المساعد الشخصي الرقمي

مشاهدة النسخة كاملة : سامحوني



ام الحسنين
11-17-2008, 11:31 PM
بسم الله الرحمن الرحيم

السلام عليكم جميعا

اخواني واخواتي اعضاء منتدى العراق
اتمنى تسامحوني ومن كل قلبكم
على اي شئ سويته بيكم

رح اغيب فتره ومااعرف اذا ارجع الكم بعد او لا

فاتمنى ان تسامحوني وتره صدكوني
مافد يوم حقدت على احد
واتمنى محد يحقد لاعليه ولا على اي شخص ثانيا
لاننا كلنا استخدمنا النت للتسليه وللتعارف على اخوات واخوه

حوراء عمري اسفه لانو رح ابتعد عنج فتره
القسم امانه بركبتج
وياريت الادمن ياخذ الاشراف مني وينطيه لرنا النجفيه
لانو مااعرف ارجع او لا
بوسه لرامي وامير
وربي يسعدج ويريح بالج ولا يشوفج يوم وحش
:rose:

ام زينب عمري انتي يارب اشوفج على خير واسمع
اخبارج الي تسعد
وربي يسعدج:rose:

الشهد حياتي لاتنسينا من دعائج عمري انتي
وربي يهنيج:rose:

بحرينيه شيعيه حياتي وعمري انتي
ربي يخليج ويسعدج ويوفقج بكل حياتج
:rose:

لوله روحي ربي يوفقج ويسعدج
ولاتنسيني لانو مارح انساج عمري:rose:


جيفار فرصه سعيده للتعرف عليج
وربي يهنيج ويقسم الج الحظ الحلو الي يسعدج
وبطلع عرك وصيريه رقيقه شويه:D:rose:


المشتاقه للعراق ام ميشو حياتي
ربي يسعدج ويهنيج
:rose:

عليا لاتغيرين اسمج ابقي لانو اني رايحه
ربي يهنيج ويسعدج وينولي الي ابالج:rose:

مروى ربي يوفقج قلبي
ويارب اسمع عنج الاخبار الحلوه
:rose:

ماسه انتي ماسه وابقي ماسه باخلاقج وادبج
وربي يهنيج
:rose:
شهوده عمري لاتحششين هواي هههههههههه

ربي يهنيج ويسعدج ويوفقج بدراستج وبكل حياتج:rose:

رناااوي حياتي لاتزعلين مني عمري
وسامحيني على كل شئ قلبي انتي
وربي يسعدج ويهنيج
:rose:
غيورة يارب ترجعين وتنورين المنتدى بوجودج
وربي يوفقج
وسامحينا عمري انتي :rose:

ملاك الروح ربي يسعدج ويهنيج وينول الي ببالج
:rose:
غرام عمري ربي يسعدج ويهنيج
وينولي الي ابالج
بحق اهل البيت(ع)
:rose:

بنت الهدى عيوني ربي يسعدج ويهدي بالج يونولج مرادج
وهدى شويه خيتي على البنات لااطفشيهن وبعدين
ماتضبط خطه عليا باحتلال المنتدى
موفقه يارب :rose:

جميع البنات واسفه اذا ماذكرت احد
بس كلكم ابالي والله ومارح انساكم:rose:
:rose:

ابن عمي رسول ربي يسعدك ويوفقك
ويرزقك وينطيك الصحه والعافيا
ويارب تلكه بنت الحلال الي تسعدك
مو تنساني يااروع ابن عم بلدنيا:rose:

ابن خالتي عراقي وسيم
ربي يوفقك بكل حياتك ويسعدك
ويهنيك
دير بالك على لوله واذا سمعت مضوجها اذبحك زين
ولاتصير قاسي وياالبنات
مو تنساني واذكرني دائما :rose:

حميد سالم ربي يوفقك
ويرزقك من وسعه ويسعدك طول حياتك
واكتب هواي وحاول تجمع كتاباتك لانو انت روعه
وكتابتك تجنن
سلملي على ام حيدر:rose:

عماد البحري ربي يسعدك ويهنيك
ويسهل عليك ويفتح كل باب مسكر
كمل كتابت الابوذيه لانها روعه
سلامي لام علي :rose:


برج بابل ربي يرزقك
وينطيك الصحه والعافيا
سامحني عيوني اذا ضوجتك
انت روعه وربي يسعدك
وكمل بكتابت الهلوسات
لانو عندك حس بلكتابه جميل جدا
منو يضوجك بعد ارتاح :rose:


قاهرهم ربي يرزقك بنت الحلال
ويسعدك ويهنيك
ويبعد عنك كل مكروه
سلملي على الحجيه وربي يعطيها
الصحه والعافيا
ولا تنسى بروقي خليه بعينك
وسلملي عليه:rose:


حسين الجنوبي ربي يوفقك بكل حياتك
ويسعدك ويجعل كل ايامك هنا
ويرزقك بنت الحلال
موفق خي وسلامي للحجيه
وربي ينطيها طول العمر:rose:


حمامت السلام حمودي
الله يهنيك ويوفقك بحياتك
ويجعل ايامك كلها سعاده وضحك وهنا
وانطي باوزه للمشاكل على مود لايصير المنتدى مهجور
مشكور على كل شئ
ربي يهنيك :rose:


ألاخ الادمن اخي موفق يارب
وربي يسعدك
ويارب يكون المنتدى احسن منتدى بكل عالم النت
وربي يبعد جميع المشاكل عنه
موفقين يارب:rose:

اعتذر اذا ماذكرت احد
بس سلامي للكل وربي يسعدكم ويهنيكم
ويارب موفقين بجميع حياتكم

سامحوني على كل شئ
تحياتي للجميع
ويارب اسمع عنكم كل الاخبار الطيبه

سلام :rose::rose::rose::rose:

haura
11-17-2008, 11:39 PM
شکو اشصار متفهمینه

المشتاقة لكندا
11-18-2008, 12:04 AM
شنو القصة
كدة من الباب للطاء
تريدين تروحين

بنت الهدى
11-18-2008, 12:18 AM
ان شاء الله متتاخريين
ويمكن ظروف وتتغير ياربي
ننتظرج

شمس ذي قار
11-18-2008, 01:01 AM
نه راح ابجي اسمي مو بل القائمه ههههههههههه

والله انتي الخير والبركه
ويارب يحرسك ويحميج من كل شر
ويارب ترجعين بسلامه النه

فاتح خيبر
11-18-2008, 01:13 AM
شالقصه ام الحسنين

رايحه للجبهه لو شنو؟؟؟

يعني انا حته لو رايح لحرب العالميه الثالثه هم ما راحب اكتب رساله بهذه الطول

لو كاتبه الوصيه مالتج هنا همين جا صار احسن :D:D:D:D:D

على الاقل نوفي شكو دين عليج :D:D

انشاء الله خير و سلامه و انشوفج في اقرب وقت

الله يحفضج و رافقتكي السلامه و حفضكي الله

اتمنالج كل الخير و العافيه
:D

الى اللقاء مجددا

ماكسيموس
11-18-2008, 07:06 AM
ابن خالتي عراقي وسيم
ربي يوفقك بكل حياتك ويسعدك
ويهنيك
دير بالك على لوله واذا سمعت مضوجها اذبحك زين
ولاتصير قاسي وياالبنات
مو تنساني واذكرني دائما

ليش هيج على غفلة بدون سابق انذار تردين تروحين ام الحسنين
بنت خالتي انتي مكانتج غالية وعزيزة عندي وعند كل عضو بهذا المنتدى
ان شاء الله نشوفك عن قريب ..
ولولة بعيني ان شاء الله هاي اختي الصغيرة اذا مااتعارك وياها كل ساعة ماارتاح :D
اني قاسي بس وياج مو وي كل البنات :D

مهندس كردستان
11-18-2008, 08:21 AM
لا ام الحسنين لا .............
ماراح أحجي لأن حيل ضجت والله ...

