المساعد الشخصي الرقمي

مشاهدة النسخة كاملة : ابوذيه باسماء الاعضاء



الصفحات : [1] 2

زهرة غريبة
11-13-2005, 08:58 AM
صراحه حبيت اقولك لكم ان عندي القدره على كتابة بيت الابوذيه فى خمس دقايق باي اسم انتو تبونه او تحبونه وان كان مدح او ذم او اي شي بس عطوني الاسم وانا اسوي لكم وعلى فكره ملكة الشعر فيني وراثه.
مثال المشرف سامي
احترت ابدي بيمن من الاسامي
قلت مشرفنا الورد استاذ سامي
اصيل وبالفعل من نبع سامي
سامي واعلى فوق من علو الثريا

دموع العراق الورده
فروض الله مبنيه بنظم واركان
الدنيا بكل شي اسس واركان
وركن هذه المنتدى الورد اركان
اركان بدر ومن القمر ماخوذ ضيه
والي حاب اي اسم انا بخدمة المنتدى واعضاءه

دموع العراق
11-13-2005, 09:10 AM
حطيتي ايدج ع جرح
و قد عدت الى الوراء ست اعوام
و سوف اعود على موضوعك و ارد عليك بقصيده
واشكرك جدا على هذا الكلام الرائع
و الله اخجلتينا و افرحتينا بنفس الوقت بوجودك معانه
الله يخليك يا ورده
و انتضري قصيدتي
اوكي

زهرة غريبة
11-13-2005, 12:18 PM
تحت امرك ياورد

Sad Bird
11-13-2005, 03:44 PM
بسم الله الرحمن الرحيم

مشكووور اختي زهرة على هذا الشعر الجميل
يا ليـتني اعـرف كيف اكتب الشعر مثلك حتى ارد عليكي بالمثل
ولكن اترك الأمـر لدموع العراق فهو الذي سيأتي بالجميل .... من اركان الأرض !!!

بالتوفيق ان شاء الله
اخوكم سامي

Princess
11-13-2005, 04:24 PM
الصراحه :

لا أجيد كتابة الأبوذيات لكني ممن يتذوقونها

وأستطيع أن أقول لك

][ زهره غريبة][

أبوذياتك رائعـــه جداًَ

في غاية الاحساس والعاطفه

لكـــن ...

كلماتها قويه جداًَ

][ يعطيك العافيه ][

بإنتظار جديدك...


و تقبلِ هذه المحاولة البسيطه مني

انت الزهره وآنا البدر منهل :cool:

وشفافك طعم العسل منـــهل :o

قلبــي بس الك ياترفه منهل :rolleyes:

والزهرات من جمالك مستحيه :red_smile



تقبلي فائق تحياتي و دعائي لك بالتوفيق عزيزتي

اختك الاميرة

Sad Bird
11-13-2005, 04:29 PM
بارك الله ... شكرا اختي الأميرة لهذة الكلمات الجميلة

مع التحيات ... سامي

زهرة غريبة
11-14-2005, 04:16 AM
شكرا اخي العزيز سامي وسامحنا من القصور والي حبيبتي العزيزه الاميره وارد واقول لها

يااميره مردود الشعر هذا وصلي
انا ابدا ماقطع من وصلي
انا خمس الفرايض مؤديهم وصلي
واقول بلكت ربك يفتحها عليا

الاسير
11-14-2005, 04:37 AM
ترف هجرك علي يوم الرحت منشار (منشار خشب او حديد بكيفكم)
سحابه وبس علي امطرت من شار (شر)
اخذ ونطي ونصير انا وياك من شار (مشوره)
مثل منشد عليك انشد عليه

زهرة غريبة
11-14-2005, 06:31 AM
الرد على اخي الاسير واقول على الابوذيه الي كتبها :
هلا بكل من بهذا الركن شارك
يالاسير ابد مايضيع من طاعك وشارك
لانك من امة محمد مو من قوم شاراك
شاراك النذل ابو علوم الرديا

الاسير
11-14-2005, 06:59 AM
عاشت ايدج يا زهرة غريبة
وابوذياتج كلش رائعة واطلب منج تشجعين اركان
حتى يرجع يكتب شعر وابوذيات
يا زهرة المنتدى

رنوش
11-14-2005, 07:16 AM
اني كلش معجبة بكل الي كتبتوه
يعني شكول حلو قليل
ايخبل هم قليل
عزيزتي زهرة شكرا على هذا الموضوع الحلو ونتمنه المشاركة من جميع الاعضاء وخصوصا الي يحبون يكتبون هذا النوع من الشعر
صدك استمتعنة وياج ووية الاعضاء

haraa
11-14-2005, 07:26 AM
شكرا زهورة غريبة
انتي
حلوة حلوة ويغارن من جمالج اصاله كلوديا ونجوى
اذا عرفتي هاي المن
الج جائزة

زهرة غريبة
11-14-2005, 08:00 AM
شكرا عزيزي الاسير وانا ويادموع بالمواجهه صارلي يومين انتظر الرد يالله ابي رد اقوي مني علشان تحمسني اكتب زياده
وحبيبتي رنوش كتبي اسمج او الاسم الي تفضلينه ومن عيوني اكتبلج زهيريه بعد شتريدين دللي
بس سؤالك عزيزي حيدر ماعرفته ولا اقدر احل شرايك بيت ابوذيه وتعطيني الحل
من القدم معروف الشور بيد حيدر
هذا ابو الحسنين علي حيدر
يحفظك يامشرفنا يااستاذ حيدر
انت وياسامي والورده كوثر
سكر وياعسل من نبع كوثر
بالقران وصل نجمك ياكوثر
موعجيبة لوصارت حرم حيدر


وسامحونا من الاخطاء احس فيها غلط بس ماادري الي شايفه يصحح لي بلييز

دموع العراق
11-15-2005, 05:37 AM
ردت وصلج يروحي بفاكس ونيت (الانترنت )
وادزلج كل صباح اشواك وانيت (وانيت يعني سياره حمل )
على افراكج يزهره شكثر ونيت (ونين )
ردت طيفيج يمر هالليله .. ليه


اوكفولي لعد اني الكم
القادم احلى

رنوش
11-15-2005, 06:24 AM
شكرا والله شكرا ياوردة وياسمين بعد
والله بالنسبة لاسمي فخلي باسمي الي مسجل يعني رنوووش
وهم بعد شكرا

زهرة غريبة
11-15-2005, 06:54 AM
اولا الرد لدموع :
ادير العين مثل الطفل ووان تاه (اذا ضاع)
القلب من يشوف رسمك يزداد وانتاه (انين وونين)
وانت الورد وانت الشهد وانتاه(انت)
بدر ضاوي واعلى فوق من علو الثريا

ثانيا رنووووش
بسم الله ابدي البيت واسمي (بسم الله)
بعده بالقلب ماراح وسمي (صبغ)
تقول رنوش الورد هذا اسمي (الاسم)
حلوه ويحقلها تدلل عليا

رنوش
11-15-2005, 07:09 AM
ههههههههههههههههههههه
شكرا يا بعد الروح
والله شون حجي يخبل

دموع العراق
11-15-2005, 07:31 AM
ردتكم عينا للروح ال غريبه (المتغربه)
اسم محبوبتي زهره غريبه (زهره غريبه )
و اذا انجنيت باجر مو غريبه ؟ (مو شي عجيب )
لأن كالت شعر يا ناس اليه

زهرة غريبة
11-15-2005, 07:56 AM
هههههههههههههههههههههههههههههههههههههههههههههههههه هههههههههههههههههه
لا باين ردك حيل قوي اصبر دقيقتين

زهرة غريبة
11-15-2005, 08:29 AM
هذا رد لدموع بالحرف الواحد؟؟؟
نصير ألف عين احنا تحت امركم (تحت خدمتكم)
بعيد الدرب ومااقدر امركم (الطريق والمسافه)
يادموع حلو حتى حنظلكم ومركم (المر هو الحنظل)
مركم شهد لبو عله خفيا

زعيم بني هاشم
11-15-2005, 08:40 AM
?لبي من ترك حمودي يابة
وظل حمودي يصيح هذا العضو من يابة
حمودي ترى نحنة صحبان يابة
ما اظن انك ت?لب عليه
ونشكر زهرة الغريبة على هذه الفكرة
زعيم بني هاشم

دموع العراق
11-15-2005, 08:44 AM
يا مر يا شهد من دونك انته
اذا ما جيتني من الصبح انته (يعني انتهي )
ذمه ابركبتك هالكلب ان تاه (يعني لو تاه )
و اجيك لديرتك و ابليك بيه

زهرة غريبة
11-15-2005, 09:02 AM
حمودي مشاركتك حلوة
والرد لدموع :
اوقف ياحلو بهداي وباليني (لين ويسر)
بحب هذا المنتدى القلب باليني (مإذيني)
تظن يابدر انت بجيتك باليني
صدق اذا ماشالك العين شلي بيديا

زعيم بني هاشم
11-15-2005, 09:13 AM
حمودي مشاركتك حلوة
والرد لدموع :
اوقف ياحلو بهداي وباليني (لين ويسر)
بحب هذا المنتدى القلب باليني (مإذيني)
تظن يابدر انت بجيتك باليني
صدق اذا ماشالك العين شلي بيديا


هذا الشعر الي انا زعيم بني هاشم يا زهرة
وكتبتة لحمودي
مو حمودي كتبة
زعيم بني هاشم

دموع العراق
11-15-2005, 09:15 AM
يمن حبك عقيدة روح مو دين (يعني مو ديانه حتى ما يسوولنا سالفه )
وهبتج كل ثنايا الكلب مو دين (يعني ما داينتج اياه حتى ترجعيه هديه الج )
تمنيت امتلك جنحان مو دين (يعني مو ادين الناكل بيهه )
و اطيرلنلك حبيبي ويه الضويه ( يعني من الصباحيات )

تره كل الابوذيات الي كتبتها هيه وليده لحضه و الله

haraa
11-15-2005, 09:21 AM
وينج يازهرة غريبة
اشو دموع لعب بيها لعب
ها متكدريلة يله مو تنسحبين هذا ابوتراب
اذا فلت عليكم بالشعر حتى شغلة يتركة ويلتهي بس يكتب ويرسم
وهذا مقطع اله اهديه الج
حلوة حلوة ويغارن من جمالج اصاله كلوديا ونجوى
اركان اذا تتذكر القصيدة كملها

دموع العراق
11-15-2005, 09:25 AM
حلوه حلوه و اضلمج لو كلت حلوه
حلوه حلوه و اصاله يا اصاله تروحلج فدوه
حلوه حلوه و يغارن من جمالج نوال و كلوديا و نجوه
هههههههههههههههههههههههههههه
خرب يومك شذكرك
نوال الزغبي و كلوديا شمالي و نجوه كرم

haraa
11-15-2005, 09:40 AM
وينكم شنو انسحبتو
اركان لازم تهدي القصيدة لوحدة من بنات المنتدى
ممعقولة تبقى هيج شتكول منو يستحقها
لو يله خليها اهديها لام عباس من توصل بالسلامة هههههههههه :D

Princess
11-15-2005, 10:14 AM
لا استطيع اني اجيد تنظيم الابوذيه...لكن ادر على اخر مقطع من ابوذية الاخ دموع العراق
و اقول :


اطيرلنلك حبيبي ويه الضويه ( يعني من الصباحيات )

مثل غيم الشتاء همي ..... تراكم
متى احباب قلبي عيوني ..... تراكم
شهور سنين غيبتكم ..... تراكم
عزيز ولا واحد بعد يمر عليا

اتمنى اني وفقت في استنقاء الكلمات

تحياتي للجميع

زعيم بني هاشم
11-15-2005, 12:44 PM
بستان ?لبي فتح بالوداد زهرة (وردة)
ولي يذب لي زهر ما هم انة بزهرة (سم الزهر)
محبوبة والكل يحب يا هل ربع زهرة (اي العضو زهرة)
وأشعارها يا ربع احلى من الحلا هية

زهرة غريبة
11-15-2005, 12:58 PM
ههههههههههههههه والله ضحكتني يااخي حيدر ابو التراب مااقدرله زين نشوف منو الي يرفع الرايه البيضا
شنو يروي ظمانا دمع يوماي(او ماء)
تهديدك ياحيدر صار يماي(بالقرب مني)
منك ومن دموع قلت يماي(يايمه)
ولج يمه لحقي عليا



