المساعد الشخصي الرقمي

مشاهدة النسخة كاملة : الباقلاء بالدهن.. فطور مفضل في الحلة



أنا نجفي
04-02-2009, 08:19 AM
الباقلاء بالدهن.. فطور مفضل في الحلة



لكل مدينة اكلاتها التي تتميز بها والمدن العراقية لها اكلاتها الشعبية أيضاً والتي نادراً ما تخلو منها (صينية العائلة) ومطبخها وتشتهر مدينة الحلة بالباقلاء حيث تزدهر زراعة محصول الباقلاء في المدينة بشكل ملحوظ.

وقد كانت هذه الأكلة تستخدم من قبل العوائل الفقيرة التي تقوم بارسال الخبز في الصباحات إلى صاحب محل الباقلاء الذي (ينقع) الخبز في القدر ثم يخرجه بواسطة (الجفجير) وبعد ان يخرج الخبز من القدر يوضع في الاناء ويتم تقطيعه وتنثر فوقه الباقلاء المسلوقة في نفس القدر بعد ازالة القشور عنها ثم يسكب عليها الدهن الحر أو السمن النباتي الذي يقلى فيه البيض حيث يرفعه صاحب المحل ويضعه فوق الاناء... تقدم أكلة أهل الحلة المفضلة (الباكلة) مع إضافة المشهيات مثل الليمون الحامض والمخللات والبصل ..... ويستذكرأهل الحلة اليوم ما كان قبل أكثر من أربعين سنة تلك العجوز وهي تجلس في نهاية شارع المهدية حيث تأتيها النسوة والاطفال حاملين الخبز إلى حيث تفترش أم (الباكلة) الأرض واضعة قدرها فوق موقد صغير وهي تقوم بوضع الخبز وتخرجه منقوعاً وتضيف إليه الباقلاء فتأخذه ربة البيت لتضيف عليه الدهن والبيض ان وجد ثم تشكل العائلة حلقة بافرادها ليتناولوا الافطار الهني المغمس بالامان وراحة البال حيث القناعة والرضا يتوجان كل شيء. ومن طريف ما يذكره القدماء عن هذه الاكلة ان أصحاب الخبز المنقوع كانوا يتجنبون الاشتباه والخطأ بربط الخبز بخيوط ملونة للدلالة على حصتهم حين تخرج من القدر وسط الزحام فهذا صاحب الخيط الأحمر وذاك الأسود وتلك الاصفر. اندثرت هذه العادات الآن وأصبحت البيوتات تستغني عن هذه الأكلة بالاجبان والقيمر والبيض والكاهي ومن يعجبه ان يستذكر تلك الأيام يشتري الباقلاء ويطبخها أو يستبدل الباقلاء (باللوبيا) لسهولة النضج أو يتجنب الطريقين ويتجه مباشرة إلى محلات بيع الباقلاء بالدهن الحر المنتشرة بالمحافظة ويأكل فيها وجبته الاثيرة هنيئاً مريئاً.. ولا ينسى زوار الحلة الذين يمرون بها من مختلف المحافظات المجاورة ان يتناولوا هذه الأكلة الشعبية في صباحات الفيحاء الهادئة..

-----------------------

ثريد الباقلاء (تشريب باجلا)

المقادير:
باقلاء يابسة منقوعة بالماء خلال الليل
ملح
بصل (اما مقطع شرائح ويؤكل مع الثريد او مفروم ويحمس بالدهن)
زيت اوسمنة (2 ملعقة كبيرة)
خبز تنور
ليمون او نارنج
بطنج يابس ملعقة واحدة

الطريقة :
بعد ان تم تنقيع الباقلاء خلال الليل يتم سلق الباقلاء مع ماء النقع حتى النضوج .
وبعد فترة زمنية معينة مدتها 5 ساعات او اكثر تصفين الباقلاء وتحتفظين بماء السلق ثم تبدأين بالطريقة :
يسخن ماء نقع الباقلاء على النار .
وفي قدر او طاوة على النار تضعين السمنة او الزيت وتحمرين الباقلاء واذا تحبين تستطيعين تحمير البصل المفروم اولا ومن ثم الباقلاء المقشرة والمسلوقة مع اضافة الملح وتقلب لمدة 1 دقيقة ونصف .
في قدر عميق تضعين الخبز المقطع الى قطع متوسطة ومن ثم تضعين ماء السلق الساخن على الخبز وتغمريه به
ثم تضعين الباقلاء المحموسة مع الزيت فوق الخبز واذا كان الزيت قليل ذوبي ملعقة سمنة على النار واضيفيها الى نقيع الباقلاء ثم يرش الجاط بعصير الليمون او النارنج والبطنج .


ملاحظة: بعض الاشخاص يضعون بيض مقلي فوق الثريد اي حسب الرغبة

مروى البابلية
04-03-2009, 07:55 AM
الله عليك اخ عدنان
شنو هاي مااعرف شلون اشكرك
تسلم ياطيب على المواضيع الحلوة
والشرح الي وية الموضوع رائع جدا
شكرا جزيلا حياك الله

المتحدي البابلي
04-03-2009, 03:29 PM
انا نجفي

رائع دائما

والله اطيب اكله هيه

وصحيح عدنا فد مكانات مشهورة في محافظة بابل يتواجد فيها البقلا والدهن

اخي العزيز شكرا لك
نورت قسم بابل

أنا نجفي
04-03-2009, 08:17 PM
الله عليك اخ عدنان
شنو هاي مااعرف شلون اشكرك
تسلم ياطيب على المواضيع الحلوة
والشرح الي وية الموضوع رائع جدا
شكرا جزيلا حياك الله


الله يحييك أختي مراوي الوردة
تسلمين يا طيبة يا اصيلة
دمت بسعادة

أنا نجفي
04-03-2009, 08:18 PM
انا نجفي

رائع دائما

والله اطيب اكله هيه

وصحيح عدنا فد مكانات مشهورة في محافظة بابل يتواجد فيها البقلا والدهن

اخي العزيز شكرا لك
نورت قسم بابل


انتم النور أخي متحدي
والرائعين أنتم
من الأعماق شكري لك

البنت الهاشمية
04-04-2009, 02:29 PM
تسلم اخي الغالي شو هالطبخة الجميلة
الله يهنيكم ويعافيكم .......

أنا نجفي
04-04-2009, 03:43 PM
تسلم اخي الغالي شو هالطبخة الجميلة
الله يهنيكم ويعافيكم .......


تسلمين أختي العزيزة
يالله جربيها وكولينا النتائج
والف عافية مقدما
تقبلي تحياتي

ملاك النجف
04-11-2009, 01:32 PM
انا نجفي هسه اني متت من الجوع
ممكن من فضلك ماعون من هالطبخة الحلوة
وخاصة اذا بايدك
ههههههههههه


جزيل الشكر يا مبدع على هالمعلومات الرائعة المميزة
متألق كالعادة

أنا نجفي
04-12-2009, 06:29 AM
انا نجفي هسه اني متت من الجوع
ممكن من فضلك ماعون من هالطبخة الحلوة
وخاصة اذا بايدك
ههههههههههه


جزيل الشكر يا مبدع على هالمعلومات الرائعة المميزة
متألق كالعادة


اسكتي ملاك
أحنه بالنجف تدرين مو من أكلاتنا الباكلة بالدهن
هاي خليها على اهل الحلة
أحنة علينه الطرشي والفسنجون
تسلمين ملاك

مروى البابلية
04-12-2009, 02:15 PM
انا نجفي هسه اني متت من الجوع
ممكن من فضلك ماعون من هالطبخة الحلوة
وخاصة اذا بايدك
ههههههههههه


جزيل الشكر يا مبدع على هالمعلومات الرائعة المميزة
متألق كالعادة

هههههههههههه سودة علية ملوكة
صملة عليج من الموت
تعالي اتغدي يمنة باجر اسويلج احلى ثريد باكلة بالدهن
او تريكي بكيفج
مثل متحبين
اهلا وسهلا بيج تنورينة;)

