المساعد الشخصي الرقمي

مشاهدة النسخة كاملة : مفردات الدارمي



الصفحات : 1 2 [3] 4 5 6

alfatly
01-29-2009, 05:42 PM
لا فـرح لا نـرمـين لا حتى ليله

فدوه يروحن دوم لتراب رجله

مجروحة الزمان
02-02-2009, 07:12 PM
تنسه ليحبك ليش وتذكر اليعذبك وتجرح اليهواك مو هذا طبعك

عاشق كردستان
02-06-2009, 03:52 AM
ما يومـ كلبي الوفيـ ينسى ابد صــــــاحبه $$$ وهنياله من صاحبكـ ونته الصرتـ صاحبه
اشما طالـ بيه الوكتـ يبقى الوفي صاحبه $$$ وتبقى عزيز الكلبـ عليــــــــــــــــــــــــــــه


مشكور اخي مصطفى العراقي

على هذا الموضوع الرائع

لك مني اطيب التحيه

مجروحة الزمان
02-10-2009, 06:14 PM
الوفي يبقى وفي شما جرى وشصار بس الي يبيع صحبته هذا احسبه غدار

ابومهند النجفي
02-17-2009, 11:16 PM
نايل..وليس دارمي
............
الوفي يبقى وفي اشما جرى واشصار
بس ألي يبيع صحبته هذا احسبه غدار


لا تنبهر بالجرى ولا تنبهر بالصـــار
الاخو باع الاخوه هـذا الوكت دولار

ابومهند النجفي
02-17-2009, 11:17 PM
نايل..وليس دارمي
............
الوفي يبقى وفي اشما جرى واشصار
بس ألي يبيع صحبته هذا احسبه غدار


لا تنبهر بالجرى ولا تنبهر بالصـــار
الاخو باع الاخو هـذا الوكت دولار

عماد البحري
02-18-2009, 03:21 PM
اتمنه روحي تراب حدرچ يرجلين

تسحگ علي كلساع زوار الحسين

***

السلام على ألحسين
السلام على عليًّ اِبن ألحسين
السلام على أولاد ألحسين
السلام على أصحاب ألحسين..اللذين بذلوا مهجهم دون ألحسين



***

alfatly
02-19-2009, 04:29 PM
نمشي زحف لحسين لو مدري شيصير

ومـيـهـمـنه لا ارهـاب لا حـتـى تـفـجير

مصطفى العراقي
02-19-2009, 05:50 PM
نمشي زحف لحسين لو مدري شيصير






ومـيـهـمـنه لا ارهـاب لا حـتـى تـفـجير



لاذبح لا تفجير لا ايهمنه الصار
نمشي مشي لحسين لو نغدي طشار


تحياتي


العراقي

محسن قاسم
02-19-2009, 06:10 PM
اشكرك يا اخي زيد البصراوي ولي الحترام وا التقدير مني اليك

عماد البحري
02-20-2009, 11:33 PM
اشكرك يا اخي زيد البصراوي ولي الحترام وا التقدير مني اليك



مشكور اخي محسن قاسم

ان شاء الله سلامك يوصل الى زيــاد ونيابة عنه اهديك اطيب تحيهـ وسلاااام

العراقي الاصيل f
02-24-2009, 07:02 PM
موضوع جميل جدامشكور

alfatly
02-28-2009, 06:52 AM
يا عـيـنـي لا تـبجين عالفاركونه
لو صدك ماناسين ازحوف اجونه

بكسل
03-01-2009, 08:46 PM
يا عـيـنـي لا تـبجين عالفاركونه
لو صدك ماناسين ازحوف اجونه

صدگني ما ناسيك بس حظري عاثر
مو دمع تبچي عليك دم النواظر

ehaadgaenr
03-04-2009, 09:33 AM
شكثرمشتاك لو تدري
شكثر مشتاك يا عمري
ابوس عيونك الحلوه
و اضم صدرك على صدري

مصطفى العراقي
03-04-2009, 04:51 PM
صدگني ما ناسيك بس حظري عاثر

مو دمع تبچي عليك دم النواظر



من عيني انه ارويك لو مر عطش بيك
وبكلبي عايش دوم لا تضن ناسيك

تحياتي اخي العزيز بكسل عمي وين هل غيبة

العراقي

مجروحة الزمان
03-04-2009, 07:09 PM
صدكني مانساك يابعد هالروح
انت الكلب والعين ومداوي الجروح

مصطفى العراقي
03-04-2009, 08:34 PM
صدكني مانساك يابعد هالروح
انت الكلب والعين ومداوي الجروح

كلما اغمض العين طيفك يجيني
يلغالي اخذني ويك لا تخليني


تحياتي

العراقي

مجروحة الزمان
03-04-2009, 09:00 PM
حبك يابعد الروح ساكن بالعيون
من كد ما افكر بيك صرت اني مجنون

مصطفى العراقي
03-04-2009, 09:32 PM
حبك يابعد الروح ساكن بالعيون
من كد ما افكر بيك صرت اني مجنون


من كثر بجي اعليك عميانه العيون
حكه ما دري الناس صاحتلي مجنون

تحياتي


العراقي

حميد سالم
03-04-2009, 10:18 PM
طيفك يبو الطيبات ديم يمرنا
ونسعد احنه وياك ادخيلك قلبنا

الى ابو احمد الوردة

مجروحة الزمان
03-05-2009, 05:52 PM
من كثر بجي اعليك عميانه العيون
حكه ما دري الناس صاحتلي مجنون



خليهم يابعد العين شما حجو يحجون انت النفس والروح ونور العيون

مصطفى العراقي
03-06-2009, 06:56 PM
طيفك يبو الطيبات ديم يمرنا
ونسعد احنه وياك ادخيلك قلبنا

الى ابو احمد الوردة

لو ما يمر كل يوم طيفك عليه
اوصل وحك عيناك حد المنيه

تحياتي الك حبيبي انته ابو حيدر

العراقي

مصطفى العراقي
03-06-2009, 07:05 PM
من كثر بجي اعليك عميانه العيون
حكه ما دري الناس صاحتلي مجنون



خليهم يابعد العين شما حجو يحجون انت النفس والروح ونور العيون



ابكلبي الك نيشان وبعيوني رسمك
وحس روحي مني تروح من اسمع اسمك

تحياتي

العراقي

نــــزار
03-09-2009, 04:55 AM
ابكلبي الك نيشان وبعيوني رسمك
وحس روحي مني تروح من اسمع اسمك

تدري الكلب شيكول من يمر طاريك
يهتف شعار يكول بالعين اخليك

مصطفى العراقي
03-09-2009, 07:04 PM
تدري الكلب شيكول من يمر طاريك
يهتف شعار يكول بالعين اخليك

بسمك كتبت اشعار وبعيوني صنته
عايش تضل لدوم ابروحي انته

تحياتي الك عزيزي نزار

مصطفى العراقي

نــــزار
03-10-2009, 11:29 AM
بسمك كتبت اشعار وبعيوني صنته
عايش تضل لدوم ابروحي انته

ابنص دليلي اتنام وبرموشي اغطيك
ووكف حرس لدود خافن يمر بيك

محمد النجار
03-11-2009, 02:34 PM
كمت ارد اجيب الجاي من جاي الهنود
ايحمر الوجنات وبيض الخدود

نــــزار
03-12-2009, 04:41 AM
كمت ارد اجيب الجاي من جاي الهنود
ايحمر الوجنات وبيض الخدود

عندك الشطر الثاني واكف
كمت اريد اجيب الجاي من جاي الهنود
ايحمر الوجنات ويبيض الخدود



