الحلوة التركية......
قوة شبابوبنات
شلوونكم عساكم بخير انشالله
امس كليت حلوة ما من بعدها حلاوة.... هذي اسمها (نزيك) أو (nazich)باللهجة التركية
هذي كنا ناكل منها بايام الدراسة (بتركيا) وهي بس يسوونها بالشتاء وفعلا طعمها حيل حيل حلو قبل امس دق علي رفيجي وزميل الدراسة من البحرين..وذكرني الحلوة (نزيك).... بصراحة اشتهيت لها من تذكرتها وسالت رفيجي وتاكد منه طريقة التحضير ....
طبعا طلعت الجمعية و يبت الاغراض المطلووبة وعلمت خدامتنا بالمقادير والطريقة... ومن حسن حظي يت بيتنا بنت خالي (زينب)ودرت بالسالفة وقالت انها اهي بتتولى تحضيرها.... وقعدنا انا وزينب وأمي بالمطبخ ومن خلصت و تجهزت .... وبردت شوي.... كليناها وكان طعمها فعلا حلو وايد وايد......
اقولكم شلوون تسوونها
المطلووب :
2 ليتر حليب
12 بيضة
ربع (جلاس ماء) سكر أو ثلث جلاس
مكسرات فستق لوز ..الخ ان وجدت .. او على حسب المطلووب
طريقة تحضير:
سهلة جدا جدا ..ولكنها تحتاج الى قليل من الوقت
اولا .. اخلطي الحليب مع البيض في وعاء واحد.... ثم اضيفي السكر (على حسب الكمية المطلووبة ..ويجب ان لا تقل عن ربع جلاس ) واستمري بالخلط الا ان ينسجم البيض بالحليب
وينحل السكر فيه
ثم بعد ذلك ضعيه على النااار واحرصي على ان تفركيه الي ين يتبخر الحليب ويتحول لوون الخلييط الي سكري ومن ثم الى ادعم فاتح ( بني فاتح) ... اضيفي المكسرات الي الخليط و احرصي على ان تفركي بالخليط الي ان يتيبس قليلا.. ثم افرغيه في صحن كبير ...
وانتظر الا ان يبرد قليلا.. و من يصير شوي يابس بيصير زاهب للاكل
وعليكم بالعافية
بس لا تنسوني وانتوا تاكلوونها
وربي يدوووم الحلوة .... بحلاوتها العمر كله
أخوووك مشوووري احمد,الكويت
رد مع اقتباس
بس هم كانت حلوة .
... وبالعافية مقدما
مواقع النشر (المفضلة)