والله والحسين ابو عبدالله ان كل ماكتبته وليد الساعه

منير الوحاش
11-15-2005, 02:03 PM
وشمنهه لو تمد للناس يداك
الوكت زل وعلى الطيبين يداك
لاسيد وتكله اهناك يداك
ويلومك ليش مو نفسك ابيه


ناحل وامشي امكابر تراني
اجلد خاف عدواني تراني
تاره الموت يدهاني تراني
اصحه من يمر شامت عليه

يا زهرة يا وردة

دموع العراق
11-15-2005, 04:35 PM
بستان ?لبي فتح بالوداد زهرة (وردة)
ولي يذب لي زهر ما هم انة بزهرة (سم الزهر)
محبوبة والكل يحب يا هل ربع زهرة (اي العضو زهرة)
وأشعارها يا ربع احلى من الحلا هية
عاشت ايدك و الله
شباب عدكم طاقات رائعه
اني هسه كعدت من النوم
بس اكضي شغلاتي و ارجع اكمل

زهرة غريبة
11-15-2005, 06:09 PM
نوم العوافي يادلوع المنتدى صابني الفضول الا اشوف الي كتبتوه واغنا مسيره عند ناس وقلت لبناتهم ارد اراويكم موقع وايد حلو هههههههههههه من لهو حيله فليحتال والرد باكر الصبح من الدوام مسية العافية على كل الموجودين

زهرة غريبة
11-16-2005, 04:54 AM
الرد للورد زعيم بنى هاشم ويسامحني من سوء الفهم
سيد وبيوت اهلكم رايات خضره
وبعدهي نفوسكم على الطيبات خضره
تمنيت ننجمع كلنا بأرض خضره
وماكو زعيم غيرك يابن هاشم
يحفظك العباس قمر بني هاشم
وكل سيد وعمامته خضره

كوثر
11-16-2005, 01:43 PM
ما شاء الله شنو هالابداع والله خجلتونا
وتسلمين زهرة حبيبيتي و الله لو اعرف كان شاركت؛ :(

يا جماعه فتحولنا دورة تعليميه مال كيف تكتب الشعر :o

دعاء الهاشمي
11-16-2005, 03:24 PM
شنو هاي زهره نسيتيني

والله احب هذا النوع من الشعر بس ما اعرف اكتبه بس اعرف اسرق هههه

والف شكر لزهره غريبه على الموضوع الحلوhttp://www.iraq.iraq.ir/vb/attachment.php?attachmentid=1490&stc=1

زهرة غريبة
11-17-2005, 08:06 AM
شلون انساكي ياورده والي ينسى الحمد شلون يصلي.....
منساك وحق النبي الهاشمي (محمد صلى الله عليه وعلى اله وسلم)
ورده وعسل يادعاء الهاشمي (العضوه)
باقة ورد ياكوثر هاج شمي (اخذي شمي )
شمي المسك ويا الورد رحتهن سويا

كوثر
11-18-2005, 01:12 AM
شلون انساكي ياورده والي ينسى الحمد شلون يصلي.....
منساك وحق النبي الهاشمي (محمد صلى الله عليه وعلى اله وسلم)
ورده وعسل يادعاء الهاشمي (العضوه)
باقة ورد ياكوثر هاج شمي (اخذي شمي )
شمي المسك ويا الورد رحتهن سويا

الله اللـــــــــــــــه

روعه يسلموووو عيوني

حيدر تقي
11-18-2005, 10:31 PM
كل الزهور الي كانت حولنــــا انت الوحيدي الي لمت شملنـــا
زهرة غريبة عاشت بحيينـــــا الله يحميكـــــــــــــــي ويحمنــــا
زهور الشمال غارت مننــــــا وزهور شركنا وزهور غربنــــا
جمالك جمالك اجمل ما عندنا واجمل من جمالك ما في عندنـا

المحبه للعراق
11-18-2005, 11:17 PM
الله الله ماشاء الله عليكم امبدعين بالشعر اي ياعم منو كدكم كله شعر وحنه المساكين منعرف نكتب بس نتفرج

اذكره مالت حلوه حلوه دموع بس هاي مو الام عباس اني متاكده دبر روحك لاتنلكف وتنكتل :D :D :D :D

زعيم بني هاشم
11-19-2005, 08:58 AM
?لبي بس يم? يا زهرة يسكت ونة (ونين)
وما اسال على جواب? ونة (وينه)
انت ?اعدة تتونسين ونة (وأنا)
مخنو? وضا?ت الدنية بية
زعيم بني هاشم

دموع العراق
11-19-2005, 11:32 AM
تعيش يا زعيم
و مشكور على ردودك الرائعه و الغنيه بكل المعاني
الف شكر يا حبيبي يا زعيم

زعيم بني هاشم
11-19-2005, 02:42 PM
تسلم اخي دموع
وان شاء الله تعجبك هذا الشعر لكنه ليس ابوذية بل ميمر
?ضيت عمري كله ألم بية ودموع لي (اي دموع لي)
بس انت الي برد ?لبي يا تسلم يا دموع لي (العضو دموع العراق)
وجهي من الحزن ما ضل بي دم وعلي (اي دم والقسم بالإمام علي (عليه السلام)).
ولولا المنتدى ?ان ?لبي تفطر
إن شاء الله يعجبك

زهرة غريبة
11-20-2005, 12:22 PM
شنو هالابداع صراحه ضنيت بس انا اعرف اكتب ونسيت ان العراقين هم اهل الشعر والحكمه

زهرة غريبة
11-21-2005, 05:57 AM
مشكور اخي الاسير صراحه حيل فرحتني بتثبيتك للموضوع
اقول اهداء لك بما اني خنساء المنتدى
بحب أل محمد انا امشي واسير (امشي)
شكروعرفان اقدم للورده اسير (المشرف اسير)
انا بهذا المنتدى كلش اسير (مقيد مسجون)
اغلال من ورد بأثنين اديا

عراق علي
11-21-2005, 12:27 PM
زهر كلبي انترس والسبب زهره
غريبه وما تشابه ابد زهره
دخيلج انه يم الحسن زهره

تضيعين التحبه واسمه اركان
تريده وبنت لاجل عيونه اركان
اريده يصير ماضي وهم خبركان

ويسر قلبي وحلاوه يصير زهره

زهرة غريبة
11-22-2005, 03:55 AM
الرد عن قريب انشالله

الاسير
11-22-2005, 05:02 AM
شكرا يا خنساء المنتدى
بس هيجي قابليه اني ما شايف صارلي يومين اريد ارتب ابوذيه ما كدرت

زهرة غريبة
11-30-2005, 04:22 AM
فتحت المنتدى وشفت من جديد عدنا
ضنينا يومين وبعدهن زاد عدنا
شعر وادب وابيات تلقاها عدنا
اجمل منتدى واعلى من نجم الثريا

بمناسبة عودة المنتدى

haraa
11-30-2005, 05:00 AM
مميزة والله مميزة يا زهرة الف تحية لكل اعضاء المنتدى

الاسير
11-30-2005, 05:08 AM
فتحت المنتدى وشفت من جديد عدنا
ضنينا يومين وبعدهن زاد عدنا
شعر وادب وابيات تلقاها عدنا
اجمل منتدى واعلى من نجم الثريا

بمناسبة عودة المنتدى


بداعه والله بداعه يا خنساء المنتدى

عيسى العلي
12-12-2005, 12:09 PM
موضوع رائع سلم سلمت يدا من كتبه ...... الابو ذيه احد فنون الشعر الشعبي المميزه بنغمتها وحلاوه مفرداتها .... وانا اسف ان لم اكتب في حق احد الاعضاء لاني ان اردت ان اكتب فعلي ان اكتب باسم الكل .... لذا ساهديكم محاوره بين حبيبين .... في البو ذيه طبعا ...واتمنى ان تعذروني ..........


هــــــــــــــــــــــــــــو
علي ثوب الونين شكثر........... حالي
شباب وهالشبت من دون......... حالي
انشدج على احوالج مثل ......... حالي
طايح والهموم تشيل بيه

هـــــــــــــــــــــــــــــــــــــــــــــي

هموم هواك ماخلن........ علي حال
فريضه وحبك من الله ......... علي حال
يالتنشد على حوالي........ علي حال
شيفيد النشد عالصار بيه

هـــــــــــــــــــــــــــــــــــــــو

الج بس انت كلبي........... ورجيته
ودمع العين يمج ............ ورجيته
ابتعد كلمن نخيته.......... والرجيته
ولاواحد اجاني وحن عليه

هــــــــــــــــــــــــــــــي

رعيتك ليش كلبك...... مارعاني
ويهمك فت دليلي ........... ومارعاني
مره احبس بدمعي ..... ومره اعاني
ومره اتطيح روحي ابين اديه



وللحديث بقيه بينهما ............ تحياتي
أمير الحب

زهرة غريبة
12-12-2005, 12:56 PM
الله الله ماشالله ياامير الحب صراحه ابدعت انت امير الشعر مو امير الحب زين انتظر الرد عن قريب

زهرة غريبة
12-15-2005, 05:00 AM
بما اني مريضة اليوم كتبت هذه الابوذية وهي مو لي بس من احد الشعراء يقول فيها


يباري المرض هد حيلي وهدني
ولايوم ابتعد عني وعدني
ارشدني لرحمتك يارب وهدني
طريح فراش والعله خفيه

عاشق الحسين
12-15-2005, 08:47 AM
السلام عليكم ماشاء الله امبدعين
حبيت اشاركم و اهدي كم بيت الى حبيبتي و خطيبتي الاميره

أحبـــج ما أحب غــــــيرك بدالاج
أوشوقي مابدى الغيرج بس بدالاج
أنــا ويـن القــى يا اميره بدالاج
مــلاك ومــن الســـــما نازل عليه

علي الجريح
12-17-2005, 10:45 AM
الرد على اخي الاسير واقول على الابوذيه الي كتبها :
هلا بكل من بهذا الركن شارك
يالاسير ابد مايضيع من طاعك وشارك
لانك من امة محمد مو من قوم شاراك
شاراك النذل ابو علوم الرديا


السلام عليكم هذه اول مشاركه لي في هذا المنتدى اسمحولى من فظلكم

واول بيت من الابوذيه اشارك به هو لامير المؤمنين (ع) قربة الى الله تعالى................

علي الجرحك الينزف ملزمينه

ونهجك يابطل خيبر ملزمينه

بجهادك كل عدو خاين ملزمينه

يدير العين عنك ياهو فيه

.................................................. ........................تحياتي الى كل الاخوه

زهرة غريبة
12-19-2005, 06:59 AM
اهلا اخي علي الجريح وشكرا على المساهمة وبماانها اول مشاركة يعني انت طحت بالفخ لحالك انت ملزوم تكتب لنا من هذه الكتابات الجميله وتكثر لانه الواحد شكثر ماكتب عن اهل بيت محمد عليهم السلام يكون مقصر شكرا على الابوذيه

علي الجريح
12-19-2005, 08:09 AM
اهلا اخي علي الجريح وشكرا على المساهمة وبماانها اول مشاركة يعني انت طحت بالفخ لحالك انت ملزوم تكتب لنا من هذه الكتابات الجميله وتكثر لانه الواحد شكثر ماكتب عن اهل بيت محمد عليهم السلام يكون مقصر شكرا على الابوذيه


السلام عليكم اني بخدمتكم اخوتي واخواتي الاعزاءبس لازم يكون رد وجواب حته تحله المناضره

وهذا البيت لاختي زهره الغريبه............