مروى البابلية
04-12-2009, 02:23 PM
اسكتي ملاك
أحنه بالنجف تدرين مو من أكلاتنا الباكلة بالدهن
هاي خليها على اهل الحلة
أحنة علينه الطرشي والفسنجون
تسلمين ملاك

هههههههههههههههه
خطية ليش تكلهة سكتي
يعني انتة مو شارح طريقة عمل الاكلة
روح جرب وسويهة وقدملها لملاك
شنو هالبخل هذا :D

أنا نجفي
04-12-2009, 07:35 PM
هههههههههههه سودة علية ملوكة
صملة عليج من الموت
تعالي اتغدي يمنة باجر اسويلج احلى ثريد باكلة بالدهن
او تريكي بكيفج
مثل متحبين
اهلا وسهلا بيج تنورينة;)


هاي العزيمة خاصة بس لملاك
ها مروى
بسيطة ...بسيطة

أنا نجفي
04-12-2009, 07:47 PM
هههههههههههههههه
خطية ليش تكلهة سكتي
يعني انتة مو شارح طريقة عمل الاكلة
روح جرب وسويهة وقدملها لملاك
شنو هالبخل هذا :D


اهلا اختي مراوي الوردة
احنة بخيلين لو اللي يعزم واحد بس من كل المنتدى عالباكلة هاي أولا
ثانيا الاكلة أكلتكم مو أكلتنا
ثالثا يمكن تريدين تحركين ملاك علية
ههههههههههههه

ملاك النجف
04-13-2009, 04:14 PM
هههههههههههه سودة علية ملوكة
صملة عليج من الموت
تعالي اتغدي يمنة باجر اسويلج احلى ثريد باكلة بالدهن
او تريكي بكيفج
مثل متحبين
اهلا وسهلا بيج تنورينة;)

مشكوورة غاليتي ادري بيج متقصرين
وصارت زحمه عليك عدنان هيج تكسر بخاطري؟؟؟

ملاك النجف
04-13-2009, 04:16 PM
ثالثا يمكن تريدين تحركين ملاك علية


أني راح اسويها واعزمج مراوي
وتجين من الحلة للنجف حتى تضوكيها بايدي
ومراح انطي ولا فتفوته للي كسر بخاطري

مروى البابلية
04-13-2009, 09:04 PM
هاي العزيمة خاصة بس لملاك
ها مروى
بسيطة ...بسيطة

هههههههههههههه
لا لالا مو خاصة بس لان هية كالت مشتهية خطية:D
بكيك خير وتدلل اخ عدنان صدك جذب
جنك على باكلة
من عيوني

مروى البابلية
04-13-2009, 09:10 PM
اهلا اختي مراوي الوردة
احنة بخيلين لو اللي يعزم واحد بس من كل المنتدى عالباكلة هاي أولا
ثانيا الاكلة أكلتكم مو أكلتنا
ثالثا يمكن تريدين تحركين ملاك علية
ههههههههههههه

اهلا بيك ياوردة النجف
ههههههههههههه لا عمي انتو اهل الكرم اتشاقى
اولا العزيمة مفتوحة للجميع الدعوة عامة
ثانيا الباكلة موبس اكلتنة
ثالثا والله ماقصدت هيج
اني مااحرك افلام ابدا

مروى البابلية
04-13-2009, 09:14 PM
مشكوورة غاليتي ادري بيج متقصرين
وصارت زحمه عليك عدنان هيج تكسر بخاطري؟؟؟

العفو حبيبتي
هههههههههههه لا خطية لتحرجيه ;)

أنا نجفي
04-14-2009, 11:25 AM
هههههههههههههه
لا لالا مو خاصة بس لان هية كالت مشتهية خطية:D
بكيك خير وتدلل اخ عدنان صدك جذب
جنك على باكلة
من عيوني


تسلم عيونج أخت مروى الوردة
والله ومن أهلها
بس نريد بالدهن الحر!!!
أحلى تحياتي

أنا نجفي
04-14-2009, 11:29 AM
اهلا بيك ياوردة النجف
ههههههههههههه لا عمي انتو اهل الكرم اتشاقى
اولا العزيمة مفتوحة للجميع الدعوة عامة
ثانيا الباكلة موبس اكلتنة
ثالثا والله ماقصدت هيج
اني مااحرك افلام ابدا


شوفي مروى
بسببج زعلت علية ملاك
هاي شسويتي
دزيلي كيمر الحلة بلكي أكدر أراضيها
تحياتي مراوي

مروى البابلية
04-14-2009, 12:02 PM
أني راح اسويها واعزمج مراوي
وتجين من الحلة للنجف حتى تضوكيها بايدي
ومراح انطي ولا فتفوته للي كسر بخاطري

اي يلة عفية بالشطورة
بس لا خطية هم لازم ننطي شوية
عيب ميصير كتب الاكلة وتعب بشرحهة
وبعدين منريد يكولون علينة بخيلات
ان شاء الله من نجي للنجف للزيارة اكلج;)

محبة العراق ونوري المالكي
04-14-2009, 12:27 PM
مشكورررر على هيج وصفه

مروى البابلية
04-14-2009, 02:54 PM
تسلم عيونج أخت مروى الوردة
والله ومن أهلها
بس نريد بالدهن الحر!!!
أحلى تحياتي

انتة السالم
ولو مااحب الدهن الحر
ولكن لخاطركم
سهلة تدللون
غالي والطلب رخيص
وتحياتي ارسلهة الكم وبالدهن الحر همينة;)

مروى البابلية
04-14-2009, 03:03 PM
شوفي مروى
بسببج زعلت علية ملاك
هاي شسويتي
دزيلي كيمر الحلة بلكي أكدر أراضيها
تحياتي مراوي

ههههههههههههه
لا اني شعلية
انتة الي زعلتهة
اي ريوك كيمر وغدة باكلة تدللون انتة وياهة
كلشي ولاملوكة تزعل
وتحياتي القيمرية لحضرتك:D

ملاك النجف
04-14-2009, 08:25 PM
شوفي مروى
بسببج زعلت علية ملاك
هاي شسويتي
دزيلي كيمر الحلة بلكي أكدر أراضيها
تحياتي مراوي


اذا زعلت على عدنان اعوف المنتدى
والنجف كلها
مشكوور يالغلا كلامك العسل احلى مراضاة الي;);)
تسلملي يا غالي
ربي ميحرمني منك ابد
وخلينه نعزم مروى على عزيمة نجفية

ليلى
04-14-2009, 08:28 PM
ممممممممممم اشتهيته

الوالد الله برحمه كان يحبها لهذه الاكلة

أنا نجفي
04-14-2009, 08:37 PM
ممممممممممم اشتهيته

الوالد الله برحمه كان يحبها لهذه الاكلة


ليلى هاي يم مروى البابلية
الله يرحم الوالد
تحياتي

مروى البابلية
04-15-2009, 09:09 AM
اذا زعلت على عدنان اعوف المنتدى
والنجف كلها
مشكوور يالغلا كلامك العسل احلى مراضاة الي;);)
تسلملي يا غالي
ربي ميحرمني منك ابد
وخلينه نعزم مروى على عزيمة نجفية

شوف طلعت ما زعلانة عليك
شكرا الكم خجلتنوني
تسلمين ياوردة:rose:

مروى البابلية
04-15-2009, 09:19 AM
ليلى هاي يم مروى البابلية
الله يرحم الوالد
تحياتي

هههههههههههههه
شو صارت يمي
عمي بيكم خير وتدللون
عزمتك وعزمت ملاك
بقت على ليلى تدلل حبيبتي لولة

أنا نجفي
04-15-2009, 01:42 PM
هههههههههههههه
شو صارت يمي
عمي بيكم خير وتدللون
عزمتك وعزمت ملاك
بقت على ليلى تدلل حبيبتي لولة


مروى
يمكن هاي عزيمتج راح توصل أعضاء المنتدى كلهم
يالله سويهه عزيمة جماعية
وأني مستعد أساعدج
مروى كدها وكدود
تحياتي

