كبة حامض من ايدي لعيونكم...بالصور
اليوم سويت كبة على طريقة ام زينب وان شاء الله تعجبكم والف عافيه مقدما
مقادير الي اني سويتها
كوبين برغل
كوبين سميد
راس بصل كبيره
شويه كرفس
لحم مفروم للحشوه( ما قسته)
بهارات على حسب الذوق
سيليري ستيكس
فاصوليا خضراء، طازه او معلبه
معجون طمامه
قليل من الليمون دوزي
قليل من الزيت
على الله ماكو نسيت شي
تغسلين البرغل وخليه عليه شويه ماي غطيه وخليه على صفحه
تفرمين اللحم والبصل والكرفس وغسليهم
خليه اللحم على النار على الى ان ينشف الماي منه وضيفي علي البصل والكرفس والبهارات والملح ومن يخلص خليه بالثلاجه الى ان يبرد
بجدر كبير شويه خليه ماي وشويه ملح وليمون دوزي وخليه على النار من يغلي ضيفيله شويه زيت مع معجون طماطه
اقطعي السيليري ستيكس الى قطع صغار وضيفه الى الماي المغلي، طبعا هذا حسب الذوق انتي تقدرين تضيفين اي خضراوات على حسب الرغبه
جيبي البرغل وهسه يكون شرب الماي الزايد عليه و صار ناعم، ضيفي عليه شويه ملح واعجنيه هسه من غير ما تضيفي عليه السميد الى ان يتماسك شويه
هسه ضيفي عليه السميد واستعملي ماي مع ايدج واعجنيها الى ان تصير عجينه متماسكه
سويه منه دوائر صغار كما في الصوره
احشيها بالحشوه حسب ما في الصوره، تقدرين تسوينها على شكل بيضوي اذا تحبين
ملاحظه من تخلين الكبه بالجدر لازم الماي يكون يغلي حتى الكبه لا تنفتح
الان اذا كان الفاصوليا الي تستعمليه معلبه خليها اخر شي لان هي ال ريدي مستويه
حركيها على مهلك حتى لا تنفتح
وخليها الى ان تستوي
وهذا الشكل النهائي والف عافيه
تحميل الصور اخذ منى وقت اكثر من عمل الكبة
رد مع اقتباس
المشاركة الأصلية كتبت بواسطة hamoday
مواقع النشر (المفضلة)