترام وحتى من كتيلي انتي ما عليج ولا تدخلين بالي ما يخصج وهددتيني اني ما رديت وغلست كلت ما ادخل وياها بهيجي مواضيع لان اني حجيت وياج باحترام وما اريد اخرب الحجي مالتي بحجي مو اوكي

memo
08-20-2005, 02:09 AM
عـزيزتي منــار لا تزعـلي من كلام كوثر

تـرى شوفي شلون قـوية كـوثـر وتعرف شنو تبي .. وتقولك ما اطلع لو شو ما يسوون.....

هــذا الأخلاص للمنتدى اختي منــار .....
هـذا هـو الوفــاء وهــذا هـو الموقف البطولي الذي يجب الأنسان ان يــأخــذة
هـل فهمتي لماذا نحبها ونقدرها ونحترمها ...........؟؟؟؟

بارك الله فيكي اختي كوووكوووو ... اصيلة والله اختي الحبيبة

ولكن منــار ما عـليها بالقصة ... عم تحاول تفهم منك المشكلة فارجــوا التحاور بالمنطق
وطبعا مثل ما منار عـندك رأيك ... كوثر عـندها رأيها ... وانتـو حـرين انكم تكتبوهم
وهـذا الحلو بالمنتدى .... حــرية التعبيـــر عـن الرأي بحـريـــة .....

ســــــــــلام




لبناني اخلاص ووفاء على شنو اذا هو سامي المشرف العام كال الباب يفوت جمل يعني اهل اببييت يطردونه واحنا نبقة لا بطولة ولا هم يحزنون بعدين ما احد مجبور يكعد بي ناس متحترمه وممقدرته

Lebnany
08-20-2005, 02:17 AM
عـزيزتي ... مستحيل سامي يقول هـذا الكلام
راجعي رد سامي ... وشوفي شكد كان محترم بـردة ... وطبعا هـو يحكي الواقع ...

ومثل ما قلتك هما عندهم معلومات احنا ما نعرفها فما نقدر نكون عـادلين بحكمنا ان حكمنا .

لذلك حبيبتي منـار ... انت عـلى الراس والعين ورحبنا فيكي بحرارة وبعدنا نرحب بيكي
والله يعلم انني مع الحق وليس مع هـذا او ذاك ... فـأنا مثلي مثل كوثر ومثلك عـضو هـنا
ولا اعرف كوكو سوى من خلال مواضيعها وردودهــا ....
فلذلك انا لا انحاز ولم اخـد اي طرف .... ولكنني تكلمت ما احسست انة منطقي حسب مفهومي
وقلت لكي لا احب الضعفاء ومن ينسحب بسهولة .... احب الأقويــاء الواثقين من نفسهم .


ســــــــــلام

كوثر
08-20-2005, 02:18 AM
ميمو عيوني انتي اني قبل كتلج انه القصه و ما فيها حسن عصب لان الاميرة مسحت اشتراكه و اشتراكي اللي كان فعلا خارج عن الموضوع و اني اعترف باني غلطت بحق الاميره و خرجت عن موضوعها اللي كانت سعيده بيه و حسن الافندي يكول ليش الاميره مسحت اشتراكي يعني راحت كرامتي و بده يكبر السالفه و يتصرف مثل الاطفال و صار بيها زعل و يريد يطلع و اشتركت وياه لوزه و اياد الربيعي على اساس انه انهانت كرامتهم لان الاميره مسحت المشاركه الخارجه عن الموضوع و بده يهين المشرفين و الاميره و طبعا و بالتاكيد ما اله اي حق لان الاميره مو من مستواه و اكبر من هذا الكلام هاي بدال ميعتذر لان كبر موضوع بكد راس الابرة الى غابات و ادغال و حضرتهم يريدون يتركون المنتدى و اني كلت الله وياهم اللي ميعجبه المنتدى ليبقه بيه لان تنهان كرامته و مع الف سلامه و روحه بدون رجعه