مروى البابلية
04-15-2009, 02:46 PM
مروى
يمكن هاي عزيمتج راح توصل أعضاء المنتدى كلهم
يالله سويهه عزيمة جماعية
وأني مستعد أساعدج
مروى كدها وكدود
تحياتي

هههههههههههههههههه
هوة انتة سوي وصفات للاكل
والتحضير تذبة براسي:D
بس سؤال كلي اذا تعزم المنتدى كلة
بيش راح تثردلهم حتى الطشت ميكفي:confused:
بس انتة تساعدني اوكي
الله يسلمك بس حباب لتسوي وصف اكلات بعد:rolleyes:
وتحياتي لحضرتك

حامد الناصري5
04-17-2009, 01:40 PM
شكرا الك يامراقبة رائعه

مروى البابلية
04-18-2009, 04:17 PM
شكرا الك يامراقبة رائعه

عفوا اخ حامد
اهلا وسهلا بحضرتك
بس الشكر لازم تقدمة للاخ النجفي
نورت بمرورك

أنا نجفي
04-19-2009, 08:17 AM
هههههههههههههههههه
هوة انتة سوي وصفات للاكل
والتحضير تذبة براسي:D
بس سؤال كلي اذا تعزم المنتدى كلة
بيش راح تثردلهم حتى الطشت ميكفي:confused:
بس انتة تساعدني اوكي
الله يسلمك بس حباب لتسوي وصف اكلات بعد:rolleyes:
وتحياتي لحضرتك


يالله نتفق
علية وصفات الأكل
وعليج الطبخ والتحضير
يمعودة هسة انتي احتاريتي بالمواعين سهلة مروى
تسلمين مراوي الوردة

مروى البابلية
04-19-2009, 09:50 PM
يالله نتفق
علية وصفات الأكل
وعليج الطبخ والتحضير
يمعودة هسة انتي احتاريتي بالمواعين سهلة مروى
تسلمين مراوي الوردة

هههههههههههههه
شلون اتفاق هذا
مابيه انصاف
انتة شكو عليك
كلشي عندك سهل:D
انتة السالم اخوية
بيك خير وادلل

أنا نجفي
04-20-2009, 03:55 AM
هههههههههههههه
شلون اتفاق هذا
مابيه انصاف
انتة شكو عليك
كلشي عندك سهل:D
انتة السالم اخوية
بيك خير وادلل


مروى
مو هوة هذا الواقع بالعراق
النساءعليهن الطبخ والرجال عليهم ياكلون
واذا موطيب الأكل ياويلهن
بس آني متأكد أكلج طيب
لأن أعرف الحلاويات نفسهن طيبة
تحياتي

مروى البابلية
04-20-2009, 06:58 PM
مروى
مو هوة هذا الواقع بالعراق
النساءعليهن الطبخ والرجال عليهم ياكلون
واذا موطيب الأكل ياويلهن
بس آني متأكد أكلج طيب
لأن أعرف الحلاويات نفسهن طيبة
تحياتي

اي والله صحيح
بس اكو بعض الرجال يعرفون يطبخون واحسن من النساء همينة
الله يسلمك هذا من ذوقك
صاحب القلب الطيب والكريم يرى الناس طيبين
دمت بود اخي العزيز

سماره البابلية
07-12-2009, 04:08 PM
الله شكرا لك على الاكلة اموووووووووووووووووووت عليها
اني والله ذكرتنا بيها

جوجو الحلاويه
07-12-2009, 05:00 PM
الله والله شهيتني صحيح هي كلش طيبه
تسلم علموضوع الجميل
عاشت الايادي

أنا نجفي
07-18-2009, 03:51 AM
الله شكرا لك على الاكلة اموووووووووووووووووووت عليها
اني والله ذكرتنا بيها


سمارة
الف عافية
بس اتذكريني الله يخليج من تاكلين باكلة بالدهن
لأن اني نجفي واحبها
تحياتي

أنا نجفي
07-18-2009, 03:52 AM
الله والله شهيتني صحيح هي كلش طيبه
تسلم علموضوع الجميل
عاشت الايادي


تسلمين جوجو
أكيد راح تسويها الاكلة بس لتنسينا حبابة جوجو
تحياتي