انظموا الی مجموعه منتديات العراق بالفيس بوک  

 

- الإهدائات >> حسين الجنوبي الي الي : السلام عليكمورحمه الله وبركاته جميعا Clear Sky الي *_* : صبــاح الخير والعافية ... wissam liver الي للاعضاء الكرام : السلام عليكم جميعاً عساكم بخير باسم الحساني الي كل الطيبين : صباحكم سرور وسعاده واخوة ومحبة وصداقه وامن وامان ولا سد الله باب قصده بخير في وجه احدا منكم تحياتي للجميع الفتاه الخجوله الي اهداء لشخص : السلام عليكم اني حابه اعتذر لشخص صار بينه سوء تفاهم وماريده يشيل بكلبه حقد عليه

النتائج 1 إلى 8 من 8

الموضوع: ابوذيات في حق اهل البيت عليهم السلام

  1. #1
    تاريخ التسجيل
    Jan 2007
    الدولة
    اعيش في قلب ذي قار
    المشاركات
    4,884
    معدل تقييم المستوى
    4131

    افتراضي ابوذيات في حق اهل البيت عليهم السلام

    اروع الابوذيه هي حق اهل البيت عليهم السلام الى شاعرنه والرادود الكبير جابر الكاظمي




    في مدح أمير المؤمنين علي بن أبي طالب (عليه السلام)

    نفوس اهل الضغاين من فتاها

    وفــتوات الملاحـــم مــن فتاها

    أنـــشـــدك عن الامه من فتاها

    ويـــا هــو الرفع رايتها العليه

    * * *


    في مصاب الطاهرة فاطمة الزهراء (عليها السلام)

    مضـــرار الـــدهر للــزهره ولاهي

    وگـلــبــها حگـه لو يــجزع ولاهي

    لا هي الحــظت بالـــهادي ولا هي

    تخلصت مــــن افـــعال الجــــاهليه

    * * *


    في مصاب الإمام الحسن بن علي (عليه السلام)

    فـــرح ما شفت طول العـــمــر بسـهام

    ومســـيل الدمع ظل يــسيل بـــســـهام

    الحســـن نعشه وسافه انرمــه بسهام

    ومنعــــوا دفــــنه يــــم ســيـــد البريه

    * * *


    في مصاب الامام الحسين بن علي (عليه السلام)

    العـــلـه عــاف العله شانه ورحلك

    وزمانك ما صـــفــه ساعه ورحلك

    تــگـــطَّع جســـمك الطاهر ورحلك

    تـــوزع شـــمله مـــا بـين آل اميه

    * * *


    ندبة للامام الحجة بن الحسن (عجل الله فرجه)

    يـــبو صالـــح نـجومك علن وفلان

    احــــل ويــــاك حبــل العتب وفلان

    دينــــك طـــاح بيــــن فــلان وفلان

    انـــوله لاچــن ولـــوه اشلون وليه

    * * *

    دليـــلي ابسـهم يبن الحسن مرمي

    وعليك الدمـــع دم ايــســيل مرمي

    ديـــنــك بيــــن هـــذا وذاك مـرمي

    اجـــنـــازه ابلا أهـــل ظـــلت رميه

    * * *


    خطاب العقيله زينب لاخيها العباس (عليه السلام)

    الــگــلب بـــالعزم صبــرته ومنته

    وفرشته اعله الترب يـــمك ومنته

    منته الكـافــــــل ظعـــوني ومنـــته

    الجبتني وياك ليـــش اگــطعت بيه

    * * *

    اهمومي هموم فوگ الگلب منتل

    وســــبّاح الـــدلـــيل إعــليك منــتل

    گـــوم ارجــعــنه يـــا عباس منـتل

    جبــتــــنه ويــاك لـرض الغاضريه

    * * *

    الـــدهر شتـــت شـــملنه بالظعينه

    ودلـــيــلي سيـــوف اميه بالظعينه

    وســافه الــشــمر يحدي بالضعينه

    وابـــو فــاضـل عــلى الغبره رميه

    * * *

    يعــــباس اســتــمع عـتب ولا ماي

    غـــريــبه وزادت ابفگدك ولا ماي

    مهــجــنه بالعـطش تلهب ولا ماي

    يخـــمد جـــمر لــوعتــــنه السريه

    * * *


    عن لسان حال الصابره ام البنين (عليها السلام)