هسه انتي اصلا المشكله ما الها اي علاقه بيج ميمو ... و انتي مجنتي اتعرفين شنو السالفه ليش تتدخلين؟؟ :72:

memo
08-20-2005, 02:20 AM
السلام عـليكم ورحمة الله وبركـاتة

الأخـوة حسن و ايـــاد والأخـت لــوزة

هـذا المنتدى وبأذن الله سيتابع المسيرة معـكم او بـدونكم
نتـمنى ان تكونوا معـنا ... بعد ان سلمتكم مناصب اشراف لثقتي بكم ولأعـتقادي بانكم تحبون هـذا المنتدى .... ولكــني كنت مخطئ في حكمي السريع .... واسف لــذلك

ففي أول مشكلة تواجـة واحـد منكم ... فضلتم تركنا والأنسحاب لآنكم اسرة

يا لــلأسف ... فـقد تعلمت منـكـم درس جديد اليــوم ... وتعلمت ان لا أدع ثقتي بأشخاص بسرعـة .
وان الثقة تـُكتسب ولا تـُعطىَ ... وانا ارسلت لك رسالة خاصة اخي حسن
ولكن يبدوا ان لا كرامة لي عـندك ... وكل ما قلتة عـني سابقاً كان كلام عـلى حبر ..

يمـكن الذنب ذنبي انا لم اكن صديقكم ... ولم اكن اخ كبير ولا استحق احترامكم
ويمكن كان ذنبي انني جعلتكم مشرفين ..... وهــذا ايضا غـلط مني .

الحياة تستمر ... وان ذهب ثلاثة اليوم سيأتي 10 غـداً بأذن الله
فهـذا المنتدى موهـوب لله ... وبأذنــة سوف يصبح قائد المنتديات في القريب العاجل
واشهدوا عـلى كلامي
والأتـكال عـلى الله وليس عـلى العـبد ... ولا

اخـوكم الحـزين والمتأثــر والزعـلان جدا جدا

ساد بـيـرد




لبناني اني راجعت سامي وانت عليك تقرا

memo
08-20-2005, 02:26 AM
ميمو عيوني انتي اني قبل كتلج انه القصه و ما فيها حسن عصب لان الاميرة مسحت اشتراكه و اشتراكي اللي كان فعلا خارج عن الموضوع و اني اعترف باني غلطت بحق الاميره و خرجت عن موضوعها اللي كانت سعيده بيه و حسن الافندي يكول ليش الاميره مسحت اشتراكي يعني راحت كرامتي و بده يكبر السالفه و يتصرف مثل الاطفال و صار بيها زعل و يريد يطلع و اشتركت وياه لوزه و اياد الربيعي على اساس انه انهانت كرامتهم لان الاميره مسحت المشاركه الخارجه عن الموضوع و بده يهين المشرفين و الاميره و طبعا و بالتاكيد ما اله اي حق لان الاميره مو من مستواه و اكبر من هذا الكلام هاي بدال ميعتذر لان كبر موضوع بكد راس الابرة الى غابات و ادغال و حضرتهم يريدون يتركون المنتدى و اني كلت الله وياهم اللي ميعجبه المنتدى ليبقه بيه لان تنهان كرامته و مع الف سلامه و روحه بدون رجعه


هسه انتي اصلا المشكله ما الها اي علاقه بيج ميمو ... و انتي مجنتي اتعرفين شنو السالفه ليش تتدخلين؟؟ :72:


لا يا كوثر اني من ما جنت اعرف السالفة ما حجيت شي غير هديت وكلت سمو بالرحمن لان ما اعرف شنو السالفة بس اني كلت اني عرفت السالفة وبالتفصيل ها ورجعت حجيت يعني مو من راسي الفت وحجيت هاي اولا بعدين اني من اول ما حجيت حجيت اولا بادب ثانيا باحترام ثالثا ولاهم هو اني جنت دا انااااقش الموضوع علمود نكدر ارجع المي لمجاريها بس انتي ما استوعبتي كلااامي فهمتي انو اني جاية اهددتج واني اكرهج مع انو اني ما عندي شي شخصي وياج وهاي اكوللها للمرة المليون بس الظاهر ما فهمتي شنو اني اريد لان الكل عندج صار يكرهج والكل الباب يفوت جمل وشكرا

