انظموا الی مجموعه منتديات العراق بالفيس بوک  

 

- الإهدائات >> alamer الي أحبابي في منديات العراق : مرحبا.. يارب تكونوا بخير جميعا. احمد ماجد الهاشمي الي احبتي : دمتم في حفظ الله ورعايته احمد ماجد الهاشمي الي احبتي : سلام عليكم ارجو ان تكونوا بخير احمد ماجد الهاشمي الي احبتي : سلام عليكم ارجو ان تكونوا بخير احمد ماجد الهاشمي الي احبتي : سلام عليكم ارجو ان تكونوا بخير

النتائج 1 إلى 3 من 3

الموضوع: صلاة وذنوب

  1. #1
    تاريخ التسجيل
    Mar 2009
    الدولة
    العراق
    العمر
    49
    المشاركات
    30,090
    مقالات المدونة
    1
    معدل تقييم المستوى
    188564

    افتراضي صلاة وذنوب

    صلاة وذنوب

    -------------
    لا بهواي
    لا تشره
    سفين الشوگ ماوچه بشريعه
    و لا صفنله شراع ,
    و انت الروج أهيسك تطفح بدمي
    و جرفينك نبض ما منه الك مطلاع ,
    و جروحي اعله مد الشوف
    نبعن أوف
    و يرشن شواطي محبتك نعناع ,
    وج روحي
    و أخذ عطاب
    يومي لكل جرح يحدي بونين وداع ,
    يالذچرك ترافه ملحه بشوكَي
    صرت طوكَي
    حجل دنياي
    معضدهه
    و كلايدهه
    وضوه أحلامي و ربيع الكَاع ,
    لا تظلم ، ولا تشمس
    لا تمحل ، و لا تربع
    و لا تنشره ، و لا تنباع
    حيره و رافكَت روحي اعله درب الضاع والماضاع ,
    و فراكَك سبوگ مرسن بصبرين
    ما بين الكَلب والعين
    صبر مناطري وصبر الجروح اوساع ,
    ناحر بالعمر محمي لبهاگ الشيب
    لا نخوه التنحره
    و لا كَصر مصراع ,
    و انت بها وكت وتغيب ؟
    هاكَد ؟
    ها بعد ؟
    بعد الجنح للطير
    ما دگ ريتي وحاتك نفس للغير
    لا زرع المحنه يحصده غير ذراع ,
    منت لروحي يحبيب
    هواهه
    و زادهه
    و ميهه ,
    تريد دموع ؟
    ادمع لك
    و لو ما تجسر دموعي اعله عيني
    و حسنك اصبيهه,
    ردتني ضلوع ؟
    أضلع لك
    و لو ما توسع ضلوعي لهواك
    شما كسر فيهه ,
    ردتني شموع ؟
    أشعشع لك
    و لو شوكَي اعله شوفك نار
    ما يچهب شمس ضيهة ,
    ردت و شما ردت و يهون
    ترمد للشماته عيون
    لو رديت الديره الحنينه و يبتشر حيهه
    يوين مروتك حيهه ,
    رضت روحي بچثيرك خايب اشسويت
    نايم بالبراد و تكَطع اشويهه ,
    و إهي لحبك صحو و مبيات
    ما ظنيت
    يالحتى الخشب منك تكذل
    للدرب ضويات
    ما ظنيت
    و انت الشكفن عيونك وميض النار خزامات ,
    ظني البيك
    طير يونسك مناغاي
    و يسكنن جناحينك علينه افياي
    لو نعطش يتبعن ماي
    ما ظنيت عمري يظل مراح وياك
    تسرح بيه و تروّح خزلة الشوغات ,
    و آنه وياك يشكَر
    مرصعه و شارك
    أدور بنسمة الهلبت
    و اطيح بلفحة الهيهات ,
    و شما حسبيت أنساك
    أنسه المستحه من الناس
    و اتمنى الهوى لجياتك مرايات ,
    وك لو حبك محيبس
    لرج رمضان وأهله
    و حيل أصيحن بات ,
    لاچن لو وصل علمك
    على لسان الشماته
    اهواي كَالوا مات ,
    أبرد الويل
    اطش الهيل
    أرد كَحيل
    أصيحن حيل
    يالشامت
    دريسه مروة الشمات ,
    روح هواي
    ثيله تحشهه وتنبع
    روح هواي
    ريحه بكل نفس تربع
    روح هواي
    نجمه بكل سما ترصع
    روحه و لا تكَولش روح
    لوله الموت مرهه اتورشعه اتورشع
    يوَانت هواي
    و انت و لا يحرچك هم ؟
    و لا عالضيم تتشيم ؟
    و لا تسهر ؟
    ولا تهتم ؟
    و لا طيفي اعله عينك مر ؟
    و انا اللو غمضت عيني
    اعله كل ما بيك تتلملم
    و أود اعبر زفافي وياك
    لو حتى اعله روج الدم
    و أود
    لو أيست هينوب
    تخطر بالمچان الچنه بيه نحلم
    و أشوفك من بعيد بعيد
    لا أحزن و لاني بعيد
    و اعله مكابري اتلزم
    و اكَل للروح لو زهكَت
    بروحي الما ينوش الماي يتيمم
    و لا مامش
    يتيمم ولا مامش
    _____


    الشاعر اسماعيل محمد اسماعيل

    --------------------------------------
    خـــير الــناس مــن نـــفـع الـــناس

    ( أبــو غـيــث )

  2. #2
    تاريخ التسجيل
    Oct 2011
    الدولة
    العراق
    المشاركات
    16,740
    مقالات المدونة
    5
    معدل تقييم المستوى
    61502

    افتراضي رد: صلاة وذنوب

    حيره و رافكَت روحي اعله درب الضاع والماضاع

    كلمات تلامس القلب احسنت الاختيار استاذ باسم


    Life is beautiful, if you just kept looking to the bright side of it

  3. #3
    تاريخ التسجيل
    Mar 2009
    الدولة
    العراق
    العمر
    49
    المشاركات
    30,090
    مقالات المدونة
    1
    معدل تقييم المستوى
    188564

    افتراضي رد: صلاة وذنوب

    جزيل الشكر والتقدير لحضوركِ اللمميز اخت رزان
    تحياتي ,

    --------------------------------------
    خـــير الــناس مــن نـــفـع الـــناس

    ( أبــو غـيــث )

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •