المساعد الشخصي الرقمي

مشاهدة النسخة كاملة : الاقامه في لندن



alaa733
01-20-2009, 12:04 AM
السلام عليكم.
اخواني الاعزاء . انا عراقي واحمل جنسية احدى الدول الاوربيه واسكن الان في احدى الدول الاسكندنافيه . وارغب الا قامه انا وعائلتي في لندن , لكن ماعندي اي معلومات عن لندن والعيش فيها . فهل تنصحوني بالاقامه فيها . وهل العيش في الدول الاسكندنافيه كالسويد والنروج والدنمارك وفنلندا افضل من لندن ام العكس؟؟
ارجو الافاده من العراقيين المقيمين في لندن فقط!!!! واكون شاكر لكم

المشتاقة لكندا
01-20-2009, 08:09 PM
انتظر حمودي بلكي يفيدك

alaa733
01-21-2009, 08:24 PM
ننتظر حمودي.....................

alaa733
01-26-2009, 07:21 PM
الضاهر هذا المنتدى مايرد على الذكور !!!!
الردود للاناث فقط!!
بس لو اسمي سوسو كان كلهه ردت :confused:

عاشقه الاعظميه
02-18-2009, 06:50 PM
اسلام عليكم

ليلى
02-22-2009, 08:26 PM
؟؟؟؟؟؟؟؟؟؟؟؟؟؟

عيون الرشا
02-23-2009, 07:19 AM
بتصوري الاخوه حمودي او حمدلي هم اكثر يفيدوك بحكم ساكنيين في بريطانيا
تحياتي

Hamadly
02-23-2009, 09:38 AM
والله تعتمد على انت شتريد من لندن
اذا انت من جماعة ال(ديج) يعني البنفت, فلندن تيدك لانه يدفعون بنفت اكثر من باقي الدول
و اذا انت من جماعة الشغل فهمين تفيدك لانه الرواتب هنا اعلى بس ماكو هواية فرص عمل
اما اذا تريد خضار و هدوء و ناس لطيفين فما انصحك بلندن لانه اغلبها اسيوين و سود و اخلاقهم ابد ما حلوة
و الهورنات دك من الصبح لليل تكول كاعد بكراتشي مو بالهند
و الاجيار كلش غالي يعني صح الرواتب زينة بس الايجار غالي
بس مثل ما كتلك اذا انت راتب عل دولة فلندن زينة الك لانه يدفعولك كلشي حتى فلوس دروس تعليم السياقة

sandarella
04-02-2009, 10:58 AM
اني جنت عايشه بلسويد وانتقلت اللندن واشوف لندن حلوه وهوسه بس هوايه تصير شغلات اتذكر بيهه السويد ودلال السويد ومن اهمهه البيوت النظيفه اني يمكن ساكنه باحسن عماره بلندن بس هم بيهه جريديه المدارس مثل مدارس العراق المستوصف احسن من السويد ينطن موعد ثاني يوم بس الاطفال مو ماخذين حريتهم مثل بلسويد بس كاعدين بلشقه ماعدهم هنا باركات قريبه يم البيت لان اكو خطف للاطفال اذا وحدهم لازم تركب حتى تروح المنتزه وياهم الدراسه احسن 3 ساعات مو مثل السويد يهرونه هري اذا عندك سؤال بعد عندي الجواب

ابوذر الغفاري
04-02-2009, 07:05 PM
مشكوره اختي سندرلا على هل معلومات اعتقد ماخليتي شي لا انتي ولا الاخ حمدلي عاشت ايدكم ماقصرتوا

alaa733
04-02-2009, 09:22 PM
مشكور اختى سندريلا على هذه المعلومات..
لكن ودي اعرف الوضع بلندن من ناحيه السكن وسهولة الحصول على سكن , واسعار الايجارت والكهرباء والماء
والاهتمام الصحي ,وتوفر فرص العمل, وطبيعة الشعب البريطاني يعني عدهم عنصريه ضد الاجانب. والمساعدات اللي ينطونهه للعاطلين عن العمل تكفي لو لا ؟؟؟

غرور
04-21-2009, 04:27 PM
اخي علاء اني صارلي 10 سنوات في لندن

يمكن اكدر افيدك ببعض المعلومات


الأيجارات تعتمد على المناطق كلما تقربت من المركز الأجار يكون اغلى

بس اذا انت تجي تاخذ مساعدات ( ديج ) على كولة حمدل طبعا الأيجار راح يكون على حساب الدولة

انطيك مثال بيت 3 غرف نوم وصاله في منطقه عاديه بس شويه قريبه على مركز لندن

والبيت جدا عادي يكون ايجاره ( 1500 )باون في الشهر الواحد . طبعا بسهوله تحصل بيت ايجار موجوده البيوت .

اما مساعدات الدولة للشخص الواحد او 45 40 باون في الاسبوع وللطفل 35 او 30 ايضا في الاسبوع .

من غير الايجار طبعا ( الايجار يندفع غير حساب )

اما الكهرباء والماء ماعندي معلومات سوري بس اعرف الكهرباء غاااالي والغااار غالي والماء وسط عادي تقريبا .


الاهتمام الصحي كلش زين وتمام

وفرص العمل موجوده طبعا بكثره

والشعب البريطاني اللي داخل لندن ماعدهم عنصريه ضد الاجانب ابدا لأن نص ناسهم اجانب بس ممكن غير مدن يكونون عنصرين .

اما بالنسبه لخطف الأطفال اني اول مره اسمع بهجي كلام من الاخت اللي ردت عليك

مسامعه بأي خطف والعياذ بالله .

alaa733
05-03-2009, 08:32 PM
شكرا اختي غرور على هذه المعلومات القيمه

hamoday
05-07-2009, 05:49 PM
حبيبي انطيها الك باختصار

اذا عندك شهاده وخبره وشهاده في مجال علمي تعال الى لندن تعيش ملك
اني صديقي عنده شهاده دكتوراه بالحاسوب راتبه باليوم الف باون

اما اذا انت مجرد يد عامله ما انصحك تجي هسه لانه لندن انترست
ايدي عامله من بولندا ورومانيا بعد دخولها الاتحاد الاوربي وحتى اذا
اشتغلت راتبك الاسبوعي يكون بين 150 باون الى 200 باون

ولندن غاليه اختار مدن اخرى ليدز مانجستر بيرمنكهام بيها عراقين هواي

واذا عندك عائله وتريد تجي يعني عندك بلوه وتحتاج كومه فلوس للبدايه

hamoday
05-07-2009, 05:50 PM
بخصوص الانكليزيات
كلش اوكي ماعدها انت مثل اخويه:D

hamoday
05-07-2009, 05:51 PM
بخصوص الزقنبوت
الاكل الانكليزي يلعب النفس كله بيتيته وفاصوليه ولازانيا

راح تواجه اكبر جاليه وهم الباكستانين وراح تشبع وسخ منهم

hamoday
05-07-2009, 05:52 PM
ثم انت شنو
عندك جنسيه اوربيه لو لاجى لو بطرك الجواز العراقي

hamoday
05-07-2009, 05:53 PM
بتصوري الاخوه حمودي او حمدلي هم اكثر يفيدوك بحكم ساكنيين في بريطانيا
تحياتي

هاي علمودك اجيت رديت على الولد
لو مو انتي جان مارديت الا بالف دولار على الرد الواحد:D

hamoday
05-07-2009, 05:55 PM
اما الكهرباء والماء ماعندي معلومات سوري بس اعرف الكهرباء غاااالي والغااار غالي والماء وسط عادي تقريبا

الكهرباء يوميه تنطفي عدنه في بريطانيا
بس انجر خط مولده من راس الشارع سعر الامبير بالشهر 100 باون:D

خو الماي يوميه ينكطع مما نظطر انجيب سفن اب لغرض الغسل والتشطيف:p

haura
05-07-2009, 06:16 PM
علی اعنادکم احنا بلنرویج المای مالتنه اببلاش

hamoday
05-07-2009, 06:56 PM
علی اعنادکم احنا بلنرویج المای مالتنه اببلاش

وزقنبوت:D

kingnet
05-07-2009, 09:04 PM
حبيبي انطيها الك باختصار

اذا عندك شهاده وخبره وشهاده في مجال علمي تعال الى لندن تعيش ملك
اني صديقي عنده شهاده دكتوراه بالحاسوب راتبه باليوم الف باون

اما اذا انت مجرد يد عامله ما انصحك تجي هسه لانه لندن انترست
ايدي عامله من بولندا ورومانيا بعد دخولها الاتحاد الاوربي وحتى اذا
اشتغلت راتبك الاسبوعي يكون بين 150 باون الى 200 باون

ولندن غاليه اختار مدن اخرى ليدز مانجستر بيرمنكهام بيها عراقين هواي

واذا عندك عائله وتريد تجي يعني عندك بلوه وتحتاج كومه فلوس للبدايه

هاي تفيدني لعد
بس ماعندي دكتوراه :p

ابوذر الغفاري
05-08-2009, 09:38 AM
اشكرك حمودي على المعلومات القيمه

alaa733
06-04-2009, 08:49 PM
شكرا على هذه المعلومات

live
06-22-2009, 09:30 AM
اني اريد ادرس بلندن كم شهر اقوي انكليزتي !!!

ابوذر الغفاري
06-23-2009, 02:28 PM
بالتوفيق

transparent
07-28-2009, 03:13 PM
حمودي مشكور فدتنا حيل بالتوفيق
مبين عليك عايش الوضع الجايف بالعراق فترة (تسحب مولدة من راس الشارع )ههههههههه؟؟؟؟؟؟؟
طيب ممكن تفيدونا بشي
اني طبيب واريد اجي لندن اشتغل شلون وعلى كولت حمودي اني بطرك الجواز العراقي شلون اكدر ادخل الاقامة سهلة لا ؟ دوختو راسي انتو مساعدات معرف شنو ؟؟؟؟
سلام
ابو ذر الغفاري همتك بالموضوع رحمة على والديك

سراوي البصرة
08-28-2009, 11:24 PM
خوية انة عايشة بلبصرة تريد معلومات عن العشار ههههههههههههههههههههه واللة جاية بضاعة عيد تخبل وجم يوم وتنزل بضاعة الدوام يالندن يادنية مو خالصة رواحنة من الحر والضيم وانتم تحجولي بلندن والسويد ايه الحمد اللة على كل حال ههههههههههههههههههههههههههههههه

Caffeine
08-29-2009, 01:33 PM
علی اعنادکم احنا بلنرویج المای مالتنه اببلاش

وزقنبوت:D
هههههههههههههههههههههههههههههههههههههههههههههه

ابوذر الغفاري
08-29-2009, 02:02 PM
حمودي مشكور فدتنا حيل بالتوفيق
مبين عليك عايش الوضع الجايف بالعراق فترة (تسحب مولدة من راس الشارع )ههههههههه؟؟؟؟؟؟؟
طيب ممكن تفيدونا بشي
اني طبيب واريد اجي لندن اشتغل شلون وعلى كولت حمودي اني بطرك الجواز العراقي شلون اكدر ادخل الاقامة سهلة لا ؟ دوختو راسي انتو مساعدات معرف شنو ؟؟؟؟
سلام
ابو ذر الغفاري همتك بالموضوع رحمة على والديك

اهلا وسهلا بيك اخي العزيز وانشاء الله منقصر عليك بأجابه

ابوذر الغفاري
08-29-2009, 02:04 PM
خوية انة عايشة بلبصرة تريد معلومات عن العشار ههههههههههههههههههههه واللة جاية بضاعة عيد تخبل وجم يوم وتنزل بضاعة الدوام يالندن يادنية مو خالصة رواحنة من الحر والضيم وانتم تحجولي بلندن والسويد ايه الحمد اللة على كل حال ههههههههههههههههههههههههههههههه

اهلا سراوي
طبعا البصره حلوه بأهله الطيبين
بس اتعرفين هنا منتدى المغتربين دائما الاعضاء يحاولون ان يستفادون من بعض المعلومات الي ممكن ان تتوفر واحنه انحاول ان نفيدهم قدر المستطاع