رقيه
08-20-2005, 02:26 AM
لج كوثر مو عيب عليج شنو هذا الحجي؟؟؟ :eek:
بعدين دموع ما إلة اي خاطر عندكم؟؟؟ :eek:
اختي ميمو ارجوج لتكبرين الموضوع و لتستمرين
بالجدال مع كوثر بنت خالتي و اعرفة ;)

كوثر
08-20-2005, 02:29 AM
لج كوثر مو عيب عليج شنو هذا الحجي؟؟؟ :eek:
بعدين دموع ما إلة اي خاطر عندكم؟؟؟ :eek:
اختي ميمو ارجوج لتكبرين الموضوع و لتستمرين
بالجدال مع كوثر بنت خالتي و اعرفة ;)


رقيه مو هستونه اتصالحنا فلتدخلين انتي ارجووج

memo
08-20-2005, 02:30 AM
لج كوثر مو عيب عليج شنو هذا الحجي؟؟؟ :eek:
بعدين دموع ما إلة اي خاطر عندكم؟؟؟ :eek:
اختي ميمو ارجوج لتكبرين الموضوع و لتستمرين
بالجدال مع كوثر بنت خالتي و اعرفة ;)




وشهد شاهد من اهلها

كوثر
08-20-2005, 02:33 AM
لا يا كوثر اني من ما جنت اعرف السالفة ما حجيت شي غير هديت وكلت سمو بالرحمن لان ما اعرف شنو السالفة بس اني كلت اني عرفت السالفة وبالتفصيل ها ورجعت حجيت يعني مو من راسي الفت وحجيت هاي اولا بعدين اني من اول ما حجيت حجيت اولا بادب ثانيا باحترام ثالثا ولاهم هو اني جنت دا انااااقش الموضوع علمود نكدر ارجع المي لمجاريها بس انتي ما استوعبتي كلااامي فهمتي انو اني جاية اهددتج واني اكرهج مع انو اني ما عندي شي شخصي وياج وهاي اكوللها للمرة المليون بس الظاهر ما فهمتي شنو اني اريد لان الكل عندج صار يكرهج والكل الباب يفوت جمل وشكرا


هههههههه ميمو عمري الباب صحيح يوسع جمل و هذا مثل صح لو لا؟ بس اني ما اكره احد

و لا اعتقد انه احد يكرهني لان ما يهمني اذا كرهوني او لا


و انتي لا تحاولين اتصلحين لان حسن هو الغلطان و هو اللي لازم يعتذر

رقيه
08-20-2005, 02:33 AM
Dear all,

I am afraid to inform you that I have decided to leave this forum in solidarity with my brother who has been insulted.

As I am away on vacation, I had to write this message in English.

It has been my pleasure being with you brothers and sisters.

Good luck to you all.


عزيزتي لوزة انتي تعرفين اني اشكد اعزج و ما ارضة علة زعلج :kiss:
ميصير كلكم تتركونة و ترحون يعني كلام دموع لا شيء؟ :(
بعدين ماكو احد يكدر ايهين حسن و كوثر مو قصدة ابدا ;)
مشكلة بصيطة ليش تكبر و اتزود عن حدة و بعدين يشمتون بينة العدوان :confused:

memo
08-20-2005, 02:36 AM
هههههههه ميمو عمري الباب صحيح يوسع جمل و هذا مثل صح لو لا؟ بس اني ما اكره احد