لازم تضيف يـ تصير ويبيض الخدود علمود يمشي البيت

بكسل
03-13-2009, 06:23 PM
عندك الشطر الثاني واكف
كمت اريد اجيب الجاي من جاي الهنود
ايحمر الوجنات ويبيض الخدود



لازم تضيف يـ تصير ويبيض الخدود علمود يمشي البيت

كسر واهس الولد عوفة

alfatly
03-14-2009, 07:23 AM
يــا عــيــنــي لا تــبــچــيــن عــالــفــاركــونــه

لــو صــدك مــا نــاســيــن ازحــوف اجــونــه

مجروحة الزمان
03-15-2009, 08:12 PM
صدك وحك عيناك مالحظة ناسيك
يرف الكلب والعين من يمر طاريك

مصطفى العراقي
03-16-2009, 02:24 PM
صدك وحك عيناك مالحظة ناسيك
يرف الكلب والعين من يمر طاريك

ايرف الكلب والعين من يمر طاريك
ريتك تضل وياي بعيوني اخليك

تحياتي

العراقي

حنون القلب
03-16-2009, 02:59 PM
حفرت اسمك وسط كلبي وبدم الجرح خطيته
صحيح الجرح يئلمني بس لعيونك تحديته

الحبيب الاول (ابو حيدر)
03-16-2009, 03:39 PM
حفرت اسمك وسط كلبي وبدم الجرح خطيته
صحيح الجرح يئلمني بس لعيونك تحديته


نتبادل الكلبين ونشوف الجـــروح
منخل صفه الدلال واتريدك الروح

مع تحياتي
اخوك

مصطفى العراقي
03-16-2009, 05:07 PM
نتبادل الكلبين ونشوف الجـــروح

منخل صفه الدلال واتريدك الروح


مع تحياتي

اخوك



ابو حيدر

نتبادل الكلبين وخلي انتواعد
واشوفك انته اشلون ابكلبي كاعد

تحياتي

العراقي

الحبيب الاول (ابو حيدر)
03-16-2009, 09:00 PM
ابو حيدر

نتبادل الكلبين وخلي انتواعد
واشوفك انته اشلون ابكلبي كاعد

تحياتي

العراقي




مصطفى الغالي
بالجفــن رسمك صار وانسدت العيــن
رفضت تشوف انسان ومجاوره الزين
نتبادل الروحين........ لتكلي كلبين
لن كلبي يمك صار يا مصطفى الحيــن
اخوك
ابو حيدر

بكسل
03-17-2009, 06:33 PM
يل تنشد على الحال حالي على حالة
سمچة وشحيح الماي وبظهير فالة

مصطفى العراقي
03-17-2009, 07:30 PM
مصطفى الغالي



بالجفــن رسمك صار وانسدت العيــن
رفضت تشوف انسان ومجاوره الزين
نتبادل الروحين........ لتكلي كلبين
لن كلبي يمك صار يا مصطفى الحيــن
اخوك


ابو حيدر



ابو حيدر


زين انه كلش زين طبعك اعرفة
اعجز وحك عيناك اشلون اوصفة


روحي انه فدوة اتروح لروحك يغاتي
ولو ما تكون وياي شلي بحياتي


تحياتي


الك اخي العزيز ابو حيدر

الحبيب الاول (ابو حيدر)
03-17-2009, 09:16 PM
ابو حيدر


زين انه كلش زين طبعك اعرفة
اعجز وحك عيناك اشلون اوصفة


روحي انه فدوة اتروح لروحك يغاتي
ولو ما تكون وياي شلي بحياتي


تحياتي


الك اخي العزيز ابو حيدر


العزيز مصطفى
ما شيبتني سنين شيبني فـــــركاك
زهكانه هاي الروح تترجى ملكاك
*****
روحي ويه روحك هاك خلّيها روحين
لو حضر ملج الموت دز روحـي للبين
تسلملي يا مصطفى الغالي

النافع
03-19-2009, 08:36 AM
قلبي إنقسم نصين ونصي خذيته

ونص البقى يهواي بقلبك لكيته

مصطفى العراقي
03-19-2009, 08:18 PM
العزيز مصطفى

ما شيبتني سنين شيبني فـــــركاك
زهكانه هاي الروح تترجى ملكاك
*****
روحي ويه روحك هاك خلّيها روحين
لو حضر ملج الموت دز روحـي للبين

تسلملي يا مصطفى الغالي



ما شيبتني اسنين شيبني حبك
انطر وعد ايام وبجي اعلة دربك
سالم يعلك دوم يا باذل الروح
روحي الروحك دوم من فدوة اتروح

تحياتي الك اخي العزيز ابو حيدر

وعليهم

مصطفى العراقي
03-19-2009, 08:33 PM
قلبي إنقسم نصين ونصي خذيته





ونص البقى يهواي بقلبك لكيته



كلبي انكسم نصين وتحيرة بية
عذبني من فراكاك شنهو الاسوية


تحياتي


العراقي

حميد سالم
03-20-2009, 12:15 PM
كلبي انكسم نصين وتحيرة بية
عذبني من فراكاك شنهو الاسوية

قلبه انكسم نصين متحير بهاي
قلبي نكسم اثلاث ثلثينه لهواي

لعيون ابو احمد الوردة
لو سمحتوا لي بالمشاركة يا غالين

الحبيب الاول (ابو حيدر)
03-20-2009, 03:58 PM
قلبه انكسم نصين متحير بهاي
قلبي نكسم اثلاث ثلثينه لهواي

لعيون ابو احمد الوردة
لو سمحتوا لي بالمشاركة يا غالين


سالم يابو الثلثين كلبك هديته
ثلث الثلث بقّيت واتحسّيفيتــه

حميد سالم
03-20-2009, 05:02 PM
سالم يابو الثلثين كلبك هديته
ثلث الثلث بقّيت واتحسّيفيتــه

مو ثلث الثلث خليت كل القلب لك
لو ترغب تريد الروح وياه ادز لك

الحبيب الاول (ابو حيدر)
03-21-2009, 10:26 AM
مو ثلث الثلث خليت كل القلب لك
لو ترغب تريد الروح وياه ادز لك


والله وسبع تنعام طائي وطبع طي
دهلة فــــرات البيك يا منبع الري

حميد سالم
03-21-2009, 07:17 PM
والله وسبع تنعام طائي وطبع طي
دهلة فــــرات البيك يا منبع الري

سُبع وسَبع اسباع من سُبعك احنه
وحجيك يا غالي بهاي ليدينا حنه

الحبيب الاول (ابو حيدر)
03-22-2009, 07:04 PM
سُبع وسَبع اسباع من سُبعك احنه
وحجيك يا غالي بهاي ليدينا حنه


لا مو غريبه عليك طبعك عــــراقي
نخوه وشهامه وزود بالجلمه راقي

حميد سالم
03-23-2009, 03:58 AM
لا مو غريبه عليك طبعك عــــراقي
نخوه وشهامه وزود بالجلمه راقي

راقي ورقي الروح من تعرف ولفها
وتعاشر الطيبين مو كلمن عرفها

alfatly
03-23-2009, 04:34 AM
راقي ورقي الروح من تعرف ولفها
وتعاشر الطيبين مو كلمن عرفها


عــاشــرت زيــن وشــيــن مــحــد وفــه ويــاي

وحــتــه الــتــعــزه الــروح انــگــلــب لــعــداي

الحبيب الاول (ابو حيدر)
03-23-2009, 05:05 AM
راقي ورقي الروح من تعرف ولفها
وتعاشر الطيبين مو كلمن عرفها


