كعك ابو السمسم لعيونكم

[ghosit]

طبعا اعرفكم ابنفسي اني وائل مو الشيف حمودي هوايتي المطبخ مو اغسل مواعين بس احب اطبخ
عمومااليوم اسويلكم كعك ابو السمسم واليكم المقادير
4كوب طحين
نص كوب سمن
1كوب سكر
حليب
سمسم
امونيا
طبعا الامونيا موجوده بلافران

تخلط المواد ماعدا السمسم وتعجن بلحليب الما اتصير عجينه عاديه ومتماسكه
تترك5دقائق وتشكل بلشكل الي يعجبكم ويغمس بلسمسم من الجهتين
ويوضع في صينيه مدهونه
ويخبز بدرجه حراره180 المده نص ساعه او اقل تقريبا
وبلعافيه

[غيورة]

شكله لذيذ


شكررررررن

[haura]

امونيا
طبعا الامونيا موجوده بلافران

من وین نجیبه یعنی

لان کلش احب کعک ابو السمسم لازم اسویه

[haya]

الف شكر بس شنو الامونيا ما الها اسم ثاني او ممكن الاستغناء عنها لان مدا اعرفها او اكو بديل والف شكر مره ثانيه

[ghosit]

من وین نجیبه یعنی

لان کلش احب کعک ابو السمسم لازم اسویه

الامونيا هي سر نجاح الكعك موجوده عند الافران الي اتسوي خبز
انتو اهلكم وين علمود ادزلج اشويه

[ghosit]

الف شكر بس شنو الامونيا ما الها اسم ثاني او ممكن الاستغناء عنها لان مدا اعرفها او اكو بديل والف شكر مره ثانيه

لاوالله ماكو بديل بس احنه نشتريهه من افران الخبز
تحياتي الج

[ghosit]

شكله لذيذ


شكررررررن

بلعافيه اخذي الماعون بلعافيه الكعك مو الماعون

[haya]

يعني هذا باي افران بالعراق لو باوربا واذا بالعراق هو نفس الاسم باروبا حتى ندور عليه
والله دوختنه الامونيا بس لازم اوصللهاواعرف شنو هي

[dudi]

يمكن قصدة بيكربونات الصوديوم

[ghosit]

يمكن قصدة بيكربونات الصوديوم

لاوالله هيه نوع من انواع الباكنك باودر واسمهه امونيا تختلف عن بيكاربونات الصوديوم
تحياتي الج