بس هاي الوردة أنشالله توصلج.. وترجعج النه يارب.


http://www.matlaalshams.com/uploaded/7824_1184230548.jpg

ااحمد العراقي
11-18-2008, 08:51 AM
الحمد لله على كل حال تروحين وترجعين بالسلامه ام الحسنين والله راح نفتقدج وتحياتي وسلامي لك

ملاك الروح
11-18-2008, 09:12 AM
شنو السالفه !!

وين رايحه ..مادري شنو اكول ..الله يعدي الضروف وترجعين ان شالله

Geuvara
11-18-2008, 09:12 AM
لاااا شكو شصاير أم الحسنين ليش تردين تروحين.. ترا الظروف تتغير و ما تدرين إن شالله يجي خير.. إنتي هم وردة والله .. لا تعوفينا

لوله الدلوله
11-18-2008, 09:15 AM
علووووووووووووووشتي حبي شصاير شنو هلحجي الي تكوليه
مستحيل تتركينه مدااصدك اكيد احد ضوجج كولش من هيك تريد تعوفينه:(:(
بس اي ضرف كان مستحيل يستحق هيج تعوفينه
بالله هسه اني شسوي اذا انتي ماكو:(:(
علوشتي عفيه فكري قبل لتتخذين هيج قرار
اني ادري حتى انتي متكدرين تعوفينه مو بس احنه منكدر بدونج
احبج كوووولش والله ومتاكده رح ترجعين النه متاكده ميه بلميه:(
الله ايريحج يارب ويبعد عنج اي شئ مضوجج:(

حسين الجنوبي
11-18-2008, 02:10 PM
خير سلامات ام الحسنين وين رايحه يمعوده تعودنا عليج

ان شاء الله تكونين بخير اينما ذهبتي

Alien
11-18-2008, 03:17 PM
وين وين وين رايحه :(

اشصاير اني هالفتره كلش مشغوله يعني اجي ربع ساعه واطلع ما عندي علم بالمنتدى هسه احد مضايگج:mad:



وبعدين حتى لو تتركينا بالمنتدى مالج مفره مني كل شويه والتليفون يرن :p بس شيليه وكولي الو :o

ان شاء الله ترجعين بالسلامه قلبي :)

بحرينية شيعية
11-18-2008, 04:30 PM
:eek: ام حسنين اشصاير؟ وين راح تروحين:(:(

angel
11-18-2008, 04:34 PM
ليش ام الحسينين ؟؟؟ راح نشتاقلج

i will miss u

رنا النجفية
11-18-2008, 04:36 PM
هاااااااااي شنو ام حسوني لا والله ترى ازعل منج
حبيبتي مادام انتي موجودة يكفي لج الاشراف
وحتى لو غبتي راح تردين ياعمري
واكد راح اشتاق لج ياحبيبتي
بس وين ترحين راح انتظرج وماراح انساج
ياحبيبتي الغالية
وما راح ازعل ابداا
انتي اختي واحنة خوات:D

ليلى
11-18-2008, 04:58 PM
وين ام الحسنين و ليش فجأءة :confused:

ان شاء الله ترجعين بأسرع وقت , لا تطولين الغيبة :(

Cho8litaa
11-18-2008, 07:55 PM
ليش ام الحسنين وين رايحة


بعدين ليش ما ذاكرة اسمي ؟؟ :mad:

يلا راح اسامحج هالمرة

بس انتي وين رايحة وان شا اءلله ترجعينة بالسلامة

i love you wallah

Gogy
11-18-2008, 08:34 PM
انشااء الله ترجعيـن النااا :]

الشهد
11-19-2008, 12:01 PM
ام الحسنين
احنه نسامحك فقط اذا رجعتي تنورين المنتدى من جديد
غيرها انت غير مسامحه طبعا
ننتظر رجوعك
تحياتي

عبد الله الرضيع
11-19-2008, 06:41 PM
السلام عليكم
ولو جديد
بس لازم اشارك
الله معك ترجعين بالسلامة

غيورة
11-20-2008, 11:50 PM
غيورة يارب ترجعين وتنورين المنتدى بوجودج
وربي يوفقج
وسامحينا عمري انتي

وي فديتج
لا تتأخرين
راح ننتظرج


بس عسى ماشر ليش ناوين على الغياب؟

غرام
11-21-2008, 06:00 AM
ام الحسنيـــــــــن شنو شنو هااي وين رايحـــــــه

لا يمعوده كل شيء ولا تركين المنتدى

يلا فرحينا وكولي راح تبقين

:(

انوار كربلاء
11-21-2008, 06:18 AM
ولو اسمي ما موجود بلموضوع
تروحين وترجعين بلسلامة بأقرب وكت

ثائر العراقي
11-21-2008, 06:19 PM
ان شاء الله ترجعين للمنتدى وامنياتنه القلبيه ان لاتغيبين هوايه وان شاء الله محد يزعل عليج ولا انتي تزعلين من احد لان الكل يحبوج تحياتي الج وعوده سريعه نتمنى منج .........

Toxic Lolly
11-24-2008, 01:41 AM
ان شاء الله ترجعين للمنتدى وامنياتنه القلبيه ان لاتغيبين هوايه وان شاء الله محد يزعل عليج ولا انتي تزعلين من احد لان الكل يحبوج تحياتي الج وعوده سريعه نتمنى منج .........

Not ME :D

ya allah....

sooooo naughty
but I dont care

:D

بنت الهدى
11-24-2008, 03:32 AM
Not ME :D

ya allah....

sooooo naughty
but I dont care

:D


هههههههههه
ولج اكعدي راحه :D

حسام الكربلائي
11-24-2008, 08:32 AM
انشاء الله ما تتاخرين وترجعيلنه بسرعه
تحياتي

Toxic Lolly
11-24-2008, 10:13 AM
هههههههههه
ولج اكعدي راحه :D

honey they are asking for it :D

و اني ما اقصر..
ماما علمتني ما اكون لوكية :p

سلام الكاتب
11-24-2008, 11:48 AM
تروحين وترجعين بالسلامه اختي

ننتظرج ..اخوج سلام

انوار كربلاء
11-27-2008, 08:54 PM
أحداثيات المنتدى
الاعضاء النشطين حاليآ: 304 (الأعضاء 35 والزوار 269)
أكبر تواجد بالمنتدى كان: 708 بتاريخ 07-27-2008 الساعة 06:05 PM
‏انوار كربلاء, ‏ملاك الروح, ‏ماسة الأردن, ‏محمد عباس البصري, ‏مشكاه, ‏مهند ابو جمرة, ‏ام الحسنين, ‏المتواضعه, ‏الشهد, ‏الـرجل الحـر, ‏الهمس الحائر, ‏النوخده الشاطر, ‏ااحمد العراقي, ‏ثائر العراقي, ‏بنت الهدى, ‏Geuvara, ‏hamoday, ‏حميد سالم, ‏دمعةحزن, ‏درغوم, ‏حسين الجنوبي, ‏حسون البصره, ‏iraqiengineer, ‏جنة الفردوس, ‏حوري الموسوي, ‏kingnet, ‏Nilofaar, ‏صاحب الاخوة, ‏sona-s, ‏spot_light, ‏غيورة, ‏فاتح خيبر+, ‏نور فاطمه, ‏طالب الصدري, ‏طير الصاف


نرحب من جديد بعودة الاخت ام الحسنين ونتمنى بأن لا تغيب علينا مرة ثانية
تحياتي