بهمومه يدور الوكت بياي

راد وماصحت فديوم بياي

الوعد ادري الوعد ميعاد بياي

المهدي تناطره خير البريه


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,تحياتي,,,,,,,,,,,,

ججبجو
12-20-2005, 08:40 AM
السلام عليكم أعضاء هذا المنتى الرائع

أنا عضو جديد من السعودية أتمنى أن أحظى بقبول الجميع أعشق العراق وشعب العراق وأحب الشعر العراقي الأصيل من أبوذيات وشعر شعبي والدارمي أعجبني الأبوذيات التي ألقيت من بعض الأعضاء أمثال زهرة غريبة ، أتمنى ممن يستطيع إرسال عبر هذا المنتى الجميل أكبر عدد ممكن من الشعر العراقي ممن ذكرته

تحياتي للجميع

زهرة غريبة
12-20-2005, 08:47 AM
حياكي الله ومن عيوني يابنت الخليج

الورده السامه
12-20-2005, 04:11 PM
شلونج زهره غريبه كيف الحال
تمتم
هههههههههههههههههههه

ودي تسوين لي ابوذيه بإسمي اوكي
وشكرا

يقولون صايره شاعره من تالي

ههههههههههههههههههههههههههههه

:5_1_123v[ :5_1_123v[ :5_1_123v[ :5_1_123v[ :5_1_123v[ :5_1_123v[ :5_1_123v[ :5_1_123v[

زهرة غريبة
12-25-2005, 07:15 AM
اقول للورده السامه


بأي اسم اسمك الحقيقي او الورده السامة بسرعه لان وراي طلبات هههههه

زهرة غريبة
12-27-2005, 06:14 AM
هذه الابوذية اكتبها جذي يعني مو لاي احد لان فيها تجريح وتقول


اذا انت فهيم احنا نبع اداب
واذا انت حنش انا جبير الداب
والحر ماينجمع بالغنم والداب
لان هيهات جمعتهم سويا

علي الجريح
12-27-2005, 06:23 AM
هذه الابوذية اكتبها جذي يعني مو لاي احد لان فيها تجريح وتقول


اذا انت فهيم احنا نبع اداب
واذا انت حنش انا جبير الداب
والحر ماينجمع بالغنم والداب
لان هيهات جمعتهم سويا



تحيه الى الاخت زهره الغريبه مع الاحترام والتقدير


موهيج الشعر يكتب يزهراي

سموم وهم على اعدانه يزهراي

شبه الورد بالروضه يزهراي

صير ولاتشمت اعداي بيه


هل من مناظر في الابوذيه ؟؟؟؟؟هل من مناظر

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,تحياتي ,,,,,,,,,,,,

زهرة غريبة
12-28-2005, 05:56 AM
زهرة غريبة تظهر سيفها الادبي هههه انا المناظر

موهيج الشعر يكتب يزهراي

سموم وهم على اعدانه يزهراي

شبه الورد بالروضه يزهراي

صير ولاتشمت اعداي بيه
الرد عليك
ولاواحد بحبل الشعر مثلي طال به (طول فيه واكثر به)
تلميذه عندك يالجريح وطالبه (تلميذة)
والحق منك اليوم انا طالبه (اطلب الحق)
اريدك تجاوبني بالبيت ورد (بيت الابوذية)
انا ابيات الفكر من ارضي ورد (الورد)
واسئل علي الراح ورد (الرايح والراجع)
راح تعرف اني بمدرسة الخنسا طالبه
ههههههههههههههههههههههههههههههههههههههه

زهرة غريبة
01-03-2006, 08:00 AM
ياوسفه وين الادباء وين الشعراء مافي احد قدر يرد علي

زهرة غريبة
01-07-2006, 02:01 PM
يعني مو معقوله مافي احد يرد علي وين نجوم المنتدى حتى الي سمعت انه شاعر وقلت خل ارحب بيه بلكت يرد علي ماكو شرد من المنتدى ليش :( :( :( بس الله كريم وقلت بيه زهرية
اهلا وسهلا بيك يااستاذ قاسم
بكل شي اله ميزان والله قاسم
الوقت جمعنا والزمن قاسم
يقسم الغنى والفقر والاشراف
يابن الادب والفن والاشراف
اذا انت ضيف من الك الاشرف
اشراف المنتدى من غير قاسم

ابن الفرات
01-15-2006, 09:14 AM
اريد تكتبين ابوذية باسم ابن الفرات.....وشكرا

زهرة غريبة
01-18-2006, 06:28 AM
اوكي مو مشكله
بس باي اسم ابن الفرات نفسه يعني انتظر يوم ومن عيوني

ترتيل
03-01-2006, 04:20 AM
عيني زهرة غريبة
دامج متواجدة الأن
ممكن تسوين ابوذية بأسمي؟
يعني بأسمي "ترتيل":teeth_smi

زهرة غريبة
03-01-2006, 04:51 AM
شمحلى كتاب الله مع الترتيل (صوت الخشوع )
وزينة بنات المنتدى ترتيل (العضوة الأمورة)
حلوة وحبوبة ياناس ترتيل
ترتيل العسل واحلى من الشهد هيا



وسامحينا على القصور للحين ماتريقت عشان جذي مو قويه بس نطري يومين الفكر يصفى

ترتيل
03-01-2006, 01:39 PM
هذا وفكرج مو صافي وكلامج ينقط عسل
أجل إذا صفى شنو بتكتبين
الوعد وياج بعد يومين

أجمل التحايا

زهرة غريبة
03-02-2006, 05:00 AM
بعد عمري تسلمين بس نطري وتشوفين ابدع لج كم ترتيل عندنا بالمنتدى

عراقي انا
03-06-2006, 06:00 AM
يا نا ثر الريحان ....... لف الفناجيل

من كفك الريحان ... .... عطر الهبايب

أهلك هلي ......... ونا شريف المداخيل
من شوفتك دقات ........... قلبي سلا يب

زهرة غريبة
03-06-2006, 06:14 AM
كلمات وايد حلوة اخ عراقي مشكور على المشاركه وباانتظار المزيد :regular_s

زهرة غريبة
03-06-2006, 06:14 AM
كلمات وايد حلوة اخ عراقي مشكور على المشاركه وباانتظار المزيد :regular_s

عاشق النرجس
03-14-2006, 08:52 PM
دهـري إمحـورِب عَلــَي مايوم كًًلبي يسر

خلـٌـصت عمري إبضنـَك ما شفت ساعة يسـر

ويمناي مِنشــل عكًًب ما كان طالج يســـر

وآنه أرتجي للفرح لكن فرح مايـــــه

وسيِلي بلغ للزبى وزاد وصعد مايــــه

ناديــت وين إخوتي وإخوان إلي مايــه

لكن حســافه وأسف بالزيــنه مَـحـٌد يسـر

عاشق النرجس
03-14-2006, 09:01 PM
http://w6wفايض دمع نـاظري ومامش صحيـب إتـراب

أشما حاولت بالفرح إترد للحزِن وتــراب

لو تجلي بيـهن جَـلي وجـوه النحس وتراب

إترد إل طبعهــا صدا وشما جليــته إنحاس

ياحيـف نكًًضي العمر مابين ناس أنحاس

مدري شـجاه الوكت صدكًًــه إعله كذبه إنحاس

وتاليــها تصفه ترى خامـه وزبيـــل تراب

زهرة غريبة
03-18-2006, 08:16 AM
هذه ابيات طلبت مني لأحد العضوات مدح بقلب العراق

تمنيت انا لبوة بقرب حـــــــــيدر
يحرسك رب العلا والولي حيدر
ياناس الي احبه اسمه حيــــدر
قلب العراق العسل والورد هوه
مثل البدر مايوم لغيــــــري هوه
تمنيت لو لحظه وياه وي شمة هوا
احلى من ريح البنفسج ياعطر حيدر

زهرة غريبة
03-18-2006, 08:16 AM
هذه ابيات طلبت مني لأحد العضوات مدح بقلب العراق

تمنيت انا لبوة وبقرب حـــــــــيدر
يحرسك رب العلا والولي حيدر
ياناس الي احبه اسمه حيــــدر
قلب العراق العسل والورد هوه
مثل البدر مايوم لغيــــــري هوه
تمنيت لو لحظه وياه وي شمة هوا
احلى من ريح البنفسج ياعطر حيدر

قلب العراق
03-18-2006, 09:17 AM
هذه ابيات طلبت مني لأحد العضوات مدح بقلب العراق
تمنيت انا لبوة وبقرب حـــــــــيدر
يحرسك رب العلا والولي حيدر
ياناس الي احبه اسمه حيــــدر
قلب العراق العسل والورد هوه
مثل البدر مايوم لغيــــــري هوه
تمنيت لو لحظه وياه وي شمة هوا
احلى من ريح البنفسج ياعطر حيدر

ههههههههه غير نعرف من هاي العضوة بالة طلعت اني ماحبهة شلون :50: :50: :50:
الف شكر ...زهرة... على هاي الكلمات الرائعة حقيقة خجلت من هذا الكلام الجميل عاشت ايدج على هذا الابداع :D :D :D :D

عراقي الهوى
03-18-2006, 02:14 PM
وآني اختي زهووووووورة
مالي نصيب بالشعر ؟!

عراقي الهوى.....كمليها انتي

زهرة غريبة
03-18-2006, 02:29 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه

عراقي الهوى
03-18-2006, 02:38 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه
عيني آنا آسف
الضحكة هاي على مودي غير؟:mad: :mad:

زهرة غريبة
03-18-2006, 02:42 PM
لا عزيزي تذكرت شي انشالله اسويلك ابوذية بس تبيها مدح ذم ولمنو اذا مافيها احراج

عراقي الهوى
03-18-2006, 02:45 PM
لو مو اربعين الحسين قلبت الدنيا من الضحك

اكيد اريدها مدح بيه وذم بيك انتي:)

زهرة غريبة
03-18-2006, 02:51 PM
ليش انا وحده مسكينه اكسر الخاطر والله بس انتظر باكر الصبح تلقى الابوذية مجهزة بس باجر العصر تشوفون جديدي انت والاعضاء

قلب العراق
03-19-2006, 01:59 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههتسلملي هاي الضحكة بس ماكلتي من او مايحتاج اني عرفت منو ;) ;) ;) ;)

زهرة غريبة
03-19-2006, 04:15 AM
لامافي شي قلب العراق بس شي ضحكتني وتذكرته

قلب العراق
03-19-2006, 04:40 AM
لامافي شي قلب العراق بس شي ضحكتني وتذكرتهههههههههههههه كل هذا الضحك وتكليلي ماكو شيء لا اكو كولي :( :( :(

عراقي الهوى
03-19-2006, 04:45 AM
ههههههههههههه كل هذا الضحك وتكليلي ماكو شيء لا اكو كولي :( :( :(

وداعتك اكو شي:D

واتحداها تعلمك;)



عضو جديد متمرد اسمحوا لنا يابه:)

قلب العراق
03-19-2006, 04:48 AM
هذه ابيات طلبت مني لأحد العضوات مدح بقلب العراق
تمنيت انا لبوة وبقرب حـــــــــيدر
يحرسك رب العلا والولي حيدر
ياناس الي احبه اسمه حيــــدر
قلب العراق العسل والورد هوه
مثل البدر مايوم لغيــــــري هوه
تمنيت لو لحظه وياه وي شمة هوا
احلى من ريح البنفسج ياعطر حيدر

اي اكيد اكو شيء زهرة كول هاي الابوذية منو كلج عليهة :rolleyes: :rolleyes: :rolleyes: :rolleyes:
بس اني عرفتة بعد ;) ;) ;)

blomma_sw
03-19-2006, 06:53 AM
:rolleyes: :rolleyes: :rolleyes:

هذا ابو ذية عن الامام العباس عليه السلام

الحمل لو مال غيرك من يشيله
ويظل بعدك يبو فاضل من يشيله
جرح فكدك صعب شله من يشيله
وجنت انت الدوة يبن حامي الحمية

زهرة غريبة
03-19-2006, 07:14 AM
شكرا ريم حبيبتي على الابوذية جت بوقتها

عراقي الهوى
03-19-2006, 07:38 AM
المشاركة الأصلية بواسطة زهرة غريبة
هذه ابيات طلبت مني لأحد العضوات مدح بقلب العراق
تمنيت انا لبوة وبقرب حـــــــــيدر
يحرسك رب العلا والولي حيدر
ياناس الي احبه اسمه حيــــدر
قلب العراق العسل والورد هوه
مثل البدر مايوم لغيــــــري هوه
تمنيت لو لحظه وياه وي شمة هوا
احلى من ريح البنفسج ياعطر حيدر

الله كريم
ناس وناس:mad: :mad: :mad:

blomma_sw
03-19-2006, 07:41 AM
ههههههههههههههههههههههههه

والله حرام عليكم دكتبولة شعر للولد عيب والله

زهرة غريبة
03-19-2006, 07:45 AM
خلاص تستاهل ياعراقي الهوى عشان ريم بس انت ماقلت تبيها على منو وشنو نوعها وانا اغرد لك اللحين

عراقي الهوى
03-19-2006, 07:49 AM
ههههههههههههههههههههههههه

والله حرام عليكم دكتبولة شعر للولد عيب والله
عراقي الهوى طلب ابوذية شعر
ومن القهر ماظل براسه شعر
وزهرة غريبة لا قلب حس عدها وشعر
بطلبات الاعضاء الخفية.....