    الـــليالي ما اصــدلهن ولا عــــون

    دعـتني لا ضمد عندي ولا عــــون

    لا عـــباس لا جعــــفر ولا عــــون

    ولا عثـــمــان كـــلها اگــطـعت بيه

    * * *


    خطاب زينب لأخيها الحسين (عليه السلام)

    يـــبو الـــسـجاد گلي شصار وجره

    أهــيّــس نــار حـــدر الظـلع وجره

    يگـــلــها الطفـــل دمـه سال وجره

    رضـــيــع وفــطــمته سـهام المنيه

    * * *


    عن لسان حال ام كلثوم في غربتها

    رهــــيــف العــسر لظلوعي حدبها

    وشبيه الگوس والحـــاجب حـدبها

    الظعاين عگـــب حـــاديها حدبـــها

    الشمـــر وايـشومر ابسوط الرزيه

    * * *


    لسان حال الامام زين العابدين (عليه السلام)

    اون ونحـــب وانـوحن وحن ويهاه

    على الراح وچـــبـدتي ابنار ويهاه

    الي والد شــبــيــه البـــدر ويـــهاه

    الـبـدر عجـــبه ايــتوسد عــالوطيه

    * * *


    في شجاعة مسلم بن عقيل (عليه السلام)

    بـــنه بـــيت العـــزم سيفه وحيفاه

    عجيد ويدوي بالـكـــوفه وحيــــفاه

    اخـــذ مـــن الخــصم حگـه وحيفاه

    وغـفـت عــينه على سروج المنيه

    * * *


    خطاب سكينه بنت الحسين (عليه السلام) مع عمها العباس (عليه السلام)

    لســـاني يلـهج باسمك ورديت

    وعساني مثـــلك اتوذر ورديت

    اجيـتك للنهر انحــب ورديـــت

    خفــــت لــن النهر يشتمت بيه

    * * *


    خطاب الرباب لولدها عبد الله الرضيع

    ضمـــيري ابكعـــبة المحنه يطفلي

    ومهجتي من تشـــب دمعي يطفلي

    آنـــه امـــك واهـــز مهــدك يطفلي

    نســـيـت امصـــوب ابـسهم المنيه

    * * *


    خطاب رمله لولدها القاسم بن الحسن (عليه السلام)

    يجـاسم يـــبني حيلي عليك دمعاي

    ودلـــيلي بــالنحب والـنوح دمعاي

    اشلون اصبر وانشّف سيل دمعاي

    وشفـــت دمــك يسيل اعله الوطيه

    * * *


    خطاب ليلى لولدها علي الأكبر (عليه السلام)

    راســـي علـيك يالاكبر يشبلاي

    وجمر فگـــدك ابدلالي يشبلاي

    لوين أبعدت عــن امك يشبلاي

    وعفتني بالغـرب واگطعت بيه

    * * *


    خطاب الطفله العليله لدار الاهل والاحبه بعد الفراق

    الفـــلك مـــا يعتدل بالعكس يا دار

    ولا ينشف دمـــع عــيـــناي يا دار

    يــــدار الاهـــل اهــلـچ وين يا دار

    گـــولـــي ولا تــخــليها خـــفــــــيه

    * * *


    جواب الدار لها

    يــــهالتنشد عـن اهلي وين ماوين

    تعنّوا كـــربـــله والظـــعن مــاوين

    اشـــتــظن گـلبي عليهم ابد ماوين

    يون وينوح كـــل صــبح ومـــسيه

    * * *


    خطاب الطفله حميده مع والدها مسلم بن عقيل (عليه السلام)

    زمـانــي عگـب عينك سلمتني

    او راحـــات النــوايب سلمتني

    رحــت عــدمن يـبويه سلمتني

    يــتــيمه ويـا شهم وصيت بيه

    * * *
    مع تحيات اختكم baedar
    عراقيـــــــــــــــــــه وبس

  2. #2
    تاريخ التسجيل
    Dec 2007
    الدولة
    كُنه ملاذه
    العمر
    34
    المشاركات
    1,188
    معدل تقييم المستوى
    598