و لا اعتقد انه احد يكرهني لان ما يهمني اذا كرهوني او لا


و انتي لا تحاولين اتصلحين لان حسن هو الغلطان و هو اللي لازم يعتذر

كوثر اني ما قصدت ب(ترجع المي لمجاريها ) هو ان اجيب حسن يعتذرلج او انتي تعتذريلة لا قصدت انو بس نهدي حسن ولوزة واياد بان يبقون بالمنتدى هذا الي قصدتة لان الاعتذار يكون من نفس الواحد مو بالضغط ان كان حسن او انتي باي

memo
08-20-2005, 02:37 AM
عزيزتي لوزة انتي تعرفين اني اشكد اعزج و ما ارضة علة زعلج :kiss:
ميصير كلكم تتركونة و ترحون يعني كلام دموع لا شيء؟ :(
بعدين ماكو احد يكدر ايهين حسن و كوثر مو قصدة ابدا ;)
مشكلة بصيطة ليش تكبر و اتزود عن حدة و بعدين يشمتون بينة العدوان :confused:


اي والله يارقية اني هذا قصدي من تدخلي بالموضوع ان يشمتون بينا الاعداء ومو حلوة عراقيين يتعاركون وواحد يبيع الثاني

المحبه للعراق
08-20-2005, 02:41 AM
انا كنت ما ناويه ارد مره ثانيه الا لمن اشوف اشراح ايصير او كلت بلكت الجماعه كلهم يتصافون ويرجعون حبايب بس الظاهر ما ناوين بس عجبني كلامج يارقيه كلش والله وهذا الي خلاني ارد

Princess
08-20-2005, 02:43 AM
ميمي و كوثر..الاثنين رجائا وقفوا المهزله

شنو هذه الكلام الي يسم البدن

و بعدين ليش مكبرين الشغله و معطين الموضوع اكبر من حجمه


عضو من الاعضاء لم تناسبه شروط المنتدى
لأنه لا يستطيع الاتزام بها.. و عنده جدا طبيعي التجاوز في اي موضوع
و يخرج عن النص في اي وقت يشاء
رغم الموضوع كان في غاية الجديه.. لكنه للأسف لم يراعي الظروف و لم يحترم صاحب الموضوع

و رغم كل التجاوزات التي حصلت لم اتأخر في ارسال اعتذار للجاني
لكن مع الاسف..تصور اعتذاري اعتراف بالذنب..رغم انه من بدأ الخطأ و غضينا النظر لتعديه على القوانين
المتفق عليها من قبل جميع الاطراف
و سامحنه و اكتفينا فقط في حذف اخر مشاركتين له و للشخص الثاني


هل اسأنا الادب و الاحترام؟؟؟
و ما االاهانه في حذف كلام غير لائق؟؟؟


بعدين عزيزتي ميمي...اختي افهمي الموضوع قبل لا تقولين رأيك
عزيزتي لم نسيء الادب الى حسن او الى اي عضو من الاعضاء

و سامي عندما قال كلامه كان فعلا محق و كلامه جدا واقعي و منطقي

نحن لا نجبر الاعضاء في الاستمرار معنا..لديهم الحريه المطلقه في الاستمرار او البقاء

و من لديه الرغبه التواصل معنا.. حياه الله و مرحبا به و مكانه عالراس و احترامه واجب علينا

باب المنتدى مفتوح للجميع
و لأي عضو يحترم القوانين

Lebnany
08-20-2005, 02:46 AM
يعنــي انـا الليناني الوحـيد بينــكم يا عـراقيين

لا حـول الله يا رب ... احسن لي اني اهـرب من الصفحة

ما توخـازونـــا .... باي باي ......... بس قبل ما اطلــع

انا مع رقية والمحبة للعراق .... حلوهــا وتصالحوا بقة وخلصونــا

وبلا صغر عـقل .... عـملوا صلحة وطنية !!!!!

والله بـــرافــوا عـليكي يا اميرة .... كــلامــك دهـب

يــلا خـلونا ننسى اللي صار يا حلوين وكونو متل اللبنانيين !!!!

memo
08-20-2005, 02:49 AM
يا اميرة واصلا الكل ما دا يفهمني اني الي ضوجني من كالت كوثر لو اني لو همة يعني صدق ما عجبني وما حبيتها بحقنا بما انو احنا هنا اهل واصدقاء كعراقين لهذا حجيت وحجييي كله ما جان على المشكلة اصلا اني حجججججيت على تعليييق كوثر لان اني احبها الكوثر ومو عيب واحد يتناقش بموضوع باي