صرت شاعر من وراك زهووورة

بسيطة وين تروحين الا اكتب بيج معلقه ذم:mad:

blomma_sw
03-19-2006, 07:49 AM
بعد شتريد وهاي هم مني ابوذية

أنا من الضيم عندي احساب جاري
وصرت خشبة بنهر دفاك جاري
أدك باب اهلي يطلع بيت جاري
وبعد ماأدري دهري اشظام لية

عراقي الهوى
03-19-2006, 07:53 AM
خلاص تستاهل ياعراقي الهوى عشان ريم بس انت ماقلت تبيها على منو وشنو نوعها وانا اغرد لك اللحين
اختي ريم ما قصرت

وانتي ست زهرة مانريد منك شي

الله كريم
هذا اكرام الضيف

الا افضحكم بالمنتديات واقول هذولة ما رحبوا بيه حالي حال الاعضاء:cry_smile

blomma_sw
03-19-2006, 07:57 AM
يكل احساب مايصعب = ورا حل

او خلاني الوكت بس اركض = ورى حيل

لمن شافني امشيب = وراحل

اعتذر مني او كعد يبجي عليه

زهرة غريبة
03-19-2006, 07:58 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه
والله راح اكتب ديوان بس لاتفضحنا ههههههه اليوم العصر واذا تبي اوصله ألك بس بااي محافظه انت بالعراق

blomma_sw
03-19-2006, 08:00 AM
عوفية زعلان كام يبجي

روحي لعبة لعبة الطماطة وخلية هوه يشمرهة ابوجهج علمود ايصالحج

ايكيفون على الخباثة الولد يا ساتررررررررررر


اني وايد احبج زهورة

زهرة غريبة
03-19-2006, 08:08 AM
لا ريمووو هذا مبين رومانسي مايحب الا الشعر ألمن مودينه للطماط مدري الجبره خليه بمكانه احسن

عراقي الهوى
03-19-2006, 08:08 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه
والله راح اكتب ديوان بس لاتفضحنا ههههههه اليوم العصر واذا تبي اوصله ألك بس بااي محافظه انت بالعراق
خلاص اختي
ما نريد شي

الاخت ريم خلتنا مثله بين العالم وقامت تجيب وتكود بالشعر على راسي :mad: :mad: :mad:

blomma_sw
03-19-2006, 08:10 AM
هههههههههههههههههههههههههههههههههههه

لعد خطية خلي اكتبلة ابوذية واكول هاي انتي كتبتيهة هههههههههههههههه بس انصالحة مو علمود شي ها شنو رئيج

حبيبي منهو الى بكدي = وفالك

او علي ليش ارفعت خنجر = وفالك

انه ارضه فال الله = وفالك

يهد حيلي اويشك هدم العليه

هاي البوذية من زهر ها مو اتكول مكتبتلي

عراقي الهوى
03-19-2006, 08:17 AM
هههههههههههههههههههههههههههههههههههه

لعد خطية خلي اكتبلة ابوذية واكول هاي انتي كتبتيهة هههههههههههههههه بس انصالحة مو علمود شي ها شنو رئيج

حبيبي منهو الى بكدي = وفالك

او علي ليش ارفعت خنجر = وفالك

انه ارضه فال الله = وفالك

يهد حيلي اويشك هدم العليه

هاي البوذية من زهر ها مو اتكول مكتبتلي

مشكور ةاختي ريم

بس زهرة غريبة
بسيطة....آني اعرف شلون اردها لك .....

المعلقة بعد شوي وتخلص...وكلها ذم وذم وذم:mad: :mad: :cry_smile

زهرة غريبة
03-19-2006, 08:20 AM
تسلمين ريمووووو بس هذا مبين طماع يبي اكثر

blomma_sw
03-19-2006, 08:20 AM
دصالحية يا بوية هذا الشعر من زهورة الك بس لا تزعل ديلة جلبت صالحة خطية مو هية هم كلمت تبجي عليك ههههههههههههههههههههههههههههه خلصت النلينكس


هلة بجيتك يحلو الطول والهام
يمن شوفك يزيح الحزن والهم
وحق الكطعولة الزند والهام
انة بطاريك كل صبح ومسية


يهل تنشد على حالي وسايل
دمعي ما نشف لحظة وسايل
يخوية ما بكت عندي وسايل
ردت طارش يرد الخبر لية

عراقي الهوى
03-19-2006, 01:08 PM
دصالحية يا بوية هذا الشعر من زهورة الك بس لا تزعل ديلة جلبت صالحة خطية مو هية هم كلمت تبجي عليك ههههههههههههههههههههههههههههه خلصت النلينكس


هلة بجيتك يحلو الطول والهام
يمن شوفك يزيح الحزن والهم
وحق الكطعولة الزند والهام
انة بطاريك كل صبح ومسية


يهل تنشد على حالي وسايل
دمعي ما نشف لحظة وسايل
يخوية ما بكت عندي وسايل
ردت طارش يرد الخبر لية
الف شكر عيني
ما قصرتي اختي

توفي
03-19-2006, 11:44 PM
حبيت بس اشارك اذا تسمحولي

افهمه بعشقي بالنظره و لا حس
و لا صوت الطلع منه و لا حس
قبل جنت حساس بس هسه و لا حس
من اشوفه ما يضل احساس بيه
:)

توفي
03-19-2006, 11:53 PM
الي يشوفك ينشذه باله و يهلك
سبحان الذي صورك ويه اهلك
اغار اعليك لو تحجي ويه اهلك
لو ويه الغريب جنون بيه

زهرة غريبة
03-21-2006, 08:43 AM
بيت الشعر منك قوي كلش ومهلك
يدهري لاتستعجل بالنوايب على مهلك
ياقمر منور اهلي انا مو هلك
عجب ليش مضيع العرف بيا

اهداء لانسان عزيز علي ومن روحي

عراقي الهوى
03-21-2006, 08:59 AM
من احد الشعراء

اريد اعبر بحــر دمعي وفيه

وعليج اكطع الــف فيه وفيه

ابشمس حبج انه معذب وفيه

وما عندج وفه واسـمج وفيه

زهرة غريبة
03-21-2006, 09:00 AM
مشكور اخي على البيت الحلو منك

عراقي الهوى
03-21-2006, 09:05 AM
منقول
اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه

زهرة غريبة
03-21-2006, 12:18 PM
هذه احلى واقوى منك امانه اذا عندك بعد اكتب

زهرة غريبة
03-21-2006, 12:42 PM
قطعتوا بالوصل منكم الراح والرد
وانا حبكم بشرياني خضر وورد
ارن بالرقم مامن احد شاله ورد
يمكن صرت مثل بن عبدالله ساري
نجوم الليل احسبهن لوحدي ساري
ومن عنده ضيعت يمنتي من يساري

لان كدرني منه ماقال وورد




مامن مبارز يالله ابي الجواب

عراقي الهوى
03-22-2006, 06:56 AM
نتذوق الشعر وبعضه نلطشه منا ومناك;)

وتمنيت لو اني شاعر...كان سويت منتدى للهجاء والذم بكل خاين غدار:mad:


اريد احلف بالعين واللام والياء
ترى ما همني الراح والياء
ونفسي عزيزه ودوم ع..لياء

اكتم بقلبي واون ونة خفية

زهرة غريبة
03-22-2006, 07:45 AM
بهذه البيت اريد فوق الصح نجوم (علامات للطالب)
هلال الغاب عني شلي بنجوم
ضابط وشحلاته بلايا نجوم
لان بعيده عنه افعال الرديه

عراقي الهوى
03-22-2006, 08:42 AM
بعد اذن الاخت المشرفة
وبمناسبة عيد الام
نهديكم ابيات ابوذية للشاعر زهير سعيد المخزومي
http://www.wadyalgary.com/fjdh.jpg
ذبل هرش ال?لب يبناي عوده

وانا من احبابي ما حصلت عوده

يرد للدار مـا ظن بعد عوده

ويرد شملي يـمه بيك اليـه

___________

حديثك رتلـه صدري واناشد

الـدهر يجرح بدلالـي واناشد

علي الغياب اريـد اسأل واناشد

يدلونـي على الراح من اديـه

___________

?نت وياك مثل الخل ونادم

وفلا متوسف لضايع ونادم

بس من غبت عن عيني ونادم

عليك ودمعه اجريها سويـة

___________

على الله اقسم بحب النبي وبآله

يهدّي بـال كل منشغل بآله

ونـهدم سور حزب البعث بآله

ونـاخذ ثار الـمغيّب إبـميه

__________

دم اب?ي ودمع يا ناس لبنـي

منين اطلب ربـايه وذاك لبني

بفّـادي الـدهر يوليدْ لبنـي

ورماك بسجن دهري وخان بيه

__________

اتـمنه ?ـنت اولادي يـمنه

تردْ مـن السجن وت?ول يمـنه

عسه انشلّت شماله وف?د يـمنه

كـلمن غـيّب الشبّان إليـه

__________

على ابني ال?نت اتمنه خياله

يجينه ويع?د السهره خياله

حسافه تغيب عن عيني خياله

بيهم دارنـه ?ـانت زهيه
__________

اتمنى تنال اعجابكم
مع شوقي وتحياتي

زهرة غريبة
03-22-2006, 12:16 PM
صراحه كلام قوي ويقطع القلب الله يعطي كل واحد باله شي ويخليله اعزاز قلبه مشكور عزيزي على هذه النقله الجميله كلكك ذوق سيدي الفاضل

الاسير
03-23-2006, 05:25 AM
تهزهز يا لحد وانفض ترابيك
عزيز الروح هلنايم ترى بيك
لفاني العيد وانا عيوني ترى بيك
هوه نام برغد وانا هلنار بيه

عراقي الهوى
03-23-2006, 05:46 AM
أحبابي اشلون حالتــكم بعدنا
اشبدينا والوكَت عنــكم بعدنا
إذا انتم نسيتوا احنا بعدنا
أبذكركم كل صباح وكل مسيه

زهرة غريبة
03-23-2006, 06:17 AM
تمرون من يمي وتتمنون عني بعدكم
والحمزه انتو بالقلب عندي بعدكم
شحسب بالنوايب وحده اثنين بعد كم
كم يحسب زماني هموم ويذب عليه

عراقي الهوى
03-23-2006, 06:19 AM
كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه

زهرة غريبة
03-23-2006, 06:26 AM
الطارش ال بجا عليك رحمه
بجا لحالي وطلب من ربه رحمه
مو احنا اهل وبينا صلة رحمه
لان حوا امنا الاوليه

عراقي الهوى
03-23-2006, 06:32 AM
سئلنا ونشدنا وهو مجفي ولاسال
يرضينا بحلاوة عليها الريج ماسال
نخبركم دمعنا على غيركم ابد ماسال

وصار الغريب يتشمت ويضحك عليه

زهرة غريبة
03-23-2006, 06:45 AM
لالاسف حجيك يابعد الروح صاير علي زوراً
انا الي انشد عليك ومن يم دربك ازور أً
صحيح زادي ماسال عليه زورا
لان الي يلينه وصلك عليه

عراقي الهوى
03-23-2006, 06:51 AM
وحق كل من تعنى كربلا يزور
انت البعدت وخليت السبع يزور
وتبعت بياع للحجي ناعم يزور

وبيني وبينك خطاط الداخلية

زهرة غريبة
03-23-2006, 07:04 AM
انا مو من حجي الحلو فكري داخ له
يالمحبوب شنو قصة الخطط الداخله
انا بعروة محمد واهل بيته داخله
من ظلم قلبي وجوره عليه

عاشق النرجس
03-25-2006, 09:28 PM
اريد الطم واسوي الطم بلوان
عليه ويصب دمع العين بلوان
انه اللي عليه اطبكن بلوان
شيبي والهوى محرب عليه

عاشق النرجس
03-25-2006, 09:32 PM
وحك المصطفى وحيدر ولحسان
ربعي انكروا كل طيبي ولحسان
هود يا كلب واصبر ولحسان
اترك خوته الذاته رديه

عاشق النرجس
03-25-2006, 09:39 PM
جفوفج بيض يحلالي شذرهن
ومنج رمشن عيوني شذرهن
لحب بروس عماتج شذرهن
ومن طر الصبح كمت اصفك بديه





انا شروقي انا شروقي انا ما بدلت طبعي وصرت لوكي انا من حلك السبع اخذ حكوكي انا ما البس الستريج طكطوكي انا النخله اظل عالي ما انحني ولعبون بعثوكي ........... تحياتي

عاشق النرجس
03-25-2006, 09:51 PM
انت الخلد والريحان والروح
ولك نسرع اصوب الموت والروح(نروح)
دمانا والنفس يا حسين والروح
نقدمهن الك ارخص هديهiraq.iraq.ir/vb/attachment.php?attachmentid=2513&stc=1&d=1143413182

عاشق النرجس
03-25-2006, 10:07 PM
http://iraq.iraq.ir/vb/attachment.php?attachmentid=2514&stc=1&d=1143413729


مدري ولا تناشدني على حشاي
بجيت وصب دمع عيني على حشاي
تبعت الضعن وكفوفي على حشاي
إشما مال الضعن روحي إتميل بيه





انا شروقي انا شروقي انا ما بدلت طبعي وصرت لوكي انا من حلك السبع اخذ حكوكي انا ما البس الستريج طكطوكي انا النخله اظل عالي ما انحني ولعبون بعثوكي ........... تحياتي

عراقي الهوى
03-26-2006, 05:19 AM
أحبك ما احب على الأرض سواك
سبحــــان الــذي من طيـن ســواك
بشـــر لكــن ويـا القمـــر ســــواك
واحــــد فــوق وواحــد بيــن ايديه

زهرة غريبة
03-26-2006, 09:27 AM
اليوم الفكر موصافي العصر الجواب انشالله

roseneyes
03-26-2006, 11:34 AM
اليوم الفكر موصافي العصر الجواب انشالله
اليــوم الفكر عندك مو صافـــي
لأنه وهـم الدنيـا بمخـك داهـــي
وشلــون تلهي والحبيب لك ينادي
دم الحسين يسيل وانت عنه لاهـي

ودعواتي
اللهم تقبلنا من انصار الحسين وفداء الحسين العمر كله
اخوكم مشاري أحمد.الكويت

عراقي الهوى
03-26-2006, 03:59 PM
اليــوم الفكر عندك مو صافـــي
لأنه وهـم الدنيـا بمخـك داهـــي
وشلــون تلهي والحبيب لك ينادي
دم الحسين يسيل وانت عنه لاهـي

ودعواتي
اللهم تقبلنا من انصار الحسين وفداء الحسين العمر كله
اخوكم مشاري أحمد.الكويت

السلام على الحسين

عاشق النرجس
03-26-2006, 09:51 PM
طبيي ماتجس نبضي شمالي
غدت يمناي ما توصل شمالي
انه الحنت العذيبي شمالي
صرت شرجي وعلى الوادم اذيهhttp://iraq.iraq.ir/vb/attachment.php?attachmentid=2517&stc=1&d=1143496171

عاشق النرجس
03-26-2006, 10:12 PM
بسك يا دهر بالحزن وانه
دليلي ذاب لمن كثر وانه
اخويه اعلى الثره مطروح وانه
باجر بالحرم امشي سبيه

roseneyes
03-27-2006, 05:09 AM
بسك يا دهر بالحزن وانه
دليلي ذاب لمن كثر وانه
اخويه اعلى الثره مطروح وانه
باجر بالحرم امشي سبيه

عشت على ما قلته.... أخوي
اكمل لك....
خذيت بفراقك حزن وبالحزن أنت ما ابغـــاك
حسيت بروحي رخيصة وانت الدنيا كلها ما تســواك
تمنيت عمري تصير شمعة تنورك وتذووب بهـواك
هويتك أنت حبيب وحلفت للموت ابد ما انســـاك

ودعواتي
ربي يدوووم البسمة بايامك العمر كله.
أخوك مشاري أحمد.الكويت

تربة كربلاء
03-27-2006, 10:57 AM
عشت يا زهره على الابيات الحلوه ....فانا بدوري اهديكي باسمك ابو ذيه واتمنى مواصلاتنا مع بعض لا اقول لك اني شاعر وانما ناظم للشعر :
زهره .....عجبني اسمك ومن سماكي ... زهره
حدايق شوك وسطها تفوح .....زهره
ضكت سم الشعر وااالمر .....وزهره
وبعد يا شاعر اليلحك عليه ... اضنك انت تنجديني بابياتك يازهره ولك اسم
تربه ,,, انتظر ابو ذيتك

زهرة غريبة
03-27-2006, 01:51 PM
لكل مريض انوصف ياناس تربه (تراب مراقد الائمة عليهم السلام)
المحنه يابشر ببيوتنـــــــا تربه (تتربى اي تكبر )
طلب مني بيت من الشعرالاخ تربه (العضو)
اقدمله البيت وانا الممنون منه
لان بس الجبان الي يسوي عليك منه
وهذا الي انصحك ياعمي تبتعد منه
لان مثل الي زرع له ورد من غير تربه

الشهد
03-27-2006, 03:00 PM
هلو اختي زهور غريبه ممكن تكتبين ابوذيه خاصه الي:)

زهرة غريبة
03-27-2006, 03:11 PM
كل بهالمنتدى على زينك شهد
حلوة ياناس ومن اسمها شهد
العسل مايجيب مر لا بس شهد
لان النحل معطيه الوصيه



اعذريني شهوده على التقصير

تربة كربلاء
03-27-2006, 03:24 PM
دعيني ان ابدي اعجابي بابياتك الخفيفه واقول لك انك ناظمه لاباس بك ودعيني اقول واصفا اسمي

يل عيني الجوابك دوم ..تربه (تنضر )
شوف اسمي بسجلك صار ... تربه
واتباهى انتمائي الهيج .......تربه
ودم حسين شرف هالوطيه
اكيد انتظر ردك ولو باختلاف الابو ذيه واكون مساندا لك بابو ذيتي فابدعي

زهرة غريبة
03-27-2006, 03:29 PM
مشكور على تعليقك اخي تربه وانشالله الجواب عن قريب نقدك مميز لي انشالله تشوف الرد

الشهد
03-27-2006, 09:10 PM
عاشت ايدج حبيبتي على هاي الكلمات وحشاج من التقصير والزهره من تحركها شتتوقع منها
الا الريحه العطره والله يديمج حبيبتي

saamir
03-27-2006, 10:08 PM
WAO VIRY GOOD

رقيه
03-28-2006, 02:14 AM
الله اني كوووووووولش متاخره و الله زهرة و النعم اسم على مسمى
شكرا اختي العزيزه موضوع رائع و اتمنى اخدمكم بشعر
بس هسا ما كاعد يجي اي شي على بالي;)

زهرة غريبة
03-28-2006, 05:58 AM
الله شرفتوني ونورتوا موضوعي ياهلا ومية هلا سمير ورقيه والشهد

عاشق النرجس
03-28-2006, 09:20 PM
ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه



حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه http://iraq.iraq.ir/vb/attachment.php?attachmentid=2524&stc=1&d=1143666998

تربة كربلاء
03-28-2006, 10:19 PM
ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه



حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه http://iraq.iraq.ir/vb/attachment.php?attachmentid=2524&stc=1&d=1143666998خليني اشاركك حبيبي عاشق النرجس وهاي الك ابو ذيه مني.....
يابو عيون وسعه ولون ...نرجس
منور اسمك العاشق ال ..نرجس
هاك اخذ الكلب تلكاه ....نارجس(المسه)
عليكم مشتعل نيران بيه

عاشق النرجس
03-29-2006, 01:12 PM
كون اروح وشم ضريح احسين وتربة كربلا
وعانق كلمن اجه مناك وتربة كربلا (ربه يعني متربي بكربلا)
اصير انا الك عضيد وصديق يا تربة كربلا
وبالبوذيات نتناغه سويه

قلب العراق
03-29-2006, 02:55 PM
عليّ ثوب الونــــين اشكثـــــر .. حالي
شباب وهل شبت مـــــــــــــــن دون .. حالي
انشد? على احوال? مثــــــــــــــــــل .. حالي
طايــــــــح والهموم اتشيل بيـــــــــــــــــــــه
:( :( :( :( :( :( :( :( :( :( :( :(

تربة كربلاء
03-29-2006, 03:30 PM
عليّ ثوب الونــــين اشكثـــــر .. حالي
شباب وهل شبت مـــــــــــــــن دون .. حالي
انشد? على احوال? مثــــــــــــــــــل .. حالي
طايــــــــح والهموم اتشيل بيـــــــــــــــــــــه
:( :( :( :( :( :( :( :( :( :( :( :(

اخوان جزاكم الله خير ابياتكم حلوه وروعه لكن احب اكلكم انو اني الخاتم الها لان طولنا هواي وباقي الاقسام هم تعب علينا تريد مشاركاتنا والك يا قلب العراق والنرجس ابو ذيه اخويه
اختم بيها واقول لاتزعل البنات علينا ها :
اذا بيك الحياة اطوووول ....وأنسه (مؤانسه)
صدك كل عذابي يهون .....وأنسه
الشعر لو طاح بيد ءاعذار ...وانسه (النساء)
علينه اقره السلام وهاي هيه ..
تقبلو مني تربة كربلاء احر التحيات

زهرة غريبة
03-29-2006, 03:38 PM
حلوة منك ياتربة كربلا

لكن ارد عليك

صدق للبشر مافاد كدي ونقدي
اسمع كلامي ومو مهم نقدي
النسا مثل الفلوس بيهن ورق نقدي
وبيهن هواي دراهم معدنية

وقلب الرعاق ردي بعد قليل

زهرة غريبة
03-29-2006, 03:38 PM
حلوة منك ياتربة كربلا

لكن ارد عليك

صدق للبشر مافاد كدي ونقدي
اسمع كلامي ومو مهم نقدي
النسا مثل الفلوس بيهن ورق نقدي
وبيهن هواي دراهم معدنية

وقلب العراق ردي بعد قليل

قلب العراق
03-29-2006, 03:41 PM
وقلب العراق ردي بعد قليلاوكي ننتظر الرد منك زين ...

زهرة غريبة
03-29-2006, 03:51 PM
هموم هواك ما خلــــــــن .. علي حال
فريضة وحبك مـــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيــــــــــــــــــــــــــــه
هذا الرد مومن كتاباتي لكن هو ردي على الابوذية مالتك

قلب العراق
03-29-2006, 03:57 PM
هموم هواك ما خلــــــــن .. علي حال
فريضة وحبك مـــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيــــــــــــــــــــــــــــه

هذا الرد مومن كتاباتي لكن هو ردي على الابوذية مالتكهههههههه حلوة منك زهرة زين



الج بس انتي ?لبــــــــــــي .. ورجيته
ودمع العـــــــــين يمـــــــــــــــ? .. ورجيته
ابتعد كلمــــــــــــــــــــن نخيته .. والرجيته
ولا واحــــد اجانــــي وحــــــــــــــــن عليه
;) ;) ;) ;) ;) ;) ;)

زهرة غريبة
03-29-2006, 04:01 PM
هجرك ياولف صايــــــــر .. بلا حد
مثــــل سيف الي?ص ر?بــــــــه .. بلا حد
رحت وآنه انتظـــر ترجــــــــــع .. بالاحد
اجه الاحـــــد ويمتــــــه اتعود اليـــــــــــه

قلب العراق
03-29-2006, 04:10 PM
هههههههههه عاشت ايدج قوية زين شوفي

احد س?ين صبري و?ــن .. ولاحد
التفت وما شفــــت ربعـــــــــي .. ولا حد
ش?م سبت اليمــــــــر بيــــــــه .. والاحد
اجي بس شوفتــــــــــ? تصعب عليـــــــه

تربة كربلاء
03-29-2006, 05:52 PM
هجرك ياولف صايــــــــر .. بلا حد
مثــــل سيف الي?ص ر?بــــــــه .. بلا حد
رحت وآنه انتظـــر ترجــــــــــع .. بالاحد
اجه الاحـــــد ويمتــــــه اتعود اليـــــــــــه



طبع خليتوني ابدي مو اختم بدايه اهدي اخي ابو ذيه لقلب العراق :
وحق الناوبتها الاه .........والاخ
انه الردتك صديج تكون ....والاخ
الي خوان واحد غاب .......والخ
اخو ولكن يشمت اعداي بيه
واهدي الغريبه زهره عساكي قريبه وانت فعلا قريبه على قلب احبابك:
علمت الرمايه اخطيت .......برماي
يبرمون الشعر شو اني.....برماي
ءاعتات وبالكذب عانيت .....برماي
أغط واطلع وأصيح التوبه ءاليه

عاشق النرجس
03-29-2006, 09:50 PM
المصايب بس على روحي تلافت
يكلبي اعله النكر طيبك تلافت
اون وعظامي بهجرك تلافت
طريح وساد دوب النفس بيه



على وجنات ساهي العين شامات
مشه ولا اتزودت من فيه شامات
شكول انه اذا لاكيت شامات
انسبيت ابود حبيبي وخان بيه




هذا اللي لعند اعضاي هد هد
ملهي وابد ما ينصاد هد هد
اكله اكرب يكلي ليك هد هد
ارفع مشتهاك اشتظن بيه http://iraq.iraq.ir/vb/attachment.php?attachmentid=2533&stc=1&d=1143755360

عراقي الهوى
03-30-2006, 04:57 AM
تربة كربلا وعاشق النرجس
كلامكم قوي وجميل
الله يعطيكم العافية

ننتظر جديدكم

زهرة غريبة
03-30-2006, 05:28 AM
مشاركات حلوة انتظر الجديد

عاشق النرجس
03-30-2006, 11:17 PM
يلوم المادره بروحي شمرها
مايدري الدهر عن ودهم شمرها
ليالي فراكهم والله شمرها
امر من المنازع علمنيه



بهيمه يا ظعن شوكي وناخوك
ونادوك على كل محنه وناخوك
عضيدك انا وبكل شده وناخوك
واصير احزام ظهلاك على المنيه (تربة كربلا +عراقي الهوى)




جمالك زاد عن يوسف وقبله
وحبك صار لي منبر وقبله
امر على الصخر ولفي وقبله
لان كلبك صخر ما حن عليه (زهره غريبه)




تهزهز يا كبر وانفض ترابيك
وعزيز الروح هالنايم ترابيك
اجاني العيد وعيوني ترابيك
انهض لا تشمت اعداي بيه

تربة كربلاء
03-31-2006, 03:45 PM
من كثر الحجي المصنوع .....كفيت
بجرد اردان الي بالثوب .....كفيت
واحس للناس زود بهاي ....كفيت
ولانرجس وزهره تمن عليه

زهرة غريبة
04-01-2006, 05:59 AM
مشكور عزيزي عاشق النرجس بس الرد قريب جدا انشالله

زهرة غريبة
04-01-2006, 06:02 AM
هذا الرد لكن مو انا الي كاتبته بس رد بسيط لااخي تربة كربلا

الي يجي بيوتنا ينحسب منا
نضيفه ومانسوي عليه منه
انا المااحبه ابتعد منه
وال احبه يأمر وينهي عليا (تربة كربلا)

عاشق النرجس
04-01-2006, 12:25 PM
حبي الك ما فد يوم ينكص
وليش الصاحب امن يغيب ينكص
زمن خل الحديد بخشب ينكص
ويخلي الماله اول بالثنيه (تربة كربلا)



اوف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه (تربة كربلا)

تربة كربلاء
04-04-2006, 10:18 AM
حلو المنكال بلسانك ..بدا لك
عمري ما بده الغيرك ..بدا لك
وحبيبي ولا الي صدك..بدا لك
ابد لك ليش لو تنكلب بيه (عاشق النرجس )معذره ما ادري بيكم مستمرين بس ما فهمتو ابو ذيه الاخيره الي مو .

شأبوها يصير وشيطلع ..وشمها
احبها وبالدليل انحط .....وشمها
وسط اعمامها اشبكها ....وشمها
واصيح بصوت احبها وهاي هيه .........(زهره)لو كنت ادري رديت من زمان بس اعذروني

زهرة غريبة
04-04-2006, 01:37 PM
اوقف على الدرب بيدك وأُمي
انا بشعرك صرت جاهل وامي
فدوة لمبسك ابوي وامي
على كل بيت تقول عليا

للاخ تربة كربلا

تربة كربلاء
04-04-2006, 02:46 PM
ونداي اضنك ما يهزك صووووووت ....ونداي
جبيني الي ندى وحياك ....ونداي

كطر يالصاحي ماله اجروح ...وانه داي

اخاف اعد يك بس ردك عليه

تربة كربلاء
04-04-2006, 02:50 PM
اضنك ما يهزك صوت ,,ونداي
جبيني الي ندى وحياك ,, ونداي
مني الله كفاك بهاي ,, وانه داي

اخاف اعديك بس ردك عليه

زهرة غريبة
04-04-2006, 03:06 PM
جرح المانشف دمه منك ونادي
صار القلب ألكم ملعب ونادي
انا براس اربع طرق اصرخ ونادي
انا المظلوم وانت قطعت بيا

تربة كربلاء
04-04-2006, 09:33 PM
وهناك ..ادور عليك صرت هناك ...وهناك

موش اني الضعت لتروح .....وهنك

الله اعطاك يا نعمه ..وهناك

وكمت ياروحي ما تسال عليه

زهرة غريبة
04-05-2006, 05:30 AM
هههههه حلوة وكلش قويه صبرك علي

تربة كربلاء
04-05-2006, 10:31 PM
بس اني صبري كبير عليكي زهره

AL7USSINE
04-06-2006, 05:17 PM
اللهم صل على محمد وآل محمد



السلام عليكم ورحمة الله وبركاته

الى محبين هاذى الفن الرائع لكم مجاراتي في الابوذيه عن حال محبي اهل البيت ع السلام



لكم وسط الكَلب مربع و منبت

عشكَم خزن وعشعش ومنبت

علمنه اليموت يحَصد منبت

وحصدنه الموت للحبكم هديه

المحب لكم

الحسيني

عاشق النرجس
04-06-2006, 07:09 PM
كَوم أنصب يتربة ماتم النه (تربة كربلا)
على الويٌـاه ليله ماتم إلنه
لون الرجل يملك ماتمنه
مهو بالهون فركاهم عليه



لازهرة بجت مثلي ولادم (زهرة غريبة)
على الاصله انكطع مني ولا دم
لامده دمع عيني ولادم
لجن كلبي يفور وعلك ميه




وحك المصطفى وحيدر ولحسان
المنتدى انكروا كل طيبي ولحسان (الاعضاء والمشرفين)
هود ياكلب واصبر ولحسان
اترك خوة الذاته رديــه

زهرة غريبة
04-08-2006, 06:23 AM
اولا هذا الرد للشاعر الحسيني
سيد والعمامة تلوق خضرة
وبعدهي نفوسكم على الطيبات خظرة
تمنيت ننجمع كلنا بأرض خضرة
وشلون بشوفتكم العزت عليا


لعاشق النرجس

الشعر ال بيه تواسيني وصلي
كنت ويا الدهر اصبح واصلي
طعت لله وصرت صايم واصلي
لكن للحظ ألي ولاالتوفيق أليا

زهرة غريبة
04-08-2006, 06:28 AM
وهناك ..ادور عليك صرت هناك ...وهناك

موش اني الضعت لتروح .....وهنك

الله اعطاك يا نعمه ..وهناك

وكمت ياروحي ما تسال عليه
ارد عليك يااخي تربة
مردود الشجن هذا وصلي
انا ابداً ماقطع من وصلي
انا خمس الفرايض مؤديهم وصلي
وأقول بلكت ربك يفتحها عليا

عراقي الهوى
04-08-2006, 09:50 AM
في مدح أمير المؤمنين علي بن أبي طالب (عليه السلام)

نفوس اهل الضغاين من فتاها

وفــتوات الملاحـــم مــن فتاها

أنـــشـــدك عن الامه من فتاها

ويـــا هــو الرفع رايتها العليه


ندبة للامام الحجة بن الحسن (عجل الله فرجه)

يـــبو صالـــح نـجومك علن وفلان

احــــل ويــــاك حبــل العتب وفلان

دينــــك طـــاح بيــــن فــلان وفلان

انـــوله لا?ــن ولـــوه اشلون وليه

* * *

دليـــلي ابسـهم يبن الحسن مرمي

وعليك الدمـــع دم ايــســيل مرمي

ديـــنــك بيــــن هـــذا وذاك مـرمي

اجـــنـــازه ابلا أهـــل ظـــلت رميه

منقول من قلم موالي

عاشق النرجس
04-08-2006, 10:20 PM
بميادين الشعر جلنه وصلنه (زهره غريبه)
وبد عنكم فلا نكطع وصلنه
الوفه يبقه سجيتنه وصلنه
مثل عباس طف الغاضريه


انتم مهجتي وروحي وقلبي (للمنتدى)
لجن وكتي الوفي مامش وقل بي
يدنيه ورقي ابعمر وقلبي
وغير الطيب ماعندي سجيه



من ماي طه انسكى عودك علي من طره (عراقي الهوى)
ناطر لدين النبي ومحد وصل منطره
مرحب الينعد بالف من هامته من طره
طرّاه حامي الحمى حيدر علي نصين
كتب العدو والمحب عن هالخبر نصن
وروس الابطال انحنن لمهندك نصن
وتخرس حلوك العدى اسمك علي من طره

http://www.iraq.iraq.ir/vb/attachment.php?attachmentid=2602&stc=1&d=1144621228

AL7USSINE
04-08-2006, 11:00 PM
--------------------------------------------------------------------------------

اولا هذا الرد للشاعر الحسيني
سيد والعمامة تلوق خضرة
وبعدهي نفوسكم على الطيبات خظرة
تمنيت ننجمع كلنا بأرض خضرة
وشلون بشوفتكم العزت عليا

شكرا يا غاليه ابوذيه رائعه يعني مال فطاحل على كولت اهلنه عاشوووو عليهم علوش

راح اخلي الرد على القافيه وعلى الابيات بتشابه يعني ما راح ابعد كل بيت اجاوب علي مع ال ر ة


خضره الكاع متعطشه يازهرة

حنينه ترابنه اتنشر الزهرة

نتلاكه وقدم منه الك زهرة

سكت ماي العشك من بين اديه

زهرة غريبة
04-09-2006, 12:18 PM
احسنت سيدي والرد قريب لك ياعاشق النرجس واخي الحسيني

عراقي الهوى
04-09-2006, 03:04 PM
من ماي طه انسكى عودك علي من طره (عراقي الهوى)
ناطر لدين النبي ومحد وصل منطره
مرحب الينعد بالف من هامته من طره
طرّاه حامي الحمى حيدر علي نصين
كتب العدو والمحب عن هالخبر نصن
وروس الابطال انحنن لمهندك نصن
وتخرس حلوك العدى اسمك علي من طره

http://www.iraq.iraq.ir/vb/attachment.php?attachmentid=2602&stc=1&d=1144621228

تسلم عيوني
مصيــــبتكم يشبل الحسن ياليت وعلى جدك خيول ال?وم ياليت

ردتك حــــاضر بــــكربلا ياليت وتــــنظر عــــمّتك بين آل اميه

_____
مـــرت عــــالعقيله ايام شامات يسيره وشاهدتها عيون شامات

تنسه الكوفه لو محنة الشامات لو تــــنسه ضحــــايه الغاضريه


عزيزي عاشق النرجس تمنيت روحي شاعر واصير من خدام آل محمد
بس شسوي ما اجت على الكيف:)
نلطش منا ومنا والله كريم
نتذوق الشعر;)

عاشق النرجس
04-09-2006, 08:15 PM
الحســن رايــه وعلــت بالطــف والحســــين
أريــد ألــزم جعــب جدمـــــه وألحســـين
الكــرم لوما الحســــــن بابــه والحســين 00( قسما بالحسين ع )
جا شفت الجره فـــــوك الوطيــــــه


زمانى ويه اليحبنى على رماى
وعظمى من الخوه ياناس رماى
لعين الى يكف للنعش رماى
نعش الحسن وضلوع الزجيه


صبح كلمن يحب حيدر عليهمhttp://iraq.iraq.ir/vb/attachment.php?attachmentid=2606&stc=1&d=1144612666
وسيوف الكفر تتباشط عليهم
العتره الي سلام الله عليهم
انطبرو وي علي كلهم سويه

انه بفركه الصدر ضليت بس عود
محني من الحزن والغير بسعود
عراقك يالصدر ينخاك بس عود
نلغي امريكا عن وجه الوطيه

عراقي الهوى
04-10-2006, 05:15 AM
انه بفركه الصدر ضليت بس عود
محني من الحزن والغير بسعود
عراقك يالصدر ينخاك بس عود
نلغي امريكا عن وجه الوطيه

نهديها للشهيد محمد باقر الصدر
تسلم على هالابيات يا موالي

roseneyes
04-16-2006, 02:32 AM
اهدااااء مني لأخي (عاشق النرجس)
أهديــــك بدعواتـي دعوة ترســـم بوجهك البسمـــات
والبسمــة لقلـبك بنظرة تتحـول نغـــمة ومسجـــــــات
تسمــعها بقلبـــك سمعــة وتحـــتار بعيونك النظـــرات
ولك انت دون الغير تستـاهل أحلى الزيـــنات