    Wink رد: ابوذيات في حق اهل البيت عليهم السلام

    عاشت يمناج يا خيتي عالابوذيات ,,,روعة وربي.
    مشكورة,عالتعب بحق ال البيت ,وماجورة ان شاء الله .
    اختج
    ساندرا

    سأُحيك شباكي بصيف العـراق
    وادلو فراشات شوقي عاريات الدفء في فرات
    وارى الشمس بثغر ضحوك تلاعب الغيوم
    انها بوادر السلام في اراض السلام

    ساندرا ~ سماء زرقاء

  3. #3
    تاريخ التسجيل
    Oct 2007
    الدولة
    لبيــــــــــــــك يآحُسين
    المشاركات
    16,659
    مقالات المدونة
    2
    معدل تقييم المستوى
    56491

    افتراضي رد: ابوذيات في حق اهل البيت عليهم السلام

    احسنتِ اختى الكريمه

    "بيادر"

    على الابوذيات الاكثر من رائعه

    تحياتى



    ( اللهم انصر جيشنا الباسل على مجاميع الارهاب الكافره )

  4. #4
    تاريخ التسجيل
    Jan 2007
    الدولة
    اعيش في قلب ذي قار
    المشاركات
    4,884
    معدل تقييم المستوى
    4131

    افتراضي رد: ابوذيات في حق اهل البيت عليهم السلام

    اقتباس المشاركة الأصلية كتبت بواسطة ساندرا مشاهدة المشاركة
    عاشت يمناج يا خيتي عالابوذيات ,,,روعة وربي.
    مشكورة,عالتعب بحق ال البيت ,وماجورة ان شاء الله .
    اختج
    ساندرا
    تسلمين حبيبتي على المرور نورتي الابوذيه تقبلي تحياتي اختج بيادر
    عراقيـــــــــــــــــــه وبس

  5. #5
    تاريخ التسجيل
    Jan 2007
    الدولة
    اعيش في قلب ذي قار
    المشاركات
    4,884
    معدل تقييم المستوى
    4131

    افتراضي رد: ابوذيات في حق اهل البيت عليهم السلام

    اقتباس المشاركة الأصلية كتبت بواسطة عماد البحري مشاهدة المشاركة
    احسنتِ اختى الكريمه

    "بيادر"

    على الابوذيات الاكثر من رائعه

    تحياتى
    تسلم اخي عماد والله نورت الابوذيه تحياتي الكم خويه واشكر مرورك
    عراقيـــــــــــــــــــه وبس

  6. #6
    تاريخ التسجيل
    Mar 2007
    الدولة
    سماء الإبداع
    المشاركات
    3,076
    معدل تقييم المستوى
    8827

    افتراضي رد: ابوذيات في حق اهل البيت عليهم السلام

    أحسنتِ بيادر
    خير ما انتقيتي
    للمشاركة في هذه المناسبة
    عظم لكم الأجر والثواب






    شكرا غرور على التوقيع

    هيبة منتدى الشعر والادب
    بكسل الملاكم الشرس
    .
    .
    .

  7. #7
    تاريخ التسجيل
    Jan 2007
    الدولة
    اعيش في قلب ذي قار
    المشاركات
    4,884
    معدل تقييم المستوى
    4131

    افتراضي رد: ابوذيات في حق اهل البيت عليهم السلام

    اقتباس المشاركة الأصلية كتبت بواسطة بكسل مشاهدة المشاركة
    أحسنتِ بيادر
    خير ما انتقيتي
    للمشاركة في هذه المناسبة
    عظم لكم الأجر والثواب
    مشكور اخي على المرور وعلى الرد الجميل تحياتي اختكم baedar
    عراقيـــــــــــــــــــه وبس

  8. #8
    تاريخ التسجيل
    Aug 2008
    المشاركات
    44
    معدل تقييم المستوى
    0

    Arrow رد: ابوذيات في حق اهل البيت عليهم السلام

    اللهم صل على محمد وال محمد وعجل فرجهم
    موفقين لكل خير
    في ميزان اعمالكم

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •