المساعد الشخصي الرقمي

مشاهدة النسخة كاملة : وینکم یا اهل البصره؟



العلویه البصراویه
04-10-2008, 10:36 AM
مرحبا


انا ادور علی اهل البصره الفیحاء وحتی لو ما کنتم من البصره فاهلا بیکم
اشتاقیت للبصره وللتمر البرحی ولاهلی وکل مکان بالبصره حتی لو کان زباله
الغربه ماتنحمل
سلامی للسیاب والکورنیش والعشار وابو الخصیب والجامعه :cry_smile

hamoday
04-10-2008, 10:49 AM
ياهله وتسعه عشر هله

اني ابن البصره اني ابن حي اجنينه وجنج على تمر البارحه
بابا الي هو يصير كرايبي ابويه مو غريب جابلنه كيلو تمر
كطعه من الشجره مال الرمان مال بيت ام عباس العوره
واجابه وادزه كله الج بس المشكله الجهال كله اكلوه
بقه بس النوه اذا تردين ادزه الج زرعيه يطلع بطيخ امبسمر يخبل

وبالخدمه ولو خسخ اني خارج الخدمه الشبكه عاويه

صقر العساف
04-10-2008, 12:28 PM
http://3rb2.net/get-1178944764.gif

muntasar
04-10-2008, 01:54 PM
ااهلا وسهلا بيك اختي ونكون سعداء وانتي موجوده بهدا المنتدى اني ابن البصره وتصدكين شكد مشتاق للبصره والغربه دمرتنا اتمنالك كل التوفيق ومليون مرحبا

فارس الحساني
04-10-2008, 04:05 PM
اهلا وسهلا اختي الكريمة
البصره بعدهي بخير رغم الجره و الصار البصره تتحدى الدمار
اخذت شموخها من شموخ نخيلها وشط العرب وشناشيلها والسياب
والجامعة بخير بس الدوام متوقف بسبب الاحداث الاخيرة
الحمد الخير موجود ومن يصير وكت البرحي ادزلج انشاء الله
تقبلي خالص تحياتي وانشاء تتحل عينج بشوفتج اهلج والبصرة

رنا النجفية
04-10-2008, 05:51 PM
عانقت جدران منتدانا
عطر قدومك ... وتزيّنت
مساحاته بأعذب عبارات الود والترحيب
ومشاعر الأخوة والإخلاص ... كفوفنا ممدودة
لكفوفـك لنخضبها جميعاً بالتكاتف في سبيـل زرع بذور
الأخلاقيـات الراقيـة ولا نلبـث أن نجني منهـا
إن شاء الله ثمراً صالحاً.. ونتشـارك
كالأسرة الواحدة لتثقيف بعضنا
البعض في كل المجالات
أتمنى لك قضاء
وقت ممتع
معنا

بنوته بغداد
04-10-2008, 06:18 PM
اهلا وسهلا باهل البصره

العلویه البصراویه
04-11-2008, 05:09 AM
ياهله وتسعه عشر هله

اني ابن البصره اني ابن حي اجنينه وجنج على تمر البارحه
بابا الي هو يصير كرايبي ابويه مو غريب جابلنه كيلو تمر
كطعه من الشجره مال الرمان مال بيت ام عباس العوره
واجابه وادزه كله الج بس المشكله الجهال كله اكلوه
بقه بس النوه اذا تردين ادزه الج زرعيه يطلع بطيخ امبسمر يخبل

وبالخدمه ولو خسخ اني خارج الخدمه الشبكه عاويه


درست زراعه اربع سنین وما شفت التمر یطلع من شجره الرمان الا عندک حمودی ولا البطیخ یطلع من نوه التمر ........:50:

العلویه البصراویه
04-11-2008, 05:14 AM
http://3rb2.net/get-1178944764.gif

شکرا لک اخی علی الکلام اللطیف والترحیب

العلویه البصراویه
04-11-2008, 05:24 AM
ااهلا وسهلا بيك اختي ونكون سعداء وانتي موجوده بهدا المنتدى اني ابن البصره وتصدكين شكد مشتاق للبصره والغربه دمرتنا اتمنالك كل التوفيق ومليون مرحبا

اهلا بک اخی ... الغربه مره وصعبه فراق العراق الغالی وشکرا علی الترحیب

العلویه البصراویه
04-11-2008, 05:30 AM
اهلا وسهلا اختي الكريمة
البصره بعدهي بخير رغم الجره و الصار البصره تتحدى الدمار
اخذت شموخها من شموخ نخيلها وشط العرب وشناشيلها والسياب
والجامعة بخير بس الدوام متوقف بسبب الاحداث الاخيرة
الحمد الخير موجود ومن يصير وكت البرحي ادزلج انشاء الله
تقبلي خالص تحياتي وانشاء تتحل عينج بشوفتج اهلج والبصرة

البصره ما تستاهل اللی یجی علیها تحملت کل الحروب والدمار اکثر من ای مکان اخر وهسه ما یهون الهم تبقی هادئه لازم یخربوها بس مثل ما گلت تبقی صامده بنخیلها الشامخ وتراثها وسلم لی علی الجامعه

العلویه البصراویه
04-11-2008, 05:36 AM
شکرا اخواتی رنا النجفیه وبنوته بغداد علی مرورکم وترحیبکم