سالم حميد بزود طيبك عرفناك
وبطكّت القدّاح مــــزهر لكيناك

حميد سالم
03-25-2009, 11:08 AM
عــاشــرت زيــن وشــيــن مــحــد وفــه ويــاي

وحــتــه الــتــعــزه الــروح انــگــلــب لــعــداي


عاشرت ناس هواي وانت على طيبك
ما تدرين من عداك الي مثل حبيبك

حميد سالم
03-25-2009, 11:19 AM
سالم حميد بزود طيبك عرفناك
وبطكّت القدّاح مــــزهر لكيناك

سالم يبعد الروح حجيك نعزه
وكلما نعرفك زين تزيد المعزة

بكسل
03-26-2009, 04:36 AM
خوية الدهر خوّان سواها بية
ضحكني ليلة ويوم بچاني مية

النافع
03-26-2009, 05:21 AM
لا تأمن بدنياك لاتغفى وتنام

تبيعك لحم للناس وتذبك عظام

alfatly
03-26-2009, 05:49 AM
عاشرت ناس هواي وانت على طيبك
ما تدرين من عداك الي مثل حبيبك


الطيبة منك دوم تاخذ اصلها
والكرم والزينات منك نسلها

حميد سالم
03-26-2009, 11:09 AM
الطيبة منك دوم تاخذ اصلها
والكرم والزينات منك نسلها

اصلك اصل طيب والطيبة بيتك
والكرم وي الجود معمر ثنيتك

alfatly
03-26-2009, 05:39 PM
اصلك اصل طيب والطيبة بيتك
والكرم وي الجود معمر ثنيتك


تـسـلم يـروح الـروح يـا ابن سالم
وريت انه اشوفك دوم طيب وغانم

لوله الدلوله
03-27-2009, 01:08 PM
الغالي يبقه دوم بقلبي مكانه
واه لو تعرف شكد الك بقلبي مكانه

حلو هذا الموضوع حرام مومشاركه بيه قبل
الكل مبدعين والله

حميد سالم
03-27-2009, 05:52 PM
تـسـلم يـروح الـروح يـا ابن سالم
وريت انه اشوفك دوم طيب وغانم

الفضلي يا مزون على الله شانك
وبقلب وسط الروح ماخذ مكانك

حميد سالم
03-27-2009, 05:57 PM
حلو هذا الموضوع حرام مومشاركه بيه قبل
الكل مبدعين والله

اهلا وسهلا بيك يل توك شفتنا
خل نسمع الي تحجيه تقدم افدنا

alfatly
03-27-2009, 06:45 PM
الفضلي يا مزون على الله شانك
وبقلب وسط الروح ماخذ مكانك


يــا خــويــة يــا حــمــيــد اســمــي آنــه فــتــلــي
اصـفـن عـلـه الـتـوقـيـع تـعـرف شـنـو اصـلــي

حميد سالم
03-27-2009, 10:10 PM
يــا خــويــة يــا حــمــيــد اســمــي آنــه فــتــلــي
اصـفـن عـلـه الـتـوقـيـع تـعـرف شـنـو اصـلــي

لا تعتب على الجاي و بلهفة يمك
خوك وغلط وياك همه على همك

ساعي الغرام
03-28-2009, 02:20 AM
موضوع جميل ومميز تحياتي

النافع
03-28-2009, 04:34 PM
ساعي الغرام اليوم رايد احييك

انته وحميد بزود عالراس اخليك

حميد سالم
03-28-2009, 08:16 PM
النافع يعرفك زين يا ساعي حبي
كلي بربك ليش شالع لي قلبي

بكسل
03-29-2009, 05:37 AM
دارت رحاها الروح والهم لفاها
وصفولي بالعشار گالوا دواها

رحيم الشبح
04-01-2009, 08:44 AM
بسقوني من ابداع شحجي انه هسه
بس الكلب ملهوف يكتبله همسه

حمودي ساعي اليوم والفتلي ويا
نورتو كل الجات بكسلنه حيا

تقبلو تحياتي

حميد سالم
04-02-2009, 09:56 PM
رحومي جيتك هااي تستاهل بعير

ينذبح عند الباب وبليه تسعير

بكسل
04-06-2009, 03:42 PM
حمودي ساعي اليوم والفتلي ويا
نورتو كل الجات بكسلنه حيا

برحيم الشبح هل يوم نادينا نوّر
أنظمله أحلى أشعار من عدها ميمر

تحيات بكلسية

النافع
04-06-2009, 04:45 PM
نافع واجيت اليوم الكم ابارك
للمنتدى اللي يزور لازم يشارك

حميد سالم
04-07-2009, 01:40 PM
حيا الله كمن جاي للجمعه يسلم
وبيهم تره رفعة راس للذي يفهم

نــــزار
04-08-2009, 05:51 AM
نافع واجيت اليوم الكم ابارك
للمنتدى اللي يزور لازم يشارك


شارك يبعد الروح ميت هلا بيك
والكلب فر فرحان لمن يلاكيك

نــــزار
04-08-2009, 05:56 AM
برحيم الشبح هل يوم نادينا نوّر
أنظمله أحلى أشعار من عدها ميمر

انظملك احله اشعار يا بكسل اليوم
طيب وكلبك دوم مايحمل هموم

بكسل
04-08-2009, 08:25 PM
انظملك احله اشعار يا بكسل اليوم
طيب وكلبك دوم مايحمل هموم

تسلم يبو الطيبات تسلم اخوي نزار
شكتبلك من أبيات شو حارت الأفكار

فاتن احمد الشيخلي
04-09-2009, 12:17 PM
اوصيك بي لو متت بين الجفون ادفني
ماريد غيرك بالغسل بدموعك اتغسلني
ولاتشتري بغالي الجفن بثيابك اجفني
وبيدك تخششني الحد بهداي وتنزلني
وبيدك تحل عصابتي وتحبني وتنومني
ذاك الوكت مسموح الك عاشر وليف ابدالي
هليله يمك ياترف باجر اشد رحالي

العراقي الحنين
04-09-2009, 12:31 PM
صح السانك اخي واني ممكن تعتبروني صديق جديد عليكم

نــــزار
04-09-2009, 04:48 PM
اوصيك بي لو متت بين الجفون ادفني
ماريد غيرك بالغسل بدموعك اتغسلني
ولاتشتري بغالي الجفن بثيابك اجفني
وبيدك تخششني الحد بهداي وتنزلني
وبيدك تحل عصابتي وتحبني وتنومني
ذاك الوكت مسموح الك عاشر وليف ابدالي
هليله يمك ياترف باجر اشد رحالي

الله الله احلى دارمي

درامي يخبل ماشفت هشكل دارمي ابد

دارمي كله معاني

كتبي كتبي فاتن كتبي اي شي
المهم تكتبين واني اقرء وراكي :D

رحيم الشبح
04-09-2009, 11:23 PM
بكسل يلحكه انزار نافع اجانه
فاتن حميد هنا ومشارك ويانه

النافع
04-09-2009, 11:39 PM
اهلا وسهلا بيك ها يالعراقي

يبقى الحنين البيك ويايه باقي

فاتن احمد الشيخلي
04-10-2009, 08:47 AM
الغيرك ماجرى دمعي ولا هل
والكمر من شافك ولاهل
مالي جار بالدنيا ولااهل
بس انت الما كطعت الوصل بيه...

فاتن احمد الشيخلي
04-10-2009, 08:55 AM
صح لسانك يالمهموم وكلامك دوى ورد لكل مهموم

فاتن احمد الشيخلي
04-10-2009, 09:02 AM
نجمك طلع ونجوم غيرك تهاوت واذا شفت مثلي احد يحبك اعلم ان الاصابع تساوت

نــــزار
04-10-2009, 09:26 AM
نجمك طلع ونجوم غيرك تهاوت واذا شفت مثلي احد يحبك اعلم ان الاصابع تساوت

هذا دارمي ؟ :(

فاتن احمد الشيخلي
04-10-2009, 11:59 AM
شكرا الك وتقبل تنبيهي بكل سرور

فاتن احمد الشيخلي
04-10-2009, 12:25 PM
افرح لو شفت وجهك واسربيه
وحبك ثابت بقلبي واسر بيه
شما طال الدرب امشي واسربيه
واجيب الروح لعيونك هديه

بكسل
04-10-2009, 07:32 PM
طحت وطبت يهواي شو ما تجيني *** عود من أموت تصيح وي عمت عيني

ترباة الصدر
04-10-2009, 11:06 PM
سمسم زرعة الهور خضر بتيته *جا شلي برمان شكرآ جزيلن****نقابه شعراء تحت الجسر

نبراس العراقي
04-11-2009, 05:45 PM
الدهر لو وازاك ازرع طماطه
وزرع ابصفه اخيار تشبع زلاطه


ولو ما ودي اجاوب على هيجي شعر
بس الموده صارت هيجي
وكام الوكت يلعب بالشعر الشعبي
:sad_smile

فاتن احمد الشيخلي
04-12-2009, 12:12 AM
ياصاح ذاب الجسم واصبح نحيل وتره
والعودحاله صعب لو ضاع من وتره

فاتن احمد الشيخلي
04-12-2009, 12:16 AM
ياصاح ذاب الجسم واصبح نحيل وتره
والعودحاله صعب لو ضاع من وتره



بعدني وياك على العشرة ولازال
وحبك ثابت بكلبي ولازال
وبعدني صادق بحجي ولازال
وابقه وياك لاخر نفس بيه

النافع
04-12-2009, 12:50 PM
حبك بالقلب يهواي ثابت

ابد لتظن يزولن دوم ثابت

انه بالجيش اصيحن كمت ثابت

استريح استعد عادة اشطح

هههههههههههههههه

تحياتي لكم

فاتن احمد الشيخلي
04-13-2009, 03:29 PM
يهل دمعي على الخدين ويسيل
وعليكم ينشد الدلال ويسيل
فركاكم يهد الحيل ويسيل
عبنكم للعليل انتو دوى

فاتن احمد الشيخلي
04-13-2009, 03:38 PM
تمثال الك بالعين شايلته الجفون
نافورة منه وبيه دمعات العيون

فاتن احمد الشيخلي
04-13-2009, 03:42 PM
الروح حنت الك والعين مشتاكه
تدري الي يحبه الكلب مو هين فراكه

فاتن احمد الشيخلي
04-13-2009, 03:49 PM
حقير الدهر طبعه الغدرسل سهمه ورماني
فرق كل هلي عني غريب لوحدي خلاني

alfatly
04-13-2009, 05:23 PM
الروح حنت الك والعين مشتاكه
تدري الي يحبه الكلب مو هين فراكه


ثــاري الــكــلــب بــلــشــوف اقــوى مــن الــعــيــون

يــعــنــي الـتــضــيــعــه الــعــيــن بــالــكــلـب مـدفون

النافع
04-13-2009, 09:09 PM
القلب مو ميزان القلب ملعب

وبكل وكت محجوز بس انت تلعب

فاتن احمد الشيخلي
04-13-2009, 10:58 PM
دارميات حلوه عاشت اياديكم وعشت ياام الحسنين

فاتن احمد الشيخلي
04-13-2009, 11:34 PM
عاشو

فاتن احمد الشيخلي
04-14-2009, 12:11 AM
اذا حبك يصير الموت اموت وبيدك ادفني
واكتب على الكبر مظلوم وماشبع مني

فاتن احمد الشيخلي
04-14-2009, 12:14 AM
ياكاس السم اشربه وانتحر بيه
لان مالك دليلي وانت حر بيه
لان فركاك سم مر عليه

فاتن احمد الشيخلي
04-14-2009, 12:21 AM
[CENTER][/C

نبته وغصن مكسور وبشحة الماي
هذا انا حالي عليك من تكطع وياي

فاتن احمد الشيخلي
04-15-2009, 09:41 PM
صح لسانك ابو مهند والله صح الاخ باع الاخووهذا وكت الدولار

النافع
04-15-2009, 09:53 PM
غصن القلب مكسور منين اسقي قلبي

بس يبقى وسط الروح للغالي حبي

فاتن احمد الشيخلي
04-15-2009, 09:57 PM
انزف ياجرح الكلب وزيدالحزن احزان
وكطع شرايين الصبر وحط بالكلب نيشان
قسمه ونصيب وقدر مكتوب احب فلان
خطيت وسط الكلب رسمك رسمك باحلى الوان
صورتك اجمل شكل ارسمك بقلم فنان
ادري بطريقي صعب وادري اليحب ينهان
اهواك لاخر نفس ماينفع النسيان

فاتن احمد الشيخلي
04-16-2009, 10:45 AM
يشتعل قلبي بنار من مااشوفك
انعل ابو الينساك لابو اليعوفك

فاتن احمد الشيخلي
04-16-2009, 06:41 PM
ابنص دليلي اتنام وبرموشي اغطيك
ووكف حرس لدود خافن يمر بيك

لاتظن كل من غاب جافي
وكل من جاك وافي
تراك بالقلب والله اعلم بالخوافي

النافع
04-17-2009, 01:42 PM
إلكم شلع بوسات وبمسج دزيت

وياها مسك وطيب للغالي وديت

فاتن احمد الشيخلي
04-17-2009, 07:32 PM
إلكم شلع بوسات وبمسج دزيت

وياها مسك وطيب للغالي وديت

راح اوديلك عواطف باحترام
وراح اخلي العين لاجلك ماتنام
انت يلطبعك صراحة ومابدر منك خصام
انت تحمل كلب طيب بي محبه وبي غرام
ومااوصفك بالحجي لو خلص كل الكلام
اخر مااكدر اكلك اني احبك والسلام

علي الفراتي
04-20-2009, 07:00 PM
احــبــك لــو تــصــيــر الــمــاي وانــه اتــوســلــك عــطــشــان

احــبــك لــو تــصــيـــر الــمــوت والــتــابــوت والــدفــان

فاتن احمد الشيخلي
04-20-2009, 08:20 PM
بسك تعذب الروح دوخني حبك
لاتظن يوم انساك لا وحق ربك

نــــزار
04-21-2009, 06:36 AM
بسك تعذب الروح دوخني حبك
لاتظن يوم انساك لا وحق ربك

لو حصل يوم انساك يالعايش وياي
مثل اليعيش بزاد بس كاطع الماي

رحيم الشبح
04-22-2009, 06:16 AM
لو حصل يوم انساك يالعايش وياي
مثل اليعيش بزاد بس كاطع الماي

كل عقلك انته تروح ويصير الوداع ...!
جا غير اشيل الكاع والزكها بالكاع ...!

علاء المدني
04-24-2009, 05:39 PM
وكع وردهه اردود تتلولح اطيح .... من الجفن للكاع بس بسمك اصيح اخوكم علاء المدني

نــــزار
04-25-2009, 02:13 PM
وكع وردهه اردود تتلولح اطيح .... من الجفن للكاع بس بسمك اصيح اخوكم علاء المدني

بالجفن والتابوت تنده بسمكم
جنت تراه الروح مو بس تحبكم

النافع
04-25-2009, 05:01 PM
من الجفن للكاع هليت الدموع

ذكرك عبير الشوق عشعش بالضلوع


تحياتي ... النافع

نــــزار
04-25-2009, 05:24 PM
من الجفن للكاع هليت الدموع

ذكرك عبير الشوق عشعش بالضلوع


تحياتي ... النافع

ذكرك يبو الطيبات ما فاركاني
جربت اغمض العين بالطيف اجاني

منتظر الشمري
04-26-2009, 06:16 PM
غزاله انتي حرج ملجوم ينزف دم رساله انتي بحروف اطشرت ماضن بعد تلتم ولج ورم كلب تعبان وكل الي بنيانه بلحضه اتهدم اريد ارسم حروف الشوك تهود من تصير اجروحج المرهم ولد حتى العدو نوبات من يولي يرد يرحم وحته الي يدور ثار ياخذ ثاره ويندم مع تحيات الشمري

لحظه وداع
04-28-2009, 07:15 AM
صرت دم المشى بداخل وريدك
ومثل متريد مشيني وريدك
فراكك حيل مرمرني وأريدك
على جروحي تدوس بلا خطية

أرجو من أعضاء الكرام تقبل هاذ المقطع لكوني عضوه جديده

سيف جهد
04-30-2009, 04:09 PM
يا عسل يا توت يا اغلا من اليا قوت يا ورد هو لنده او فا كهه بيروت

الحاج علي
05-01-2009, 05:28 PM
كون الكلب ينصاغ محبس وادزه ............وبيدك يظل تذكار لاجل المعزه

كون الكلب نقال منك فلااجوز................والدم رصيد ايصير بس الك محجوز

لحظه وداع
05-03-2009, 12:00 PM
خانكني دمع العين من شوكي ألكم
ودوم الكلب ملهوف يسألني عنكم

بكسل
05-04-2009, 08:03 PM
يل تنشد على الحال خليها سكتة
تسأل على المكتول والكاتل أنتة

النافع
05-05-2009, 12:07 PM
لاتأمن بدنياك مليانة الالآم

تبيعك لحم للناس وتذبك عظام

بكسل
05-11-2009, 07:01 PM
لاتأمن بدنياك مليانة الالآم

تبيعك لحم للناس وتذبك عظام

لتأمن بدنياك بالك غدرها
تضحك بسنها وياك يذبح ظفرها

لحظه وداع
05-12-2009, 06:53 PM
ياريت أصيرن فرح واتوسط بروحك

وعنك أشيل الحزن وشفيلك جروحك

نــــزار
05-13-2009, 01:21 PM
اتمنى كلبي يصير طاسة وبديكم
وكلما تشيل الماي المس اديكم

alfatly
05-22-2009, 11:51 AM
يل تنشد على الحال خليها سكتة
تسأل على المكتول والكاتل أنتة



لا تــــنــشــد اعــلــه الـــروح خـــلــهــا بـــقــهــرهـــا

هـــيـــه اشـــتــــهـــت تـــهـــواك مـــحـــد جـــبــرهــــا

النافع
05-23-2009, 05:12 PM
خـــلــهــا بـــقــهــرهـــا الـــروح خـــلــهــا بـــقــهــرهـــا

مـــحـــد جـــبــرهــــا علـــــــيـــك مـــحــــــد جـــبــرهــــا

مصطفى ياس
05-25-2009, 07:25 PM
بالقدرة هي الناس مخلوقة من طين
بس انتة عكس الناس من شمش وتين

بكسل
05-27-2009, 01:42 PM
ردتك رمح چتال لعداي أهد بيك
بردي طلعت يا حيف ما ينتچي عليك

منهل البغدادي
05-28-2009, 08:22 AM
اريد ا انشد العرفان والدمعه من دم
ليش السواد يلوك لل ماعليه هم

بكسل
05-29-2009, 10:31 AM
اريد ا انشد العرفان والدمعه من دم
ليش السواد يلوك لل ماعليه هم

أرد أسأل العراف وأهل القوافي
ليش الحجاب يلوگ للوجهه صافي

Devastating
06-03-2009, 10:08 AM
باجر فلانه تشيل هذا اخر وداع
حيل اريد اشيل الروح واطشهه بالكاع

alfatly
06-04-2009, 05:43 PM
باجر فلانه تشيل هذا اخر وداع
حيل اريد اشيل الروح واطشهه بالكاع


زين انته ويه الروح تلطشها بالكاع

آنــــه بــسبب فركاه فلشت الاضلاع

بكسل
06-05-2009, 01:09 AM
زين انته ويه الروح تلطشها بالكاع

آنــــه بــسبب فركاه فلشت الاضلاع

متعجب أنتة اليوم فلشته ضلعك

ما أظن من فركاه دم يجري دمعك

alfatly
06-06-2009, 06:24 AM
متعجب أنتة اليوم فلشته ضلعك

ما أظن من فركاه دم يجري دمعك



صدكني يامزيون دمعي نزف سيل

وكرهوني حتى الناس من وني بالليل

بكسل
06-10-2009, 10:10 AM
صدكني يامزيون دمعي نزف سيل

وكرهوني حتى الناس من وني بالليل

كرهوني آنة الناس مل مني جاري

وطبگت من ونيت ليلي ونهاري

اكحل
06-10-2009, 10:17 AM
جميل

الوليد89
06-11-2009, 09:31 AM
اتريد مني اتروح وتشمت اعداي
جا غير اطك الروح وتعارك انا وياي
تحياتي وليد العراقي

بكسل
06-17-2009, 11:07 AM
شل الدهر يسراي شل يمنتي البين

چا بيش أصبر الروح چا بيش أمسح العين

مسلم تاب لب تاب
06-24-2009, 07:29 AM
متعجبك ابدنياك شل يمنت البين
انه الدهر وعداي گص مني رجلين

مسلم تاب لب تاب
06-24-2009, 07:31 AM
وبداعت الدوشيش شيش ليطگ شيش
شوف الوكت هليوم يتعامل ابيش

بكسل
06-25-2009, 11:10 AM
وبداعت الدوشيش شيش ليطگ شيش
شوف الوكت هليوم يتعامل ابيش

ابداعت الدوبيش ابداعت الدوجار
أدري الوكت يفلان من طبعه غدار

المحامي أرشد الخالدي
06-27-2009, 06:59 AM
دارت رحاها الروح والهم لفاها
وصفولي بالعشار كالوا گالو دواها

بكسل
07-04-2009, 11:47 AM
دارت رحاها الروح والهم لفاها
وصفولي بالعشار كالوا گالو دواها

البصرة لو تنباع چان أشتريها
وأدفع ثمنها الروح چيف أنتة بيها

مجروحة الزمان
07-05-2009, 04:49 PM
كل الحب الي بكلبي حبيتك
وانت تريد تجرحني يالي بجروحي داويتك

اشرف الشامي
07-07-2009, 03:07 PM
اللة اصيحن نعم شتريد اه
هو اليشوف الورد شيصيح غير اللة
موضوع جميل

بكسل
07-16-2009, 07:37 PM
شحچي وتريد الناس من عندي أحچي
دمعتي بطرف العين بس أحچي أبچي

جرح ذي قار
07-20-2009, 07:06 PM
زين انته كلش زين من تبجي ترؤتاااااااااااااااح؟؟؟

بيش ابجي عالطيبين فص عيني من طاااااااااااح



احسب ايدك دومن

عادل دواسة
07-28-2009, 02:17 PM
كاعد وفكر بيك ويدي على خدي
بلكلب ماكو عزاز بس انت عندي