ودعواتي
ربي يدووووم البسمة بايامكم العمر كله
اخوك مشوري احمد.الكويت

زهرة غريبة
04-16-2006, 05:29 AM
حبيت انزل هذه الابوذية وهي لشاعر الحاج سعود النفيس
ماتدري شجره عليه وسادي
اغذاي الحزن وهمومي وسادي
بكيت افتل حبل وصلك وسادي
تمت واتكطع ابتوت البديه

تربة كربلاء
04-16-2006, 03:29 PM
عليك الجره مو مثللك .... جرالي
يا دمع الحزن من دم .... جرالي
واذا بالهم توسدني .....وجرالي
بعد ما صيح من يلحك عليه

طبعا مشتاق لكم واتمنيت اتواصل وياكم بدون انقطاع لكن شفت الظروف اقوى مني اعذروني وانشغلت بكثير امور
تحياااااااااااااااااااااااااااااااااااتي لكم

عاشق النرجس
04-16-2006, 04:12 PM
صفيت ومالكيت الصفه مناك (للاخ امد كويت)
انه احتاج اخو محتاج مناك
مثل طعم السمج بالماى مناك .....الطعم اللى يرميه الصياد؟؟؟؟؟
تجى تضوكه ويصيدك هاى هيه


اشده من تشكه انه بديه
احبك محصلت منى بديه
ارتجالى الشعر مادوره بيديه (بجديه)مصطلح جنوبى
تشك بيه يخويه وتشك بيه


الوكت روحي نكرها سل سلاهه (زهرة غريبه وتربة كربلا)
بحديد العوز اديه سلسلاهه
جبل حمرين ضدي سلسلاهه
بكلبي هموم قط مارحم بيه



الدهر ياصاح بالفرقة ولانه (زهيري لكل الاعضاء)
ولانوبه إنكسر قلبي ولانه
لاإنت عرفت الحب ولانه
نسينا الشوق وأخلفنا وعدنا
وعلى الهجران ردينا وعدنا
هذا من الوقت و الحب وعدنا
يفر بيه الوقت نوبة وفربيه
ومن ثلج العمر دربي وفر بيه
أشرد وين أنا بقلبي وفر بيه
بدرب مسدود ومتيه محله
دموعي جم ذنب قلبك محله
بعد طير بضباب أبدا محله
ولاظن بعد نتلاقه سويه

roseneyes
04-16-2006, 04:39 PM
صفيت ومالكيت الصفه مناك (للاخ امد كويت)
انه احتاج اخو محتاج مناك
مثل طعم السمج بالماى مناك .....الطعم اللى يرميه الصياد؟؟؟؟؟
تجى تضوكه ويصيدك هاى هيه


اشده من تشكه انه بديه
احبك محصلت منى بديه
ارتجالى الشعر مادوره بيديه (بجديه)مصطلح جنوبى
تشك بيه يخويه وتشك بيه


الوكت روحي نكرها سل سلاهه (زهرة غريبه وتربة كربلا)
بحديد العوز اديه سلسلاهه
جبل حمرين ضدي سلسلاهه
بكلبي هموم قط مارحم بيه



الدهر ياصاح بالفرقة ولانه (زهيري لكل الاعضاء)
ولانوبه إنكسر قلبي ولانه
لاإنت عرفت الحب ولانه
نسينا الشوق وأخلفنا وعدنا
وعلى الهجران ردينا وعدنا
هذا من الوقت و الحب وعدنا
يفر بيه الوقت نوبة وفربيه
ومن ثلج العمر دربي وفر بيه
أشرد وين أنا بقلبي وفر بيه
بدرب مسدود ومتيه محله
دموعي جم ذنب قلبك محله
بعد طير بضباب أبدا محله
ولاظن بعد نتلاقه سويه


ممتاز...ابدعـت يا أخي

تربة كربلاء
04-19-2006, 12:44 PM
حبيبي عاشق النرجس وترقب القريب باذن الله لان الايام هاي عندي دوشه ما تكضي

زهرة غريبة
04-19-2006, 02:59 PM
هاي ألك بس مو مني


الدمع نهران بخدودي كراهه
حبيبي سلب من عيني كراهه
ليش محبتك صارت كراهه
شبده مني وتشمت عداي بيه

عاشق النرجس
04-20-2006, 11:03 PM
تشوف همومي بعيونك و ترها (زهرة غريبه)
وتغيب و تقطع بروحي وترها
يرهيك الوقت يسمر وترها
وتصير إنت أبو الراهي عليه


عقلي ياترف حبك وحن بك (تربة كربلا)
من الجوري يامحبوبي وجن بك
إجيت إنت على وعدك وجن بك
ليالي الفرح وأيامي زهية



روحي برشف خدك من عداها (زهرة غريبه)
أحب وصلك وهابك من عداها
فراقك يوم أحمله من عداها
أزورك لو تصير أحزاب اليه

تربة كربلاء
04-21-2006, 09:24 PM
الرايد االروحه الهم ..يعاشر

والشر العشك منهو ...اليعا شر (اليعي شرا)

يا واحد واربعه وخمسه ....يعاشر

يامية جرح خليته بيه عاشق النرجس

زهرة غريبة
04-22-2006, 05:25 AM
ترف وجناك بدر اثنعش ياضن
عليه ولك جميع اعضاي ياضن
برده متهوم انا وياك ياضن
الرده ثوبه اليتهمك بالرديه (عاشق النرجس الورده)

اعيوني جلن من الدمع واصفن
عليك وكمت احسب بيك واصفن
ألك بالريم يامدلول وصفن
جيد وعين ماتلتفت ليه


كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه (لتربة كربلا العزيز)

تربة كربلاء
04-22-2006, 08:52 PM
زهره راح اغيب عنكم وعن الابوذيه يا ورده
يا عاشق النرجس
وانشاء الله جاي بعد كم يوم

عاشق النرجس
04-23-2006, 10:57 PM
زهره راح اغيب عنكم وعن الابوذيه يا ورده
يا عاشق النرجس
وانشاء الله جاي بعد كم يوم


انتم مهجتي وروحي وقلبي (زهره غريبه وتربة كربلا)
لجن وكتي الوفي مامش وقل بي
يدنيه ورقي ابعمر وقلبي
وغير الطيب ماعندي سجيه



شبيه السيل دمعي يسيل يا خير
على القدم منيتي وعيب ياخير
صباح الخير كال وكلت ياخير
اذا راحو غفل من بين اديه


مره اصفن عليكم مره سايل
مره الدمع ناشف مره سايل
مره احتار شاكتب من رسايل
مره انتظر ساعات المنيه


انه دوم بيمينك سيف مسلول (تربة كربلا)
وعكبك بالقهر والضيم مسلول(متسلي)
عسى كلمن يضدك كون مسلول
ولا يضحك عليك ولا عليه


على الياهو عرفتك راسيليتك ( بعثت لك الرسائل) (زهره غريبه)
وعلى ساحل دليلي راسي ليتك (ترسو يامبحر في بحر الاخو)
لون اشوف عينك راسي ليتك
مفشخ مارهم اشداد اليه

زهرة غريبة
04-24-2006, 05:54 AM
ههههههههههههههههههههههههه حبيبتي فولدمورت راح اكتبلج ديوان على سالفة ابوج مو اقرع صبرج علي


مشكور عزيزي عاشق بس ماوصلت اي رسايل ههههههه مشكور اخي على هذه الابوذيات وابارزك بالرد عن قريب

قلب العراق
04-24-2006, 10:46 AM
عود جيبي طاري شعره الفضي هو بالقصيدهولا يهمج اليوم اكتب قصيدة على شعر ابوج السلفر ميتاليك :o :o :o

عاشق النرجس
04-24-2006, 10:16 PM
ندم شي يفيد لو أقضم ابهاماي (تربة كربلا)
وعيني جفت و ما ظل بها ماي
مصابك سودن بعقلي و بهاماي
وصرت أنخاك بس ترجع اليه


انه الويايكم امشارك وتابع
ولاال المصطفه خادم وتابع
كل الينكتب اقره.... وتابع
شعركم لو صعب مره عليه



استكانك يركص ابجفي وصحناك (زهرة غريبه)
وطوف ابقلبك الغافي وصحناك
رحت ابصوت نادينه وصحناك
ورد الصدى لاتنشد عليه



إنكسر ظهري خذو منـــــــــي فرحتــــــي (فلودامورت وقلب العراق)
وأشوفنج لعد كســــــــري فرحتــــــــــي
أصيح عليج تجيلــــــــــــــي فرحتـــــــــي
بعيد هناك تتمزهـــــــــــــد عليــــــــــــــه

زهرة غريبة
04-25-2006, 09:50 AM
استكانك يركص ابجفي وصحناك (زهرة غريبه)
وطوف ابقلبك الغافي وصحناك
رحت ابصوت نادينه وصحناك
ورد الصدى لاتنشد عليه


ماادري شنو ارد عجيب ياعاشق النرجس ومبدع لكن اقول لكم

العصر بدال الرد 3لك

عاشق النرجس
04-25-2006, 09:23 PM
يهاشم ناشد العالم وساليت
عليك وهملت اعيوني وساليت
حسب ظنك نسيت انه وساليت

وراسك بالوسن تطري عليه (تربة كربلا)


الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه (قلب العراق)


اسلم للحبيب بلطف يوماي
بسبب ابعد بعد ماجان يوماي
عسر يومن دنه يحباب يوماي
اموتن مغرم بحضن الغويه (زهرة غريبة)


وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وطركم
يعيد الله شتتكم جمع ليه (فلودامورت)

تربة كربلاء
04-26-2006, 07:04 PM
يعرج ... جبين وما شفت لعداي ..يعرج

حظي بينهم يا حيف ..يعرج

مثل الطير حظ الناس ... يعرج

ويكوم يطيح طيري عالوطيه

....الى كما اعتدنا الاخ عاشق النرجس والاخت زهره وكما اعتدنا ننتظر ردودكم

زهرة غريبة
04-27-2006, 06:58 AM
واخير حياك الله سيدي تربة كربلا



لاتضن وجهي يصاحب بي صحه وسمنه
فراق المحب مرمرنا وسمنه
شتريد اليوم نادينا وسمنه
نلبي لو تحط حراس ميه




شلعت قلبي وانا ابي اركبها

تربة كربلاء
04-27-2006, 09:33 AM
كضيت وياك حفنه سنين ...عشره

والي ثلث العشك ما بيك ...عشره

علي ا شبالغت حراسي... عشره

وعليكم من صحت ما شفت جيه
........تحياتي

زهرة غريبة
04-27-2006, 09:44 AM
منو غيري بنص القلب حطك وشالك
ومنو غير الحرس عني وشالك
انا راضي بقايا من وشالك
بس لاتقطع بوصلك عليا

تربة كربلاء
04-27-2006, 10:34 AM
لكن ضاك كلبك ..ما يردني

الحرس مامور يسمع ...مايردني

الطارش ما ت وخبركم ...مايردني

وعلي ابعيد يا بعد الثريه

الصافي
04-27-2006, 03:27 PM
بسم الله الرحمن الرحيم
السلام عليكم

اون ودري بونيني ماله تالي
صرة مثل المشاله بدرب ماله تالي
صديج الماله اول ماله تالي
يخون بصاحبه وذاته رديه ...الى المايسترو


حبيبي شلون حالتكم بعدنه
شبدينه والدهر عنكم بعدنه
اذا انتم نسيتونه بعدنه
نذكركم كل صباح وكال مسيه....الى امير الحب


يطير النقل هاك كتاب سربي
وصله ولاتفك الغلف سربي
اذا شافه عزيز الروح سربي
يضل يقره بتعابيره الزهيه......الى جميع الذين سبقوني في هذه المشاركات

اخوكم الصافي

عاشق النرجس
04-27-2006, 08:22 PM
اخدوده من ذهب عسجد وفضه
بسيف اللحظ طر كلبي وفضه
نحولي من هوه شاهه وفضه
من اسلي ذيج هاي اتعم عليه (زهره غريبه)

انا الصياد صادتني شبكتك
ترد الروح يالغايب شبكتك
ادك عليك مشغوله شبكتك
من شوفتك ترد الروح بيه (تربة كربلا)

تهيم الروح صدك من تجينه
اوجمالك برقه معمل من تجينه
حلة ماكو بجمالك من تجينه
عليمن هالتكبر شالقضيه (زهره غريبه)

انه بغيرك يحلو الطول ماهام
سبب مجنون مثلي عليك ماهام
امس جانوا احباب الكلب ماهام
اليوم وخلفوا ناري سريه (الصافي)

الصافي
04-28-2006, 08:58 AM
بسم الله الرحمن الرحيم
السلام عليكم
الله اشكرك اخي عاشق النرجس تحياتي اليك
ياورده..........................