كوثر
08-20-2005, 03:00 AM
يا اميرة واصلا الكل ما دا يفهمني اني الي ضوجني من كالت كوثر لو اني لو همة يعني صدق ما عجبني وما حبيتها بحقنا بما انو احنا هنا اهل واصدقاء كعراقين لهذا حجيت وحجييي كله ما جان على المشكلة اصلا اني حجججججيت على تعليييق كوثر لان اني احبها الكوثر ومو عيب واحد يتناقش بموضوع باي

ميمو انتي شوكت راح اتسكتين تره اني ما اريد احجي شي يسم البدن على قول الاميرة

عندج مشكله ويايه دزيلي ايملج و فهميني اذا اني ما افتهم !!!!

memo
08-20-2005, 03:04 AM
ميمو انتي شوكت راح اتسكتين تره اني ما اريد احجي شي يسم البدن على قول الاميرة

عندج مشكله ويايه دزيلي ايملج و فهميني اذا اني ما افتهم !!!!


اولا اني ما كلت انتي ما تفتهمين حشاج بس اني كلت انتو ما فهمتو قصدي ايجوز ما جنتو منتبهين انوطريقتي ما كانت واضحة الخ اما ادزلج ايميلي فاني لو عندي مشكلة معاج جان دزيتلج ايميلي وحجينة سوية بس اني ما عندي وياج شي اوووكي باي اقصد شي شخصي

دموع العراق
08-21-2005, 11:16 AM
حبيبي معضماوي
اولا اني اعرف كلامك ناتج عن عصبيه
بس عيب توصف الجماعه بالجبن لأن حسن انسحب حتى يحافظ على كرامته و هذا مو جبن بالعكس هاي الشجاعه
و ثانيا انت اكثر من مره وصفت الكل بالجبن
اني من ناحيتي ما اسمح لأي احد يتجاوز عليه و ما اسمح لأي احد يتجاوز على حسن و لوزه و اياد بغيبتهم
من تكول كوثر
(لو اني لو همه )
شتتوقع من حسن او من اي احد غيره
اما كوثر
فالكلام هوايه وياج
اولا اني جان هم رحت لجهنم ما دام الكل مو بعينج بس كلت لا لخاطر المنتدى الي شايل اسم العراق و لخاطر هوايه اعضاء بقيت
بس تره انت ما خليتي احترام لأي احد مع الاسف
و اني قريت الكلام مال الرد على حسن و ترجيتج برساله خاصه تمسحيه قبل لا يجي حسن و انتي ما جاوبتي و طلعتي من المنتدى ولا خليتي اي احترام و خاطر الي
و بعدين اجن ميمو و ما تجاوزت و تكلمت بكل احترام بس انت زيدتي الطين بله و كمت تكتبين كلام كلش جارح و ما همج اي احد
ردت عليج ميمو هم باحترام و كالت الج كلامج اهانه لكل الاعضاء
و رديتي لاخليتي احترام لأحد و كلتي الي ميعجبه الباب يوسع جمل
و بعدين الى جهنم
على العموم الف شكر كوثر على هاي الاهاين و ما قصرتي و اني ليكدام اعتذر منج و من كل الاعضاء اذا بدر مني شي موزين و اتمنة ان الادمن يمسح هذا الموضوع كله لأن ما اريد ينجرح حسن و لوزه و اياد اكثر

و ثم اخي الغالي يروحون ثلاثه يجون عشره
همه ذوله اي ثلاثه لو ذوله حسن و لوزه و اياد الي المنتدى نجح بوجودهم
ما اريد انكر وجود الباقين بس تره جانو اعمده المنتدى و محد ينكر هذا

بس على العموم اكول الكم اني باقي ان شاء الله
و عنوان حسن مال الهوتميل يمي اذا اي احد يريده اسأل حسن اول و بعدين انطيه اله
و اعتذر مره اخرى عن الكلام الجارح الذي قلته الان
اركان ابو تراب

admin
08-21-2005, 11:28 AM
This subject locked now
Admin