بكسل
07-31-2009, 10:39 AM
گاعد وأجر حسرات بيدي بريجي
طلعي يبعد الروح مو نشف ريجي

مجروحة الزمان
08-05-2009, 11:56 AM
ما اريد اندم عليك ولا اذكر الصار
اعتب على الكلب الماعرف يختار

بكسل
08-05-2009, 09:48 PM
ما اريد اندم عليك ولا اذكر الصار
اعتب على الكلب الماعرف يختار

لا تعتب على الگلب عاتبها دنياك
وعاتب زمانك عتب چي ما نصف وياك

شاعر الحب والحزن
08-10-2009, 11:29 AM
حبك سرى بدمي هم ساامع بهااي احس بنبض روحي من انت وياي







تقبلو مرووري

نــــزار
08-15-2009, 05:42 PM
اسهر واكضي الليل بس ليكم الروح
ولو تدري بيه الناس كالو خبالو

بكسل
08-20-2009, 03:47 PM
اسهر واكضي الليل بس ليكم الروح
ولو تدري بيه الناس كالو خبالو

نزار هذا القسم للدراميات
أدري أنك مبدع وأنت الذي ابتكرت هذا القسم من الشعر
بس اكتب دارمياتك بقسمك الخاص
هنا قسم دراميات بوزن وقافية الدارمي
تقبل نقدي اخوك الزغير
بكسل

ضشئءؤر
09-02-2009, 07:22 AM
كون الفرح ينباع وشريلك العيد

وبعدك تراها الروح تنور اجاويد

ضشئءؤر
09-02-2009, 08:13 AM
ارد انشد اهل الراي وحبابي وعداي

شلسبب هرشي ايموت وصله بوسط ماي

ENG
09-02-2009, 11:34 AM
ســـــــأمحو إسمـــك مــــــــن حيــــاتي
وأنســــــــى انك فـــــــــــــــي الوجـــــود
وارمي بذكــــــرياتي والامــــانـــــــــــــي
والـــــوعـــــــود

ENG
09-02-2009, 11:36 AM
ســـــــأنســى أننـــــــــــــي احببـــــــتك
وأنــ حبـــــــي كــــــــــــــــان بلا حــــدود
حتى مـــــــلامـــح عطــــــرك ووجهــــك

وكــــل الورود

ENG
09-02-2009, 11:40 AM
اصفن وغط بالضيم وارجع واهم بيك
من روحي ازعل دوم لو لحضه ناسيك

ENG
09-02-2009, 11:43 AM
كلشي التريده يصير وشتطلب فداك
بس طلب ماسويه من تطلب انساك

بكسل
09-04-2009, 12:11 PM
اريد انشد بهل ناس وارد أسال العشاگ
گاعد بحضن هواي ولعيونه أشتاگ

أبو نور الحسيني
09-04-2009, 12:44 PM
بسك ترى تعديت حد الجفه وياي
أعطش وشوف الموت وبجفك الماي

Abu_meanings
09-08-2009, 05:51 AM
طيرانته وانا الكاع لازم تحط يوم ... لوطاير وتعبان لو صايدك حوم

بكسل
09-08-2009, 01:58 PM
طيرانته وانا الكاع لازم تحط يوم ... لوطاير وتعبان لو صايدك حوم

الرد

طير آنة وأنت الگاع شتضن احطن *** لو تتعب الجنحان بالماي اغضن

كلش فارغ
09-12-2009, 07:08 AM
لو راح عطر الورد عطرك يضل يفوح لو طال بينه البعد ساكن تضل بروح

اتمنا لكم كل الخير

alfatly
09-16-2009, 11:02 PM
لو راح عطر الورد عطرك يضل يفوح لو طال بينه البعد ساكن تضل بروح

اتمنا لكم كل الخير

لا تنشد اعله الروح خلها بقهرها

هي اشتهت تهواك محد جبرها

سومري العراق
09-21-2009, 01:05 PM
اذكر الله بمشيتك تهده شمالك البنيته وياك تهده دنياك تمسح الواحده من تهده والله خصبا عليك تعود ليه ماينسي الي بينك وبيني صدك افلش الحاجز البينك وبيني وقتل كل واشي الي بينيك وبيني وتعود تغفه بين ايديه

alfatly
10-01-2009, 09:01 PM
اشـــمتصور انته الروح يمك اذلها ؟ ؟ ؟

اعــــيـونــي مـن اطـيح مـا ادنــك الـــهـا

احمد كريم رضا
10-02-2009, 12:00 PM
لا تلبس انت هدوم من يمر عيدك
ارسلك انة الروحفصلها بيدك

iraqi_hishoo_divelo
10-03-2009, 03:33 PM
السلام عليكم راجعيلكم بعد الغياب الطويل و مشتاقيلكم مووت...

ادري بيكم انتو اشواق و كلكم مشاعر
ودري الوفاء البيكم يا احبابي نادر...


مع اطيب التحيات.

بقلب ميونيخ
10-09-2009, 09:38 PM
يسلمووووووووووو على الافتتاح الرائع

بنت العراق الصابر
10-14-2009, 09:48 AM
سلمت الاينامل
لكم مني ارق التحية

مصطفى الاطرش
10-17-2009, 08:58 PM
يا متعب الجدمين هذا انه حدي
اروي العطش بالعين يا دمعه ردي

باولفي اشبع نوم نوم العوافي
ما تغفه لو مر بيك ليل التجافي

وهذا نموذج من النعي في الشعر الشعبي العراقي يدمي القلوب الحرا
ياليل يلفارش الوحشه
يمته تروح او تجي الغبشه
لجدامكم كلبي لفرشه

طشوا هلي او راحو احبا بي
اومحد بعدهم يدك بابي
على الطيبين مايخلص اعتابي

مصطفى الاطرش
10-18-2009, 10:24 AM
من اجمل ما قيل في الشعر الدارمي :
1
ضلت لما اْ موت حسره الك بالدلال
واصوابي بسكوت ماتدري حكها الناس
2
مطكوكه باليافوخ ما شوف الحذاي
حنظل ابريجي اليوم اصبح على اهواي

للمعلومات :
يقال ان اول من ابتكر الشعر الدارمي عشائر ( الدارميون ) في ميسان ويطلق عليه اسم اخر هو
( غزل البنات )

صباح الخير
10-19-2009, 06:52 AM
بيت دارمي يصف الوفاء

قديم

يبجي الجلب لو شال راعيه عنه...وابن ادم الجفين يمليها حنه

مصطفى الاطرش
10-19-2009, 10:03 AM
حنينه الروح وفراكك *** شجاها
اوبنات الدوح من دمي ***شجاها
الناس اتكاطعت كلي *** شجاها
ايصير ابهلوكت مامش حميه

وفي العتابه :
يعودي بالكلب والروح ** وراد
عليكم ننشد الي راح ** وراد
ضعنكم من دموع العين ** وراد
او عطشنا ما روى غير السراب
ومن الوان الشعر على وزن الموال ( الركبانيه )

ليل التجافي صعب والاصعب اهمومه
اوبعيوني من بعدكم ما طلعت انجومه
الكلب صبره خلص والروح مسكومه
ياها جرين السلف يمته لنا اتعودون

مصطفى الاطرش
10-19-2009, 10:31 AM
الدارمي الملازم للبسته المعروفه :
الاصل :
بسته ثلث نوبات ماجني بسته
طعم العسل يحباب بشفافه ذكته
بسته اوحلا ت البوس بعد التجافي
وكلبي على البوسات يحسد اشفافي
*********
بوسة حبيب الروح بلسم للجروح
طول العمر يحباب لذتها متروح

المصدر/ من التراث الاصيل

مصطفى الاطرش
10-24-2009, 06:17 PM
1 صوبت سهم الشوك طيحت طيره *** غنجه او وسيعت عين من الحفيره

2 يلمنحدر بشراع لمريبي زتني ***للواوي للبطاط للسود نتني

3سيد سعد موجود با القلعه داره ***كون اْ زلف انه اْوياك حط بيه شاره

مصطفى الاطرش
10-25-2009, 05:33 PM
لون من الوان الدارمي غناه مطرب ميسان المعروف ( جويسم ) صحبة الفنان كريري محمد السلمان :

اكلمك اْ ربع خمس كلمات ** كلمات من كلبي

لا لا يناضري يناضري ** يا حلوة البسمات

وهناك دارمي اخر اشتهر به المطرب ( جويسم ) وشاع على نموذج اغنيه مشهوره


حمره ياطماطه اْمنين جابوج *** اْ من اْ صدور اْلمجر بسلال حطوج

المصدر /من التراث الغنائي في ميسان

مصطفى الاطرش
10-26-2009, 06:21 PM
لون من اْ لوان الدارمي مستهل لاْ غنيه للمطرب ( حميد اْبو ما جد الاعمى ) من مواليد قلعة صالح


عيونه عيون غزلان صد ليه اورماني *** شو فزيت مرعوب مدري اشوافكاني

سيف المشهداني
10-27-2009, 01:18 PM
اشكرك علئ هذه الابيات

the prince_of gram2010
10-27-2009, 03:18 PM
متت من رحت للجنه ما ودوك@
تتعارك عليك الشيعه والسنه
ودوك الجهنم بيهة ما خلوك@
لان خافو جهنم تنكلب جنه@@@
مع تحيات اخوكم امير الغرام@@@

مصطفى الاطرش
10-27-2009, 04:56 PM
كل ظنه لمن طاح حسباله ماجي *** سيد انه اومعروف من ال حاجي

صباح الخير
10-27-2009, 08:07 PM
دشداشه صبغ النيل كوم بطركها.....والكذله ست طيات مندل فركها

مصطفى الاطرش
10-28-2009, 09:15 AM
تيزاب اْ حط با لعين واْ تلف نظرها *** جي كلبي والدلال يمشن باْ مرها

مصطفى الاطرش
10-31-2009, 06:58 AM
ينطر وراويك *** كون الكلب بي باب

دم اولحم بيك *** جا كتلي عفيه عليك



المصدر / من تراث الشعر الشعبي

مصطفى الاطرش
11-03-2009, 09:13 AM
أ براضه أ مشي أ براضه*****عمي أ لنه أ طلابه أ وياك


عمي يردن عراضه **** أ لسمر ويه أ لبيض

بويه لملم غراضه **** شال أ ومشه الغماس


مستهل لأغنيه للمطرب حمزه الغجري / من تراث الغناء الريفي

مصطفى الاطرش
11-05-2009, 09:57 AM
أ جس أ لنبض ما مش نبض بيده *** عمت عين أ لطبيب أ لمتت بيده

عاشق المساء
11-05-2009, 10:49 AM
ياهو اليجيب الماي وينطيني بيده عايش بنص الماي واصرخ اريده

مصطفى الاطرش
11-05-2009, 04:28 PM
الما تريده الروح كشمرته بلوه ***مثل اليكوز الما ي كوه اعلى علوه

عماد البحري
11-05-2009, 04:32 PM
غالي, وعزيـ ـز هواي, وفراكك هموم
وعيونــــى, لو تنساكـ ..أعميهه للدومـ

مصطفى الاطرش
11-05-2009, 04:56 PM
اظلم تسع كامات بير الطحت بيه *** حلفه اوصريم او شوك امجلجل اعليه

صباح الخير
11-05-2009, 08:44 PM
ابو زهيه اريد انخاك سبع العماره

ومن العشك مليت سويلي جاره

مصطفى الاطرش
11-06-2009, 11:15 AM
( على ذكر العما ره ومزا راتها المقدسه اليك هذا الدارمي الشا ئع فيها )


جيتك دلع وانخا ك يا بن علي ادخيل *** لو تطبك الرو حين لو منك انشيل

صباح الخير
11-06-2009, 10:00 PM
والحمزه والعباس والماشرب ماي

ماجوزانه من هواي لو تنكطع هاي

مصطفى الاطرش
11-07-2009, 09:59 AM
من مزا رات ميسان مزا ر السيد سعد السيد صافي من احفا د الا ما م موسى الكاظم ( عليه السلا م ) في قلعة صالح *


سيد سعد مو جود با لكسره دا ره **** من أ زلف أنا أويا ك حط بيه شا ره


وعلى ذكر السيد أ بو زهيه ( رض ) أ تذكر هذا أ لمستهل أ لشائع :

لبو زهيه تعنينا *** جبنا أ مرا دنا أ وجينا

( وللله در الشعراء كما وصفهم أ لخا لق جل وعلى في كل واد يهيمون )

علاوي الدبلوم
11-07-2009, 11:46 AM
اسمر واخاف عليك من ممشى الغروب ... جاهل وبعده صغير ما يندل دروب

مصطفى الاطرش
11-08-2009, 09:18 AM
يقول المطري عبادي ها تو العما ري من مواليد ميسان / المجر الكبير / العدل /1943 ميلادي

غض النظر عني اوروح لهنا وانتهت يسمر ***زيد اجروح كلبي اجروح استا هل بعد اكثر

صباح الخير
11-08-2009, 08:59 PM
هم حلو وهم مملوح وعيونك وساع

اسحك على الدلال لاتسحك الكاع

الشهد
11-08-2009, 10:31 PM
مشتل الك بالروح وكل ورده تهواك
اكطع وريدي بموس لو لحظه انساك

بكسل
11-09-2009, 01:09 PM
هم حلو وهم مملوح وعيونك وساع

اسحك على الدلال لاتسحك الكاع


هم هلو هم مملوح هم خده أسمر
غصبن عليّ يا ناس خلاني أشعر

صباح الخير
11-09-2009, 07:49 PM
هم حلو هم مملوح هم خده أسمر


غصبن عليّ يا ناس خلاني أشعر




هم حلو وهم مملوح هم اشكر النوب

ومسودن اليهواك بس يكسب ذنوب

مصطفى الاطرش
11-10-2009, 05:30 AM
حالف فلا انساك لمجرجع الخام *** علكبر لو مريت أتحرك أعظام

صباح الخير
11-10-2009, 10:31 AM
سواها وكتي وياي مثل ام خراخيش

بيه الرمح شبرين ويكلي بالريش

مصطفى الاطرش
11-10-2009, 05:36 PM
جبت المجر صوبين انشد وادور *** والله الكيت اهواي بدموع اثور