تضل عيونه على الدرب رابين
ولاجنه بهذيج الدار رابين
لو عشره الي وي اسحاق رابين
جاوده التمر بجياس اليه..........الى الهولندي


عاشق النرجس والله ماعندي ولا بيت زين تستاهله بس راح اجيبلك واحد تستحقه
خلصن الحافضهن كلهن خلصن ((والله خجلتني ))تحياتي

عاشق النرجس
04-29-2006, 10:47 PM
سل سيفه الدهر ضدي وسنة
والي قانون شرع لي وسنة
قسمنه عرب شيعة وسنة
واحنا اثنينة نعبد سوية (للمشرف الفكاهي حمودي)

زهرة غريبة
04-30-2006, 05:28 AM
عاشق النرجس انا مريضة ارد عليك بعد يومين تعبانه حيل ومشكور عزيزي

تربة كربلاء
05-07-2006, 03:08 PM
ما وين ...
عليك اسال يروحي وين ماوين

واكولنها بصراحه الكلب ماون

نامت لي الطريجه وياك ماوين

اشتات وبالروايك يج هيه

تربة كربلاء
05-07-2006, 03:08 PM
ما وين ...
عليك اسال يروحي وين ماوين

واكولنها بصراحه الكلب ماون

نامت لي الطريجه وياك ماوين

اشتات وبالروايك ذ يج هيه

الحر تكفيه الاشارة0
05-09-2006, 02:52 PM
والاعشاب
كلبي احترك من هجرك ولع شاب
وانة المتولع بحبك ولع شاب
دوة الدكتور ماينفع والاعشاب000اطيب بطبت اجدامك علية

زهرة غريبة
05-10-2006, 05:34 AM
الحر تكفيه الاشارة روعه ماكتبت باانتظار مشاركاتك الجميله

blue sky
05-10-2006, 08:00 AM
انا ديده بالمنتدى ممكن اطلب منك زهورتي ابوذيه باسمي؟ زينه.

زهرة غريبة
05-11-2006, 06:48 AM
انشالله
ياخلق محبوبتي ماتحتاج زينه(مكياج)
حلوة ومن اسمها يابشر زينه (اسم العضو)
وعدها اطباع فوق الزين زينه (جيده)
لان بس إلها اداب البريا


وسامحيني من القصور حبيبتي

تربة كربلاء
05-11-2006, 11:12 AM
هااااااااااااااا تو الكمر طالع وني كان لمن اعطيناه مال ماوين وعاشر ابوذيات انخرسن مالهن جواب
يلا اطالب ومن حقي اريد جواب ..........

عاشق النرجس
05-11-2006, 07:41 PM
يروحي بسج من اللوم عني
وطارش لليودج دوم عني
اشلون انشد على المانشد عني
اونن عاليون دايم عليه (زهرة غريبه وتربة كربلا)


هله يلي عليك القلب ليلاي

ابجي وبنوح اكضي اعليك ليلاي
انا المجنون وانت صرت ليلاي
هايم والغرام ايحيط بيه

تربة كربلاء
05-12-2006, 06:34 PM
هلا حبيبي عاشق اشتقنالك والله وين كنت غايب عن الموضوع هذا

قلب العراق
05-13-2006, 03:57 AM
حبك زيد اجروحي ولالام


كلبي ما مره عاتبني ولالام


منك كلشي ممجمع ولالام


غير هموم واحزان واذيه


ـــــــــــــــــــــــ


لغيرك ماجرى دمعي ولاهل


غاب الكمر من شافك ولاهل


مالي جار بهل ديرة ولاهل

بس انت كطعت الوصل بية

عاشق النرجس
05-14-2006, 07:56 PM
وين اللي يرد الضعن لامت
انشظه عكلي وعليه الناس لامت
يكلي اصبر واكله الصبر لامت
الصبر اثر اخزان وعمل بيه



لنه صدر المجالس والنه دنه
ولنه الجفنه الوسيعه والنه دنه
لنه صوله على حدنه والنه دنه
اباة ولاتجد بينه الرديه



وحك اية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه

احمد الياسين
05-18-2006, 06:09 AM
جميل جدا هذا الكلام وشكرا على هاي المشاعر

قلب العراق
05-18-2006, 12:33 PM
زرعت الصبر فوك جبال ورد

وسكيته بدموع العين وورد

وصرت اسئل عليك الراح والرد

حبيبي ليش ماتسأل علية


ـــــــــــــــــــــــ

يدنيه انتي بعذابي ليش تسعين

بعزم الله شمعندج ضيج تسعين

ربعي بيوم ظرفي دبس تسعين

يوم النشف ما منهم بجية

ــــــــــــــــــــــــ

ادزلك روح تعبانه شلي بيه

وهاي جروح كلبي شلي بيه

وحياتي من بعد عينك شلي بيه

اريد تعود يا غالي اليه

المايسترو
05-19-2006, 08:03 AM
السلام عليكم
شو هل كلام الجميع شوهل مدح ائلى ماله مثيل وشكرك على هذ البيت ابوذيه حقا اعجبتني وانا اراح اعطيك هذ الشعر الفصيح واذالم تفهمين ردي علىظننت أنك تدركين
وجلست في ركن ركين تتمشطين
وتنقطين العطر من قارورة وتدندنين
لحناً فرنسي الرنين
لحناً كأيامي حزين

قدماك في الخف المخصب جدولا من الحنين
وقصدت دولاب الملابس تقلعين وترتدين
وطلبت مني أن أختار ماذا تلبسين
أفلي إذن ؟ أفلي تتجملين!!
ووقفت في دوامة الألوان ملتهب الجبين
الأسود المكشوف من كتفيه هل ترتدين
لكنه لون حزين
لون كأيامي حزين

ولبسته وربطت طوق الياسمين
وظننت أنك تعرفين معنى سوار الياسمين
ياتي به رجل اليك ظننت أنك تدركين
هذا المساء في حانة صغرى رأيتك ترقصين
تتكسرين على زنود المعجبين
تتكسرين وتدمدمين
في أذن فارسك الأمين
لحناً فرنسي الرنين
لحناً كأيامي حزين
بدأت أكتشف اليقين

وعرفت أنك لسواي تتجملين
ولهم ترشين العطر وتقلعين وترتدين
ولمحت طوق الياسمين
في الأرض مكتوم الأنين
كالجثة البيضاء تدفعه جموع الراقصين

ويهم فارسك الأمين بأخذه
فتمانعين وتقهقين
لاشي يستدعي انحناءك يازهرة غريبة

spot_light2005
05-20-2006, 01:17 PM
ارد امشي وراكم ابد مارد
عزاز ومن هواكم صرت مارد
تبعد الروح لو سلمت مارد
ارد الكاها كل صباح وكل مسية

انور الياسري
05-20-2006, 02:27 PM
بسم اللة الرحمن الرحيم
تحية عطرة ابعثها الى الشاعرة الجليلة زهرة غريبة
وفقك اللة فيما تقدمين لنا من مساهمات وندعوا اللة العلي العظيم ان يمن عليك
بالصحة والحياة السعيده تقبلوا خالص تحياتي الياسري انور
www.alyaseri.8m.com

انور الياسري
05-20-2006, 02:34 PM
وحق الي برانة ومره هانة مرة اسمع مسبة ومرة هانة الشامت ضحك سنة ومرة هانة تحنة وعرض اجفوفة علية

زهرة غريبة
05-21-2006, 07:20 AM
بعد التحية اهلا وسهلا سيدي انور نورت المنتدى بنورك واشكرك على هذه المجاملة انت تقول شاعرة وغيرك يقول زهرة ماتعرف تقول جملة وحده مفيدة ههه بس لا والله اهلا وسهلا بي
اقل لروح امشي وياه سري(امشي)
من الله كل صعبه وراها ياسري(سهل)
عضو عدنا عميد وياسري (العضو انور الياسري)
هذا انور ابن نسل الهاشمية

قلب العراق
05-27-2006, 05:09 AM
أحبك عالعهد باقي بعدني

وغصب تدري الوكت عنك بعدني

أذا كلبي بجمر شوكك بعدني

تعال وطفي نارك سرت بيه

ــــــــــــــــــــــــ

اقدم روحي اباقه وردلك

وكولن بعد ما رد وردلك

اجم مرسال من عندي وردلك

ولامنك جواب يرد عليه

ــــــــــــــــــــــــ

دمعي لغيرك ماجرى والك سال

وعليك ال?لب ماتدري ولك سل

يا خايب يوم عن حالي ولك سال

تركتني وما دريت شصار بيه

زهرة غريبة
05-27-2006, 05:11 AM
هههه احلى ابيات سمعتها والقران


الرد قريب

قلب العراق
05-27-2006, 05:37 AM
هههه احلى ابيات سمعتها والقران
الرد قريب

يعني حلوة زين لعد انتظر الرد على الابوذية والاهم هههههههههههههه

قلب العراق
05-28-2006, 06:13 AM
احبك مااحب عل الارض سواك

سبحان الذي من طين سواك

بشر لاكنه وي الكمر سواك

واحد فوك واحد بين اديه


ــــــــــــــــــــــــــــــــــــــــــــــــــ ــــــــــــــــــــــــــــــــــ

وح? الله وقضاه بسماه ورضه

بغيرك لاتضن أقتنع وارضة

عشرتي وياك مثل الخشب وراضة

تلفت احشاي يوم اسكنت بيه


ــــــــــــــــــــــــــــــــــــــــــــــــــ ــــــــــــــــــــــــــــــــــ

افكر بيك طول اليل ونهار

وجسمي نحل من فركاك ونهار

اسوي لك قلبي حفر وانهار

احنن الك يالماتحن اليه

تربة كربلاء
05-30-2006, 10:20 AM
اونْ مثل اليونْ بالليلّ حاله
غثيث وراكد المكرودّ حاله
ءاذا خوي وعليَ الوكت حاله
ءاذا عدوان شيسوون بيه

زهرة غريبة
05-30-2006, 02:20 PM
شنو هاي ليش ليش هالحزن ردي شوي بعد

عيسى العلي
06-04-2006, 06:49 PM
سرى ضعن التحبة بليل ياشال
وكلبك عطب بعطاب ياشال
شوكع منك حبيبي وندب ياشال
طلع صاحب وفة وماخان بيه
ـــــــ & ـــــــــــــــ & ــــــــــــ

هلا بمكتوب اللفاني من هلاي
قريته وصب دمع عيني منهلاي
يدنية انت الحرمتيني من اهلاي
سكنت الغرب من غصبن عليه
ــــــــ & ــــــــــــ & ـــــــــــــــ

تمرضت صعد مرضي على شفاي
وطب لندن فلا يكدر على شفاي
حبيبي من تحط شفتك على شفاي
اطيب ومايضل كل مرض بيه

ــــــ & ــــــــــــ & ــــــــــــ & ـــــــــــــ

إهداء لكل الاعضاء واتمنى يعجبوكم ...
واحد من عدهم من تاليفي .... بس مراح اكول منو
تحياتي
أمير الحب

spot_light2005
06-06-2006, 10:37 AM
السلام عليكم انا مشترك جديد وعاشق للابوذيات اسمي حسن اللي يكدر خلي يسويلي ابوذية باسمي

الزمن عكس وياي ياناس وشل بيه
من بعدج هذا العمر ماريده وشلي بيه
الجسد باقي الجسد بس الكلب شلل بيه
عليل الكلب وطبيبي مايدري بيه

زهرة غريبة
06-06-2006, 02:24 PM
اهلا وسهلا بيك يااخ حسن
بمنتدى العراق كل شي حسن
يحرسنا ابو اليمة وابنه حسن
وياهم ستي الزهرة الزجيا



على الماشي اسفه على القصور

دموع العراق
06-06-2006, 04:50 PM
شباب ارجوكم لا تخرجون من الموضوع
اسم الموضوع هو ابوذيه بأسماء الاعضاء
فلا تجعلوه فقط ابوذيه
اخواني تعايشو مع الموضوع و كونو كاتبين لا ناقلين

spot_light2005
06-07-2006, 08:11 AM
شكرا الج يا زهرة
عمر ثاني على عمرج لزيد وخلي
من بعدج لعوف الدنيا كلها وخلي
انا ما يوم انكرت ولفي وخلي
واللي نكرني راح يبجي دموم عليه

مع تحياتي اخوكم حسن /الموصل