صباح الخير
11-12-2009, 06:22 PM
خلاني وكتي وياك ريشه بوسط ريح

لاتنتجي على الكاع ولاتقبل اتطيح

بكسل
11-12-2009, 08:11 PM
خلاني وكتي وياك ريشه بوسط ريح

لاتنتجي على الكاع ولاتقبل اتطيح


خلاني وكتي وياك طير بوسط ماي
لگدر احط وارتاح، تعبن جناحاي

صباح الخير
11-13-2009, 09:01 PM
خلاني وكتي وياك طير بوسط ماي

لگدر احط وارتاح، تعبن جناحاي




خلاني وكتي وياك دورة نواعير
(اطرك) نهار وليل واتمنه الك خير

اطرك = افتر= ادور

my_love_s
11-15-2009, 04:40 PM
موضوع جميل
يسلمو

صباح الخير
11-15-2009, 10:36 PM
دن ودهر يلفاك يالواشي الغروب

صبحت بين الناس بس انه منهوب

مصطفى الاطرش
11-17-2009, 04:39 PM
يا حيه يم راسين طيحي ابجدرهم ** سميلي أهل البيت بس خلي أبنهم
المصدر / من تراث الغناء العراقي

صباح الخير
11-17-2009, 10:05 PM
جيتك غفل يهواي تضحك لكيتك

حسبالي تحزن دوم من فاركيتك

احمد كريم رضا
11-21-2009, 02:16 AM
اسحك رمش هالعين ومتب اسمكم
وحلف وحك عباس وجفوفة احبكم

مصطفى الاطرش
11-23-2009, 03:13 PM
ميت والمعزيا ت مابيهن أمه *** وحده التنوح أعليه وحده ألتغمه

جلال السفير
11-23-2009, 05:31 PM
اشعار جميله مشكورين

مصطفى الاطرش
11-24-2009, 03:46 PM
ميت والمعزيات موش أمها ته ** يتنا دسن بسكوت يبجن شما ته

طالب المعرفه
11-25-2009, 04:17 PM
الوكت وياي كلش عداوه كدامي خله اعداي تمشي برهاوه
ماهمني العدوان طبهم الف طوب همني الصديق الراح اوياهم النوب

طالب المعرفه
11-25-2009, 04:20 PM
جيمن بالتنور وحركني بيدك بس لا تلوحه الناركلب اليريدك

مصطفى الاطرش
11-25-2009, 05:06 PM
راحت تجيب الماي فدوه ألهلحزام *** العمر عشر سنين توه النهد زام
فدوه الهاحزام ** راحت تجيب الماي
توه ألنهد زام ** ألعمر عشر سنين

بكسل
11-27-2009, 05:18 PM
ميت والمعزيات موش أمها ته ** يتنا دسن بسكوت يبجن شما ته

ميت والمعزيات ما بيهن أمة *** هاي التشتم بي ذيچ التغمه

مصطفى الاطرش
11-27-2009, 05:39 PM
يا بكسل ألخا لات عا زته عا زه ** ألما ورا ها أصياح وحشه ألجنا زه

طارق العامري
11-29-2009, 04:10 PM
ابابي تلكة ادموع وبعتبته اجروح
خضرن من فركاك يامنيت الروح

صباح الخير
11-29-2009, 07:47 PM
واشجابه للغراف طير المجره
سابيها كلها الناس حيرني بامره

طارق العامري
12-02-2009, 03:26 PM
كل فركه سهله تصير انساهه وتهون
بس فركتك تيزاب طاحت بالعيون

مصطفى الاطرش
12-04-2009, 05:06 PM
ألما نريده ألروح كشمرته بلوه ** مثل أليكوز ألما ي كوه أعلى علوه

صباح الخير
12-04-2009, 07:26 PM
يادمع بيش انام بللت الهدوم
حزن اليموت اسبوع حزن العدل دوم

مصطفى الاطرش
12-05-2009, 03:09 PM
حنظل أبريكي أليوم أصبح على أهوا ي ** مطكوكه با ليا فوخ ما شوف ألحذاي

صباح الخير
12-08-2009, 04:02 AM
البنت
يايمه شيلي الزاد بالهم تغديت
جابولي طاري هواي وبالزبده غصيت
الام
جابولي طاري هواي وانشده شوري
خدرت بالفانوس حسبالي قوري

نوره الموسوي
12-12-2009, 03:31 PM
احبك لاتكلي شكد
وذا احسب يضيع العد
وذا اسكت خلص كلبي
كلي شلون يمعود

الحاجي
12-12-2009, 04:52 PM
هيه أول ورده أشمها ** عطرت روحي بنسمها
هيه كل عمري أو حيا تي **لا جن ألغرهه حسنهه

صباح الخير
12-12-2009, 07:59 PM
اليون تالي الليل لابد على اسباب
لو دهر موجر بيه لو ذاكر احباب

بكسل
12-13-2009, 08:02 AM
اليون تالي الليل لابد على اسباب
لو دهر موجر بيه لو ذاكر احباب


لو دهر موجر بيه ساعات ويطفى
شيطفي نار الشوگ للفگد ولفه

الحاجي
12-13-2009, 02:40 PM
سلم عليه أبطرف عينه أو حا جبه ** أ دى التحيه أو زين عا رف وا جبه

صباح الخير
12-13-2009, 07:18 PM
لو دهر موجر بيه ساعات ويطفى


شيطفي نار الشوگ للفگد ولفه




اليطفي نار الشوك بس ماي العيون
بس بالك واياك الشمات يدرون

الحاجي
12-14-2009, 04:05 PM
ألوا عد ج يو فيج يا عيني نا مي ** سا عه ألشمس وتغيب يسطي ألحرا مي

قمر الماس
12-14-2009, 05:57 PM
ارجف بنص تموز من يكبل اهواي ....
بحالي جا شيصير من يكعد وياي ....

صباح الخير
12-16-2009, 03:52 AM
سبحان من سواك نص وجهك عيون
زغير سبيت الناس من تكبر اشلون

الحاجي
12-16-2009, 04:07 PM
ألى ألشا عر سعدو ن ألمكصو صي مع اجمل ألتحيا ت :
خذ ني ألكبر سعدو ن وأللحيه شا بت ** وألعظم وا هن صار والبسمه ما تت

مصطفى العراقي
12-16-2009, 05:02 PM
ألى ألشا عر سعدو ن ألمكصو صي مع اجمل ألتحيا ت :



خذ ني ألكبر سعدو ن وأللحيه شا بت ** وألعظم وا هن صار والبسمه ما تت



بان الكبر والشيب والهم علية....سويهه مرة وياي وتعنه لية

تحياتي

العراقي

صباح الخير
12-16-2009, 08:07 PM
جن طفل بالدلال جاهل يعت بي
يبجي من اصيح عليه يكطعه من اخليه

مصطفى العراقي
12-16-2009, 08:25 PM
جن طفل بالدلال جاهل يعت بي




يبجي من اصيح عليه يكطعه من اخليه


صباح الخير
اسمحلي عزيزي هذه بيت الدارمي مو صحيح

مصطفى الاطرش
12-18-2009, 03:37 PM
حي ألله مصطفى ألعرا قي *

( بت بعد با لدلال جا هل يعت بيه ** يبجي أمن أصيح عليه أيكطعه أمنخليه )

********
ألبيدي وألبلكا ع وألعلى امتوني **مترك وداد أهوا ي لو كطعو ني
**
ألعلى أمتوني ** ألبيدي والبلكا ع
لو كطعو ني **مترك وداد أهواي

صباح الخير
12-19-2009, 06:27 PM
شكرا لكما
مصطفى العراقي
و
مصطفى الاطرش

مصطفى الاطرش
12-20-2009, 04:38 PM
كون ألكلب بي باب ينطر وأراويك ** جا كتلي عفيه أعليك دم أو لحم بيك

صباح الخير
12-20-2009, 07:39 PM
كون ألكلب بي باب ينطر وأراويك ** جا كتلي عفيه أعليك دم أو لحم بيك




كون الكلب بي باب وبوسطه اخليك
واقفل عليك سنين ياهو اليصل ليك